معلمة وتعيين جديد..؟ تعالي وقوليلنا الأحداث والشعور اليومي

[اخت اخوانها]

يعطيج العافية مشغولة ومحتاسه على الاضافة وانتي الصاجه احسسسسن ماركة ماكسي لأني جربتها بالميداني تطوووول بس خلصت على آاااااخر الكوري وجربت الافلام اللي معدن عرفتوها؟؟؟
صج انها حييييل ارتحت بالكتابه عالسبورة فيها لأنها جنها قلمج العادية تخطين برااااحتج بس ماتطول وبسررررعه تخلص ولازم تعبينها حبر كل فترة


وهذا اللي متذكرته الحين
وووووين تفاااعلكم ياأحلى معلمااات تعيين جديد

نبي سوالفنا ومواقفنا fresh

 

[اخت اخوانها]

الكوري = الكورس

 

[نفول]

سلام عليكم ومبارك عليكم ماتبقي من الشهر و قرقيعان و قرقيعان
ماشالله الموضوع انترس فقلت دام انا حالي من حالكم خل اييب كرسيي وايي اقعد معاكم
ماشالله سوالفكم وايد تفييد يعطيكم العافيه كلكم مابي احدد اسامي اخاف انسي احد
المهم عندي جم سؤال؛)
1- وين صاير ستي ستار؟
2- منو سامعه عن مدرسه يمدحونها بمحافظه حولي ثانويه قسم الاجتماعيات؟
3- قبل كنت العب ابله ابله وانا صغيره ةارتحت حق اقلام اكس بو جنه علي مااذكر اسمهم انتو شرايكم؟
4- الدوره راح تكون بنفس المحافظه؟
5- انا انشالله بصير ابله جغرافيا تنصحوني اشتري دفتر تحضير ولا انطر بصراحه انا مستعيله عليه لاني بحاول اطلع له افكار ازينه من بره لان مابي ورد وهالسوالف ابي شي يخص التخصص وتخصصي صعب مافي افكار سهله حقه؟
6- انا كنت مقرره اشتري كل اغراضي من السنافر انتو شرايكم اروح من كذا مكان اخذ شي؟

حدي متشوقه و خايفه من الدوام و البنات
احس روحي ليلحين ياهل وصغيره وبستحي من الابلات الي بقسمي و البنات الي بدرسهم
انا وااااايد ساكته وطيبه وماقول لا وماحب ارد علي احد و حساسه وادري هالشي ماينفع بس شسوي بشنو تنصحوني ابي قلبي يصير صخر بس مااقدر :/
وبلبس لبس عملي ومريح و مكياجي انا احبه خفيف لاني موذاك الزود بالمكياج لان كله اخاف اهول بروحي وانا احب البساطه

امبي بس قرقت عليكم وعورت راسكم بس ميخالف السموحه وبندولكم علي حسابي
ناطره ردكم ؛)

 

[اخت اخوانها]

صباح الخير نفول

لاحبيبتي اخذي راحتج بالعكس مو قرقرة انتي تسإلين واحنا ان شاء الله بنساعدج قد مانقدر

مو كل اسإلتج اعرف اجوبتها بس بجاوب عن اللي اعرفه
الدورة بتصير بمدرسة تابعه لمحافظتج
ودفتر التحضير لاااااااتشترينه الحين كل موجه له شروط نطري للدوام وبعدين شوفي شروطه وبالعكس مادتج اتوقع اكثررررر مادة تساعدج تهتمين بدفترها لأنج تقدرين تحطين صورة كرة ارضية او خريطة ولونيها حسب اللي فبالج مثلاً يابسه وماء او مناطق خصبه زراعيه ومناطق قاحلة صحراوية

وعادي حبيبتي اشتري من المكتبة اللي تحبين بس الاسعار تختلف شوفي مكتبة العجيري او جرير او المحاميد او طيور الجنة وفي شغلات ماتنوجد عندهم مثلاً جهاز التغليف الحراري وشغلات ثانية


واي شئ يخطر فبالج لااتترددين

 

[شتاء الحب]

قريت بعض الردود و حمستوني للتدريس
بس يا رب ينزل اسمي بين المقبولين ...>>>دعواتكم لأختكم من دار زايد ..


