@@ملف تجارب كل وحده سوت انابيب ولا حقن مجهري@@

[om_jsoom]

ونااااااااااااااااااااااااسه تثبت الموضووووووووع:ggdw:

ان شاء الله ياخذ حقه اكثر ونستفييد من تجارب البناااااات_03BA:

 

[كويتيه مذهله 87]

اشلوووونكم بنااات

حبيت افيدكم ونقلت لكم تجربه من عضوه بمنتدى ثاني وان شالله يكون عندكم خبره وحبيت اساعدكم:ggdw:


في البدايه
اللهم لك الحمد كما ينبغي لجلال وجهك وعظيم سلطانك
من زمان وانا كنت ناويه اكتب لكم وش صار معي لكن ظروفي الصحيه وجلستي في بيت اهلي ما ساعدتني
وسبب حرصي على الكتابه ان أي وحده حالتها زي حالتي تستفيد
خاصه اني تعبت كثير وانا اسأل وواجهتني مشكلتين
الأولى قليل الي مروا بها التجربه
الثانيه الي مروا بها التجربه ما كانوا متعاونين ومستحيل تناقشينهم في هالموضوع

علشان كذا حرصت اكتب كل شي
يمكن تملون وانتم تقرون ويمكن بعضكم يقول فيه تفاصيل مالها داعي
لكن
الي تبحث عن هالمواضيع راح يهمها كل شيييييييييييييييي

راح اكتب التاريخ بالميلادي لأن مواعيد الطبيب بالميلادي
28/1
كان اول يوم من الدوره رحت للطبيبه شاكره في مركز الدكتور سلمان الحبيب وشرحت لها حالتي
عطتني ابره اخذها في يوم 23من الدوره وقالت ثاني يوم من الدوره الجايه تعالي
17/2
اخذت الأبره المغرب من بكره العصر جتني الآآآآآم فظيعه مثل الم الدوره بس اقوى وتقلصات في بطني من قوتها احيانا ما اقدر اصلب ظهري لازم انحني واستمرت معي اربع او خمس ايام
27/2
اول يوم من الدوره
28/2
ثاني يوم رحت للمركز وما لقيت الطبيبه كانت ماخذه إجازه حولوني على الدكتور محمد بقنه صراحه ماشاء الله عليه فاهم وتحمل كل اسئلتي
وبعد هو سئلنا كم سؤال طبعا كنت انا وزوجي
طلب اشعه صوتيه من تحت يعني عادي يسونها وانتي فيك الدوره الأشعه بميتين ريال وكان تعامل الممرضات مره حلو
(ميزة المركز ان كل شي بالسر يعني اول ماتدخلين يعطونك رقم انتي وزوجك وخلاص ينادونك بالرقم )
وشاف الأشعه كتب لي ابربيروجين شريتها من عندهم حاسبت بحوالي 800ريال اول ابره اخذتها عندهم باقي الأبر صرت اخذها في المستوصف الي عند بيتي
7/3
بعد اسبوع رجعت للدكتور وسوى اشعه بنفس السعر ميتين ريال وقال خذي ابر زياده اربع ايام وعطاني نوع ثاني من الأبر يعني صرت اخذ النوع الأول في العضل والنوع الثانيProfasi or Pregnyl في الكتف

صار المجموع 11يوم
10/3
رحت له وسوينا اشعه مره ثالثه وقال كل شي تمام

وقالي تاخذين الأبره التفجيريه بعد بكره الساعه ست الصبح وهذي لازم بنفس التوقيت الي يقوله الدكتور
12/3
اخذت الأبره التفجيريه الساعه ست الصباح
13/3
الثلاثاء رحت من الساعه 3العصر علشان السحب

طبعا هم راح يعطونك تعليمات تمشين عليها من ضمنها انك توقفين عن الجماع اقل شي ثلاث ايام قبل السحب


