$$$ ملف كامل وشامل لتجاربنا مع دكاترة مستشفى الصباح$$خلوه مرجع لنا نستفيد ونفيد حياكم

[haninoooo]

مشكوووووووره هنينو على هالموضوووووووووووع اللي راح يفيد وايد بنات

انه بعد كنت بجر وحامل بتوام وحدي خايف وذبحني التفكير والتردد بين الخاص والحكووووووومه

ودكتورتي قالتلي اذا يتلج الولاده وانتي ما دخلتي التاسع سيده روحي الحكومه لاتيين الخاص

المهم انه صارت ولادتي بظروف مفاجأه ومومتوقعه كنت بروحي وبظرف دقايق انه بغرفه العمليات لا واسطه ولا يحزنون

والله العظيم وبفضل ورحمه من الله اول ما دخلت 5 دكاتره ناطريني بغرفه العمليات 2 حق الأطفال و2 حقي وواحد مال التخدير

وغير ستاف كامل من السسترات والممرضين قسما بالله دللوني ودلعوني واهتموا بنفسيتي قبل كل شي

شافوني ابجي واطقطق من الخرعه لن محد معاي ولا احد يدري اني بولد غير ريلي ودموعي تصب صب

مارضوا يولدوني ولا يسون شي الا بعد ما عطوني الموبايل بغرفه العمليات وخلوني اكلم اهلي واطمنهم

وقعدوا يسولفون معاي ويتغشمرون ودكتور التخدير يقولي انتي امانه عندي صدقيني ووعد مني ماراح ااذيج او اضايقج باي شي ولاراح تحسين بشي

خليج واثقه فيني وتوكلي على الله

والحمدلله الف حمد وشكر اول ما طلعو البيبيات لفوهم وحطوهم على صدري وقعدوا يباركلولي وفرحانين بيبياتج حلوين وونسووني

ولا تحاتينهم بناخذهم ونهتم فيهم اكثر منج

والله لو اوصفلكم معاملتهم كانت خياليه ربي سخرهم لي

وطول فتره وجودي بالمستشفى مهتمين فيني ومو خلين علي قاصر اللهم ان مستوى الغرفه والحمام يلوعون الجبد

بس مهتمين فيني حيل قوموني ومشوني بعد العمليه غصبن علي ودخلوني الحمام وكل شوي يعطوني مسكنات وينظفون ويعقمون الجرح

وبالنسبه للإهتمام بالبيبات جزاهم الله كل خير والله ما ابلغ اهتموا في الخدج اهتمام خيالي خاصه بعد ما فتحوا مركز غنيمه الغانم للخدج
وبالنسبه حق الخياط تذكرين هنينو اني كنت متضايقه من سالفه التدبيس لما سالت دكتوري اللي ولدني اول ما دخلت عليه

قتله ليش سويتلي هالطريقه؟؟تتوقعين شنوو قال؟؟










قال انتي اللي يبتي توام عدل؟؟استغربت اشلون تذكرني وانه والده فوق الشهر@@

قال لن انه اسوي خياط تجميلي بالليزر ما اسوي هالطريقه بس اضطريت اسويها لج

لأنج نزفتي دم بطريقه مو طبيعيه ماكنا قادرين نأزم الوضع اكثر ونخيطج ولا الخياط وايد اسهل بالنسبه لي بس انتي راح تتعبين وايد

والحمدلله الحين مكان العمليه شي لا يذكر

يعني متصوووورين انه انه صارتلي مشكله نزيف حاد بالعمليه وانه واعيه وما حسسوني بشي ولا خوفوني كلش

لو دكتوره من دكاتره الخاص جان عرفت تتصرف جذي بوضع النزيف؟؟

هلللوو كيتي
هلااا يا قلبي
شخبارج
والله كنتي في بالي واااايد بس صارلتلي ظروف وماقمت ادش النت غير التعب والثقل

المهم واهم شي طمنتيني عنج وعن بيبياتج
الله يخليهم لج انشالله وتفرحين فيهم معاريس

شاكرتلج حبيبتي عن ذكر تجربتج وصج فعلا ربي سخرلج هالدكاتره عشان وضعج كان حساس اشوي بس الحمدالله على كل حال
وعن الخياط اشوه انج عرفتي السبب وزين سويتي سالتي الدكتور عالاقل تطمنتي وارتحتي