يعني احس نفسي صرت مو متشجعه بس ردوودكم شجعتني و خاصه اللي ( بمى معناه )

ان نثبت انا نحن قد التدريس
و الاهم ان نضع في التدريس بصمه يديده و مميزه تكون خآصه بجيلينا الحالي بأفكاره و اسلوبه و تطوره


يالله شدو حيلكم و انا بطل عليكم بين فتره و ثانيه
و اذا نزل قرار تعيني ببشركم

 

[ذكريات عشاق]

انا قررت بعد العيد اروح اشتري الاغراض من المكتبة الشغلات الاساسية واللي انا راح استخدمها
مثل الاقلام الملونة والاقلام الجافه اللي فيه اربع الوان
اوراقa4
اقلام صبورة+مغناطيس+بطاقات+شفافيات واقلامهم+مقلمة والشغلات البسيطة العادية
ونوته صغيرة ودفتر حجمه مناسب ومرتب عشان لما اروح المدرسة بعد الدورة اخذه معاي يمكن احتاج اكتب شغلا عشان لا انسى
وانشالله لما ادوام واشوف المدرسة الاولى اروح اشتري دفتر التحضير وباقي الشغلات على حسب المرحلة اللي راح ادرسها

 

[fri2010]

نفوووول انا تبع محافظه حولي وما ادري وين المدرسه الزينه خاصه الثانويات

بس انا بغيت ادرس اما بمشرف او بيان

واغراض المدرسه بشتريها عقب الدوره

وفي اشياء نفس ما قالتها ذكريات تشترينها من الحين

والدوره بتكون بمنطقه السلام مدرسه ام كلثوم متوسطه

وكلنا خايفين من الوضع اللي بيصير بمدارسنا

بس ان شاء الله نكون قدها

 

[miele]

الله يعيين ان شاا الله

انا بعد بشتري الاغراض بعد العييييد

 

[نفول]

بنت اخوانها مشكوره حبيبتي عالرد وانشالله بعد العيد ببلش
فراي يالله زيين في احد معاي كل الابلات من كل الاقسام راح يقعدون بنفس الدوره ولامقسمينا بكلاسات غير؟
بس انا من وجهه نظري مشرف وبيان مدارس قديمه وموذاك الزود بس جنوب السره الثانويه بنيان يديد ونظام يديد
وحلو ودي بهناك بس خايفه من الاداره و رئيسه القسم
انا كنت بمدرسه مشرف ودي فيها بس قديمه 
مادري تفكيري صح ولا غلط 

 

[نفول]

ههههههههه
سوري هذي موبدليه مادري شيسمونها دخلت عالبيانات الي اعرفها علي بعض (( بنت اخوانها = اخت اخوانها))
ساااامحيني بس توني قاعده و بطني وجسمي عواار من الدوره  شكلها اثرت علي النظر و المخخ
حبيبتي والله بدليه بالعقل ماتصير شلون بنت اخوانها ماتركب كلش
السمووووحه *

 

[fri2010]

جنا كل التخصصات والمراحل ويا بعض يحطونا بالمسرح او شي

بس انتي خلصتي كل امورج والا بعد؟

وما اقدر على مدارس جنوب السر بعاد علي بس يمدحونهم وايد

 

[:: سمر ::]

