مكياج العزا......عرض للجمال وفرصة للبحث عن عريس(دعوة للنقاش)

[[[ عيون جابر ]]]

صاجه والله الناس ويين والمكياج وين

 

[ذاب قلبي لربي]

رد : مكياج العزا......عرض للجمال وفرصة للبحث عن عريس(دعوة للنقاش)

امبببيه مو من صجهم هالبنات؟؟ لوووول والله تنرفز الساالفه !!

 

[عــاشــقــه]

بعزآ آبوي قبل 3 سنين تقريباً يت بنت ييرآنآ آول مآدشيت ركزت على شي وآحد آلرموش :eh_s(10):

مركبه رموش جنهآ مهفه ورآسمه عينهآ بآلكحل غير آلعدسآت إللي تشب و و و و بإختصآر مكيآج كآمل لو رآيحه عرس آبرك

شكلهآ كآن آوفر آوفر آوفر والله آنصدمتتتتتت

ولآ آلعبآيه آلمخصرهـ وكلهآ شوآرفسكي << بآلبدآيه مآ آستعوبت تنحت

وتتعلج بعد وآزيدكم من آلشعر بيت متزوجه وعندهآ عيآل

 

[خوش بنيه]

ايه كله جذي

 

[بالحييل أحبك } ..]

رد : مكياج العزا......عرض للجمال وفرصة للبحث عن عريس(دعوة للنقاش)

اللي قاعد يصير بعزيات هالايام عيب وقلة حيا وقلة دين
ولا عمري فكرة اخذ بنت لولدي تجي العزا وهي مو معبره هذا المصاب الجلل ولا معتبره من الموت
وجايه بكشختها اكيد انها يا قاسية قلب ولا فيها رحمة ولاتتأثر بموت عيل شنو بتتأثلر منه او بتحن عليه

معاها بكل حرف :friends:

 

[so_what]

في وايد بنات كلش كلش ما يتقبلون شكلهم بدون مكياج لوو شنو ، لازم يفكرون بمشاعر اهل الميت كلش مو حلوه بحقهم ما يت على هالجم دقيقه في بنات اتوقع لو ينقطع المكياج يصير فيهم شي

 

[مشتاقه لك يبا]

رد : مكياج العزا......عرض للجمال وفرصة للبحث عن عريس(دعوة للنقاش)

الحمدلله والشكر ظاهره غريييبه وبصراحه عيب

 

[super.cute]

لووووووووووووووووووووووووووووووووووووووووووووووووووووووووووووووووووووول

اي والله مايستحوون الله يستر عليهم

 

[lulush]

بس لازم نحط مكياج لو خفييييف نيود لان بيقولون شفنا فلانة عيونها حمصة مدري وجهها فيه بقع او كلف يعني ضروري نحط بدون استعراض والوان نحترم الميت واهل الميت يعن مكياج لابد منه اما العبي والشوارفسكي والالوان هذا اللي ما يجوز ابد

 

[هنادي آل سعود]

رد : مكياج العزا......عرض للجمال وفرصة للبحث عن عريس(دعوة للنقاش)

عفوا ياللي فووقي

يعني من باب الذووق انك ماتحطين ماكياج حتى ولو كان خفيف خلي عيونك حمصه ع قولتك بس يكون فيك ع الاقل شوي تقدير للمكان والشيء اللي خلاك تجين << اللي هو العزاء واحترام لمشاعر اهل البيت

ياما شفنااا من دنيا العجايب غرايب ...

 

[غلا الهيلا]

رد: رد : مكياج العزا......عرض للجمال وفرصة للبحث عن عريس(دعوة للنقاش)

قسم بآلله قمة قله آلآدب و آلحقآره

آنتي جآيه تعزين نآس فآقدين لهم شخص عزيز مو رآيحه تستعرضين
والله مآعآد في حيآء ولآذوق و لآ آحسآس تجيج متمكيجه خفيف تحسب آلنآس مصدقين آن هذآ جمآلهآ

و لآ آللي تسعرض بجنطتهآ و لآ سآعتهآ و لآ عبآيتهآ ..

إذآ آنتي جيكره مو وآثقه من نفسج لآ تروحين وجودج مثل عدمه إذآ مآحترمتي مشآعر آلنآس

و لآ آلتنغز و آلسوالف آلجآنبيه , آشيآء تقهر بصرآحه , وريحة آلعطورآت تهفهف ..

