يسعد صباحج اختي مييريا
ان شاء الله بصبر عليه.. وصدقج مب حلوه اذا استلمته سين جيم
لانه هو مابادر يسالني .. بس كيف امدح نفسي ياليت تشرحين لي ><
شيء ثاني حتى يوم اناقشه فشيء او اساله عن شيء جوابه مختصر
كلمه ولو كثر ماكلمتين.. ما يشجع على الاخذ والعطا
ومرات يدخل يكتب كلمه.. مثلا امس طرش لي كلمة (الحب) بس
واغلب الوقت يطرش من ابتسامات بي بي وهذي اطنشها ماارد عليها
شو اقول ><
امس كلمني ع ظهر على بي بي وطبيت الفون لين 9 ونص.. كنت قاعده ويا اهلي
واستحي اكلمه جدامهم.. احراج.. تفاجات فالمحادثه يسال وينج + مطرش لي مسج
هلا وينج؟ ..، كلمته وقلت له بقولك شيء عشان ماتحط فخاطرك مني يوم اكون قاعده
ويا اهلي استحي اكلمك جدامهم وكان متفهم..
هلا حبيبتي
الغلط منا احنا البنات على بالنا النقاش مع الرجال نفس نقاشنا مع الحريم
الرجال ما يتفاعلون وايد ويجاوبون مثلنا ،، واحنا يمكن متعودين على اخوانا او ابونا يسولفون معانا عادي
بس بين الزوج وزوجته يختلف الحوار ، خصوصا بوقت التعارف ،، انتي فكي عمرج ولاتنتظرين تفاعل او تجاوب منه ،، سولفي وبس ،، ولا تفكرين انه ما يحبج او ما يحب سوالفج ،، ترا المشاعر توصل ،، يعني لو تميتي تفكرين انه يمل منج ومن سوالفج فعلا راح يمل ،، والعكس صحيح
انتي لاتبينين انج تنتظرين جواب منه او تفاعل ،، سولفي عن نفسج ،، مثلا وانتي صغير ،، مواقف غريبه صارت لج ،، بيني له انج ذكيه وتحبين الناس وتذكري مواقف تدعم هالشي ،، مواقف تخليج كبيره بعينه وبقلبه ،، حتى تفاصيل صغيره كلميه عنها بس بطريقه غير مباشره ،، مثلا اذا كنتي متعودة تقومين الصبح وتساعدين الوالده باي شي او متعودة تحبين راسها ،، قولي له بطريقه غير مباشره ،، مثلا اليوم قمت الصبح وشفت الوالدة قاعدة بروحها وحبيت راسها وسويت لها قهوة ولا قعدت اعلمها على الاي باد او اللاب توب ،، بهالشي توصلين له بطريقه غير مباشره انج باره بامج وتحبين قعدة الكبار وتراعينهم وحنونه عليهم ،، تذكري مواقف من هالنوع ،، وعلشان ما يحس انه كله تمدحين نفسج اذكري له شي تخافين منه ،، مثلا ما تحبين الحيوانات وتخافين منهم ،، او تخافين من حوادث السيارات وغيره ،، بس لا تكثرين ،،
ودايما انتي انهي الحديث يعني سولفي وقولي له كم موقف وبعدين قولي له عن اذنك بقوم اخذ شور او بقعد مع اهلي او اي شي ،،
حتى لو ما عندج شي تسوينه ،، ادري صعبه بس بالبدايه بس ،، وبعد فتره تقدرين تقولين له تعودت عليك وتعودت اقولك كل شي بخاطري ،، ودخلي كم كلمة غزل بس خفيف وايد ،، مثلا انج اشتقتي له ،، او اذا مره كلمتيه وما رد عليج قولي له انج خفتي عليه ،،
كلمي عن كل شي عادي الا شيئين حتى لو قالج عادي سولفي وانه ما يزعل وانه فري لا تقولين ،، مشاكل اهلج ومشاكل اخوانج وخواتج ،، و لو كان لج علاقات عاطفيه ،، لو يموت لا تقولين له ،، حتى لو مافي علاقه ،، لو كلمج عن ناس خطبوج وانتي رفضتي او اهلج رفضو قولي ما اذكر او اي شي بس تهربي من الاجابه ،، حتى لو الجواب عادي لاتقولين ،، باقي الامور عادي كلميه عن كل شي ،،
وبالتوفيق حبيبتي :eh_s(17):