إذا جاء يوم السحب ودخلتي المركز
ياخذون الوزن والضغط والحراره
بعدين يدخلونك غرفة نوم في وسطها حمام انا تفاجئت فيها هذي الغرفه علشان زوجك يسوي العينه
بصراحه إنا كنا شايلين هم هالموضوع لان بيتنا بعيد ما يقدر زوجي يسوي العينه هناك والمشكله وقت الصلاة كيف راح يغتسل لكن الحمد لله
وبعد فيه تعليمات راح يقولونها لك يعني راح يعطونك علبه خاصه

إذا خلصتوا المختبر حق العينات جنب الغرفه على طول تعطينهم العينه بعدين راح تنتظرين شوي راح ينادونك ويدخلونك قسم خاص حتى زوجك ماراح يدخلونه ووضحي لزوجك هالشي وراح تقعدين حوالي ساعه ونص لان انا ماكنت ادري ودخلوني بغى زوجي ينهبل مايدري وش صار علي وحاولي ماتاخذين معك اغراض او لو معك شي تخافين عليه عطيه زوجك

إذا دخلتي القسم
راح يدخلونك غرفه صغيره مافيها إلا سرير حتى التلفزيون مافيها راح يعطونك لبس للعمليات وراح تشيلين كل ملابسك هذا اللبس مفتوح من ورى لكن راح يعطونك شرشف تلفينه عليك
وراح يقولون روحي للحمام لازم تكون المثانه فاضيه علشان كذا لا تكثرين مويه ذاك اليوم
راح يعطونك ابره في العضل وراح يحطون ابره في يدك علشان يحطون لك مخدر فيها
وراح تستنين في هذي الغرفه

علشان كذا لو تاخذين مصحف صغير علشان تقرين يروح عليك الوقت مو مثلي طقني الهم مافي شي اسويه بس قاعده ادعي واستغفر

بعد كذا راح ينادونك لفي الشرشف عليك وتروحين لغرفة العمليات تنامين على السرير وراح ينظفون المنطقه الحساسه بمويه وراح يحطون عليك شراشف العمليه راح تكون حاره إذا جهزوا كل شي ودخل الدكتور يبدون يحطون المخدر في يدك راح تحسين بحرارته شوي بعدي بتحسين الدنيا تلف يبدا يشتغل الدكتوروكان كلما سحب بويضه عد يعني ون تو ثري فور بعدين زاد الألم قعدت ابكي عطوني جرعه ثانيه ترى كلها اقل من عشر دقايق من يدخل الدكتور ويطلع
انا سحبوا مني سبع بويضات
بعدين إذا طلع جابوا السرير وقالوا انتقلي للسرير الثاني ورجعوني للغرفه الي كنت فيها قعدت نص ساعه دخلوا زوجي لأنه اشغلهم
بعدين صحيت شوي ولبست ملابسي وطلعنا
قالي الدكتور بعد يومين خذي الدافستون حبتين مرتين في اليوم


رجعت لبيت اهلي كنت احس بألم زي الم الدوره اخذت بنادول وسويت دخون عباره عن كمون وقشر بصل و****رة مره مررررررررررره حلو ريحني كثير
وصرت اشرب اعشاب نعناع ومراميه

هذا يوم السحب وقالوا راح نتصل نعلمكم كم جنين تكون
كلموا الإربعاء وقالوا تكون جنينين والله ماتتصورون وشلون فرحتي
15/3
الخميس بديت الدافستون
17/3
السبت رحت العصر نفس الشي خذوا الوزن والحراره والضغط
وجلست انتظر
دخلوني القسم
وبدلت ملابسي
وجلست انتظر
وانتظر


وانتظر
الوقت مررررررررررررره بطيء

بعدين نادوني لازم المثانه تكون نص مليانه يعني ودك تروحين للحمام بس مو مره

نمت على السرير
نفس الخطوات تعقيم وحطوا الشراشف

بس هالمره خلوا بطني مكشوف علشان الأشعه الصوتيه

دخل الدكتور وراني صور الأجنه الثلاثه وعطاني اياها

بعدين سوى كشف نسائي عادي ماراح تحسين بشي
والممرضه تسوي الأشعه
وانتي تتفرجين على الشاشه
يوم جى ينزل الأجنه قال لي قولي بسم الله
قلت بسم الله وعيوني تدمع ما ادري هل كنت فرحانه او كنت خايفه المهم كان شعور غريب