وآلله مره كنت بعزآ من كثر مآتغثيت بقيت آقوم آطردهم بره
إذآ مآترآعين شعور آلنآس آاقعدي بآلبيت آبرك لج


​

 

[فارضة وجودي]

رد : مكياج العزا......عرض للجمال وفرصة للبحث عن عريس(دعوة للنقاش)

اهي اوقفت على العزا بس حتى الطبيب المستوصف يحطون لبناتهم فل ميك اب ويترززون خو بناتهم منو ناقصين يعرفون كل شي
اما عن العزا انا شفت وحده بعزا يدتي الله يرحمها كانت لابسة عباية والله عباية عرس ولا مو عرس عادي جنه عرس اخوها وحاطة كريم ابيض ورموش صناعية وكحل سموك وحمرة مشمشية يعني اهني انبها ضميرها بالمشمشية واظافر تركيب وصاروخ مترين ليه فوق البقلة الوردة السحرية اللي هابين فيها والمشكلة ياليتها من الجيران او بعيده اللي متوفيى تصير خالتها اخت امهااااااا وترى المرة كبيرة متزوجة وعندها عيال يعني عاقل بالغ

 

[Stylista_Q8]

بصراحة عيب و قلة أدب
انا استحي ادش عزآ بـ بقايا كحل من اليوم الي قبله @@
هالمرة ادش بمكيآج !!
وبعدين الي تستعرض بناتها جذي لهالدرجة طايحين بجبدها يعني ؟! :|
مادري ان ويع تحسين بناتها رخااص

صااااجة !

نصيبهم بيي مو واقف على العزا

اذكر قبل فتره وحده منزله موضوع تبي تعرف شلون تحط ميك اب العزا

اللي يسوووي جذي جد ماكوو احساااس وماكو ثقه مووول !!

يعني بليز احترموا اهل الميت،، قدروهم !

بعرس خالتي الله يرحمها كان في بنات جذي اقهروني ! انتوا يايين عرس ولا عزا ؟؟

الله يسامحهم ويهديهم

 

[وهج الخير]

رد : مكياج العزا......عرض للجمال وفرصة للبحث عن عريس(دعوة للنقاش)

اللي قاعد يصير بعزيات هالايام عيب وقلة حيا وقلة دين
ولا عمري فكرة اخذ بنت لولدي تجي العزا وهي مو معبره هذا المصاب الجلل ولا معتبره من الموت
وجايه بكشختها اكيد انها يا قاسية قلب ولا فيها رحمة ولاتتأثر بموت عيل شنو بتتأثلر منه او بتحن عليه
بالاول كنت اخذ بنتي عشان تتعلم شلون تمسك العزا وشلون تعرف تتصرف اذا جانا الله لا يقول عزا لانها اكبر بناتي وكان نيتي انه تشوف شلون سنتنا بالعزا وشلون نتصرف كحريم وشلون نقوم فبعض ونواسي اهل الميت
لكن عقب ما شفت بنات خلق الله وكشختهم وبنتي ماغير تركض بغبرتها تصب وتشيل وتقدم وتستقبل الحريم الكبار وتخدم حسيت ان بنتي شكلها خدامه عند هالبنات اللي جايين وحاطين رجل على رجل والسكني طالع والموبايل باليد والمكياج والسوالف
عقبها قلت استريحي ما ارضى لج المذله واهل العزا اجيبج لهم الصبح ان كانوا من اهلنا
انتبهوا يا امهات ترى والله نصيبها يجيها لو هي تحت طابوقه
اللي بتمشي بناتها تدعي لهم وتقيم الليل والله بيرزقهم
والله يستر على بناتنا ويخشع قلوبهم بالايمان وطاعة الرحمن
شكرا على النقل جزاج الله خير

قريت ردك وفهمت شيء واحد فقط ونعم التربيه ونعم الاخلاق فعلا انتي مراه
ربي يرزق بناتك بالصالحين الطاهرين ويرحم موتانا وموتاكم اللهم امين

 

[عرش الأنوثه]

امبيه عيب شلون جذيي

 

[نايفة الوصوف]

استغفر الله الحين الوحده الله يكفينا الشر يالله تحمل تحضر عزا هي ملزومه فيه وتتضايق ولا هي صوب هالسوالف
وحتى لو العزا اللي رايحه له عزا احد ما تعرفه بس رايحه تأدي الواجب سواء كان من طرف صديقه لها ولا لاختها ولا غيره يضيق خلقها لانه فعلا موقف يضيق الخلق
بالله اللي تتمكيج مكياج طبيعي وبتروح عزا تستعرض شهالقلب اللي عليها من وين لها نفس تتمكيج ما تفكر بوضع الناس اللي بتجيهم
ما تحزن عليهم ؟
بس حمد لله والشكر بنات عقولهم ناقصه ولا اسخف منهم الا امهاتهم اللي ياخذونهم وهذا قصدهم.