بس ياليت تقولين من الدكتور اللي ولدج

وشاكرتلج مره ثانيه حبيبتي _03ba:​

 

[د.مشمش]

بنات انا ولدت بالصباح عند الدكتورة ايمان جمعة
انسانة خلوقة ومحترمة جدا

 

[farah-q8]

الله يسهل عليكم ياااااااارب

 

[haninoooo]

مشمش حمدالله على سلامتج ومبروك مايبتي

الله يسهل عالجميع انشاءالله

 

[* موناليزا *]

حبوبات انا كلمت شخصيا د.محمد قنديل من اسبوع تقريبا وقال لي انه طلع من الصباح وفتح له عيادة خاصه وقال ان راح يولد فقط بالمستشفيات الخاصه

خبر اكيد100%

 

[في بحرهم عذبوني]

والله انا بجريه و ريلي يبي يولدني بالصباح بس اسمع سوالفكم و اخااف مع اني سويت مرة تنظيفات هناك و مرة سويت بالراشد
شفت معامله الصباح احلى
بس اخاف وقت الولاده غير

ياربي شسوي يعني انا ابي السلام و ريلي يبي الصباح

اااف الله يعين من احين لي التاسع يحلها الف حلال

الله يثبت حملي ياااااااااارب

 

[قبلة البيت]

انا ما جربت ولادة الصباح
بس قعدت مع وحدة تقول انها اهي وخواتها الاربع كله يولدون بالصباح وهم تمدح خياطهم وعن السسترات انتي وحظك على حسب نفسية الوحدة واتقول بالطبيعي السستر اهي اللي تولد ومع ابرة الظهر ما تحسين بشي لس بدونها اكيد عذاب
انا صار معاي نزيف وودوني لغرفة الولادة وشفت سستر مصرية وجهها حيل سمح وحبوبه وبعدين طلعت عاد قلتها حسافة خلص شفتك وخذت مكانها سستر نيجرية بس عسل هادية ومقابلتك ما تحرك عن الغرفة بس حطولي تخطيط بعدين ربي سهل وتمم حملي وما ولدت و طلعوني
بس كانت جنبي بالسرير وحدة حامل بتوم نازل معاها ماي الجاهل والدكتور مقابلها عاد ما ادري شصار عليها .......... الله يتملها

اما القيصرية فاكيد عناية من الدكاترة وهم السسترات
حتى لما يصعدونج الغرفة السسترات بالجناح يهتمون فيج

 

[haninoooo]

مشكورين خواتي عالمشاركات الطيبه

 

[haninoooo]

اب اب اب

 

[برميتا]

بنات منو احسن دكتور او دكتورة للقيصيرية بالصباح؟

 

[fajoora75]

انزين في احد سمع بالدكتورة اسيا
في وحدة حيل تمدحها وهي اظنها استشارية ودي احول عندها منو جربها

========
انا جربتها خووش وحده ونفستها حلوه وتسمعج للاخر وتطول معاج والحين اراجع عندها والمستشفى للولاده موشي بس الله يستر على حالتنا اللي قطتنا على الحكومه والا الود ودي اروح خاص بس الشي اللي صج زين للاطفال الخدج عنايه واجهزه توب يعني ترتاحين وولدج بين ايدينهم اما ولادتهم تعطينها 1% كل ولاداتي قيصريه خلوني اطلق وبعدين فتحو بطني يعني شفت الويل

 

[مالفينيا]

أأأأأأأأأأأأب لعيووووووووون حنوووون

 

[FaRaWLaaa]