بعدها طلع ورجعوني على السرير ورجعوني على الغرفه
قالوا ربع ساعه وتطلعين
وكتب الطبيب الدافستون وابره اخذتها بعد ست ايام
وقال مارسي حياتك طبيعي إلا الجماع توقفين عنه لمدة سبع طعشر يوم ولا تشيلين شي ثقيل وبعد 16 يوم سوي التحليل
بعد ماطلعت
سافر زوجي ورحت لأهلي طول الوقت نايمه

بس كان يطلع معي إفرازات واحيانا نقط دم بس عادي لا تهتمين فيها وكثري استغفار و الدعاء
ونسيت شي اسمه طلعات ولا تكثرين طلعت الدرج اهم شي
22/3
اخذت ابره التثبيت
1/4

سويت تحليل دم والحمد لله طلعت النتيجه بوستف
صح ترى قبل سويت تحليل في البيت ماطلعت لي نتيجه وضاق صدري بس ماعلمت زوجي قلت لين اتأكد من الدم
كلمت المركز وعلمتهم بالنتيجه قالوا ارتاحي واستمري على الدافستون وامتنعي عن الجماع نهائي وارتاحي
طبعا الأيام الي قبل كانت بطييييييييييئه جدا وكان كل يوم يمر اكتئب اكثر واكثر طبعا نفسيتي كانت مره سيئه لو احد يقول جيبي كاس مويه جلست ابكي
كنت احس بالام في ظهري فكنت اسخن زيت زيتون وادهن ظهري به
كنت احس بألم في صدري وغثيان كان فيه شعور داخلي يقول اني حامل لكن ما ابي اصدق اخاف مايكون فيه شي وانصدم
اكثر شي كنت شايله همه الي حولي
زوجي واهلي وام زوجي كنت اخاف اصدمهم بالنتيجه لكن الحمد لله
19/4
رحت للمركز الساعه عشر علشان اسوي الأشعه
دخلت لحالي كان ودي زوجي معي بس الغرفه صغيره وكلها ممرضات سوت اشعه لي من تحت كنت خايفه وشلون يقولون مافيه جماع وتسوي الأشعه من تحت وكانت تدخله بقوه فكان ودي اضربها ليش ماتحس فيني هذا اول حمل لي راح تضيعه بكل هالسهوله

لكن يوم بدت خلاص نسيتها ونسيت الي حولي كلهم ما اعاد في هالدنيا إلا انا والي قدامي على الشاشه
يالآآآآآآآآآآآآآآآآآآآه
معقوله هذا في بطني يارب لك الحمد
طبعا كانوا اثنين كل واحد في كيس بس جالسه اتفرج عليهم لا ويوم سمعت دقاتهم دموعي تنزل وانا بس اناظر واحمد ربي
بعدين وقفت قالت خلاص بس بكل هالسهوله يبوني اطلع كان ودي اقعد ماعاد اطلع ابد عطتني صوره لهم
وطلعت على طول ولايتها زوجي طبعا هو مافهم وش السالفه لين قلت له انهم اثنين
حساب الأشعه كان 350لأنه اشعة حمل على كلامهم بس لو قالوا بخمس ميه عطيتهم الي يبون
دخلنا على الدكتور طبعا انا ماني لمه بس ابي اطلع ابي اعلم اهلي ابي كل الناس يدرون ابي الي شالوا همي وفكروا فيني يدرون ويشاركوني فرحتي
قالي استمري على الدافستون طلبت منه انه يغيرها لأني كرهتها عطاني تحاميل اسمه سايكلوجست 400 استمر عليها لين الأسبوع الرابع عشر
وقالي ارتاحي وقال لحد هنا نوقف
روحوا لطبيبه نساء وتابعوا الحمل عندها هو مايسوي متابعة حمل
طبعا رجعت للبيت كلمت اهلي وعلمتهم
لكن المفاجئه انهم طلبوا مني ما اعلم احد ابد لا وكانت اختي والده والناس داخلين طالعين الي تدعي والي تناظر ما احد حس بشي وكان هالشي مضيق صدري مره
ودي احط إعلان احيانا احس كاني مسويه شي غلط مو كاني حامل وهذا اول حمل لي
لكن الحمد لله اولا واخيرا
العمليه كلفت علينا مع المثبتات تقريبا 12000ريال
استمريت في المراجعه والحمد لله كل شي طبيعي وانا الحين في بداية السادس
وهذا قصتي اتمنى فعلا ان احد يستفيد منها
ولا تنسوني من دعواتكم ان الله يتمم علي حملي

