مفكره اوصل الهدية لزوجي بالدوام ،، تهقون يتقبل ؟

[UM M&M]

بنات انا ودي أفاجأ زوجي بهديه و فكرت اوصلها الدوام له يعني تكون بمكتبه قبل ما يوصل
شرايكم تهقون يتقبل الموضوع ولا اخاف يظغطونه ربعه ولا احرجه

مادري ودي اسويها بس اخاف تنقلب علي و يلومني
خصوصا ان الحين انا وياه متزاعلين شوي

فأبي اراضيه شرايكم

اسويها ولا لا

منو جربت تسويها مره ؟

 

[الهنوف24]

لا ديري بالج تسوينها ترى هالشغله تحرج الرجال جدام ربعه ادري ودج بهشي بس مايصلح بمجتمعنا

 

[شيوم]

لاااااا تسوينها الرياييل مايحبون جذي خصوصا الدوام بتحرجينه والله حطيها له بالبيت علي السرير مع كرت بيستانس فيها اكثر

 

[tooooma]

لا تسوينها الريااال راح يحس باحرااج جدااام ربعه وراح يطنزوووون وتدرين انتي بالبااجي لانه مجتمعنا مايتفهم نفس هالامور

والله مخلي هالناس بس حق المعاااير والتطنز انا اقوووول حطيها على الفراش ومع جم وردة جووري وبطاقه فيها احلى الكلمات

منج وانتظريه لمه يرجع من دوااامه لانه الحركه راح اتفرحه واتشييل عنه تعب الدوااام

 

[ريووفة]

حبيبتي لا تسوينها فمجتمعنا الريال عنده عيب
انا بقولج شغله قولية باليل ابي اروح اخذ شغلة من السيارة نسيتها وحطي الهدية
والصباح اول ما يدش السيارة بيحصلها ​

 

[iLLuMinaTion]

يعتمد

 

[زوجة عزيز]

لا مايرضون الريايل جذي حطيها بسيارته مثلا احسن

 

[غرأم]

هههههههههههه > يضغطـــونــــــــــــــــــــــــــه

 

[بربروسا]

اي والله احسها صعبه

 

[awashamen7asha]

كم مره نقزت له ماااا يرضى كلش لا حلو و لا ورد (بمناسبه ترقيه او امتيازات بالدوام) هالنوب هديه و بمناسبه خاصه. بالكويت صعبه جدا.
بس لمن كان يدرس برا كنت مشتغله عليه كروت و كيك و هدايا. و لمن سوا عمليه دزيتله ورد هم استانس. بس بالكويت لازم يلتزم بالعادات و التقاليد.

 

[الاسطورية]

والله عن العين لاتسوينها عادي هالهديه تقلب حياتكم من فزة قلب

 

[شذونه]

لا تسوينهااا متخافين من الحسسد خلي كل شي بينكم احسسسن

 

[فاقده ابوهاااا]

بالعكس راح يستانس وايد انا مره سويتها بعيد الحب وعيد زواجنا ريلي كان بدوره بنيوزيلاندا وبهاليوم دكتورهم كان يقولهم انتوا بعاد عن حبايبكم واكيد ما راح تحصلون هدايا بمناسبه عيد الحب عاد ريلي لما رجع الفيلا مع ربعه وصله الصندوق الي فيه هديته وحده استانس لان ربعه استغربوا والكل قام يدق على مرته ويقولها ان فلانه مرت فلان يابت هديه لريلها واهي بالكويت عاد انا سببت مشاكل لهم
بس حلوه فكرتج والي يبضغطه هذا المتخلف الحمدالله والشكر

 

[Gifts&Occaions]

أنا سويتها عادي انتي تعرفين طبيعة زوجج يرضى او لأ

 

[بتول بوشهري]

اذا انتي تبين تحرجينه وتبينه يجيلج البيت ويسفل فيج دزيله اهديه ههههههههههههههههههههههههه

 

[منو انت]

انا اقول الصبح قبل لا يقعد الدوام اخذي مفتاح السياره وحطي الهديه فيها او خلي الخدامه تحطها بس على عينج من الشباك

احسن من الدوام لا يزيد الزعل بينكم اكثر واكثر

او ممكن تحطين الهديه على السرير مع كرت ويرد من الدوام ويشوفها بس قبلها تقولين له انج تبين تتغدين عند اهلج يمكن تعجبه الهديه ويمرج وياخذج ويبوس راسج

 

[pusy cat]

لا يبا مو حقنا هالسوالف حق الاجانب بس

ديري بالج تسوينها كلش ولا دوامه لا تقربين صوبه

 

[أحبج يمه]

ما أنصحج تسوينها لأن مجتمعنا ما يرحم ويمكن ريلج يتضايق وينحرج آنا أقوول حطيها له بسيارته بدوون مايدري وبتكوون احلى مفاجأة له

 

[ديانا سبنسر]

حطيها بالسياررة اوبملابسه اللي بيروح فيهم للدوام

 

[عسل مرت قيمر]

بلعكس عادي فكره حلوه حبوبه


ليش الكل معارض هههه


بس شوفي على حسب زوجج


انتي تعرفينه اكثر منا


في راييل يستانسون ويتقبلون


وفي رياييل لا مايرضون



انا لو ريلي اتوقع عادي بيتقبل وبيستانس


والله حبيبتي لو الهديه ياه من وحده بشارع جان اقولج لا مايصير


بس انتي مرته مافيها شي


الا اذا السالفه بتكون فيها حسد بقولج يمعوده بعدي وحطيها بمكان ثاني


والله يخليكم لبعض ياارب