طبعا انا ما ااقصد بكلامي اللي كانت رايحه تادي واجب ونيتها بس تأدي واجبها وما تمكيجت ولا شي وجالها نصيبها من هالعزا لانه نصيب وما فيه وحده تدري من وين بيجي نصيبها انا اقصد اللي رايحه بقصد انها تستعرض

 

[lulush]

رد: رد : مكياج العزا......عرض للجمال وفرصة للبحث عن عريس(دعوة للنقاش)

عفوا ياللي فووقي

يعني من باب الذووق انك ماتحطين ماكياج حتى ولو كان خفيف خلي عيونك حمصه ع قولتك بس يكون فيك ع الاقل شوي تقدير للمكان والشيء اللي خلاك تجين << اللي هو العزاء واحترام لمشاعر اهل البيت

ياما شفنااا من دنيا العجايب غرايب ...

استغفرالله العظيم حبيبتي اللي انا اقصده عشان تفهمين قصدي اقري رد هالبنت :

v
v
v
v
v
v
v
--------------------------------------------------------------------------------

شوفي الحين كلشي تغير .. في ناس يحفظون ويه البنت بالعزاء بعد ..

انا برايي اللي وجها وايد فيه عيوب .. يعني حب شباب .. ولا بقع عوده .. تغطيها باساس خفيف وتروح العزا مو تقعد جدام الناس

مبقعه .. بس مكياج وكحل ومشكرة ولا حمر لالالالا .

 

[عنـــآق ..!]

استغفر الله موضه الحييين
يوم عزا واحد من جماعتنا


تخيلو وحده تسولف اي كانت جايه فيها مكياج عزا

انا هنيمت ضحك شنو يعني قالو << الحيين مكياج العزآ<<

( كومبآكت -تآتو قوي- مسكرآ اوووووووفر )


ماااافي حيااااااااااا

 

[مملوحة_الوصايف]

رد : مكياج العزا......عرض للجمال وفرصة للبحث عن عريس(دعوة للنقاش)

امبي عيل انا اعرف وحده تروح بكحل عادي دار مدار العين وكل شي بس بدوون حمره وكانت تقولي ان عادي كلها كحل بالعين ومقتنعه ان شي طبيعي لدرجة اني بغيت اصدق لوووووووووول
انا لا رحت ما احط مكياج بس مرتين رحت عزا عباتي فيها شوارفسكي بس خفيف عالاطراف بس لان كنت طالعه من الدوام اوو ما كان عندي عباة ساده كلش وانا ناويه اخذلي وحده ساده بسااااده بس المهم اني عزيت ورحت واحنا نبي الاجر وانا سمعت عن بنات تزوجو بخطبه من العزا يعني الظاهر بعد ما يخلص العزا يسالون منو هذي الي جذي جذي ويصير بس ياربي ليش انتو معترضين هذا نصيبها والله اهي مقدر لها تروح هالعزا وتنخطب هناك واكيد انا ضد الي ترز بناتها

 

[العبيدان tenuta]

رد : مكياج العزا......عرض للجمال وفرصة للبحث عن عريس(دعوة للنقاش)

حبيبتي تسلم ايدج علي هالموضوع وطولة العمر لج وللناس الطيبة اللي قاعدين يتواصلون وياج سؤال يابنات ياحلوين الشنطة اسالفتها بالعزا كلش مالها اي داعي حتي الموبايل انت رايحة مشوار بخمس دقايق وطالعة شنطة وموبايل وشعر مفلول علي الجتف وعزكم اللة الصنادل اللي ترهش والكحلة لي الاذن والكلوس يتبارق والنظارة الشمسية اشكبرها والمدالية اللي تقرقش واللة شكلها جنها من مطربات البصرة اول القدم وحيدة خليل ولا عفيفة اسكندر ماقصرت عدت وبدت علي قولة المثل الكويتي القديم ياهوويلة تهولي قالت ماقصرت :eh_s(15):عاد المحجات وية اعبيهم وملافعهم اللي مابقي فصة ولا خرزة هذولا فيلم يبيلهم حلقة برووحم اما ظاهرة العلج هذة يديدة علي قولة الاخوة اللبنانيين ماحضرتلا مامرت علي :eh_s(12):

​