@@ملف تجارب كل وحده سوت انابيب ولا حقن مجهري@@

[alshaikha]

الله يرزق كل محرومه يارب
بنات بغيت اسالكم متى تحللين اذا سويتي انابيب لازم في اليوم ال14 والا يصير قبل؟
الله يرزق اللي ترد علي بتوأم

 

[Coffee-Girl]

والله ياقلبي ماعرف بس انا ناويه اسوي طفل انبوب بغيت اسالج وين سويتيه

وانشالله البنات مايقصرون

 

[alshaikha]

انا سويته عند د.منصور العرف والله يكتب اللي فيه الخير ويرزقني وياج الذريه الصالحه يارب

 

[Coffee-Girl]

الله يرزقج ياعمري ويرزقنا جميعا ودكتور منصور الكل يمدح وزوجي ايقول خنروح عنده انتي كم كلفج العمليه

 

[ام يوسف القمر]

الله يرزقنا ويارب قبل العيد
علشان يصير العيد عيدين يارب:0bee2e8d89::0bee2e8d89:

 

[@@@ام حمووودي@@@]

الله يرزق كل محرومه يارب
بنات بغيت اسالكم متى تحللين اذا سويتي انابيب لازم في اليوم ال14 والا يصير قبل؟
الله يرزق اللي ترد علي بتوأم

آنا مافيني صبر سويته يوم 13 وبينت النتيجه طبعا مافي حمل ؟؟؟؟ بس يفضل يوم 14 علشان تكونين متأكده

 

[ام الاسمر]

هلا حبيبتي الله يرزقك ويتمم عليك
أنا سويته يوم 12 والحمدللله بينت النتيجه .. وكنت حامل
الله يثبته لك ان شاءالله

 

[shjoonaa]

هلا بنات

انا سويته يوم 11 وبينت النتيجه حامل وانشاءالله تكونين حامل

 

[بـــطوووطه]

اللهم لا تذرنا فردا وانت خير الوارثين

 

[الهجر]

انا سويت تلقيح صناعي مرتين مالله كتب . ومتردده اسوي حقن مجهري لاني والله خايفة حدي .
ياليت تنصحوني عند اي دكتور اسوي الحقن المجهري (العرف او فوزية القطان )لان هذولا الي سمعتهم وايد زينة
بالمنتدى . واشكركم كل الشكر على الملف الي اكثر من روعة جزاكم الله خيرا .

 

[$غــ(ز)ــل$]

حبيبتي الهجر الله يرزقج الذريه الصاالحه

اثنيينتهم زينين
بس انا اسمع اكثر بالمنتدى عن فوزيه القطان وماشاءالله اغلب اللي يسوون عندها حملوا بتوأم
عقباالنا ياارب
وانتي استخيري
وماخاااب من استخاار باذن الله

 

[كويتيه مذهله 87]

أنا اليوم راده من عياده د فوزيه أمبيه زحمه مو طبيعيه طلعت من الدوام الساعه 10 ما يالي الدور
الا الساعه 12 ونص والله ما أبالغ هي شاطره بس زحمه فأنصحج تروحين حق العرف ماعنده زحمه
والله يرزقج قريبا يارب

 

[الهجر]

جزاك الله خير اختي غزل وصبا يعطيج العافية بس وينهي فية الدكتورة فوزية .

 

[Coffee-Girl]

جزاك الله خير اختي غزل وصبا يعطيج العافية بس وينهي فية الدكتورة فوزية .

دزي مسج على 808080
واكتبي الدكتوره فوزيه القطان راح ايدزولج رقمها انا جذي سويت

واتمنى اني اكون افدتج

 

[شذي الفردوس]

خواتي البنات والله ما عندي الا انتو افضفضله حالي
انا عمري بالاربعين وهذا زواجي الثاني ومن الاول عندي بس مو بالبلد
ودي ربي يعوضني واشغل نفسي بياهل وهم زوجي حبيبي وده بياهل اول زواج له
سويت عند عاليه الفضلي انابيب وما نجح
والحين داااايخه لان عمري مافيه وقت علشان اجرب وفرصه النجاح يقل كل ما كبرت المره
كنت ناويه عالاردن عند الكيلاني وايد امدحوه بس صعبه الواحد يقعد تقريبا شهر بعيد
والاطبه هني مو خبره مثل الكيلاني
ابيكم تنصحوني
ادري ان كل شي عاللله
بس الخبره والشطاره سبب
عفيه التفكير ذبحني
ما اعرف وين اروح ؟؟؟؟؟
لان بسوي انابيب اخر مره
ما استحمل العلاج وايد يتعب
خواتي انتو قولولي وين اروح

 

[*caramel macchiato*]

اختي شذى ليش ماتروحين عند د باترك؟؟؟؟؟


ترا وايد شاطر بالحقن المجهري...ولاتضيعين وقتج ترا العمر يركض...


الله يرزقني ويرزق الجميع

 

[Amory]

شذي الفردوس

آنا بعد ارشحلج دكتور باترك ابمستشفى لندن بالفنطاس

وياااارب الله ينولج اللي ابخاطرج ويرزقج بالذرية الصالحة ويرزقني ويرزق كل البنات ابهالمنتدى.

 

[شذي الفردوس]

بس الدكتور باتريك شاطر بالحقن انا ابي اسوي انابيب
اهو شاطر بالانابيب؟
اشطر من الدكتور منصور العرف؟
عفيه بنات دايخه
اقول اروح حق الكيلاني هم ارخص وهم خبره
يقولون يلصق الاجنه بالرحم بالليزر
ما ادري صج
بس القعده هناك مو شي ومده طويله

 

[Coffee-Girl]

بس الدكتور باتريك شاطر بالحقن انا ابي اسوي انابيب
اهو شاطر بالانابيب؟
اشطر من الدكتور منصور العرف؟
عفيه بنات دايخه
اقول اروح حق الكيلاني هم ارخص وهم خبره
يقولون يلصق الاجنه بالرحم بالليزر
ما ادري صج
بس القعده هناك مو شي ومده طويله

ما اقول الا الله يكتبلج الي فيه الخيره

 

[$غــ(ز)ــل$]

شذى الفردوس..الله يرزقج الذريه الصالحه وحطي في بالج ان الرزق من الله واحنا ماااعلينا الا نسعىى
وهذا طبعا مايمنع من ان تدورين الدكتور الشاطر
لانج بتدفعين مبلغ وقدره وحرام يروح على اي دكتور

بالنسبه للدكتور باتريك شااطر ماشاءالله
اختي سوت عنده ونجحت من اول مره وبنت عمي بعد
وشكثر بنات بالمنتدى سوو عنده وحملوا الله يتمم عليهم ويحفظهم يارب

وانتي استخيري وماخاب من استخار

واعرف وحده اكبر منج ب5سنين
قبل سنه سوت انابيب عند باتريك والحين عندها ولد ماشاءالله
والحين تراجع مره ثانيه عشان بتسوي طفل الانبوب عنده مره ثانيه
الله لايضيع تعبكم ياارب ويرزقكم من وااسع فضله