معاناتي

[فنكيه]

كل وحده لازم تمر بضروف مماثله عشان جذي انتي اهم ما عليج بنفسج حاولي ترتاحين نفسيا
وثاني شي يعني الريال مايحب ان الوحده وايد تلزق فيه وماتعطيه فجه يحس جنه مسجون ومجبرو فيج
لكن
اذا تغليتي وحسستيه ان انتا بعد حاول ترضيني اهني بيمشي وراج

 

[المزه]

الله يعينا وياج مثل ما قالو لج البنات كثري استغفار وشوفي التغيير والله عن تجربه شخصيه

 

[غدووور الكويت]

رد : معاناتي

لله يفرج همج حبوبه عيشي لنفسج ودللي روحج بالبيت ولاتخلينه محور اهتمامج شغلي روحج بشي مفيد وهوايه مفيده وخليه يحس انج منشغله عنه وهاشي بيخليه يتقرب لج

 

[أمــ سعوود]

رد : معاناتي

ما شاء الله البنات كفو ووفوو في الكلام,,,

بس شوفي دام مو في البيت اهتمي في نفسج ودلعي نفسج وفي عيالج معليج منه لان مرده لج يعني لو ما يبيلج جان طرشج لبيت هلج اسمل عليج ومته ما يه البيت لا تقوليله مشاكل البيت لا تسالينه اساله ماله اول لا تالي اهتمي فيه وعطيه كلمات حلوة حاولي ادلعينه كانج ادلعين ولدي الصغير لان الريال مثل الياهل تقدرين اجارينه في كل شي

ان شاء الله فديتج حبيبتي والله يسهل لج امورج ويحفظ سرج مع زوجي ويحميكم ويحفظكم

 

[غارقة بأحزانها]

رد : معاناتي

مشكورين بنات عالردود
بس انتو مو فاهمين
منو قال ان انا لازقة فيه واهو مو معطيني مجال اني الزق اصلا انا دايما وحيدة وبروحي وطول ما اهو برة ترى ما ادق عليه الا اذا كنت بستاذن منه اني بطلع
وكلام حبيبي وعمري اقولها له في اغلب الاحيان
واصلا اذا يه من برا يا اما الوقت يكون متاخر وانا نايمه لان وراي دوام او يقعد جبال التلفزيون ماله خلق لايكلمني ولا حتى يطل بويهي اير منه الكلام ير
وهالحاله مو مؤقته وسحابه على قولت وحدة من البنات هذا شي صاير بدمه مايشتاق حتى لو ابعد عنه
واذا شافني مشغوله بشي يحتر ويقعد يقط كلام مو حلو عشان يتهاوش
يعني مثلا اذا شافني عالكمبيوتر يموووووت قهر وكل مشكله تصير بالبيت سبتها الكمبيوتر
والطلعات اللي عمري ما طلعتها بروحي كل مع امي وعيالي
يقول عني ان بس ادور الطلعات
انزين انت 24 ساعة برة البيت شنو تبيني اسوي
عيالي ما عليهم قاصر وبعدهم صغار لا تدريس ولاشي
وامل بالبيت والله اني ما اطلع للمجمعات الا مع امي وخواتي بالويك اند وباجي الايام يا اما اروح للجمعية او المكتبة لاني مدرسة او طبيب حق اليهال
بدال ما يستحي على ويهه ويقول قايمه بالبيت واليهال واهو مقصر بكل شي يقعد يناشبني
ويدق واهو برة بس عشان يعرف انا طالعة ولا رديت وياويلي ياسواد ليلي اذا تاخرت مع العلم اني مع اهلي واذا فعلا كان الوقت متاخر يوصلوني لباب البيت شيبي اكثر

 

[G!RLooNa]

الله يفرج همج يارب و يهدي ريلج

 

[غارقة بأحزانها]

رد : رد: معاناتي

الله يفرج همج يارب و يهدي ريلج

مشكورة حبيبتي ما تقصرين
​

 

[*ريما*]

رد : معاناتي

الله يفرجها عليك

 

[جذابه بنت ذيابه]

رد : معاناتي

عزيزتي ​

الحل بأيدج​

لا تخلين هالزوج محور حياتج كلها​

خليه جزء من هالحياة​

حبي نفسج اكثر​

واهتمي بنفسج لنفسج مو لزوجج​

ونصيحه طالما لاصقه فيه مارح يشوفج​

ابتعدي شوي ​

اشغلي نفسج بعيالج وبيتج ​

قومي بواجبج تجاهه على اكمل وجه​

بس لا تنتظرين منه الثناء وكلمات التقدير​

لا تخلين هالاحاسيس السلبيه تسيطر عليج​

عززي ثقتج بنفسج​

اشغلي نفسج بهوايه انتي تحبينها​

غيري بنمط حياتج​

غيري ستايلج​

بطلي الكلمات اللي ما يحبها اي زوج​

وينك​

تأخرت​

شنو تسوي​

ماولهت​

ادري تحبينه بس ديري بالج تخنقينه بهالحب​

واهم شي الاستغفار ​

وعسى الله يرده لج احسن من اول​

نفس اللي كنت بقووله

:tek:

 

[غارقة بأحزانها]

رد : معاناتي

بنات حبايبي مشكورين عالردود
بس بليز بنات اللي ترد خل تقرا ردودي انا عدل
وابيكم تفهمون وتحسون فيني
واللي ماعندها الا لا تلصقين فيه وخليه وانشغلي عنه واهتمي بنفسج ومن هالكلام
ترى صج ماكو فايدة
وانا حتى لو اطبق هالكلام مافيه نتيجة
بالعكس قاعد يزيد
لان يحس ان خلاني استسلم وان اهو حر وعلى كيفه
والله ان قلبي قاعد يحترق
ابي اعرف وين المشكله
الكل يقول اني حلوة وذربه وسوالفي حلوة
وقلبي طيب
ليش العكس يكون عند اعز الناس اللي انا محتاجة منه هالكلام
يالله نفسه ومايبينا
حتى ولده قام يفهم ويقول
ماما بابا ما يحبنا كل انتي اللي توديني وتشتريلي
بابا مايوديني وما يشتريلي العاب

الشكوى لله​

 

[tmtmt]

الله يعينج يارب
ويفرج همج ويسخرلج ريلج

 

[بحر الذكريات]

الله يفرج همج

 

[غارقة بأحزانها]

رد : معاناتي

مشكورين حبابيبي
بحر الذكريات وtmtm
ماتقصرون على هالدعواي الحلوة
ويزاكم الله خير​

 

[عــود كمــبودي]

الله يفرجها عليج ويهدي ريلج ويسخره لج

 

[nwir72]

حبيبتي اول شي غيري نكج
واطلعي من حالة التشاؤم اللي معيشه نفسج فيها
وانت عندج كل مقومات السعاده العيال والجمال
والشباب وطالعي الدنيا بنظره غير
وزوجج هذي حالة اغلب رياييل الكويت
والله العظيم اغلبهم جذي والعن
والله مع الصابرين اذا صبروا
ادعيله بالهدايه والاستقامه
الله يفرج عليج يارب

 

[غارقة بأحزانها]

رد : معاناتي

حبيبتي انتي مشكورة عالرد
انا لما سجلت بهالمنتدى كنت بحاله نفسية سيئة جدا وكان شعور الحزن غالب علي عشان جذي اخترت هالنك
وبصراحة مقومات السعادة هذي اللي قلتي عنها الحمدالله والف الحمدالله عليها وانشالله يارب ما انحرم منها
بس ياحبيبتي الله عطاني الجمال بس للاسف ماعندي اللي حسسني بهالجمال ولا يحسسني بالانوثة والحب اللي تحتاجه المرأة سواء كانت جميله او لا
ثانيا اليهال هذول انا ما يبتهم بروحي المفروض ان يكون معاي زوجي مو24 ساعة
بس مثل ماله حق على نفسه مرته وعياله لهم حق
والله ياختي ان ما اطلع معاه طلعة بروحنا نتعشى او نتمشى الا بالشهرين او الثلاث مرة
وتكون طلعة جامدة بس يطالع الساعة متكون عقب حنه ورنة
وعياله حدة يوديهم عند امه او نييب عشا بالسيارة طبعا هم هذا شي نادر
وليش تقولين ان هذا طبع بأغلب شباب الكويت
عيل ياحبيبتي صدقاتنا ومعارفنا واللي نشوفهم بالشارع هذول شنو
لا تقوليين يجذبون مو الكل يجذب وما انكر ان فيه مشاكل بس هم كل شي له حد
الحمدالله ان احسن من غيره باشياء مثل ان ما يشرب او يطقني
بس مو عشان والله ان ما يطقني يقجوم يهملني

اسفة طولت عليج
بس
قلبه متروووسه:cxxxp:​

 

[ام شووووق]

رد : معاناتي

اشغلي نفسج عنه ولا تنطرين منه اهتمام

 

[مشاعرحالمه]

الجئي لربك ودوري رضاه واكثري من الدعاء والاستغفار وبتتغيري حياتك كلها

 

[كويتية بروما]

اهم شي الصواني حدج داشه عرض البنيه تعبانه وانتي رازه قروضاتج
ادعي له بالهدايه الله يسخره لج ويفرجها عليج

 

[عادت ذكرياتي]

الله يسخره لج يارب ويهديه