انا ثالث بنت حقي ولدتها بالصباح تمنين اني امووت ولا اولد اهناك ومره ثانيه والله ثم والله ماراح اولد بحكومه لو شنو كانت ظروفي ماراح اولد اول شي انا حاشتني ظرووف خلتني اولد بالحكومه ولا انا دوووم اولد بدار الشفا المهم يوم رحت سووولي فحص وكنت مفتوحه خمسه سانتي جان تقوول يلا ولاده وطبعا كانت الدكتوره هنديه المهم ودوني غرفة الولاده وييوا بيحطولي الدرب وانا اخاف من الابر اقول حق السستر شوي لحظه تقولي ياحبيتي يلا احنا مو فاضيين حقج عندنا غيرج طبعا حصلت مني زف وكانت السستر هذي مصريه بعدين حطولي الحقنه ورحت الحمام تكرمون ماكو نعال ولاشي والحمام وصخ شويه وريحته خايسه ويييع وطبعا خلوني وراحوا والله ان اخر شي صرت اسوي بوووش لا ارادي واصارخ ومحد معبرني ولمن اتيي السستر تقولي لاتصارخين انتي تبين ابره الظهر وانا لو شنو يصير ماخذ ابره الظهر اقولها لا تقولي عيل لاتصارخين اي شي ولا لمن يبون يولدوني منو ولدني طبعا مو دكتور سستر ولدتني ولا بس واحده وقاعده وتتحلطم وفوق هذا لمن خيطوني قاعده احس بالخياط والله اني مت من العوار قاعده اصارخ منقمة راسي اقولها حطي بنج تقووولي في بنج واي يمه صج يعور وفوق هذا طبعا قطو الياهل عندي وانا توني والده وانا ولا حطو بنتي عندي على وصاختها مال البطن لاغسلوها ولانظفوها الا ثاني يوم صج مستشفى فااااشل ومره ثانيه توبه توبه توبه توبه اروح له حتى لو حق مراجعه بس

 

[الدنيا لحظة*]

قوه أشلونكم شخباركم انشاءالله كل شي اوكي
بصراحة انا في بجري ولدت بالصباح لأسباب مادية طبعا وراح تكون اول واخر مرة افكر مجرد تفكير اني اولد بالصباح لأن انا في بجري ولدوني ولادة مبكرة بالشهر السابع طبعا اول السابع و حسروا فيني تحسر مو طبيعي تخيلوا من الساعة 10 الصبح لي الساعة 10 بليل و هم حاطين لي درب يوقف الطلق الي فيني مع العلم اني مفتوحة 3 و حالة البيبي و حالتي حيل خطرين لأن انا فيني ربو و نقص اكسجين و اذا النفس ماكان طبيعي عندي يأثر على البيبي و فوق كل هذا ما كان احد واقف على راسي كنت بروحي بالغرفة كأني داخلة مشرحة مو مستشفى و انا اصرخ اناديهم تييني السستر متنرفزة تصرخ علي وتمشي و لا عطتني ويه حتى ولما ياني الدكتور انا قلت خلاص فرجة شنو سوا بط الماي وراح يبي السستر تولدني مع ان حجم البيبي كان حيل صغير 1200 يعني اي شي يصير بالبيبي المسؤلية على الدكتور لان حالتي ما يصير سستر تولدني قعدت اترجا شوي و ابوس ايديه و هو قاعد يطالعني بظرة خايسة يعني معاملة خايسة وانا كنت رايحة بدون واسطة

 

[haninoooo]

حبوبات انا كلمت شخصيا د.محمد قنديل من اسبوع تقريبا وقال لي انه طلع من الصباح وفتح له عيادة خاصه وقال ان راح يولد فقط بالمستشفيات الخاصه

خبر اكيد100%

دكتور محمد قنديل موجود حاليا بمستشفى الصباح

 

[haninoooo]

بنات منو احسن دكتور او دكتورة للقيصيرية بالصباح؟

والله انا جربت محمد قنديل بالقيصريه وخياطه ممتاز وواااااااايد يمدحون دكتور توماس يقولون مختص بالقيصريات​

 

[haninoooo]

أأأأأأأأأأأأب لعيووووووووون حنوووون

ووويييييي تسلم عيونج يا ميمي ​

 

[:: Diva ::]

حسبي الله عليهم و نعم الوكيل
لا تذكريني وااااااااااااي لا تذكريني و ربي اسوأ تجربه بحياتي
كابوووووس

 

[haninoooo]

ديفا انتي حالة طارئه من حملتي وانتي تعبانه وصارتلج اكثر من مشكله بحملج وتنومتي وايد

شنو اللي صارلج عشان جذي تقولين
نبي تجربتج حبيبتي

 

[oum^zozo]

بنات اذا وحده اكملت شهرها متى يولدونها الصباح؟ ينطرون بعد شكثر