لكن يوم بدت خلاص نسيتها ونسيت الي حولي كلهم ما اعاد في هالدنيا إلا انا والي قدامي على الشاشه
يالآآآآآآآآآآآآآآآآآآآه
معقوله هذا في بطني يارب لك الحمد
طبعا كانوا اثنين كل واحد في كيس بس جالسه اتفرج عليهم لا ويوم سمعت دقاتهم دموعي تنزل وانا بس اناظر واحمد ربي
بعدين وقفت قالت خلاص بس بكل هالسهوله يبوني اطلع كان ودي اقعد ماعاد اطلع ابد عطتني صوره لهم
وطلعت على طول ولايتها زوجي طبعا هو مافهم وش السالفه لين قلت له انهم اثنين
حساب الأشعه كان 350لأنه اشعة حمل على كلامهم بس لو قالوا بخمس ميه عطيتهم الي يبون
دخلنا على الدكتور طبعا انا ماني لمه بس ابي اطلع ابي اعلم اهلي ابي كل الناس يدرون ابي الي شالوا همي وفكروا فيني يدرون ويشاركوني فرحتي
قالي استمري على الدافستون طلبت منه انه يغيرها لأني كرهتها عطاني تحاميل اسمه سايكلوجست 400 استمر عليها لين الأسبوع الرابع عشر
وقالي ارتاحي وقال لحد هنا نوقف
روحوا لطبيبه نساء وتابعوا الحمل عندها هو مايسوي متابعة حمل
طبعا رجعت للبيت كلمت اهلي وعلمتهم
لكن المفاجئه انهم طلبوا مني ما اعلم احد ابد لا وكانت اختي والده والناس داخلين طالعين الي تدعي والي تناظر ما احد حس بشي وكان هالشي مضيق صدري مره
ودي احط إعلان احيانا احس كاني مسويه شي غلط مو كاني حامل وهذا اول حمل لي
لكن الحمد لله اولا واخيرا
العمليه كلفت علينا مع المثبتات تقريبا 12000ريال
استمريت في المراجعه والحمد لله كل شي طبيعي وانا الحين في بداية السادس
وهذا قصتي اتمنى فعلا ان احد يستفيد منها
ولا تنسوني من دعواتكم ان الله يتمم علي حملي

يتبع...

 

[كويتيه مذهله 87]

وهذي وحده ثاااانيه :_



هاي تفاصيل تجربتي مع اطفال الانابيب واحب اقول حق كل وحده تأخرت في الحمل لاتيأس من رحمة الله ... وتاخد بالاسباب ...لانها كلها موفره عندنا من رب العالمين ...

واحبب انوه ان انا عندي : ضعف في التبويض ..


1-عطوني الابره التحضيريه==== المفروض يعطونها في اليوم الـ 20 من الدوره واسمها ( Decapeptyl )... وانا
لان دورتي مب منتظمه عطوني اياها في وقت عشوائي وصرفوا لي معاها دوفاستون عشان تنزل الدوره ... ومن ثاني يوم رحت لهم ...عشان ابدأ التنشيط .... لكنهم ردوني لان للحين مانزل دم عدل .. وبطانة الرحم كانت سميكه ... المهم انا بديت من الرابع ..

2-بديت التنشيط بأبر ( puregon ) بجرع مختلفه مره 150 ومره 100 لمدة 13 يوم تحت الجلد .. يعني في يدج من فوق .. ... والحمدلله ماشاء الله كان عندي 20 بويضه احجامهم زينه ( عشرين وثمانية عشر ) وبعدها بيوم عطوني ابره تفجيريه في العضل ..

