معلمة وتعيين جديد..؟ تعالي وقوليلنا الأحداث والشعور اليومي

[fri2010]

اخت اخوانها اذا كنتي تستعلمين اي فون ما يصير

لازم لاب وشرط يكون برنامج اكسبلور فيه

واذا ما عندج اكسبلور باللاب روحي حق الصوره

وحفظيها بجهازج وروحي بعدين موقع تحميل الصور وسوي لها داون لود

يطلع لج رابط سوي له كوبي

بعدين تعالي لوحه التحكم اهني وعند التوقيع سوي بيست

طبعا هذي الخطوات اذا ما عندج اسكبلور بلابج

 

[fri2010]

امس رحت جيان بمجمع 360

شفت داتا شو فيه على 94 ، 137 ،73

بس مشكلته ماركه acer ووايد ناس ما يمدحونه

يقولون احسن شي ماركه lg بمكتبة جرير على 140

وعمتي تقول انها طالبه واحد من امريكا وايد واضح وحجمه صغير ب60 دينار ويوصل خلال اسبوع بس

واشوف إن ابلات الاجتماعيات راح يحتاجونه



لاني مو بالعه سالفه الشفيفه والبروجكتر بصراحه

هذي سوالف اقلام ما اقلام اكيد بنحتاجها في اقلام لوحه مع مساحتها ومعطر السبوره



بس ما ادري أي نوعيه احسن شي





هذي ملفات نحتاجها واعتقد حتى الملف اللي على جنطه بنحتاجه حق الاوراق



وهذا الاي فور احجام وايد



ووسايل بعد



وشفت هالجهاز ما ادري هذا جهاز تغليف حراري أو لا




وايشرايكم بهذي الادراج والا مو عمليه



ادوات المكتب والله تحتارين كل واحد فيهم في ميزه

 

[ذكريات عشاق]

ونااااااااااااااااااااااااااااااسه
شوقتيني فراااي ابي اروووح اشتري
ونااسة ححلوين الاقلام الفسفورية اللي للتحديد تونس اشكالهم حححلوة

مممشكورة ياقلبي على التقرير وانشالله نررووح ونشتري

 

[fri2010]

انا ما شريت بس صورت هالمره لووول

ودي اروح رامز والسنافر وسيتي ستار ودسمان

ابي اخذ فكره عن كل شي

بس ما ابي اروح بروحي ابي احد معاي يشجعني

بس كله يقولون لي بعد الدوره :/

 

[ذكريات عشاق]

ان بعد يقولون لي بعد العيد لما اخواني بيشترون للمدرسة اروح وياهم
بس في شغلات للمكتب بشتريها انشالله الاسبوع الياي

 

[fri2010]

حتى ادوات المكتب مو راضين هههههه

بس شنو احسن نوعيه اقلام سبوره؟

 

[ذكريات عشاق]

انا راح اشتري هالنوع

 

[miss roro]

بنااااااااااات عفيه نبي موضوع واحد حق التعيين اليديد وكل شي يخصنا مايصير جذي ضعنا في :eh_s(22):أكثر من موضوع بنفس العنوان تقريبا حددو بليييييييز لان محنا عارفين شندش َ!!!!!!!!!!!:eh_s(22)::eh_s(22):

 

[fri2010]

بحفظها صورة الاقلام عندي بالجهاز

اي موضوعين مس رورو

في موضوع خاص حق اللي تخرجو تربيه اساسيه

وفي موضوع حق اللي تخرجو من كليات مو تربويه

 

[ذكريات عشاق]

انشالله راح يسوون البنات موضوع يديد للتعيين بس بعد فترة اسبوع انشالله على مانوصل كلنا لنفس النقطة ونكون كلنا سلمنا اوراقنا للمنطقة

 

[jen2n]

