@@ملف تجارب كل وحده سوت انابيب ولا حقن مجهري@@

[$غــ(ز)ــل$]

حبيبتي عيوون زوجها شوووفي مالج شغل بكلام الدكتور لان مافي شي بعيد عن ربج

علميا بيقوولوون مستحيل تحملين
بس الله اذا اراد للشي ان يكوون يقول له كن فيكون

وبالنسبه للصباح(وحدة طفل الانبوب)موااعيدهم حيييل حيييل تطول الا اذا كان عندج واسطه

يعني بياخذون تقريبا شهر على مايسوون لكم كل التحاليل وعقب ماتخلصين التحاليل يعطونكم موعد حق مقابلة الهيستوي يعني تقريبا عقب شهر وبعدها يعطونج موعد حق الدكتور اللي راح يتابع حالتكم تقريبا بعد 3شهور وبعد ماتقابلون الدكتور يعطيكم العلاج ومعروف مدة علاج الرجل 3شهور وبعدها يحلل زوجج واذا تحسن عاد يسوون تجميد للعينه وعقبها شوفي عاد يحدوون موعد للعمليه(بس شووفي اذا عندكم واسطه موااعيدكم ماتطول كلش)

اما بالنسبه للخاص شغلهم ورا بعض يعني تقريبا التحاليل وعقبها يعطونج المنشطات والابر عشان العمليه يعني تقريبا شهرين وبعدها العمليه وتكلف مابين 1500 الى 2000

واحسن لج سووي تجميد عندهم

عشان ااذا لاسمح الله سويتي حقن مجهري ومانجحت وفكرتي تعيدينها مره ثاانيه يكون كل شي جاهز
يعني بس تروحين لهم عشان تسوين ترجيع للأجنه
ومايااخذون منج مبلغ مثل اول مره لا
يااخذون بس سعر الترجيع ويمكن تقريبا 350 دينار

واذا تبي تعرفين اكثر عن التلقيح المجهري والتجميد دشي قوقل وسوي بحث


واتمنى تكون وضحت الصوووره

 

[Coffee-Girl]

عيون زوجها الله يوفقج ويرزقج ويرزقنا الذريه الصالحه المعافاه وانتي لاتحاتين كل شي بيد رب العالمين

انتي اقري سورة مريم والبقره قبل الحقن المجهري والله يوفقج وانا انصحج اتسوينها عند فوزيه القطان انا ماجربتها بس

قريت من تجارب البنات انها شاطره وان اكثر من وحده سوت عندها حقن وحملت من الله ثم شطارة الدكتوره

 

[$غــ(ز)ــل$]

صااجه سنوووايت
والدكتوره فوزيه ماشاءالله شاطره واغلب اللي حملوا عندها حلموا بتوأم ماشاءالله تبارك الرحمن الله يتمم عليهم ويحفظ عيالهم
والفااال لناا ياارب

 

[كويتيه مذهله 87]

وانا اضم صوتي لصوتكم

فوزيه القطان شاااطره توكلي علي الله يقلبي وروحيييييلهااا

 

[toota2008]

الله يرزقكم ويرزقني بالذرية الصالحة يارب
بس انا لاحظت ان ماكو وحدة زوجها الحيوانات المنوية صفر ولقو بالخصية وسوت تلقيح صناعي
فاتمنى الي مرت بهالتجربة تقولنا وتعطينا امل

السلام عليكم
انا والله اول مرة اشارك و قريت رسالتج و حبيت ارد عليها
انا زوجي ما فيه حيوانات منوية بس لقو بالخصية عنده و سويت أطفال أنابيب أربع مرات بس مرة وحدة صار حمل معاي الحمد الله على كل حال والله يرزق كل اللي في المنتدى.

 

[.>حــــــــ(و)ـــراء<.]

حبيبتي عيون زوجها البنات كفو و وفو معاج

و كلامهم عدل و انا اقول روحي سوي حقن مجهري

لان الايام تركض لا تسكتين و تحطين ايدج على خدج

و

 

[عيون زوجها]

