@@ملف تجارب كل وحده سوت انابيب ولا حقن مجهري@@

[بليزرية]

مشكورين على الموضوع الطيب ...
طبعا انا بحرينية وباقولكم تجاربي مع العلاج

انا متزوجة من سبع سنوات
عمري الحين 34 سنه وزوجي 40 سنة

اجريت عملية منظار للرحم مرتين وطلع الرحم سليم ومافيني اي عيب
اول عملية طفل انابيب مع الدكتورة موزة راشد ومن بدايتها كانت فاشلة
ثاني مرة انابيب مع الدكتور حاتم شوقي وفشلت
ثالث مرة في مستشفى فرح والحمدلله حملت وكانو توام بس جهضتهم واحد ورا الثاني بعد الشهر الثاني
رابع مرة عند الدكتور احمد بركات وصار حمل بس الجنين توقف عن النمو
وسويت بعد عمليتي تلقيح صناعي وفشلو
هذي غير العلاج العادي الابر والكلوميد

وطبعا كل هالعمليات كلفتني فلوس مالها اول ولا اخر والعوض على الله
اما بعد كل عملية انابيب ارتاح في السرير حتى بعد التحليل ابذل جهد فقط للصلاة ودخول الخلاء اعزكم الله
ووانا من النوع اللي بسرعه ارجع لين اسوي العمليات يعني طول وقتي مريضة واخذ ادويتي بانتظام وابتعد عن زوجي .

ونصيحتي لكل الاخوات العلاج دربه طويل يبي له صبر وفلوس والتوكل على الله واذا الله كاتب لنا نحمل بنحمل انشاءالله .

 

[.>حــــــــ(و)ـــراء<.]

حبيبتي بليزريه شرفني مرورج و عسى الله يعوض صبرج خير

و يرزقج الذريه الصالحه عاجل غير اجل

و حياج الله معانا

 

[.>حــــــــ(و)ـــراء<.]

up

up

 

[.>حــــــــ(و)ـــراء<.]

اشدعوه خلصت تجاربكم

 

[Coffee-Girl]

يعطيج العافيه كويتيه دلوعه على هذا الموضوع حده ممتاز وشامل ومفيد

 

[.>حــــــــ(و)ـــراء<.]

الله يعافيج يا الغاليه شرفني مرورج و نورتي موضوعي

و مبروك على تثبيت موضوعج المفيد

و عسى الله يرزقج الذريه عاجل غير اجل يارب

 

[Coffee-Girl]

ايبارك فيج ياعمري هذا من ذوقج

 

[Coffee-Girl]

مبروووووووووووووووووووووووك على التثبيت حده الموضوع يستاهل

 

[.>حــــــــ(و)ـــراء<.]

وااااااااااي وناسه الله يبارك فيج حبيبتي انتي اول وحده تباركلي



و مشكوره بنت الكويت و يعطيها العافيه على التثبيت​

 

[shjoonaa]

سلام اشونكم بنات انا أول مرة أشارك بهالمنتدى وأرجو ان تتقبلوني أنا صارلي متزوجة عشر سنين وكنت محرومة من الاطفال والعمر يمشي لمن سويت عملية طفل انابيب على فكرة أنا سويت تلقيح صناعي مرتين وفشلت العملية

-شنو مشكلتج ؟و مشكلة زوجج؟

ما عندنا أية مشاكل الحمدلله بس الله ماكتب

-جم عمرج ؟ وجم عمر زوجج؟

عمري 34 وزوجي 43

-جم مره سويتي العمليه؟

3 مرات

-العمليه نجحت من اول مره ولا لا؟

نعم نجحت بس تميت لمدة ستة اشهر وياني الطلق وولدت طبيعي كان عندي توم بنت وولد بس توفوا بعد نص ساعة من الولادة لأن الرئتين موكاملين وارتحت ثلاث اشهر وسويت العملية بس مانجحت وبعدها ريحت 5 شهور وسويت العملية ثالث مرة ونجحت وانا الحين حامل بالشهر الرابع والله يتمم علي وعلى الجميع آمين

