معهد مسااااااااااااااااااااجي بالاس صج صج عجييييييييب وهااااااااادي

[أحلى^حياه]

مشكووورة

 

[bombo]

دايما اشوفه على ااخط السريع يبيله اجربه

 

[sweet72]

صراحه يستاهل التجربه والسبا مبين من عنوانه

 

[جناش]

حاضرين للحلوين بدون مجاملة المكان يستاهل

 

[_zahra]

يعني يسوي الواحد يتعناله؟ أكيد مو دعايه ماعليه محد يزعل من كلامي

 

[sweet72]

الله لا ييب زعل إنشاالله وصدقيني يستاهل العنوة


انا مجربة انواع وأشكال من المساج واهم شي بالنسبه لي أن يكون المكان راقي ونظيف وشغل مظبوط

وأهم شييييييييييييييييييييييييييييييييييييييييييي أنهم يدلعوني

وللأمانه هذا كله لقيته ب (مساجي بالاس )

واكيد التجربه خير برهان:sfg:

 

[_zahra]

مشكورة عالرد الصريح اختي والله يوفقج

عاد انا مثلج اتوقع لفيت كل مكان بالكويت بس بالشعب جربت مال خبيرة الماكياج مادري شسمها الجلوي عندها مركز تجميل بالبناية اللي قبال لوفات,,ماتعرف شي صراحه بس حجي انا رحتلها من بعد ما قريت لمقالاتها بمجله النهضة اول هالحجي من زمان قبل كم سنة مااستفدت شي
وجربت مساج الجوري الله لا يوريج خسرت جسمي وترهل منها وتزرق وبوكسات وخسرت فلوسي بعد,,وجربت مساج الموند سويس دعايتهم تشوق كانت بس جلساتهم يا ربي تدبق في تدبق مادري شيحطون خل ويا عسل ومادري شنو بعد ويلفوني ببطانيتين وحرارة ونايلون بعد والله والله اموت منالحر اقولها بختنقف بس وقفي قلبي يرقع تقول لا هذا زين حقج انتي تخسرين دهون. ايدهون بس ماي قاعده اعرق,,وجربت واحد بالسالمية بعد ما استفدت كانت صينية وماتعرف تحجي انجليزي كلش ومساجها مو محترف,,استفدت من معهد ايرمانا اللي ببنيد القار ستاف من الهند ومساج ممتاز ومقاساتي نزلت عليه بس التزام بشكل يومي, واستفتدت من مركز لايف ستايل للتجميل اللي بالنقرة عند المحاميد كانت عندهم ذيج النرويجية ماشالله تهبل جسمي تخوصر علي ايدها بس حسافه راحت ,مادري عنهم الحين,,واستفدت من معهد شد الجسم كنت اسوي مساج ورياضة ولف بالطين عندهم وجسمي تخوصر حيل بعد هذولي ودي ارجع لهم بس مكانهنم ما يشجع كلش وزحمة عندهم والمكان صغير ومافي نظام وترتيب..وهم جربت المعهد الصحي الصيني اللي بشرق رفيجتي مدحتلي اياه وزحمة عليه واايد ماشالله بس ماشفت نتيجه عندهم ولا وحده من الستاف يعرفون انجليزي بس يمكن لاني حزتها ما التزمت برجيم ,بس مساج واشرب من شايهم..وجربت مساج بعيادة السالمية يوم كنت اراجع عند الدكتور احمد الخولي مع الرجيم قلت اسوي عندهم مساج يدوي وجهاز,,ما شفت نتيجه بعد ...صديقتي جربت مساج كوين بالشعب اللي يم مطعم فيروز ولو فات استفادت منه بس لازم عند وحده معينه وكل يوم تروحين ,,اما صديقتي الثانية راحتلهم ما استفادت كثير
قرقرت وايد ها!!! بس هذا ملخص تجربتي اتمني نستفيد من بعض ونكون صريحين وصادقين مع بعض

 

[ام عبادي]

مشكورين بنات على نقل تجاربكم
انا للأمانة مجربة مساج الويه وبصراحة كنت مارة بالصدفة وشفت أعلانهم وكنت وقتها حامل
وكان يهبل أمبي شايفة لما تقعدين من النوم شلون الويه يكون صافي ومنور انا ويهي جذي كان
الحين ودي اجرب عندهم كورس مساج البطن لأن عندي بطني مترهله من الولادة وان شاءالله انقلكم تجربتي.

