^**"^**^ مــــــطــــبـــخ مــــــــغــتــربـــات ^**^**^

[مغتربة 2006]

ما ادري عن بلجيكا بس اذا بتقعدين مده اشتري من هناك اتوقع كلشي موجود
اما اذا فتره بسيطه يبي معاج كلشي مطحون جاهز احسن

 

[بنت السلف]

تسلمين على الرد يا مغتربة 2006

 

[78MariMar78]

العوافي عليكن...

 

[dalal]

بنت السلف: والله ما ادري عن هالشغلات اذا متوفره ابلجيكا...
انشالله مغتربات بلجيكا يردون عليج ... ولو انهم من زمان مو داشين المطبخ لو اتدزين لهم رساله على الخاص ممكن اسرع يردون عليج

 

[مغتربة 2006]

سلاام يا حلوين ها شنو غداكم اليوم؟؟
انا مسويه مرق دياي

 

[Japanese]

يم يم يعني صالونه صح مغتربه ؟

،،،،،،

امس انبطت جبدي واحتريت وبغيت اآآصييييح صج صج انكسر خاطري لووول عاد ع شنو :$

ييت باسوي قلوب وجبود ،، خليتهم يذوبون من الثلج وحطيتهم بالبان و ع حراره متوسطه

ماستووووو =( ليششششششششششششش ،، ابي اعرف شلون المفروض اسويهم ؟ بجدر ؟ مثلا :/ !!

قولولي واايد خاطري اسويهم خاطررري اكللل جبددده ولو اني مب متآكده اللي بالعلبه جبود خخخخ ترجمت الكلمه طلع معناها

حويصله !! ،، اللي هو ابي اطبخها شلون :/

واليوم سويت صدور دياي مقطعه --

قطعت بصل وحطيته بالبان + فلفل بارد مقطع + ثوم ( مقطع ) بس مره ثانيه باحط مفرووم :/ غلطت هني

وبعدين قصصت صدر الديايه مكعبات ،، بس بعد يتروالي مره ثانيه باقطعه شرايح وبازيد الخضره مع الآكل

=) ومت مت مت مت ع الببصل المحرووووق اخخخخ قعدت آكله مع السلطه يذكرني بمطعم بالدوحه جي كانو يقدمون لنا

بصل محروق مع شي بس نسيته المهم اني احب طعمه

شوفو الصور




ولازم الكاتشاب لآني ماحب اكل شي جااف =(


عندكم لي صلصات او شي بديل !! وخفيييييف

وطبعا مافي شوكه لآني احببببببب آكل بيدي :eh_s(1): مااتلذذ بالآكل الا جي _03BA:

=)

 

[dalal]

وعليكم السلام هلا ميمي ...

انا والله يايتني ا لعاده اليوم ونوعي يومين لحد يكلمني خخخخخ .... بس مطلعه لحم مفروم يمكن افكر بشي سريع بالليل اذا صار لي مزاج...

 

[dalal]

جوجو : انت خطيييييير ماعبر.. بس غريبه ماستوت الجبده معاج ..!! انتي حاطتها واهي مثلجه ؟؟

ويميييييييي على الدياي شكله يشهي ... بس ليس اتقولين جاف... !! حطيله كريم ولا فازلين رطبيـه خخخخخخخخخ

لا اتغشمر بس الدياي لما جذي تحمسينه بالعكس حلو يصير مع البصل والخظروات يعني يصير لين مو جاف !