3- في الفتره مابين الابره التفجيريه والعمليه( من يوم الاثنين الى الاربعا) .. طلبت مني الممرضه
* مايكون في اي اتصال بيني وبين زوجي ..
* اكثر من شرب الماي ...
* اصوم من يوم الثلاثاء الساعه 10 عن الاكل ومن الساعه 11 عن الشرب ...
*اجيهم بدري يوم الاربعا اللي هو يوم العمليه عشان يسوون لي كل الفحوصات الاعتياديه ( الوزن-الضغط-ويعطوني التخدير ..واهم شي عشان زوجي يروح يعطيهم العينه )
***طبعا ادا كان الزوج من الاول عينته فيها ضعف او لزوجه او او او ... مايخلونه هو يعطيهم ...!! لا ... هم يسحبونها بواسطة ابره من الخصيه .. بس الحمدلله زوجي سليم .. وهو عطاهم العينه بنفسه ...
*دخلوني غرفة التجهيز .... وحطولي ابرة التخدير في يدي ... ( تحت اصابعي بشوي ) وتموا يسألوني عن تاريخي المرضي ... هل كان عندي امراض من قبل و و و و ...
*ودوني لغرفة العمليات .. ومن هناك ... انا تميت اسولف معاهم ..وشكلي صجيتهم لاهم يوم شافوني مصحصه حطولي اكسجين .. ومن اول ماحطوه ... انا اختفيت هههههههه ... صرت مب معاهم .. وهم شافوا شغلهم ....
*طبعا من بعد ما خلصوا بساعتين تقريبا قمت من البنج .. مع شوية الام في بطني .. وتقلصات خفيفه ... وجابوا لي اكل لان جيتهم صايمه .... وبس ....
*قالوا لي انهم سحبوا (ثمان ) بويضات ... مادري ليش ماسحبوا الباقي وفكوني من شي اسمه تكيس ...!!
بس اكيد عندهم حكمه في هالشي ...!!! وقالوا لي اتصل فيهم بكره(الخميس) عشنان اسأل عن البويضات تلقحوا ولا لا ....
*+++++++
* المهم اتصلت فيهم اليوم الثاني الصبح وسألتهم قالوا لي اتلقحوا 4 من الثمانيه ...والحمدلله ....
وطبعا الباقيين تخلصوا منهم اكيد كانوا ضعاف او غير مناسبين للحمل ...
* وقالت لي اجي يوم الجمعه الصبح ارجعهم ... يوم رحت لهم . قالوا لي اشربي ماي قد ما تقدرين عشان يساعدنا نشوف الرحم بوضوح في التلفزيون وفعلا شربت لما قلت بس..... مع اني من النوع اللي اكره الماي عالريق بس قلت كله فداء في سبيل الوطن خخخ

.. دخلوني نفس غرفة العمليات اللي سحبت منها وحطولي مثل السناد حق رجلي الثنتين وفتحوا المهبل بحديده اعتقد يسمونها(بوزالبطه)و طبعا بدون بنج بس مافي الم ابدا ... الا ضغط المثانه من كثر الماي ... تحسين انج تبين تروحين الحمام ..وو سألأت الدكتو قلت له حط لي الاجنه الاربعه ... قالي ماينفع يمكن حملين بـ 4 توائم قلتله مافي مشاكل يادكتور ..قالي ...لا احسن بس ثنتين ... نخاف يصير لج تعب من الاربعه .. وتميت اترجى فيه ...قالي يا ماما انتي 20 سنه ووزنج ما يساعدج ماتقدرين تشلين 4 في بطنك ؟.امسكي الاثنين احسن من انج تخسرين الاربعه