مشكوره اول شي اخت اخوانها على الموضوع الحلووو

تخرجت شهر 1 استلمت شهادتي شهر 2 قدمت على الديوان شهر 3

بهالفتره كنت اراجع ديوان كل اسبوع مره وكل مره الموظفات يقولون لي كلامي وحده كانت تقول لي انتي 80% تربيه ووحده تقول لي لا يمكن يقطونج بوزاره ثانيه لاني انا مو تربويه تخرجت من الاداب تخصص فلسفه ،، المهم استقالت الحكومه وقعدنا ننطر لين تتشكل نزلت اول دفعه شهر 5 وما كان اسمي وياهم شغلت واسطه ليش ما نزل اسمي قال بيسوي وما اعرفش ايه وعطاني طاف لووول رحت الديوان وقلت لها ليش ما نزلتو اسمي وفي موظفه قالت 80% تربيه قالت لي لا حبيبتي ماكو شي عن هالكلام بالسستم قعدت جم يوم ورجعت لهم مره ثانيه عند نفس الموظفه اللي قالت لي 80% تربيه وقلت لها شنو قالو لي الموظفات الثانيين جان تقوم وتطبع لي الورقه اللي اني مرشحه لوزاره التربيه وقالت لي اسمج سقطت سهوا من دفعه شهر 5
خذيت ورقه الترشيح ورحت فيها وزاره التربيه افتحو لي ملف وخذو مني اوراق بنفس الاسبوع اتصلو فيني عشان المقابله عباره عن تحريري وشفوي والحمدالله نجحت فيها قعدت اسبوعين وما اتصلو فيني وكنت احاتي لاني بسافر وما اقدر اكنسل رحت لهم واشوا عطوني اوراق الفحوصات وسويتها وخلال اسبوع اطلعت النتيجه وسلمتها للوزاره وعطوني وصل اراجعهم بشهر 9 عاد سافرت ورجعت ما اتصلو فيني رحت لهم قالو لي للحين ما وصلنا قرار التعيين بعد عاد قبل جم يوم اتصلو فيني وقالو تعالي عطوني اوراق التعيين ووديتهم المنطقه التعليميه وحددو لي المرحله وعطوني اوراق الدوره ،، وبس هذا اللي صار وياي باختصار ههههههه

 

[اخت اخوانها]

جنان :افااا عليج الموضوع موضوعج.... مووووفقه ان شاء الله

مس رورو: انا عندي نستمر بهالموضوع احسسن ونسكر الباجي لانهم حق فترة معينه وانتهت مثل موضوع الملاك كان بفترة التسجيل بالديوان وانتظار نزول الاسامي
والمواضيع الثانية عن الاجراءات ومابعد الاجراءت

هالموضوع حطيته من مراجعاتنا للمنطقة التعليمية للدورة ول ......... نهاية السنة الدراسية + شعورنا اليومي من الحين لآخر الكورس عشان نشوف الفرق بمشارنا من الحين حماس ومتشوقين وبالدورة بنتحلطم ع الجو وملاقة المحاضرين بالدورة وتحمسنا للمباشرة بالمدرسة ليييييما وناستنا بأول يوم ومواقفنا بهاليوم العظييييييم لوووووول


وبعدين مواقفنا مع الطالبات واولياء الامور واذا وحدة مدحت جهاز معين استخدمته تفيد فيه الباجي واذا صار لوحدة موقف وتبي تستشيرنا



الموضوع موضوعكم والاختيار راااجع لحريتكم الشخصية


احببببببببكم


متحمممممممسه الحمدلله مو باجي لي الا الاغراض المكتبيه

 

[اخت اخوانها]

بمشارنا = بمشاعرنا

 

[كويتية واعتز]

PMmiss roroرد: معلمة وتعيين جديد..؟ تعالي وقوليلنا الأحداث والشعور اليومي
بنااااااااااات عفيه نبي موضوع واحد حق التعيين اليديد وكل شي يخصنا مايصير جذي ضعنا في :eh_s(22):أكثر من موضوع بنفس العنوان تقريبا حددو بليييييييز لان محنا عارفين شندش َ!!!!!!!!!!​