مشكورين حبايبي كلكم وماتقصرون والله يعين انشالله وتصدقون انا تذكرت شي انا مربيه عيال خواتى كلهم من وانا ياهل كنت امسكهم واحبهم وايد بس لما اطفر منهم عن غشمره اقول لخواتى انشالله ما اييب يهال بس مليت وانا كنت اقولها عشان اضحك بس للاسف الحين اتمنى ظفر ياهل
اول كنت البس واكشخ واطلع واستانس الحين ماعندي تفكير غير باليهال واذا مو اليهال بس ابي زوجي يرتاح
بصريح العباره متحطم متحطم
اقوله ربي معانا وانا معاك وايد بايد مع بعض اذا الله رزقنا فالحمدلله واذا مارزكنا هم الحمدلله وانا معاك طول العمر يقعد يقولى انا موريال انا ظالمج
زوجي اللى ماخذنى عن حب الحين قام يطفشنى اقوله ليش جذي تسوي قالها لي بلحظه ظعف ابي اخليك تكرهيني عشان تشوفين حياتج
وكل مانروح دكتور يقول لو تلقيح صناعي او طفل انبوب جان احسن انت مشكلتك اصعب اللى لي ددرجه انا اللى اخاف اتكلم جدام زوجي زفيت الدكتور
لاتبخلون علي بمشاركاتكم لو ماعندكم الحلول بس كلمه منكم تريحني خصوصا لان ماعندي احد اقوله انا خاشه الموضوع عن الكل وماعندي احد اقوله الا امى المسكينه ومابي اقولها واقهرها علي

 

[مزن هتان]

انا تجربتي مع مستشفى طيبة كلينك عند د.محمد صلاح الاشنيهي
والحمدلله من اول شي حملت ويبت ولدي والخلل كان في زوجي
لذلك سووا حقن مجهري لان عنده ضعف شديد

 

[مزن هتان]

يارب يسهل عليج وتحملين انشالله
صدقيني كان عنده خل وضعف شديد جدا 4 مليون% بس مع ان اقل نسبة حمل 20 مليون
ثانيا نسبة تشوه فيها
بس الله يسرها

 

[عيون زوجها]

حبايبي مشكورين بس انتى اهون انتى 4مليون انا 100 الف الدكتر قال هالنسبه 1على 1000

 

[عيون زوجها]

اخ شالبدليه
الدكتر
لا حول الله اقصد الدكتور الظاهر الضيقه اثرت علي

 

[كويتيه مذهله 87]

مشكورين حبايبي كلكم وماتقصرون والله يعين انشالله وتصدقون انا تذكرت شي انا مربيه عيال خواتى كلهم من وانا ياهل كنت امسكهم واحبهم وايد بس لما اطفر منهم عن غشمره اقول لخواتى انشالله ما اييب يهال بس مليت وانا كنت اقولها عشان اضحك بس للاسف الحين اتمنى ظفر ياهل
اول كنت البس واكشخ واطلع واستانس الحين ماعندي تفكير غير باليهال واذا مو اليهال بس ابي زوجي يرتاح
بصريح العباره متحطم متحطم
اقوله ربي معانا وانا معاك وايد بايد مع بعض اذا الله رزقنا فالحمدلله واذا مارزكنا هم الحمدلله وانا معاك طول العمر يقعد يقولى انا موريال انا ظالمج
زوجي اللى ماخذنى عن حب الحين قام يطفشنى اقوله ليش جذي تسوي قالها لي بلحظه ظعف ابي اخليك تكرهيني عشان تشوفين حياتج
وكل مانروح دكتور يقول لو تلقيح صناعي او طفل انبوب جان احسن انت مشكلتك اصعب اللى لي ددرجه انا اللى اخاف اتكلم جدام زوجي زفيت الدكتور
لاتبخلون علي بمشاركاتكم لو ماعندكم الحلول بس كلمه منكم تريحني خصوصا لان ماعندي احد اقوله انا خاشه الموضوع عن الكل وماعندي احد اقوله الا امى المسكينه ومابي اقولها واقهرها علي

ان شالله الله يرزقج حبيبتي

قولي حق ريلي انا ابيك احبك و اظل احبك لين اموت ويوم من الايام قوليله ان الدكتوره الفلانيه وااايد شااطره الي مثل حالتنا خل نروحلها وانتي دخلييييييه معاج بالدكتوورررره ترى ميييزه الدكااتره ان يحطون امل حق كل وحده تسوي حقن او اطفال انابيب ويمكن هو يشجع وسويهاا وخليه ايمانج بالله قوي

 

[ام يوسف القمر]

ان شالله من ايي رمضان ربي يرزقنا كلنا قادر يارب وحدة

 

[.>حــــــــ(و)ـــراء<.]

ان شالله من ايي رمضان ربي يرزقنا كلنا قادر يارب وحدة

اميـــــــــــــــن

 

[مشكاة]