..سكتني بصراحه ..خخخخ ؟؟
. وبس جاب مثل الانبوبه البلاستيك ودخلها في المهبل ومنها دخل البويضات ... وخلاني اشوفها يارب عقبال مانشوف البيبي وجنسه ونسمع دقات قلبه
والله ماتتصورون فرحتي بسم الله ماشاء الله وانا اشوف البويضات يدخلون للرحم زز ماتتصورون شلون صغاااااار وايد صغار سبحان الله .... شفتوا لون الفقاقيع في الماي صغيره ...!!! هالشكل البويضات ... سبحان الله...وبس بعدين طلعوني ... وقالوا لي خلج على ظهرج ساعتين .... عاد انا مصختها تميت ساعتين ونص خخخخ .. عقب رحت البيت بس ماجهدت نفسي ابدا ومن يوم الترجيع لين اليوم ماطلعت من البيت وما اطلع من الغرفه الا نادر عشان الحمام بس ... طبعا هاي اول يومين .. وتدريجيا بديت اروح المطبخ بس بدون ما اسوي شي ...وصلاتي وانا جالسه والله يغفر لنا يارب ويستجيب دعائنا ..
**نقطه ماقلتها ..الدكتور صرف لي تحاميل مثبته اسمها سايكلوجيست 400 مرتين يوميا ... وهي دورها مثل الدوفاستون تثبت الاجنه ووو تزيد سماكة بطانة الرحم .. ونصحني اشرب سوائل كثيره ماء او عصاير..واتنب الامساك والصراخ والجماع ووو الكحه والحركات المفاجئه ...
** وطبعا التحليل بيكون بعد اسبوعين من الترجيع انشالله .. والله يستر لان هالنقطه هي اصعب نقطه الله يثبتنا يارب ... ويثبت الاجنه في رحم كل محرومه يارب....
**في اليوم التاسع ماقدرت ..حسيت بلوعه وترجيع من اول ما اقوم الصبح ..قلت يمكن نفسيتي تعبانه او شي @!! استبعدت الحمل اصلا ماكنت ابي اتوهم اني حامل عشان ما انصدم صدمه قويه ... المهم طاف هاليوم ووو جا اليو ماللي بعده ماقدرت انام من الم بطني ..الم شديييييد مثل المغص اخر بطني ....قلت لاااا ما يصير خلني اكشف وخصوصا ان موعد دورتي المفروووض يكون مصادف لليوم العاشر من العمليه ...مع العلم انها غير منتظمه ... بس بعد تخيلتها منتطمه
*رحت التحليل وانا خايفه لا اتفشل من زوزجي وخصوصا اني قلتله احس اني حامل ..!! وهو يقولي انطري لين يوم التحليل الاصلي اللي هو اليوم الـ 14 لكن نااصريت ... ندمت شوي وانا في السياره من الخوف لكن ..
* رحت المختبر حللت .. وقالت لي بعد ساعه..انا في هالساعه كان قلبي يدق بسرعه ..رحنا البيت .. واول ماوصلت اتصلت على طول المختبر وكلمني الهندي : هاميل من غير شعور ههههههه مايديري يمكن اني مسويه انابيب وانتظر النتيجه هههه ...
* والحمدلله رب العالمين ززز قلت حق زوجي وفرحنا وصليت ركعتين شكر وللخين اقول الحمدلله على نعمتك يالله يارب لاتحرم احد هالفرحه ...

 

[om_jsoom]

يسلمووووووو كويتيه عالنقل المفييييييييد

الله يبشرناا بتوووم كلناااااااا يارب

 

[كويتيه مذهله 87]

يسلمووووووو كويتيه عالنقل المفييييييييد

الله يبشرناا بتوووم كلناااااااا يارب

ان شالله

اللهم امين

 

[.>حــــــــ(و)ـــراء<.]

كويتيه مذهله حبيبتي

يزاج الله خير و شرفني مرورج الحلو

 

[.>حــــــــ(و)ـــراء<.]

ونااااااااااااااااااااااااسه تثبت الموضووووووووع:ggdw:

ان شاء الله ياخذ حقه اكثر ونستفييد من تجارب البناااااات_03BA:

آمين يالقاطعه

 

[بليزرية]

كويتية مذهلة الله يوفقج ويفرح قلبج ويخلي لج زوجج انشالله ياربي
وقصتج مع العلاج انا كررتها 4 مرات ويصير حمل بس مايستمر والحمدلله على كل حال والله يسوي اللي فيه خير وصلاح لنا جميعا .

