مكياج العزا......عرض للجمال وفرصة للبحث عن عريس(دعوة للنقاش)

[بنت المنصور]

انتو من صجكم ؟؟ انا والله عبالي تتغشمرون لا تعليق صراحة من صجهم هذول والي بتروح تبارك بالشهر يبى لما تطلعين

تمكيجي ولا الظاهر ويهج ماينتجابل الا بمكياج!!!! وبعدين عزي بيوم وباركي بيوم والله الناس فصخو الحيا مولية

 

[زهر الرمان]

ويييييييييه انا بعزا خالي الله يرحمه
شفت بنات لابسين ملون بدون عباة وتراجي كبار وميك اب
وغير اللي يقعدون يسولفون ويتكركرون جدام العالم
لا احترام وله شي
واااي ومشكلة احنا مالنا خلق غير تعب العزة ضايقج خلقج
بس شتقولين الله يصلحهم

 

[اجمل نساء 2011]

رد : مكياج العزا......عرض للجمال وفرصة للبحث عن عريس(دعوة للنقاش)

ليش جذي يسوون مو حرام علهم مايقدرون اهل الميت المنكوبين

 

[lovely jojo]

لا وتجي وعباتها الوان وشوارفسكي ..
استغفر الله ,,

 

[graphy*]

شي فضييييييع! والله انا كله افكر لو بعزى احد من اهلي القراب - عسى الله يبعد الشر - اقول يا ربي ماقدر استحمل ماقدر مادري اقوم اساسرها و اقولها لو تطلعين يكون احسن؟ يعني اذا مو حاسه ب هم و حرن و مصيبه الناس شتبين يايه؟ مو المشاركه تكون بالمشاااااعر ترااا مو انج تيين!! اذا بتيين وانتي جذي مو محترمه المكان و الجو لا تيييييين!

انا مره صارت وياي بعزا ناس معينين و كنت البس عباه صج انها مطرزه شوي بس صج ما عندي ساااده وقتها ! بس بالنسبه حق الباجي انا ولا شي!!! لا و كنت اروح ٣ ايام صج في ناس كل يوم وحده بعد استعراض علي اصوله!!! اااااه بس راحو اهل السنع الاياوييد والله يرحم ابووج و المسلمين كلهم

 

[أميره الدوسري]

رد : مكياج العزا......عرض للجمال وفرصة للبحث عن عريس(دعوة للنقاش)

يقعدون ببيوتهم أحسن ..

 

[الجفووول]

لا حول ولا قوه الا بالله

ساعات احس اني عايشه بزمن اسوووووووووود ومافيه خيييييييير

بنات والله حرام تكسرون بخاطر اهل العزا ترا وربي تحر
انا لمن توفى ابو زوجي شفت هالنوعيه اللي تبرق من الى وربي عورني قلبي

 

[اسرار الغلا]

صج ما عندهم احساس

 

['Basma']

مروا علي هالاشكال واايد
الله يهديهم ما يقدرون اهل المتوفى

 

[جوك احلى جو]

اناا اشوف ان وقت العزا الكل لاهي

 

[بدويـــة مودرن]

هذول من الفئه المريضه اللي مآ عندهم الثقـه بنفسهم ووجيهم قويـه انتي رايحـه عزا تلطخين مكيآج امبيه شهالعقليه.؟؟!!

 

[miss abrar]

غير اللي حاطين مكياج فيه حريم كبار صج يخطبون بالعزا فلانه متزوجه ؟ تشتغل ؟ ومن هالاسئله وغير جذيه اللي يقعدون سوالف وضحك تقول يايين عزيمه وله شاي ضحى مو عزا بدون احترام لحزن اهل المتوفي - المفروض العزا خمس دقايق الواحد يعزي ويمشي ماله داعي الطواله والسوالف

 

[DA3LOoOLA]

رد : مكياج العزا......عرض للجمال وفرصة للبحث عن عريس(دعوة للنقاش)

انا معاج مليووون % طبعا لازم الكحلة والماسكرا والفاونديشن ولقلوس على بالهم ان مايبين ؟؟

مااادري وين الحيااا راح هالايام انا رايحه اوجب واطلع وماعتقد ان ارح ينقصني شي اذا ماحطيت بهالخمس دقايق ميك اب وحتى لو عندي مشوااااار اقدر من بعد ماقوم بالواجب ارجع واغير واحط الي ابي وبعدهااا اروووح مشواااري وهذا يكون احتراما حق الميت واهله

 

[بطوطة @]

بكتب موضوع على هاليومين عن عزاء جدي وراح اقول لكم بالتفصيل عن خالاتي والله راح تنصدمووووووووون
يعني صج صج في مكياج الكل حاااااط حتى اليهال توها بالغه من غير البنات حاطين عدسات ملونه والله مااشوف عدل جذابه عمرج مالبستي بس دلع جذب الانظااااااااااارولا بعد كشخه عبي وملافع على بو مو مجهزه للعزا وتعالي وبطلي حلجج استغفر الله يااااااااااارب

 

[@الامل بالله @]

لاحول ولاقوة الا بالله ماتوصل للمكياج في العزا احسن تقعد باليت الي بتحط مكياج لاتحضر عزا

 

[مشتطـه]

انا بحياتي ما دشيت عزا الا مره وحده

ورحت عشان بيت ييرانا


وويع اروح وانا جلحه أمبي كلش ما اتقبل شكلي
بما ان رموشي شويه حطيت مسكرة
وحطيت شويه كحل
واللي بيتطنز خل يتطنز
انا ماحطيت حمرا حمره وبلاشر وردي وعدسات زرق
كلها مسكرة وكحله

واذا مايبين خل تحط عاااااااااااادي بس ما كان هدفي الزواج كلش

 

[emankuwaiti]

أحسه قلة عقل
لا حول و لا قوة الا بالله

 

[عادي من قلبي أشيلك]

رد: رد : مكياج العزا......عرض للجمال وفرصة للبحث عن عريس(دعوة للنقاش)

الجمدلله والشكر

الناس ماقامت تستحي

 

[cherry67]

انا لما اروح عزا البس عباية راس وشيله سودة وما احط بويهي ولا شئ ليش احط علشان اييب الحجي حق روحي .
وانا عموما ما احط الا بالمناسبات السعيدة

 

[آبـلـہ نـونـو]

رد : مكياج العزا......عرض للجمال وفرصة للبحث عن عريس(دعوة للنقاش)


هههههههههههههههههههآآي

آلعنوآن خطيررر .! ، @@

صجْ آلحرررريم نآآقصآت عقل ..

..