مكالمات بعد الملجه

[سحــابه]

مسااا الخير

حبيباتي أنا ملجت من شهر وعرسي بعد 3 شهور ونص ان شاء الله

المهم امس كانت اول مكالمه لي مع زوجي..

كان فخاطري يكلمني من ثاني يوم بعد الملجه بس هو كان جدا

خجول فالحفله وخايف انه ممنوع عدنا هذا الشيء..

المهم كلمتني اخته واقترحت علي اكلمه... بينت لها اني ثقيله

استحي..مااعرف شو اقوله.. ومن هالكلام وهي تحاول

معي بالاخير وافقت بشرط تكون مكالماتنا كتابيه على بي بي كبدايه

وافقت وضافني .. اول مكالمه كانت رسميه ..

انا محتاره فيه ناس تقول لي كوني ثقيله وياه فالملجه

الريال مايحب الخفيفه ياخذ عنها فكره غلط بس انا طبعي

يوم ارتاح لشخص ولو حتى قابلته اول مره اسولف ويايه عادي

انا عمري 27 وهو اكبر عني ب7 سنوات

سؤالي كيف اتصرف وياه في اول فتره

هل اكون متحفظه ف اول اسبوع وعقب بتدريج ابدا اكلمه

لانه الحين هو يسال وانا اجاوب على قد سؤال بس..

+ ابا نصايحكم لاتبخلون علي

ومشكورين ​

 

[توحه1]

كوني على طبيعتج
ولا تبالغين بشي لان راح ياخذه عليج ممسك طول العمر
ولا تكونين صريحه وايد
وتحجي عن الشقه وشنو احلامج وخاطرج يكون فيها

 

[سحــابه]

كوني على طبيعتج
ولا تبالغين بشي لان راح ياخذه عليج ممسك طول العمر
ولا تكونين صريحه وايد
وتحجي عن الشقه وشنو احلامج وخاطرج يكون فيها

هلا أختي توحه

بعدنا فاول فتره واايد استحي .. هو يفتح حوارات.. اول فتره صعبه يبالي

وقت لين اتعود عليه.. لانا شفنا بعض اول مره فحفلة الملجه. الوالد من قبل

عرض عليه رؤية شرعيه بس قال اهله شافوا ويكفي..

تدرين فحفلة الملجه كنا وآيد مرتبكين ومن كثر ارتباكه كل الي قاله كلمتين

مبروك ويوم عقب رحنا مجلس ثاني مع لمصور عشان نتصور كان ساكت

واختج مصدومه ويوم خلصنا تصوير قال يلا مع السلامه..

مرت ثلاث اسابيع وماطلب يتواصل معي وانا اقول فخاطري يمكن ماعجبتيه

او اني مغصوبه عليه.....الخ ..، عقب تواصلن معاي خواته واكتشفت خطأي

كان يبا يكلمني على طول بس خايف انه ممنوع هالشي عند اهلي..

السكن بيكون لنا قسم فبيت اهله ان شاء الله..

 

[مذهلة2013]

حبيبتي عادي انا ويه ريلي يدق علي وجذي عادي
لاتستحين وااااااايد حلو يكون المستحى باعتدال والله
كلميه شنو بخاطرج شنو ودج مستقبلا وياه
واخذي راحتج والله لانه هذا نصج الثاني

 

[سحــابه]

حبيبتي عادي انا ويه ريلي يدق علي وجذي عادي
لاتستحين وااااااايد حلو يكون المستحى باعتدال والله
كلميه شنو بخاطرج شنو ودج مستقبلا وياه
واخذي راحتج والله لانه هذا نصج الثاني

هلا اختي مذهله

تدرين اليوم هو الثالث لمكالماتنا على بي بي

هو يدش يسلم.. كيف الحال.. يحط فيسات كحوار

المفروض الريال فاول فترة يفتح حوارات وجيه

بس هو هادي.. استحي ابادر فاول فتره

مااعرف شو اسوي..

 

[Miss Minne]

صح المفروض اهو يبادر بالحوار

بس يمكنا اهو مستحي مثل ما قلتي فحاولي انتي تتكلمين وتفتحين مواضيع عامه

سأليه شنو يحب وين يروح وجذي بس

 

[بياعه ورد]

الله يوفقج خليج ع طبيعتج ولا تسوولفين معه وايييد حدكم نص او ربع ساعه باليوم هذا اللي اشوفه افضل
بعد حلو تكونين غامضه

 

[M!SS.LOBY]

بصراحة من وجهة نظري

احس المكالمات بعد الملجة مالها داعي

 

[مذهلة2013]

هلا اختي مذهله

تدرين اليوم هو الثالث لمكالماتنا على بي بي

هو يدش يسلم.. كيف الحال.. يحط فيسات كحوار

المفروض الريال فاول فترة يفتح حوارات وجيه

بس هو هادي.. استحي ابادر فاول فتره

مااعرف شو اسوي..

يمكن خجول حبيبتي
احب الريال اهو يبدي :eh_s(10): ان شاءالله ويه االايام راح تتعودون على بعض حبيبتي :eh_s(7):

 

[غآب نورك ~]

خلج طبيعيه ولا تبادرين الا لما اهو يبادر

طنشي واشغلي نفسج بالتجهيزات

ساعات المكالمات تجيب المشاكل بعيد الشر عنكم

الله يوفقكم ويهنيكم

 

[إيمــآن الكويت]

.
.