 

[كويتيه مذهله 87]

كويتيه مذهله حبيبتي

يزاج الله خير و شرفني مرورج الحلو

العفو يقلبي

 

[كويتيه مذهله 87]

كويتية مذهلة الله يوفقج ويفرح قلبج ويخلي لج زوجج انشالله ياربي
وقصتج مع العلاج انا كررتها 4 مرات ويصير حمل بس مايستمر والحمدلله على كل حال والله يسوي اللي فيه خير وصلاح لنا جميعا .

الله يسلمج ومشكووره علي هالدعوه الحلوه

والله يعوضج ياربي والله ياخذ ويعطي

بس يقلبي هذي مو قصتي هذولا تجارب البنات انا ما سويت عمليه

 

[.>حــــــــ(و)ـــراء<.]

عسى الله يرزقنا كلنا الذريه الصالحه عاجل غير اجل يارب

و ان شاءالله يكون رمضان خير علينا و نسوي تجمع حوامل تجمع الامل

 

[كويتيه مذهله 87]

عسى الله يرزقنا كلنا الذريه الصالحه عاجل غير اجل يارب

و ان شاءالله يكون رمضان خير علينا و نسوي تجمع حوامل تجمع الامل

اللهم امين الله يسمع منج ياااارب

وان شالله انتي اول وحده تبشرييييينا بخبر حمااال

انتي جم سنه لج متزوجه؟!!!

انا امبين بتوقيعي سنتين و6 تشهر

 

[.>حــــــــ(و)ـــراء<.]

صارلي خمس شهور

ادري بتقولين من صجج!! توالنااااااااااس !! ماعندج سالفه .........الخ


بس انا ظروفي الصحيه اهي اللي تخليني خايفه اني ما احمل

الله كريم يارب

 

[كويتيه مذهله 87]

صارلي خمس شهور

ادري بتقولين من صجج!! توالنااااااااااس !! ماعندج سالفه .........الخ


بس انا ظروفي الصحيه اهي اللي تخليني خايفه اني ما احمل

الله كريم يارب

انا مثلج بالضبط

اول 5 تشهر من زواجي ريلي قالي روحي راجعي شوفي تحاليل لج علشان علي ما يصير سنه من زواجنا احمل وماشالله توقيته مضبوط حملت بس طيحت

شوفي الله ما كتب لي احمل من طيحت

صح الايام تمر بسرعه وكل هذا بعمرنااا

يعني انا تزوجت 18 سنه والحين عمري 21 يعني لو عندي بيبي جان عمره سنتين الله كريم


بس همن حلاه الوحده تستانس علي الاقل سنه بعدين تييب اعياااال_03ba:

 

[$غــ(ز)ــل$]

مبرووك التثبيت<<<<== حدي متأخره
والله يرزقنا الذريه الصالحه عاجلا غير آجل

 

[.>حــــــــ(و)ـــراء<.]

انا مثلج بالضبط

اول 5 تشهر من زواجي ريلي قالي روحي راجعي شوفي تحاليل لج علشان علي ما يصير سنه من زواجنا احمل وماشالله توقيته مضبوط حملت بس طيحت

شوفي الله ما كتب لي احمل من طيحت

صح الايام تمر بسرعه وكل هذا بعمرنااا

يعني انا تزوجت 18 سنه والحين عمري 21 يعني لو عندي بيبي جان عمره سنتين الله كريم


بس همن حلاه الوحده تستانس علي الاقل سنه بعدين تييب اعياااال_03ba:

الله يعوضج خير و يرزقج بتوأم ان شاءالله

انا عندي مشاكل من قبل الزواج و سويت عمليه بس المرض رد مره ثانيه الحمدلله

والحين قاعده اعالج و الله كريم ان شاءالله

 

[.>حــــــــ(و)ـــراء<.]