اي والله بنات انا مع miss roro بصراحه نبي نوحد احسن ضعنا بجد ...​

أنا متابعه بصمت لازم ادش عندكم ويا الجريده ...​

شعوري اليوم حدي مغتثه خبر توني دريت عنه ...​

اهو انا لما رحت المنطقه ما عطوني اوراق الدوره وتوني سألت وحده معطينها ...​

بصراحه منطقة الجهراء مو شي لناس وناس وقايلين لنفس البنت اسم مدرستها ...​

ليش هالتحيز ؟؟؟ وشالنظام ؟؟؟​

وناطرين اتصالهم​

اختي اخت اخوانها عطوج اوراق الدورة ؟؟؟​

 

[اخت اخوانها]

لا حبيبتي مااااااعطوني،،،

بس انا راجعت اووول الناس خلصت المنطقة من الاحد اللي طاف

ويمكن اللي راجعوا الحين عطوهم ورقة الدورة يمكن سمعوا عن المناطق الثانية انها وزعت اوراق المنطقه وتذكروا انهم ماوزعوا او نسوا اصلا لايطبعووونها

بس الدورة تبدأ 9/5 وتنتهي 9/13 وبالايام يصادف اول يوم للدورة الاثنين وآخر يوم للدورة يصادف الثلاثاء

وبقولكم معلومات اكيدة 100٪ واهي ياطويلات العمر اول يوم بالدورة يعتبر مباشرة عمل مو اول يوم بالمدرسة
وكل يوم غياب ب 20 دينار واذا ماحضرتي الدورة كلها يخصمون من معاشج 200 دينار يعني حساااافه ماتفرحون مثل غيركم شدوووووا الهمه وان شاء الله سهالات


ويوم الاحد حبيبتي اقولج كل المعلومات اللي تحتاجينها بستفسرررر عن كل شئ
تدرين مااالت شسووا ؟؟؟؟
قالت الذكية موظفة التخطيط عطيني رقمج وبعد ماخذته جان تقول خلاص احنا ندق عليج ونبلغج بالمرحلة ووحدة معانا فديتها (صدقني صعبة) تقول لا مبااااشرة قالت لي تعالي يوم الاحد اللي اهوا باجر

بس نصيييييحه دبري لج واااسطه بالمنطقة عشان يحطونج بالمرحلة والمدرسة اللي تبينها

 

[fri2010]

بنات ما راح يتصلون فينا عشان يقولون لنا شنو المدارس اللي حطونا فيها؟؟؟

انا سمعت من وحده ما يبين الحين المدارس

عشان في سوالف النقل والندب وما ادري شنو !

 

[:: سمر ::]

اخت خواتها

شعوري متشوووووووقه حق الدوام والكشخة والتسنع

نفس شعورج بالضبط فديتج :ggdw:



Emo Princess مااااااااااالج شغل فيهم الا لبسي وكشخي وتونسي شالسالفة توج صغيرة ليش يبون يدفنونج بالحيا وياهم ؟! لايبا لبسي وتمكيجي دامج بمكان حريم تقدرين تاخذين راحتج لاهو عيب ولا حرام وانا ان شاء الله ناوية من اتوظف لي اتقاعد بكشخ كل يوم وببلبس وبونس روحي ليش احرم نفسي ! ومتى بسوي وبعيش بكل هذا لما اعييز مثلا ,, يقولج المثل القافلة تسير والهوهو ينبحووون

انتي سيري وماعليج من احد



MisS *-* BMW واااااي شقولج شعوري ماينوصف حدي مستانسة ومتشففففقة :ggdw:



بنات حواء الله يرحم يدج ويغمد روحه للجنه ,, اما ردج مال عبدالناصر لألألأ تحطيم

miele حبيبتي هذول الحريم مايبون يشوفون وحده مقبلة عالدنيا وحابة نفسها ومدلعه روحها ,, يا تصيرين سلبية مثلهم ولا يكرهونج ,, حريم ماكوفايده فيييييييهم :eh_s(4):