 

[sweet72]

مشكورة على الإطاله المفيده إنشاء الله
وترىحلو إن إحنا نفيد بعض بنقل تجاربنا لأن فيها أختصار وتوفير لأشياء وايد ومن أهمها الفلوس
لأن احنا الكويتيات ما شاالله علينا نحب نجرب كل شي يديد وبنفس الوقت لنا نظرة وذوق خاص وهذا الشي ميزة وعيب بنفس الوقت
بس حلو إن أحنا نختصر كل هذا بتجارب مضمونه ومفيده
أنا من قبل جربت كم سبا للتخسيس وكان لي ملاحظات على كل واحد ويمكن أنا لي مود خاص إذا ماعجبني شي واحد ممكن أكره المكان كله
من قبل سويت بكوين مساج الكورس الأول استفدت وكنت آخذ حبوبهم والكورس الثاني خفت آخذهم من كلام الزباين خفت بصراحه
فما استفدت حيل
وجربت سبا ثاني بالسالميه أسمه صيني ماأذكره بالظبط مجابل لاباجيت شغلهم زين نوعا ما بس ما في نظافه بالمكان ولانظافه شخصيه من اللي تسويلي مساج -فحطيت x وغيرهم وغيرهم
على العموم أنا من كم تجربه بمساج التخسيس وصلت لقناعه وهي انه مفيد وهذه بشهادة كم دكتور رحتلهم


1 ظروررررررررررري الإستمراريه وخصوصا بالبدايه
2 لازم تساعدين جسمك بشرب أشياء تصرف الدهون المتكسرة وأهمها الماااااااااااااااااااااااااااااااااااااااااااااااي
3 ظروري استعمال كريم حارق للدهون أثناء جلسة المساج
4 لازم تخفيف الأكل وخصوصا الحلويات على الأقل ما يكون نفس أكلك القديم
5 ظروري إنك ماتقطعين المساج نهائيا وترجعينله بين فترة والثانيه وحتى لو بشكل متقطع بس هذا الشي يصير بعد ماتوصلين للنتيجه اللي تبينها

وآسفه إني طولت عليكم بس هذي تجربتي وحبيت أنقلها لكم
:sfg:

 

[حمره بنفسجيه]

بنات اللى جربت المساج عندهم اتقولنا لانه اكثر اللى كاتبين من اهل صاحبة الصالون مانبى دعايه نبى مصداقيه يعنى شوفو انتو اشكثر كتبتو عن مساجات وايد سويتوها وذميتوهم اشمعنى اهى شالى يفرق عنهم ترا القلوس مو لعبة تنقط وماكو نتيجه

 

[sweet72]

بنات اللى جربت المساج عندهم اتقولنا لانه اكثر اللى كاتبين من اهل صاحبة الصالون مانبى دعايه نبى مصداقيه يعنى شوفو انتو اشكثر كتبتو عن مساجات وايد سويتوها وذميتوهم اشمعنى اهى شالى يفرق عنهم ترا القلوس مو لعبة تنقط وماكو نتيجه

صاجه اختي الفلوس مولعبه
واحنا نحاول نقط فلوسنا على شي يسوى
وانشاء الله هالمكان يسوى

 

[_zahra]

مايندري والله عشان جذي انا طلبت المصداقيه بنقل التجربة

 

[ام عبادي]

بنات اللى جربت المساج عندهم اتقولنا لانه اكثر اللى كاتبين من اهل صاحبة الصالون مانبى دعايه نبى مصداقيه يعنى شوفو انتو اشكثر كتبتو عن مساجات وايد سويتوها وذميتوهم اشمعنى اهى شالى يفرق عنهم ترا القلوس مو لعبة تنقط وماكو نتيجه

ياحليلج جان زين أنا من أهل الصالون كل يوم أطيح هناك...ولج جلسة فري مني

 

[_zahra]

للرفع

 

[جناش]

أنا سمعت عن المركز من رفيجتي وجربته واايد ارتحت له وبدللوني بدون لاأعرف صاحبة الصالون ولاشي والمكان هادي ومريح اول شي جربت مساج الوجه استانست جان اشترك بمساج التخسيس والحين راح اجدد للمرة الثانية وانا يهمني النظافة بالمكان

 

[sweet72]

أنا سمعت عن المركز من رفيجتي وجربته واايد ارتحت له وبدللوني بدون لاأعرف صاحبة الصالون ولاشي والمكان هادي ومريح اول شي جربت مساج الوجه استانست جان اشترك بمساج التخسيس والحين راح اجدد للمرة الثانية وانا يهمني النظافة بالمكان

نفس اهتماماتي :sfg:

 

[ms.lollipop]

شكرررررررررررررررررررررررررررررررررا

 

[sweet72]

www.massagee-palace.com

 

[_zahra]

يعني المكان جديد فاتحينه؟

 

[sweet72]

المكان يديد مفتوح من كم شهر وفي بداية افتتاحهم حطوا إعلان بالجريدة وكانوا مسوين عروض حلوة
بس للأمانه والله الشاهد كل جربه مدحه وتمتع بتجربته