مكياج العزا......عرض للجمال وفرصة للبحث عن عريس(دعوة للنقاش)

[رايدة وقايدة]

حتى تكون الإثاره قويه ويلاقي صدى لدي الجميع

من غرائب الدنيا وعجائبها

تغير المفهوم او العاده المتعارف عليها

لدى العالم كله

ظاهره جديده لدي بعض النساء

حين تذهب الأم لعزاء اسرة المتوفي

برفقة بناتها فهم لايذهبون

بدافع العزاء ومشاركة اسرة المتوفي حزنهم

على فقيدهم

بل استعراض بناتها والبحث لهم عن عريس

اكيد انتو بتستغربون كيف يبحثون عن

عريس في العزاء وفي مكان يلفه الحزن السواد

لكن هذي هي الحقييقه

الحين في مكياج خاص للعزاء

وهومكياج يميل الي الطبيعه

اي لايغير ملامح الوجه الطبيعيه

فقط إضافه لمسات خفيفه على الوجه

مثل ا لكحل البني لتوسيع العيون وجعلها تبدو بشكل طبيعي

والبودره الشفا فه


فقط لمسات خفيفه
للفت نظر المعزيات الي تلك الفتاة الجميله

والجمال الرباني

ليش هالقفز فوق ماهو متعارف عليه
والتقليد الأعمى

وعدم احترام مشاعر الأخرين

والأستعراض السخيف

ماتكفيكم حفلات الزواج والأستعراض المجنون

والحاصل فيها

بل تخطيتوها الي مراسم العزاء0000000




منقووووووووووووول

 

[Un-6be3iya]

بصراحة عيب و قلة أدب
انا استحي ادش عزآ بـ بقايا كحل من اليوم الي قبله @@
هالمرة ادش بمكيآج !!
وبعدين الي تستعرض بناتها جذي لهالدرجة طايحين بجبدها يعني ؟! :|
مادري ان ويع تحسين بناتها رخااص

 

[Miss McDonald]

.
مآ آعتقد من الآخلآق وآلذوق إنهآ تدش العزآء بمكيآج .. !
لكل مكان قدسية واحترام .., واذا ما احترمنا المكان فقدنا احساس الحياة لان كل شي بيكون مثل مثل !
وإهيا تكون يآيه تعزي كـ توجيب لأهل العزآء والمفروض تحترم مشآعرهم ..,
..
مششكوؤرة آختي =)

 

[Miss-Madry]

وآآي

مو من صجهم هالبنات ولا ازيدج بعد العبايه الي تكسر العين من الشوارفسكي والشغل عليها ..!

واي انا مستحيل احط ميكب اروحلهم بدوون ميكب عيب وين قاعدين ..!

 

[Om Hayoon]

رد : مكياج العزا......عرض للجمال وفرصة للبحث عن عريس(دعوة للنقاش)

مشكورة خيتي رايده و قايده على هالنقل للموضوع
بصراحه الموضوع واااااااااااااايد مهم
و حبيت افيدكم اني من قبل فترة قصيرة فقدت ابوي الله يرحمه ...و بصراحة تفاجأت من البنات اللي كانو يدخلون علينا بمكياجهم و شعورهم المفلوله !!!
كنت اتضايق لما اشوف الناس هذي مو محترمه حزنا على ابوي و لا محترمه عزاه الله يرحمه وكنت اقول بيني و بين نفسي انا مستحيييييييل ادخل على ناس بعزا و فيني شي يبرق ...حتى تكرمون نعالي و لا احط نقطة مكياج و عباتي عباة راس و ملفع اسود ساااااااده بدون ستراس و زخارف ...لان انا يايه اعزي مو يايه استعرض جمالي و هدومي ...الكل يدري انا منو ..ومايحتاج بهالوقت اني اتزهلق و اهل الميت بحزنهم و حالتهم حاله
وبس
احس اني قرقت وايد
بس الموضوع جدا مهم يا بنات ولا تتهاونون فيه لان مرد الحزن يدخل كل البيوت ...وعسالله لا يوريكم مكره بقريب امين يا رب العالمين