-منو دكتورتج؟وشنو تعليقج عليها؟

دكتورة فوزية القطان والصراحة كانت وايد متعاطفة وياي وعندها خبرة وشاطرة وكافي انها استشارية

-جم كلفتج العمليه؟

العملية بروحها 700 مع العلاج والابر والمثبتات المجموع كله 1500

-ترجيع الاجنه عطوج بنج ولا لا؟وحسيتي بألم ؟

بدون بنج وألم بسيط لا يذكر

-شلون عشتي حياتج بعد ترجيع الاجنه؟نمتي على ظهرج لي يوم التحليل ؟ ولا
مارستي حياتج بشكل طبيعي؟؟

نمت اسبوعين بعد ارجاع الأجنة على ظهري ما اتحرك حتى الدوام ماداومت ظليت لي يوم التحليل بعدين مارست حياتي بحدود بس بالبيت ما اطلع ولا ازور

-عندج اي نصايح تحبين تفيدينا فيها؟؟

اول شي النفسية تلعب دور مهم بعدين التفائل وكل شي على الله بالنسبة لي ختمت القرآن باسبوع وتصدقت وكنت كثيرة الاستغفار

 

[WaChoCha]

مرحبا بنات اشلونكم
اول شي الف مبروك على تثبيت الموضوع والله يستاهل

انا بقيت اسال بالننسبة حق الحقن المجهري او طفل الانابيب...كلكم تكلمتو عن اللي يصير لكم لكن محد قال لنا وين دور الزوج او شاللي بالضبط يسوونه للزوج وطريقة اخذ الحيوانات المنوية

وهل الدكتورة اللي اتابع معاكم الحالة هل اهي نفسها الللي تاخذ عينة من الزوج والا اشلون
انا بقيت اعرف ...لان الدكتورة قالت لي املج بالله ومن ثم بطفل الانبوب اذا بقيتي العيال

وسامحوني على الاسئلة الوايدة

 

[shjoonaa]

بالنسبة لي لمن سويت العملية بعد ما سحبوا مني البويضات نادوا على زوجي كان في ممرض متخصص لتلقيح العينات فاخذ العينه منه وبعد يوم اتصلوا علي وقالولي تلقحوا وكان عندي ثلاث بويضات ممتازين وبعده بيومين رجعوا البويضات في الرحم

 

[WaChoCha]

اختي shjoonaa

مشكورة على الاجابة وعسى الله يبلغج بشوفة عيالج ...وين سويتي العملية، واشلون اخذو العينة من زوجج وجم كلفج الموضوع كله .... واعذريني على كثرة الاسئلة

 

[shjoonaa]

هلا اختي WaChoCha
سويت العملية بمستشفى الهادي ودكتورتي فوزية القطان بالنسبة للعينة اذا تعرفين الشغله اللي يعطونج اياه لتحليل البول هذا نفسه يعطونه ويروح الحمام ويسوي استمناء بروحه بعدين يعطيه حق الممرض الصراحه زوجي لاف العلبة بالكلينكس قال عشان مابين يستحي من السسترات وكلفنتي العملية والعلاج 1500 واي سؤال انا حاضر

 

[WaChoCha]

مشكورة وايد وايد اختي شجونة عسى الله يبرد قلبج بالرد علي ويفرح قلبج بالذرية الصالحة

واللي زوجها فيه ضعف ما اعتقد هالطريقة تنفع؟

 

[.>حــــــــ(و)ـــراء<.]

