مع خبيره الاعشاب معلومات واساله واستفسارات حياكم

[خبيرة اعشاب]

حلوة وامورة​

يعطيج العاااافية بس بغيت اعرف هل عشبة الرزتة تغنيني عن استعمال ادوية غيرها وقت الدورة؟؟؟؟؟

لا اختي الرزنة لا تغني عن الادوية المنظفة للرحم من سفوف و شاي اعشاب هاذي شغلات ضرورية جدااا و لا بد من استعمالها بانتظام في كل دورة شهرية و ايضا اللهوم كمقوي ممتاز خلال الدورة ...

و ان شاء الله تابعوني في هذا الموضوع لاني قريبا رح اكتب كور س متكامل للدورة و الخراب ...الخ

 

[عبير العبورة]

السلام عليكم

اختي انا فيني القولون وقيني قرحة بالمعدة وفيني بواسير

وانا ابي اشرب شي ينزل البطن والكرش مع بعض وانا عندي كم وصفة بحطهم لج وشوفيلي ايهو الانسب لحالتي وتحيايي لج


وصفة للكرش::

شاي اخضر صيني-مرامية- بابونج- سنا- دارسين
يفضل شربة قبل الفطور والعصر وقبل النوم

لتنحيف الكرش::

شاي اخضر-زنجبيل اخضر مقطع صغير- قشر رمان ناشف- نعناع اخضر
وهذا اللي عندي

ولو انتي عندج شي احس ولحالتي ومجرب وشفتي جاب نتيجة على الناس اتمنى تحطينة لي​

 

[خبيرة اعشاب]

عبير العبورة​

اختي بالنسبة لحالتج فانتفاخ البطن و بروزه اكيد ناتج عن القولون و لكن بما ان فيج بعد تهيج و قرحة بالمعدة فلا ننصحك بتناول اي من هذه الخلطات ما عدا الشاي الاخضر

و ايضا يمكنك استعمال هذه الخلطة فهي مناسبة لحالتك اكثر ان شاء الله

- كرتون عشبة المعجزة
- كرتون ردة
- نص كوب شوفان
- فنجان بزر كتان
- فنجان بذور لسان الحمل
- فنجانين ( 2) بزر خلة
-فنجان كراويا
- فنجان خروب مطحون ناعم
- فنجان ترمس ناعم
اتخلطين المواد هاذي كلها مع بعض و تطحنينهم في المطحنة الكهربائية ثم تستعملينهم كسفوف مع ماء او روب قبل الوجبات ب 10 دقائق من مرتين الى 4 مرات باليوم

الخلطة هاذي ممتازة لتنحيف البطن و تصلح لمرضى القولون و الجهاز الهضمي

و تحياتي لج

خبيرة اعشاب

 

[عبير العبورة]

مشكوووورة اختي على هالوصفة وعلة مجهودج

وجزاج الله خير

و بغيت اسئلج وين القى هالاعشاب عند اي عطار

واستخدمها لمدة جم شهر ومالها اثار جانبية

====================================


زين اختي انتي حتطة وصفة لكل وحدة اطلبت لتخفيف البطن والكرش ما اقدر استخدمها بعد ما اخلص من الخلطة الاولى


اختي بالنسبة للنفخة و الغازات جربي الخلطة التالية و هي عبارة عن خلطة شاي اعشاب تتكون من :

فنجان من كل من :

- مسحوق العرقسوس
- مسحوق بزر الكتان
- مسحوق البابونج
- مسحوق الشاي الاخضر
- مسحوق الشمر
- مسحوق الكمون
- مسحوق المرقدوش
- مسحوق الزعتر


تخلط المكونات و تطحن و تحفظ في علبة

الجرعة : ملعقة متوسطة من الخلطة تستحلب في كوب ماء مغلي لمدة 10 دقائق , تصفى ..ثم تشرب كاحد اقصى 3 مرات يوميا بعد الوجبات مباشرة

 

[مايسه الدلوعه]

مشكووووره يام خالد والله يعطيك العافيه

 

[خبيرة اعشاب]

عبير العبورة​

:wqedqw::wqedqw:مرحبتين

حبيبتي الاعشاب متوفرة عند كل العطارين

بالنسبة لشاي الاعشاب تقدرين تستعملينه مع خلطة الالياف في وقت واحد بس شاي الاعشاب طبعا اتشيلين منه بزر الكتان
و الاستعمال لدة شهر ..