-شنو مشكلتج ؟و مشكلة زوجج؟
مشكلتي بطانة الرحم المهاجرة ( اندوميتريوسيس) من الدرجة الثالثة وزوجي عنده تذبذب في قوة وعدد وسرعة الحيوانات المنوية. بس اتخيلوا مااكتشفت العلة اللي فيني الا بعد ما جربت في طيبة كلينيك الكلوميد اللي سببلي بعدها نزيف موطبيعي وبعدين سويت تلقيح صناعي بالسلام وعقبها فشل والدورة مثل النزيف بعدين واخيرا اطلبوا مني أشعه ملونة اللي اتبين وضع الانابيب طلع عندي انسداد بسيط وقالوا يمكن مايأثر عقبها رحت عند د.هدى الزكري وشكت واطلبت مني اسوي منظار بس ناس شاروا على أروح عند د فوزية وفعلا انا كنت داشة العمليات اسوي منظار وبس جان تكتشف الالتصاقات وسلكتهم:eh_s(13):
شلت الالتصاقات والالياف اللي كانت بالرحم مرة وحدة كلفت تقريبا 800 دك وقالتلي لازم ابلش طفل أنابيب بعد العملية لأن الالتصاقات راح اترد مرة ثانية.
خطوات العلاج كانت متعبة خصوصا الأبر اللي اتوقف الدورة تنغز بالبطن بعدين ابر التنشيط كان جسمي مثل البركان, أذكر ان اني ماحملت لأن الدكتورة قالتلي انه التبويض ماكان منتظم يعني يوم اسحبوا البويضات علشان يلقحونها كان بعضهم اصغار مو ناضجين وبعضهم اكبير ومامنه فايدة. بس يقولون المحاولة الأولى غالبا ماتكون تجربة علشان يتعرفون على طبيعة الجسم.
بس أسامة صالحة ماعطاني أبر توقيف دورة بس عطاني حبوب والعلاج كان خفيف والحمدالله يوم تهيأ الرحم بعد 6 أشهر بدينا خطوات طفل الانبوب.
-جم عمرج ؟ وجم عمر زوجج؟
30انا وزوجي 42
-جم مره سويتي العمليه؟
مرتين

-العمليه نجحت من اول مره ولا لا؟
نجحت الحمدالله من المحاولة الثانية
-منو دكتورتج؟وشنو تعليقج عليها؟
أول محاولة فوزية القطان ثاني محاولة أسامة صالحة الحمدلله دفوزية قمة في الانسانية والمعاملة الحلوة بس عيادتها زحمة وايد زمسكينة ماتلحق
وأسامة صالحة دكتور ذكي وعملي وليلحين ماانعرف بالديرة عشان جذيه ماعليه زحمة بس صباح الوطن خربوا علينا واستضافوه مرة والحين مشالله زادوا المراجعات
-جم كلفتج العمليه؟
بحدود 1500 مع المراجعات والأدوية
-ترجيع الاجنه عطوج بنج ولا لا؟وحسيتي بألم ؟
لا مافي ألم بس ضغطة بسيطة بعد مايحطون أداة علشان اتوسع المكان اهو مو ألم موقف مزعج وبس

-شلون عشتي حياتج بعد ترجيع الاجنه؟نمتي على ظهرج لي يوم التحليل ؟ ولا
اى نعم بعد ترجيع الاجنة ردو السرير لي ورا وصار راسي تقريبا تحت وجسمي فوق لمدة نص ساعة بعدين طلعت من الطبيب ورحت البيت
مارستي حياتج بشكل طبيعي؟؟
لا والله كله نايمة على ظهري بس هذا حرص مني مو مفروض اتسوينه والدكتور عطاني ورقة فيها شروط ومحاذير مثلا مااقعد عالارض واتربع ممنوع الدش المهبلي والحركات المفاجئة

-عندج اي نصايح تحبين تفيدينا فيها؟؟

لازم التاريخ الطبي ينحفظ في ملف علشان وين ماتروحين يعرفون شنو فيج ويحاولون يصلحون العلاج السابق اذا في أخطاء وجذي تختصرين وقت العلاج ودفوزية مشالله والنعم فيها بس انا غيرت ورحت حق دأسامة لظروف خارجة عن ارادتي بس الحمدالله ربنا ماقصر وانشالله الله يتمم على انا احين بالخامس ويارب يثبت كل وحده ويرزق كل الحريم الذرية الصالحة
عندي سؤال انا الحمدالله جمدت باجي الاجنة بعد آخر محاولة
سؤالي في وحدة احملت من الاجنة المجمدة
واشكثر صلاحيتها ؟

 

[.>حــــــــ(و)ـــراء<.]

هلا حبيبتي عسى الله يثبت اللي برحمج و يقر عينج بشوفته

و بالنسبه لسؤالج اي انا وايد سمعت ان في ناس حملو من الاجنه المجمده

 

[Coffee-Girl]

مشكاه انا الي اعرفه انه يجمدون الاجنه

ليش في غير جذيه

 

[Coffee-Girl]

بغيت اسال وين عيادة د اسامه صالحه

 

[$غــ(ز)ــل$]

سنوو..الدكتور اسامه صالحه مووجود بمستشفى دار الشفاا

والله يرزقنا جميعا بالذريه الصالحه عاجلا غير آجل

 

[Coffee-Girl]

غزل وصبا يعطيج العافيه