اخت اخوانها فديييييييتج بعدعمري ولج بعد احلى بوسة موااااااااه حياتي انتي
افا عليج حاضرين للطيبين :ggdw:شوفي انا مادري ليش وايد بنات يفهمون كشخة الدوام على انها كشخة عرس !
الله يهداهم في فرق بين هذا وذاك يعني حلاته الوحده من الصبح حاطة فاونديشن خفيف وبلاشر ناعم مع كحلة وماسكره وحمرة بدال لاتدش عالاودام ناشفة ! اذا تبين رايي انا اقووووول سوي الي براسج من اول يوم جانج بتكشخين جانج بتلبسين عدسات سوي الي يطري على بالج ولا تأجلين شي ,, بالعكس مو غلط ولا عيب ولا حرام دام المكان كله حريم مافيها حرج ان شاءاالله
والي مو عاجبها وبتقعد تتطنز عليج وتعلق خل تطق راسها بأكبر طوفة بالمدرسة شرايج
على فكرة انتي مثلي انا اموت عالعدسات الملونه ما استغني عنها

خلينا نحلق بعالم الكشخة والاناقه :ggdw:ههههه حلوة نحلق

مشغوله و محتاسه اموت على ردودج حبيبتي الله يعطيج العافية ومنكم يستفيدون ابلاتنا ويتعلمون :eh_s(15):



نفول حياج الله حبيبتي وان شاء الله تطيحين بمدرسة زينه وبإدارة حلوة ,, اما بدليتج خطيره لوووول حتى انا قعدت اقراها كذا مرة اقول شلون بنت اخوانها

فراي يالله استانسي كنتي تدورين وحده بمحافظة حولي طلعت نفول وياج

شتاء الحب حبيبتي يلي من دار زايد عسى الله يسهلها عليج ويفتحها في ويهج وينزل تعيينج بسرعه وتيين تبشرينا وتشاركنا يومياتج :ggdw:



وذكريات و miele اي والله خلوا التشري عقب العيد عالراحة احسن لكم :eh_s(15):​

 

[نفول]

فراي ههههههه سؤالج عالجرح لا والله انا خريجه علوم اجتماعيه ونادوني وقدمت المقابله ونجحت الحمدالله بس هذا الي سويته وانشالله الاثنين بروح الوزاره اراجعهم لان قلت يمكن يدقون علي ينادوني بس شكلهم ماراح يدقون  انتي مريتي بالمراحل نفسي هذي؟؟
سمر حبيبتي الله يسمع منج يارب اقولج بدليه من كل شي علي قوله سعد الفرج ودي اصدق بس قويه قويه ههههه

 

[fri2010]

ايه حبيبتي خلصت مقابله من زمان و5/9 راح اداوم

 

[نفول]

انزين وبعد المقابله شنو سويتي
اتوقع انتي خريجه كورس اول صح؟ علشان جذي خلصتوا

 

[ذكريات عشاق]

بنااات اسمعوا انشالله لما كلنا نخلص من تقديم اوراقنا للمنطقة نبي نسوي تجمع يديد
احسن الحين تشتتنا في 3 مواضيع تقريبا وكلها تتلكم عن التعيين الجديد والتجهيزات
فانتوا شرايكم
يعني بما انه كلنا راح نكون واصلين عند نفس النقطة ونكون استلمنا اوراق الدورة نفتح التجمع
ونصكر باجي التجمعات عشان لا نتشتت اكثر

 

[fri2010]

ايه صح كلامج ذكريات وجنا وحده من الناس بتفتح تجمع الدوره صح؟

بس شكلهم البنات يبون يبقون بتجمع اخت اخوانها

 

[Moi belle]

بنات اللي مو تخصصها تربية لازوم تاخذ دوره والدوره كم مدتها ومع الدور يمشيلي معاش ؟؟؟؟؟؟؟؟؟؟؟؟؟؟؟؟؟؟؟؟

 

[fri2010]

حتى اللي تخرجو من التربيه جامعه الكويت او تربيه اساسيه ياخذون الدورة

مدتها اسبوع من 5/9 - 13/9

والمعاش بيمشي من 5/9

 

[ذكريات عشاق]

مادري كيكفكم بس انا اشوف انه صج يبيلنا تجمع يجمعنا كلنا عشان ما نتشتت مني ومناك