و يا ليت اذا سويتي الخلطة اتبلغينا بالنتايج

و :e3:

تحياتي

 

[عبير العبورة]

زين اختي شاي الالياف وشاي الاعشاب المقادير تكون متساوية يعني ربع كيلو من كل نوع

وجم مرة اشرب شاي الاعشاب وشاي الالياف

 

[عروس وضايعة]

اهلين اختي خبيرة اعشاب عندي سؤال وياريت القى عندج الحل والجواب


انا عمري 21 وبشرتي شوي مترهلة بس ما فيها تجاعيد

اقوبج شلون حسيت انها مترهلة يوم اروحا حف وجهي كانت تحلفي عادي بدون لا اشد بديني بس اخر مرة رحت تقولي شدي خدج وانا من يومها زعلت يعني كل مكان تحلفي فية تقولي شدي هالمنطقة

ياريت القى عندج شي يشد البشرة لانة تو الناس علي صغيرة ومن الحين بدا الترهل

الله يخليج ساعديني

 

[بنت رؤس القبايل]

السلاااااااااااام عليكم



اشلونج اختى خبيرة اعشااااااااااااااااااااب



فديتجعندى استفسارر منج بخصوووووووووص موضوع طرحووووووه البنات الى هو البنت اشلون تعرف نفسها اذا كانت مبنجرة قبل الزواج<<<<<<<< فهمتى قصدى ؟؟



وفية وحدة قالت ان الرحم ينزل قبل الزواج فصارت صيحة وزمبليطة بالموضوووع وطالبنا بدخوووووولج الكلريم عشاااان توضحيلنا الموووووووووضوووع اذا ماعليج امر



اسفه على الاطاله

 

[خبيرة اعشاب]

عبير العبورة​

مرحبا
بالنسبة للشاي ربع كيلو من كل نوع رح تكون واجد ...اخذي 100 غرام من كل نوع او ربع دينار من كل صنف


الالياف مو شاي اتخلطينهم ويا روب او ماي او عصير

شاي الاعشاب مرتين في اليوم قبل الوجبات الرئيسية الغذا و العشا

الالياف من 2 الى 4 مرات باليوم قبل الوجبات ب 10 دقايق

و تحياتي

 

[خبيرة اعشاب]

عروس وضايعة​

مرحبا
احسن شي يشد البشرة عصير الليمون ..ادهني وجهج بعصير الليمون مرتين في الاسبوع يسكر المسام و يشد البشرة و ينفع حتى للتجاعيد

طبلعا اتخلينه 10 دقايق و اتغسلينه و بعدها تستعملين اي كريم مرطب

و تحياتي :hearting:

 

[رقية وسبيجة]

تسلمين خبيرة ماتقصرين على الافادة

بذرة الكتان مكتوب عليها ان ماتطحن الا في وقت الاستعمال
ولا يجوز اكلها بعد مرور 24 ساعة وهي مطحونه تضر

وانتي تقولين نخلط بذرة الكتان مطحونة مع باجي الاعشاب ويحفظ اشلون عادي يعني ؟؟

سؤال ثاني حبيبتي

انا عندي قولون ..يعني ممنوعه من البقوليات وغيره

بس كل يوم اشرب زنجبيل ومرامية وزعتر .. واخذ بذرة الكتان عادي للي عندهم قولون او لا ؟؟؟

مع اني مااحس بشي لما اشربه يعني مايتعبي بس مادري اذا مع الايام يضر

الاعراض الي احس فيها اذا اكلت الممنوعات مثل البروكلي او العدس اتعب وايد غازات واتنفس بصعوبة

شنو الحل برايج مع العلم اخذ حبوب ريبلاكس للقولون بس مو دايم

ومشكوووووورة يزاج الله خيررررررررررررررررر

 

[شندوخه]

يعطيج العافيه خبيره
ودي اسال عن عشبه معينه احذها تسكن إلام البطن والمعده بس لاتقولين مراميه وينسون ونعناع كلش مانفع معاااي
وابي اسأل شنو هذي بذره الخشخاش ؟
ومشكوره

 

[بنت رؤس القبايل]

عفوا اختى خبيرة اعشااااااااااب


جاوبتى على استفسار عروسة وضايعه وعبير وانا بينهم عطيتينى طاف!!!



خير عسي ماشر انا مقدرة لج انه ضغط عليج


ولا عليج آمر مممكن تردين على استفسارى ؟

 

[خبيرة اعشاب]

بيارق الحب​

مرحبا

حبيبتي انا كنت رديت عليج بس مدري شفيه الرد ما طلع ..:sfg:


عموما بالنسبة لعلامات البنشرة قبل الزواج واضحة حيييييييل

-الافرازات الكثيرة بشكل مو طبيعي و اتكون اكثر شي بعد الدورة

- الهوا

-عوار الظهر في غير وقت الدورة

- رائحة

- التهابات متكررة

- انتفاخ البطن بشكل مو طبيعي يعني ايكون بس البطن بارز او متهدل ..

و بالنسبة لنزول الرحم ممكن ينزل حتى لو الوحدة مو متزوجه مثلا اتكون تلبس الكعب دايما ..او انها ما تهتم بنفسها وقت الدورة ايتهدل الرحم و ايطيح ...
و طريقة معرفته انها اتصير نفس الكورة اسفل البطن و اتحس فيها كل ما راحت الحمام مثلا ..مع عوار بالدورة .. ايضا شكل الدورة ايتغير ..يعني اتصير متجلطة و لونها بني قاتم ...