 

[brettey]

رد : مكياج العزا......عرض للجمال وفرصة للبحث عن عريس(دعوة للنقاش)

انا عزى ابوي الله يرحمه كان باول يوم رمضان فتخيلي الي ايون عقب الفطور تارسين ويوههم مكياج بحجه بنروح نبارك بالشهر عقب العزى ولا العبي الي تلفص من الشوارفسكي
ما احترمونا احنا اهل العزى
وياما اروح عزى والقى هالنماين

 

[ام طمبحله]

رد : مكياج العزا......عرض للجمال وفرصة للبحث عن عريس(دعوة للنقاش)

اللي قاعد يصير بعزيات هالايام عيب وقلة حيا وقلة دين
ولا عمري فكرة اخذ بنت لولدي تجي العزا وهي مو معبره هذا المصاب الجلل ولا معتبره من الموت
وجايه بكشختها اكيد انها يا قاسية قلب ولا فيها رحمة ولاتتأثر بموت عيل شنو بتتأثلر منه او بتحن عليه
بالاول كنت اخذ بنتي عشان تتعلم شلون تمسك العزا وشلون تعرف تتصرف اذا جانا الله لا يقول عزا لانها اكبر بناتي وكان نيتي انه تشوف شلون سنتنا بالعزا وشلون نتصرف كحريم وشلون نقوم فبعض ونواسي اهل الميت
لكن عقب ما شفت بنات خلق الله وكشختهم وبنتي ماغير تركض بغبرتها تصب وتشيل وتقدم وتستقبل الحريم الكبار وتخدم حسيت ان بنتي شكلها خدامه عند هالبنات اللي جايين وحاطين رجل على رجل والسكني طالع والموبايل باليد والمكياج والسوالف
عقبها قلت استريحي ما ارضى لج المذله واهل العزا اجيبج لهم الصبح ان كانوا من اهلنا
انتبهوا يا امهات ترى والله نصيبها يجيها لو هي تحت طابوقه
اللي بتمشي بناتها تدعي لهم وتقيم الليل والله بيرزقهم
والله يستر على بناتنا ويخشع قلوبهم بالايمان وطاعة الرحمن
شكرا على النقل جزاج الله خير

 

[Om Hayoon]

رد : مكياج العزا......عرض للجمال وفرصة للبحث عن عريس(دعوة للنقاش)

عظم الله اجرج اختي بريتي

 

[رايدة وقايدة]

استغفر الله العلي العظييييييييييم
الله يرحم موتانا وجميع موتى المسلمين
اللهم اغفر لي ولوالدي وللمؤمنين والمؤمنات الاحياء منهم والاموات

 

[رايدة وقايدة]

رد: رد : مكياج العزا......عرض للجمال وفرصة للبحث عن عريس(دعوة للنقاش)

الله يرحم ابوووج ويجعل مثواااه الجنة ويجمعج فيه قولي اميييييين
تسلمين خواااتي على اثراء الموضوع بمشاركتكم

 

[مرتاحه]

انا مره رحة عزه
نفس ما تقولين المكياج
والتسريحه طبعن مو نفس تسريحة الاعراس
لا بف بسيط او تسريحه بسيطه
والعلج يدور على المعزين ومنو الا امسوي هل هوايل
البنات الا في عمر الزواج لا وكلامهم عن الموضه
وسوالف البنات
والحريم خليهم على صوب الا تسال منو هذي
واعيالك تزوجو ولا وبتروحين عرس افلانه ولا
وفي عزى ابوي سمعة وحده تسال مره اكبيره
بناتك تزوجو ولا ترد عليها هذا مو مكان يسؤلون
فيه عن هذي الشغلات عجبتني بردها
اي هذا السنع مو الحين الا نشوفهم بالعزه

 

[استعجلت الرحيل]

رد : مكياج العزا......عرض للجمال وفرصة للبحث عن عريس(دعوة للنقاش)