 

[Japanese]

هههههههههههههه اماااااااااا كريم خخخخخخخخخخ ذبحتيني من الضحك تخيلت صج احطله كريم


اي والله الجبده ماستوت :/ بطت جبدي اقولج من برع كان شكلها ايننن يوم يييت باكلها ولا نيييه من داخل تلوع الجبد =(

بمكن لآني طبختها ف بان ؟ وهي يبيلها جدر وحمسه ؟ انا ترا بس رشيت زيت ع البان وقطيتها فيه :/ وكانت ذاااايبه

الدياي اليوم طلع مب ناشف ناشف بس انا لازم الغلغ الآكل بشي رطب لوووول

تذكرين يوم قلتيلي ذاك اليوم شلون تسوين الترياكي مادري انتي قصدج بهالطريقه اللي انا سويتها اليوم ولا

لآني اليوم عاد انه يييت بقلدج وقعدت اقطع الخضره وجي واقصص الدياي ولا انا كنت بافر الصدر كامل بالبان

وترا عرفت شنو صمدي لووووووووول

------

جاب الكبيره الله يسللللمج يااارب توني اشوف ردج =)

 

[dalal]

جو الظاهر ماخليتها مده تطبخ فستوت بس من بره ...

انا لي بغيت اسوي الجبده اول احمس بصل صغار مع زبده ولا زيت .. وتالي اظيف الثوم وبعدين احط الجبده عقب ماكون غاسلته عدل
واحمس واحط بهارات شويه رشه خفيفه وملح أو مكعب ماجي وشوية كزبره.. واحيانا احط دبس رمان..
تالي عقب ماتحمسينهم غطي البان وخليها ربع ساعه عشان تصير مستويه ولييينه من داخل .. عقب اطفي النار واعصر عليها ليمون
وقدميها بالهنا والشفا ...

وطريقتج بالدياي صح نفسي تقريبا بس انا ما احرق البصل بس شوي يذبل مع فلفل بارد تالي عاد احط الدياي الشرايح وابهره واقلب لين يصير ليييين ... يعني انتي الي سويتي صح
وشلون طلع الطعم عسى عجبج وما طلع ماصخ لوووول

 

[Japanese]

ايييييييه خلاص عيل المره اليايه باسوي جي

انززين سؤال ،، شنو البهارات اللي احطها مع الجبده او الدياي ؟؟؟

اليوم انا حطيت بس ملح وفلفل اسود و سيزن بيبر وواي هذا الاخير عجبني طعمه

وسؤال بعد ،، لما ايي اطلع الدياي او السمج او اللحم من الفريزر شلون المفروض اذوب اشوي منه وارد الباقي بالفريزر ؟؟

<< ياخوفي اسمم نفسي انا اذوب كل شي وبعدين ارد الباقي بالفريزر :/

والمفروض انقع اللي ابي اطبخه بماي ؟ عشان يذوب الثلج ولا اشلون اذوبه

وطعم الدياي طلع شي وشويات ببس حسافه نسيت احط الطماط معاه ! ولا معجون طماط ع الاقل

جان بيرطب بعد اشوي لوول

 

[Japanese]

والثوم تفرمينه ؟ يااااو دلول الله يعينج علي :$ :$ :$

 

[78MariMar78]

هاي
شلونكم

شوفو غداي أمس


رز ابيض يالشعرية




ملوخية


صينية دجاج مع بطاطا وجزر
قبل الفرن



بعد الفرن



وهذا عصير ليمون علشان يبرد على قلوبكم بهالحر


وبس
بانتظار تعليقاتكم وانتقاداتكم

 

[ريشه فنانه]

قوووووه بناااات طحت عليكم شتسووون اهني توني ادري عندكم مطبخ بروحكم وأنا اخر من يعلم ؟؟؟



ودام جذي تستاهلون اول دشه مطبخ معاكم ولمحبي الحلو هذا اللي يذكرج بالدعايه اللي تقول


يا ديلي يا ديلي
عن شو عم تحكي ؟
بحكي عن الكنافيه
كنافه ايه بالفستؤ الحلبي

ههههههههههههههههههه>>>>>>>>>>>>>اشفيهاااا داشه بقوه ولا حطه صووور بعد عشووون عييييل:dddds:



كنافة من اللي يحبها قلبج


اولا: نجهز اادوات ومتطلبات كنافتنا كنافة المغتربااات >>>>>>>>>يقولك سمتها



علبة كنافة +علبة اكسترا دبل كريم +كيس جبنه موزريلا+علبة جبن ابيض ايطالي+سمن بلدي +زبدة+قطر (شيره)+فستؤ حلبي