كل ريال يختلف عن غيره انا رفيجتي ريلها كان ثقيييييييل ويالا تاخذ وتعطي رياه
انا حاليا اكلمه كل يوم واول الايام صج كنت استحي واهو نفس الشي بس بعدين
جداااا سهالات ميانه وضحك واخذ واعطي وياه واهو بعد يعني لا تحاتين
اول الايام شوي صعبه بعدين تطيح الميانه

 

[Shinexo]

هو بيستحي لو جآفج آنتي هم مستحيه ترى مرآح يتجرآء ب شي بيتم مستحي, خلج ع طبيعتج آحسن عشآن هو يرتآح شوي ..

 

[سبحآن الله"]

كلها كم اسبوع ويتجرأ ويفتح مواضيع
صديقتي كذا وبعدها صاروا يتكلمون ويسولفون وصار يتصل عليها
حبه حبه كل شيء يبي له وقت
بالتوفيق

 

[شموووخ اماراتيه]

أحلى شيء يوم تكلمينه صح تستوي مشاكل بَـَس تعرفين طبعه وشخصيته وشو يحب وشو يكره وأحلى بعد يوم فترة الملكه تطول
خطيبج نفس ريل اختي كان فالبدايه جي بَـَـس بعد العرس كل شيء تغير مايستحي وقالت انصدمت ﻣ͠ڼ طبعه واسلوبه انه جريء
ربي يتتم لج علـّـے خير

 

[توحه1]

طرشيله صباح الخير وصورة ورده
واذا جاوبج حاوريه
وكملي معاه
واليوم الثاني بليل تمسي على خير وبجذي تبدين معاه نقاش

 

[فيلسوفة قلبي]

لآ تكونين ثقيلة ولا خفيفة خلج وسط ...

فيه شئ تحجي ماكو شئ مشي يومج عادي ..

تبين الصج أنا وريلي ماشاءالله عليه من يوم الملجة خذا رقمي من عند أخوي .

ودق ع طوول ومن يوم يومها يحب الكلام ^^

يعني مو كل الرياييل نفس الشئ بعضهم يحتاج لهم وقت لحد ما يتعودوآ

 

[التوق]

نصيحه نصيحه نصيحه لا تقولين كل شي
اللي ينقال قوليه واسرارج وهالسوالف لا تقولين الا اللي ينقال !!!
واي سالفه تصير وخريه عنها وخليه اهو يبادر ويسولف ويسأل أفضل عشان يتعود
وموفقه

 

[سحــابه]

يزاكن الله ألف خير يا بنات بردتن هوادي ​

ادري بحشركم بس تحملوني مب عارفه حق منوه افضفض ​

مااعرف ليش مااحس بشعور نحوه من بعد حفلة الملجه (اول مره نشوف بعض فيها) ​

الشيء الثاني الي مب عارفه له سبب احسه غامض في حوارتنا قليل جدا ​

يكلمني عن نفسه.. يعني فخاطري يخبرني شو اهتماماته.. شغله.. حياته فالمجمل ​

+ قليل جدا يسالني عن نفسي​

سالته اليوم يوم شفته ياب طاري شغله انه باجر دوامه يبدا 10 الصبح ​

هل المسافة بين مكان سكنك وشغلك بعيده؟ ​

رد علي 15 دقيقه وغير الموضوع ​

وليوم كنا مسوين عشا مشاكيك لحم وفتح موضوع الاكل ​

قلت بستغل الفرصه وبسالك شو يحب من الاصناف؟​

تدرون شو رد علي ​

قالي انتي​

انا صخيت وحطيت ويه مستحي​

اسلوبه مايشجع على الحوار.. ونحن باول الايام المفروض يبادر​

مش انا.. عشان جيه قررت اعامله بنفس اسلوبه​

شو رايكن؟​

 

[مذهلة2013]

يزاكن الله ألف خير يا بنات بردتن هوادي ​

ادري بحشركم بس تحملوني مب عارفه حق منوه افضفض ​

مااعرف ليش مااحس بشعور نحوه من بعد حفلة الملجه (اول مره نشوف بعض فيها) ​

الشيء الثاني الي مب عارفه له سبب احسه غامض في حوارتنا قليل جدا ​

يكلمني عن نفسه.. يعني فخاطري يخبرني شو اهتماماته.. شغله.. حياته فالمجمل ​

+ قليل جدا يسالني عن نفسي​

سالته اليوم يوم شفته ياب طاري شغله انه باجر دوامه يبدا 10 الصبح ​

هل المسافة بين مكان سكنك وشغلك بعيده؟ ​

رد علي 15 دقيقه وغير الموضوع ​

وليوم كنا مسوين عشا مشاكيك لحم وفتح موضوع الاكل ​

قلت بستغل الفرصه وبسالك شو يحب من الاصناف؟​

تدرون شو رد علي ​

قالي انتي​

انا صخيت وحطيت ويه مستحي​

اسلوبه مايشجع على الحوار.. ونحن باول الايام المفروض يبادر​

مش انا.. عشان جيه قررت اعامله بنفس اسلوبه​

شو رايكن؟​

حبيبتي فيه تطور

بعض الرييايييل يستحون من الحريم والله عندي شخص يصيرلنا امبيه يستحي من انه يكلم حرمه
خليه اشوا انه تغزل اشوي :eh_s(7): مع الوقت صدقيني راح يتعود :eh_s(22):

 

[سحــابه]

يسعد صباحج اختي مذهله

هيه فيه تطور من صوبه بس ياختي احسه بتقطير

على قولتهم حبه حبه واختج مستعيله هههههه

بدأ يطرش لي صوره بدون ما أطلب

اتفقنا ع شهر العسل ان شاء الله

الله يقدم الي فيه خير