ذكريات اذا تنشطتي ورحتي السوق بشرينا لوووول مو تتكيسلين كالعادة



jen2n سالفتج لوووووية بس الحمد الله تعينتي على خير وافتكيتي :rerrerek:



miss roro و كويتية واعتز بالنسبة لي انا موفاتحة تجمع كلش (موضوعي موتجمع)
انا كنت فاتحة موضوع محتواه (منو مثلي تعيين يديد وبتباشر عقب العيد؟) كموضوع عادي عرفتوا ,, فانصدمت انه ماشاء الله كل يوم البنات الله لايخليني منهم يدشون ويردون وحدي استانست من دخولهم بموضوعي وسوالفهم لاني ماكنت متوقعه يصير هالشي فماكان قصدي انه يكون موضوعي تجمع بس اهوا من نفسه صار جذي
اذا تبون تجمع فهذا الموضوع (موضوع اخت خواتها) او موضوع جنان اهوا التجمع اما موضوعي موتجمع للأمانه :eh_s(7):
بالعكس انا قبل لايدش علينا العيد بكلم المشرفة تسكر موضوعي ونخلي موضوع اخت خواتها او جنان كيفهم الي يصير
وانا ناوية افتح موضوع مع حبيبتي ام زنوبه اهوا محتواه غريب شوي على هالقسم ماني حارقته عليكم بس حزتها بتعرفونه ان شاء الله
​

 

[اخت اخوانها]

سمووووورة :- هذي بوووسه اموووواه حقج عشان طريقتج حددددها عاجبتني عطي الناس طاااااف يرتاااح بالج وتلتهين بشغلج وماعندج وقت موليه حقهم


انا بلبس واكشششسسخ من اول يوم محد هاااامني ولو انه رفيجتي تقول لااا احس فشلة اول يوم بداوم عااادي بس كريم اساس وكحل داخل العين وحمرة وثاني يوم عاد اكشخ واتسنننع عشان اخاف بياخذون فكرة عني شنو رايحه عرس على هالكشخة !!!
انا بيني وبينكم صرت بين نارين أأجل كشختي حق ثاني يوم ولا عاااادي من اول يوم
لأني احب اكون ع سنقة عشرة عدسات وبلاشر خفيف وماسكرا وجذي يعني


ها انتوا شتقولون...؟؟؟؟؟

اليوم الف الحمدلله متشووووووووووووووقه بس افكر بأغراض المكتبه

وبنات اغراض المكتبة اشترووووها كلها الا شئ واحد لاتشتروووونه الا بعد ماتداومون كل مادة في شروط لموجهينها
الاجتماعيات طريقة غيييير والعربي هم غيييببره

 

[اخت اخوانها]

دفتر التحضير

 

[مشغوله و محتاسه]

موضوع منعش ..


لما اقرا عن شعوركم اتذكر نفسي قبل لوول


حبايبي بس حبيت اقول لكم شغله عن الدوره


ان اللي ما تحضرها ... بترد تاخذها السنة اللي وراها ..

يعنهي تخيلي يعيدون عليج حجي انتي جربتيه و عرفتيه سنة كامله ..

فاحرصووو على حضورها كامله و بدووون غياب ما تسوى



اعرف زميلة عطوها اياها عقب 4 سنين !! لان اهي خريجة اداب .. و بوقت التعيين ما طلع اسمها بالدوره و دارت الايام و استوعبو و نزلو اسمها @@ تخيلو ! اهم ملزومين يعطونكم هالدورة .. فماراح يطوفونها .. تصير مسئولية عليهم





و اللي سالت عن اقلام السبوره ... ماكو احسن من ماكسي فلو اللي بالصورة ... بس ديري ترا انواع تشبهه تقليد ... و ابتعدو حبايبي عن الكتابة باللون الاحمر و الاصفر ... بتضحكون تقولون احد يكتب بالاصفر ؟؟ اقولج اي في للاسف مر علي ... الاصفر للرسم او التخطيط فقط .. و الاحمر قللو الكتابة فيه لان ممكن يكون عندج تلميذ او تلميذه عندهم ضعف نظر و اهم ما يدرون و ماراح يشوفونه عدل

موفقين حبايبي