سلام اشونكم بنات انا أول مرة أشارك بهالمنتدى وأرجو ان تتقبلوني أنا صارلي متزوجة عشر سنين وكنت محرومة من الاطفال والعمر يمشي لمن سويت عملية طفل انابيب على فكرة أنا سويت تلقيح صناعي مرتين وفشلت العملية

-شنو مشكلتج ؟و مشكلة زوجج؟

ما عندنا أية مشاكل الحمدلله بس الله ماكتب

-جم عمرج ؟ وجم عمر زوجج؟

عمري 34 وزوجي 43

-جم مره سويتي العمليه؟

3 مرات

-العمليه نجحت من اول مره ولا لا؟

نعم نجحت بس تميت لمدة ستة اشهر وياني الطلق وولدت طبيعي كان عندي توم بنت وولد بس توفوا بعد نص ساعة من الولادة لأن الرئتين موكاملين وارتحت ثلاث اشهر وسويت العملية بس مانجحت وبعدها ريحت 5 شهور وسويت العملية ثالث مرة ونجحت وانا الحين حامل بالشهر الرابع والله يتمم علي وعلى الجميع آمين

-منو دكتورتج؟وشنو تعليقج عليها؟

دكتورة فوزية القطان والصراحة كانت وايد متعاطفة وياي وعندها خبرة وشاطرة وكافي انها استشارية

-جم كلفتج العمليه؟

العملية بروحها 700 مع العلاج والابر والمثبتات المجموع كله 1500

-ترجيع الاجنه عطوج بنج ولا لا؟وحسيتي بألم ؟

بدون بنج وألم بسيط لا يذكر

-شلون عشتي حياتج بعد ترجيع الاجنه؟نمتي على ظهرج لي يوم التحليل ؟ ولا
مارستي حياتج بشكل طبيعي؟؟

نمت اسبوعين بعد ارجاع الأجنة على ظهري ما اتحرك حتى الدوام ماداومت ظليت لي يوم التحليل بعدين مارست حياتي بحدود بس بالبيت ما اطلع ولا ازور

-عندج اي نصايح تحبين تفيدينا فيها؟؟

اول شي النفسية تلعب دور مهم بعدين التفائل وكل شي على الله بالنسبة لي ختمت القرآن باسبوع وتصدقت وكنت كثيرة الاستغفار

عسى الله يتمم عليج على خير

و يثبت اللي برحمج

و يقر عينج بشوفته

مشكوره على مرورج الحلو

 

[.>حــــــــ(و)ـــراء<.]

مرحبا بنات اشلونكم
اول شي الف مبروك على تثبيت الموضوع والله يستاهل

انا بقيت اسال بالننسبة حق الحقن المجهري او طفل الانابيب...كلكم تكلمتو عن اللي يصير لكم لكن محد قال لنا وين دور الزوج او شاللي بالضبط يسوونه للزوج وطريقة اخذ الحيوانات المنوية

وهل الدكتورة اللي اتابع معاكم الحالة هل اهي نفسها الللي تاخذ عينة من الزوج والا اشلون
انا بقيت اعرف ...لان الدكتورة قالت لي املج بالله ومن ثم بطفل الانبوب اذا بقيتي العيال

وسامحوني على الاسئلة الوايدة

حياتي عسى الله يرزقج الذريه الصالحه يارب

و دام قالتلج الدكتوره املج بالله و بطفل الانبوب يعني ان شاءالله في

امل توكلي على الله و سوي العمليه ترى العمر يركض وماتحسين فيه

و بالنسبه لسؤالج اتوقع نفس الدكتوره اللي تسويلج العمليه اهي اللي تسحب حق

زوجج العينه

 

[WaChoCha]

كويتية دلوعة ...مشكور حبوبة عالرد

ان شاء الله متى ما الله اراد اسويها

 

[shjoonaa]

حتى لو زوجج عنده ضعف عادي تسوين طفل انابيب لانهم يختارون الاحسن شي والحين العلم تطور وانشاالله اسمه انج حامل ويرزق كل محرزمه ماعليج الا الدعاء اللهم اجرنا في مصيبتا واخلفنا خيرا منها ربي لاتذرني فردا واجعلني خير الوارثين

 

[shjoonaa]

مشكورة كويتيه_دلوعه ماقصرتي