^**"^**^ مــــــطــــبـــخ مــــــــغــتــربـــات ^**^**^

[dalal]

يالله يالله ناطرين العرايس ايواااا :ggdw::ggdw:

 

[مغتربة 2006]

هذي صور العرايس وطلعت حلوه الحمدلله

 

[شندوخه]

يه يه يه شهالحركات شكله ماشاءالله يشووووق
اليوم انا دشيت المطبخ وحسته لوووووووول سويت محروق صبعه بالخضار والله طلع لذيذ وابوي استانس عليه اول مره يمدح اكلي

 

[dalal]

اللللللللله مغتربه تشششششوق العرايس والله جنها مالت مطعم يميييييييي.....

وين المقادير؟؟؟؟ من شروط الموضوع الطبق ويا مقاديره :dddds: مالي شغل اشتهيت اسويها .....

وتسلم اييييييييييدج على الاكله وعلى التصوير الخطير... هالصوره حجمها عجيييييييب نقدر نشاركم بالاكله جذي :eh_s(6):

 

[مغتربة 2006]

مقادير العرايس:
بصله صغيره مفرومه
طماطه مفرومه
لحم مفروم
تخلطينه مع بعض مع ملح وفلفل اسود وبهار حلو



تالي تدهنين الخبزه بزيت زيتون وتحطين الخلطه وتشوينها بالشوايه
مع بطاط مقلي وحمص

وبالعافيه
حدهاااااااا سهله

 

[dalal]

يه يه يه شهالحركات شكله ماشاءالله يشووووق
اليوم انا دشيت المطبخ وحسته لوووووووول سويت محروق صبعه بالخضار والله طلع لذيذ وابوي استانس عليه اول مره يمدح اكلي

علللللليكم بالعافيه شندوخه ... وليش ماصورتي ؟؟؟؟ احتجججج :flower:

انزين عباره عن شنو المحروق صبعه ترى ماعرفه :eh_s(22):

 

[dalal]

مغتربه ... قصدج المقادير تنخلط وتنطبخ اكيد صح ؟؟؟ مو على طوول بالشوايه !! اييي زين انج ذكرتي بهار حلوو ... شنو يعني بهار حلوو انا وايد اسوي اشياء مقاديرها فيها بهار حلو بس اوطغه ماحطه !! لاني مو محصله شي اسمه سويت سبايس :dddds:

وننااسه شكلها سهل ودي اسويها باجر ... لانه ماعندي لحم مفروم الحين ...

 

[مغتربة 2006]

دلووول لا ما تسوينها قبل
بس جذي نسه وتخطسنها بالخبز تالي اهيا تستوي بالشوايه
والبهار الحلو ما اتوقع فيه بامريكا اهو مو حلو ييعني طعمه حلو
لوووووووول
فيه مسمار وجذي خلطات وايد تنفع حق اللحم
بالكويت موجود منه وتقدرين تحطين بهارات عاديه مو مشكله


والمحروق صبعه يكون خبز مع مرق خاثر ويسير مع لحم ودياي وخضار حدددددددددددده عجيب
احلى شي مع خبز ايراني

 

[pretty eyes]

قوة بنات اقرا الي طافني وارد لكم

 

[pretty eyes]

جوكليت كيك شهالحركات الميكابية عجيييبة وااااااااااااي ياهالماك حالف الا يفلسنييييييي المشكلة اني ما استعملة وايد بس جذي احب ايمع الحمدلله والشكر ياربي :dddds:

دلول انا من عشاق الفلات عيل شوفي ساكس فلاتهم وم طبيعي وعندج بعد تي جي ماكس هم شغلة حلو بس مرات يخوره ... حسافة على الدورة.. .. هذي وحدة عينها حااااااارة طيرة الدورة من عرجهااااااا ....ة اتغشمر مو تزعلون :tomato2:

مغتربة اشكثر تخلين الخبز بالشواية ؟؟ شكلها دسسسسسسسسسسسسسمة صح؟ مشكورة
شندوخة اين الصور؟؟

 

[dalal]

اممممممممم بس اللحم شلون يستوي؟؟؟ بشواية التوست يستوي ؟؟؟

وزين قلتيلي عن البهار لانه عيزت لازم اطل كل مره صوب البهارات واقول يمكن القى بهار حلووو
انزين عندي سؤال انا من قبل مسويه سبيرينغ رول وتوني يايه اقليه بس حددددده مثلج ولازق ابعضه ؟ شسوي؟؟ انطر عليه لين يفج الثلج ولا ؟؟؟



برتي: حبيبة قلبي هلا وغلاا جيكي على عرايس مغتربه لاتطوووووفج

 

[dalal]

هههههههههه برتي ظحكتيني ... بس يالله خيره تكنسلت ...