مبرووك التثبيت<<<<== حدي متأخره
والله يرزقنا الذريه الصالحه عاجلا غير آجل

الله يبارك فيج حبيبتي غزوله

و عسى الله يبلغنا رمضان و احنا كلنا حوامل يارب

 

[كويتيه مذهله 87]

الله يعوضج خير و يرزقج بتوأم ان شاءالله

انا عندي مشاكل من قبل الزواج و سويت عمليه بس المرض رد مره ثانيه الحمدلله

والحين قاعده اعالج و الله كريم ان شاءالله

ما تشوووفين شر يقلبي

ولا تستبعدين شي عن رب العالمين

ان شالله يشاافيج بأقرب وقت ونتنفس مع بعض_03ba:

 

[عيون زوجها]

سلام بنات
انا عندي استفسارات واتمنى انكم تردون علي ولكم الاجر
انا صارلي سنه من تزوجت وماكو حمل ريلي يقولي لاتفحصين انا ابيج انتى مابي اليهال وانتى اكيد مافيج شي سكتنا وايد واهله يشيشونه ويقولهم مرتى وابيها
ذاك اليوم قررت ان اروح وانا بيتي بالديره وبيت اهلى بعد وخواتى كلهم مراجعاتهم بالمواساة او دار السلام انا مادري ليش قلت بروح مستشفى العرف صج ان بعيد علي بس قلت بروحله
رحنا انا وريلي
طبعا بس انا فتحت ملف على اساس ان العيب فيني اكيييييييييد ولاحطيت احتمل ان العيب بريلي سوولي سونار على عنق الرحم والرحم عقب سوولى هرمونات وكل شي سليييييييييييم الحمدلله عاد انا مت وحييت خفت على ريلي يكون فيه شي راح وحلل وانا معاه ونطرنا ساعتين تحاليل طبعا عطونا غرفه عشان يبون تحليل حيوانات منويه
المهم الكارثه ان التحليل بالضبط طلع كله 0% كل شي يمه صفر النتيجه طلعت ان ريلي فيه بس 100الف حيوان منوي والباجي ميتين واللى عايشين بطيئين الحركه
ريلي مات حزتها وسملله عليه ريلي مجسم وايد والكل شك وقال انت تاخذ ابر هرمونات واهو يحلف لا وانا احبه من قبل الزواج وادرى ان ما ياخذ المهم سوو تحليل ثانى وطلع فعلا مو ماخذ والا اهو عنده مشكله بالغدد الصماء بالمخ المهم الطبيب قالنا لايمكن يصير حمل طبيعي ولا اطفال انبيب ولا تلقيح صناعى الحل الوحيد الحمل المجهري
صكت فينا الدنيا وانا قلت راح اظل مع ريلي لو طول العمر وماقلت حق ولا احد ان اهو فيه شي باستثناء امي واهو اللى قالها وحتى مايبي يقول لبيتهم لان عارف ان بيعايرونه فيوم وماراح يهتمون فيه ولا بيساعدونه فليش يقولهم.
وطبعا للحين اهله يقولون مرتك عاقر وانا ساكته
وامى قالتله ما ابدل شعره منك بالف ياهل ينتي معاك للقبر
المهم انا رحت الصباح عقب عشان اباشر الحمل المجهري قالو بيدقون علينا ومحد دق ابي وحده تقولى هل مواعديهم بطيئه واذا مانجحت العمليه هل يعيدونها عقبها مباشرتااو ينطرونا الف شهر عقب يسوونها لنا
واذا بروح مستشفى خاص هل ياخذون المبلغ على كل عمليه يسونها سواء نجحت او لا او ان اهو مبلغ واحد ويظلون يسون العمليه لين ماتنجح
يليت تشاركونى ومحد يبخل علي بالاجابه
يليت احد يساعدني ويقولي ولكم الاجر لان والله حدي تعبانه ونفسيتي كل يوم تتعب اكثر من اليوم اللى قبله فلا تبخلون علي بالاجابه

 

[كويتيه مذهله 87]

حبيبتي العيون زوجهاا راح تكبرين بعينه

شوفي اذا الدكتوره قالتلج سوووا الحمل المجهري سوووها بس مستشفى الصباح وييييييييي يطولون بالسنين هذا الي سمعته


بس مستشفى خاص لا اذا ياتلج الدوره يبلشون معااااج والعمليه تكلف اكثر شي 1500

واكيد اذا افلشت يسووون مره ثانيه ويااخذون فلووووس