مفكره اوصل الهدية لزوجي بالدوام ،، تهقون يتقبل ؟

[انا لحبيبي .]

على حسب طبيعه الزوج ،

في ناس عادي وفي ناس مو عادي ، على حسب طبيعة الرجال

انا ناويه اسويها كمان بميلاده ان شاء الله ، بس مو عارفه ردة فعله كيف فرح احاول انغز واعرف الجواب

 

[نفـــائس]

لاتفتخين عيون ربعه عليه
ولله ماتسوي عليج باجر
يمكن واحد منهم مو ذاك الزود مع مرته واحد عزوبي ......الخ

هذي خصوصية

 

[درة أهل الطولات]

لا ما اتوقع يتقبل

 

[رفاعيه]

انا ما احب احس مو حلوه يعني حتى لو هو يسوي لي بتضايق

 

[صادقة بكلمتي]

والله حبيبتي على حسب شخصيته انتي ادرى بس اشوف الدوام صعبة لو ديوانية او البيت ابرك وانت بكيفج

 

[ام _خلودي]

علي حسب وين يشتغل

 

[عيش و مرق]

لالالالالالالالا ما انصح الرياييل مايحبون جذى شغل نواعم لووووووول

 

[انثى استثناء]

انا ماني عارفه تسالين تقولين تهقون ما هو ريلج و انت ادرى فيه .... احنا شمعرفنا فطبعه


انت اذا حابه تسوينها و نفسج فيها و حساسه انها راح تكون ردة فعله ايجابيه خلاص

بس اذا ريلج معقد من نا حية هذي الافكار تركها افضل

 

[غدووور الكويت]

على حسب طبيعة زوجج

 

[ام ريماس خوخه]

اهئ فكره حلوووه بس مدري ااااخاف تحرجينه جدااام ربعه

 

[بـ سـ كـ وتـ ة]

افكرة حلوة وايد ورومانسية

إذا ريلج من النوع اللي ما يهمه كلام الناس ما فيها شي سويها

لكن إذا وايد تأثر فيه آراؤهم ماله داعي

مثل ما قالوا حطيها في السيارة أو في كبته يم ملابس الدوام ... يعني مكان يشوفه بدون ما تقولين له

"والله لا يجيب الزعل"

 

[! Miss.Q8 !]

لا مو شي رياييلنا ما يحبون هالحركات هذي حق الاجانب

حطيها له بالسيارة او بمكان بالبيت بس جدام ربعه لا تفكرين

 

[Beyoncee]

عندنا بالديره صعبه
فاجئيه بالبيت واااايداحسن
فيها خصوصيه

 

[غرقانة بالحزن]

حبيبتي انتي ماحطيتي الموضوع الا اذا انتي بقرارة نفسك متاكدة انة مايتقبل الفكرة
لانة لو يتقبلها جان على طول دزيتها
انا مرة مثلك كنت بوديلة بعدين هونت خفت تنقلب السالفة علي
بعدين لمى عطيتة الهدية في البيت وايد استانس جان اقولة كنت بدزها لك على الدوام بعدين هونت
والله اهوة عيونة شوي وتطلع ؟؟؟؟؟؟؟
وقال الحمد الله انك مادزيتها والله ولو شايفة وجها حزتها \\\\\\\\\\\\\\\\\\\
بس ليش اتغامرين بشي انتي مو متاكدة منة مية بالمية

 

[ماريمار الكويت]

على حسب طبيعة ريلج يتقبل هالشي ونوعه يحب المفاجآت اومتعصب وضد هالشي !!!​

 

[ريـاانه]

ماا انصحج ابد ..

 

[فاقده ابوهاااا]

والله صدمتوني بالردود شالتشائم شنو يعني فشله اهي دازه ملابسها الداخليه ولا شي يفشل دازه هديه حق ريلها شالتخلف منو الي يعيب الحين وهذا الي راح يعيب على ريلج او يضغطه مو حاصله او اكيد متخلف تخلف مو طبيعي الحمدالله والشكر الحين صارت الهدايا والورد وهالمفاجئات الحلوه غريبه

 

[αмάι]

براحتج
الحركه حلوة بس عاحسب زوجك يتقبل او لا