وعلى الجواتي ايي صاجه الساكس بعد خطيييير حدددده بس من زمان عنه والله ...

ويوزي عن تيمع الميك اب بدون استخدام حرام لانه تنتهي مدة صلاحيته ومرده ينقط ..

انا من عرفت عن انه الميك تنتهي مدته وقمت شوي ما اشتري الا الي احتاجه .. لانه احنا والله بس نشوف ميك اب بالسوق تزووغ عيونا وننسى الي عندنا بالبيت تلقين تشترين اشياء ماتحتاجينها ولا عندج نفس لونها .....

 

[مغتربة 2006]

برتي لا مو دسمه لان اللحم المفروم مافيه شحم
خفيفه وحلوه

دلوول
اي خليه يفج شوي تالي اقليه لان اذا سويتيه الحين خوفج يستوي من بره ومثلج من داخل

 

[مغتربة 2006]

برتي
انتي رح تعرفين يعني اول شي يستوي اللحم ويبدي يطلع ماي تالي يبتدي يتحمر لما يسير شوي كرسبي شيليه عشان لا يحترق
وانتي رح تعرفين لما يستوي يبين من شكلها
وجربيها وادعيلي حدها سهله وخفيفه وظريفه لووول

 

[dalal]

امممممم انزين على اي درجه اقلي؟ 350 زين ؟؟؟

لاني ما اقلي بدهن غزير اخاف اعلي عليه حيل ويحترق الدهن اهئ اهئ

 

[شندوخه]

دلول
المحروق صبعه مثل المرقوق بس بدال لاتعبين روحج وتسوين عييين حطي خبز انا حطيت خبز تورتيلا

برتي
للاسف ماصورت كنت يوعااااانه والتلفون محذوف بداري فصراحه نسيت لووول المره اليايه ان شاءالله

مغتربه
شالفرق بين البهار الحلو والفلفل الحلوو ؟؟ جنه في شي اسمه فلفل حلو صح؟ اهو نفسه جنه مادري وصج بنات شنو احسن نوع بهار تشترونه من هني ؟

 

[مغتربة 2006]

الفلفل الحلو مثل الببريكا اتوقع
البهار الحلو غير يعني لما تمشين ريحته فيه مسمار وهيل جذي يعني

 

[مغتربة 2006]

انا الصراحه ما اشتري من هني غير الملح
كل بهاراتي من الكويت
اجيل حق سنه وكل صيف اشتري غيرهم جذي
لان احس الي بالكويت فريش واخذ كل اللي ابيه هني غالي ومو ذاك الزود احسه بايت ومافيه طعم

 

[dalal]

مممممممم انا اشتري بهاراتي من الهول فود والسيف ويي... الاقي كل الي ابيه وبالعكس ماحسيت انه ماله نكهه .. يعني كمون كاري مسمار دارسين بابريكا هيل فلفل بجميع انواعه بهارات دياي بهارات لحم اصلا ماتدرين اشتاخذين وشتخلين في بهارات ايطاليه هم مخلووطه وايد حلوه ويا الباستات ... ممم كلوو يعني .. يبت من الكويت وياي مره بهارات لحم مخلوطه... وعلى حطتهم ماستخدمتهم ...

 

[pretty eyes]

دلول جنج تدرين امشي واقط .... اي شى عندج مثلج وتبين تقلينة خلية يفج بالاول بعدين اقلية اولا مثل ما قالوا البنات اذا قليتية جذي من داخل ما راح يستوي ثانيا خطر تقلين شى مثلج never ولا يكون فية حتى قطرة ماي ماشي يا عسل ....
مغتربة جاري التطبيق حبيبتي ... انا نفس الحالة كل بهاراتي من الكويت خصوصا القوطي الاخضر ... بس اذا نقص على شى مثل مسمار دارسين وغيرة اخذة من الول مارت مش بطال...