والله صاجه المكياج عيب الوحده تحطه وتروح للعزا على الاقل تحترم اهل البيت

اما العبي الشوارفيسكي عدي وخربطي صار شي عادي بالنسبه للناس الله يكفينا شر الدنيا

 

[غلاي غير]

يارب لاتبلانا شهالتربيه الشره على كبيرتهم الي معاهم وراضيه يحطون مكياااج وشعر

احنا بقايا الكحل نفرك ويهنا عدل عشان يروح وعباااااايه ساااااااااااده وملفع اسود حتى الجنطه تكون موملونه تكون غامجه والاحسن سوده ومافيها برقه

ومره رحت اعزي وحده معاي بالدوام الله يرحم امها يوم سالتها عن خواتها ناااادتهم بصوت عاااااااااالي تعالواااااا ردوا عليها بصوت اعلى قااااااااعدين ناااااكل مو فااااضين ): انصدمت مسكينه تفشلت

 

[aṕriliå]

رد : مكياج العزا......عرض للجمال وفرصة للبحث عن عريس(دعوة للنقاش)

الحمد لله والشكر

قمة في قلة الادب والذوق صراحة

 

[شموع الفرح]

نزين انتوا تتكلمون عن العبي والمكياج وشرايكم بالهواش اللي يصير والحقد والكراهيه اللي تكون موجوده بين اهل العزا والحش انا بعزا عمتي الله لا يراويكم اجواء العزا واي واي واي والسبه الحقد بين الحضور والكراهيه الله يرحمها ويغفر لها

 

[عقد وسوار]

رد : مكياج العزا......عرض للجمال وفرصة للبحث عن عريس(دعوة للنقاش)

انا اتفق معاك عزيزتي

بس خلينا نتكلم بواقعية شوي

وايد بنات لما يروحون يعزون اكثر شي يكونون طالعين من الدوام فشي طبيعي تكون فيها مكياج وفاله شعرها..
وفي بنات ما يقدرون يستغنون عن الكحل مول

فعذروها
اهم شي انها وصلت لحد عندك وعزتك ودام هي ماعندها ذوق مافي حل

 

[الفرفورةرفرف]

ـ انا معاج 100% امبيه احس صار شي عادي ساعات أقول يمكن انا معقدة لأن صار بكل عزالازم اتشوفين الكحل وصبغ الاظافر وتطقطق العلج والحمرة والشوارفسكي والتراشي اللي تكسر العين والساعة الالماس والكعب اخر موضة يعني ماقلنا تبهذلي وروحي العزا بس هم بعد في شغلات مالها داعي ولا والعكس صحيح في ناس الله يهديهم ريحتهم استغفرالله من تشمينها تعرفين شنو غداهم هههها ماتكلف تفسها تحط دهن عود عالاقل قبل لا تدخل عشات اتسلم والناس تشم فيها ريحة طيبة يعني على اساس ماتبي الرياييل يشمونها طيب ضغطي على نفسجوبدلي ملابسج قبل لا اتعزين ولا شرايكم?

 

[Flower20]

رد : مكياج العزا......عرض للجمال وفرصة للبحث عن عريس(دعوة للنقاش)

اي مالت طفارتي اللي تيي العزا كاشخة ومكحلة
وتحط كريم اساس يعني جمالي طبيعي

قلة ثقة بالنفسسسسسس

 

[قطرات من الندى]

رد : مكياج العزا......عرض للجمال وفرصة للبحث عن عريس(دعوة للنقاش)

الحنمدلله والشكر لك يارب
لا حول ولا قوة الا بالله
صارو البنات يستغلون اي فرصه او مناسبه عشان يستعرضون جمالهم وكشختهم
بس الشرهه مو عليهم الشرهه على الحريم اللي يخطبون حق عيالهم في هالمناسبات

 

[عزتي مالها حد]

رد : مكياج العزا......عرض للجمال وفرصة للبحث عن عريس(دعوة للنقاش)

الله يرحم موتانا وجميع موتى المسلمين
اللهم اغفر لي ولوالدي وللمؤمنين والمؤمنات الاحياء منهم والاموات