اتركي الكنافة في جو المطبخ الطبيعي علشان تتفجج وتذوب علي راحتها >>>>>>رجاءا لا اتضايقينها


بعد ما ترتاح تبدين تفججين وتفردين كشتهااااا





وهذي صورتها بالكشه المتلفلفه وبعد ما فردنا كشتها >>>>>>>>>>>>>> بس هم ماكو فايده كشه للحين



ثالثا :






نقول باذابه 4ملاعق اكل سمن و4ملاعق اكل زبده وانا سيحتهم بالماكرووف بس مو وايد


ثم نضيفهم لكشه الكنافه وندهنا قعدي علي راحتج وفركي كشتها عدل مدل



رابعا:


علشان اتصير عندج حركات كنافة السوق نحط قد ما نبي صبغة الاكل البودر رشيها رش








ورجعي فركي ها بعد لين تتطلع بالشكل هذا








ما خلصنا راجعه :dddds:​

 

[78MariMar78]

ياعيني كنافة مرة واحدة

كملي متابعتج

 

[ريشه فنانه]

​

بنات الصور ليش ماتطلع دايركت ؟؟


ما ابيهم مرفقات جذي
:0bee2e8d89:

 

[ريشه فنانه]

افا عليييج اتابعلج الكنافة >>>>>>>>>>لا يوقف لا يوقف


بعدها جهزي صينيه الفرن انا الصراحه اول مره اسويها وانصدمت بكميتها تري اتصير وااايد يعني صينيتين





نقسم الكشه الكنافة قسمين قسم نحطه في قاع الصينيه (اخاف قاع البحر ؟؟طالعه فيها وصف)ونضغط عليه علشان يثبت فيها تالي ندخلها الفرن اشويييييه دقايق ونطلعها







بعدها توزعين عليها الدبل كريم





بعدين الجبن الابيض





واخر شيء الموزريلا







تالي نغطيها بالجزء الثاني من الكشه بس ها لا تضغطين وااايد اهم شيء تتغطي عدل وندخلها الفرن لين تحمر من تحت وتستوي من فوق (والعكس صحيح )



ما خلصنا ننطرها تستوي ونرجع​

 

[78MariMar78]

ماشي
قاعدة استنى

 

[شندوخه]

عليكم بالعافيه بنات يوعتوني ومادري شنو اسويلي بلعه :\

جابانيز
الجبده لازم تحمسينها اول شي بصل وثوم مطخون وكركم واذا تحبين كاري
وبعدين صخني شويه ماي وحطي عليها ولا ماراح تستوي بس ديري بالج مو تحطين ماي بارد
لا فوحي الماي وحطيه عليها عرفتي قصدي ؟ وخليها لحد ماينشف الماي
بس مو تكثرين ماي تصير مرق لا يادوب مقدار استكانه واذا تحبينها بصلصه زيدي الماي

 

[شندوخه]

ايييييييه خلاص عيل المره اليايه باسوي جي

انززين سؤال ،، شنو البهارات اللي احطها مع الجبده او الدياي ؟؟؟

اليوم انا حطيت بس ملح وفلفل اسود و سيزن بيبر وواي هذا الاخير عجبني طعمه

وسؤال بعد ،، لما ايي اطلع الدياي او السمج او اللحم من الفريزر شلون المفروض اذوب اشوي منه وارد الباقي بالفريزر ؟؟

<< ياخوفي اسمم نفسي انا اذوب كل شي وبعدين ارد الباقي بالفريزر :/

والمفروض انقع اللي ابي اطبخه بماي ؟ عشان يذوب الثلج ولا اشلون اذوبه

وطعم الدياي طلع شي وشويات ببس حسافه نسيت احط الطماط معاه ! ولا معجون طماط ع الاقل

جان بيرطب بعد اشوي لوول

ديري بالج تذوبينه وتردين تجمدينه موزين
اول ماتشترينه مبرد قسميه في اجياس على عدد اكلاتج وكل مره اخذي جيس جيس