اوكي ..لتفادي المسائل هاذي ما في فرق بين بنت و متزوجه لازم كل وحدة تهتم بنفسها خلال الدورة ...
طبعا الي بنت عنايتها اقل ...مثلا تاخذ لهوم يتكون من : رشاد / زنجبيل / حبة سودا / فلفل / حلبة / دارسين * محلب و تلهمه كل يوم على الريق مع كوب حليب دافي

شغلة ثانية شاي الاعشاب مع الحليب ..اذكر الوالدة كانت اتسويه لنا خلال الدورة عشان العوار

تطبخ لنا زوفا مع حليب و لا قيسوم و شيح ...

مليسيا و حليب بالليل قبل النوم فظييييييييييعة حق عوار الدورة اتخليج اتنامين نفس البيبي

شاي المرقدوش و الحبق و انعناع ..مهدئ و طارد للغازات

البابونج ينشف و هم بعد زين للافرازات

بالنسبة للغسول ممكن اتغسل بماي و ملح و غسل ديتول او سيتيال
و هذا لتفادي حصول اي التهابات او بنشرة على قولتج

شغلة ثانية العناية الشخصية مو بس للمتزوجات ..هم بعد البنوتات لازم يتعودون من صغرهم على النظافة

بنتج علميها اشلون اتغسل نفسها و تتنظف ...انا مرت علي حالة بنت عمرها 12 سنة كلها التهابات و افرازات ...و كانت مشكلتها انها ما اتعرف اشلون اتنظف نفسها

البنت غير الولد لازم اتغسل من الامام الى الخلف ...

بعد التغسيل تنشفي عدل حطي اسبراي معطر او بودرة

في ماركة نعووومة و حلوة بالجمعيات عبارة عن بودرة و غسول نسائي و عطر و مناديل و حفاظات للاستعمال اليومي اسمها femfresh لونها مشمشي ..هاذي صراحة انصح اي وحدة فيها :eh_s(15):


شغلة ثانية

الملابس الذاخلية قطنية و نعومة و اهم شي تنغسل عدل و تتنشف بالشمس ..و احرصي على ازالة اي اثار للصابون ... و يا ليت لو تستعملين صابون خاص للاطفال ايكون احسن

و تحياتي :bye22:

 

[خبيرة اعشاب]

رقية وسبيجة​

هلا

بالعكس حبيبتي بزر الكتان عادي ما يسمم و لا شي ..بس المشكل اذا طحنتي كمية و خليتيها مدة رح تتكتل الاعشاب كلها لان البذور فيها زيت يطلع مع الطحن و بالتالي رح اتصير الاعشاب متكورة نفس العجينة

بس عادي ما ياثر و لا له اي اضرار جانبية

بالنسبة للقولون الزعتر و الزنجبيل و المرامية اعشاب مهضمة و طاردة للغازات فبالتالي تعتبر زينة للقولون و ممكن تاخذينهم بمعدل مرة الى مرتين باليوم ..بس المريمية خففي منها لانها تعتبر من الادوية

بس في خلطة كنت ذكرتها للقولون يا ليت اتشوفينها في الصفحات الاولي للموضوع فيها ترمس و بزر خلة هاذي حيل ممتازة للي فيهم قولون سواءا عصبي او التهابي

و تحياتي :aha:

 

[خبيرة اعشاب]

شندوخه​

شوفي حبيبتي بالنسبة لالام البطن و المعدة ..الخ لازم اتحددين شنو سببها الاساسي عشان انعرف انعالجها

بس عموما هاذي وصفة تقدرين اتسوينها لانها تنفع لكل امراض الجهاز الهضمي ( بس لازم اتراجعين عشان اتعرفين شنو سبب العوار )

ترمس ناعم ملعقة صغيرة اتخلطينه مع عسل و تاكلينه كل يوم على الريق لمدة يومين ثم اتوقفين يومين و اتعيدين نفس العملية لمدة 10 ايام

بعدها اتجيبين كسرة صبرة قصطرية و اتحطينها ذاخل تمرة و تبلعينها على الريق ..

الوصفة هاذي اتنظف الجهاز الهضمي حيل


بالنسبة لبذور الخشخاش فهذه هي الي يستخلصون منها مخدرات الافيون _03BA: ليش تبينهم ؟؟


تقبلي تحياتي

 

[شندوخه]

بعدد قلبيي مشكوره تقدرين العوار من عسر هضم شي جذي
لوووول ياكافي الشر بس لان قريت مره انه صايديين هنود زارعين بذره خشخاش واعتقلوهم وصارت بمخي شنو هالبذره
عندج منها :eh_s(3):

 

[لوليا]

السلام عليكم ورحمه الله وبركاته
لوسمحتي ابي وصفه حق بنتي عمرها 8 شهور
ومن يوم العيد وهي تعبانه تكح وصدرها له صوت
واخذت ادويه بس احس مافادتها

 

[خبيرة اعشاب]

شندوخه

مرحبا

حبيبتي اذا العوار من عسر الهضم لازم تنتبهين لاكلج و تاكلين شغلات خفيفة او شوربات ..الخ لاراحة المعدة على الاقل لمدة اسبوع

و بالنسبة لبذور الخشخاش ترى هم بعد في زيت ينباع خلاصة بذور الخشخاش و جنه لانبات الشعر بس ما ادري هل هو مفيد او لا

و تحياتي