معاناتي

[غارقة بأحزانها]

السلام عليكم
مادري شقول
زمادري من وين ابتدي
معناتي كبيرة والله ياخواتي وانا حيرانة ومو عارفة شسوي
والله تعبانة
ليش على كثر ما احب زوجي احس ان مالي قيمة بحياته
ليش كثر ما احاول اقرب منه يبتعد عني
ليش لازم انطر ان يحن علي واخرة الانتظار ولا شي
ليش اسلوبه معاي جاف مع اني ما اشوفه الا ساعات قليلة باليوم
ليش حياته كلها نوم ودوام وطلعة
مانشوفه لا انا ولا عياله الا حزة الغدا وساعات مايبي حتى يتغدا معانا
ليش لما اقوله طلعنا مايبي
ليش لما اقوله اقعد معانا يعصب
ليش لما اقوله احبك يقولي ليش
؟ او زين؟
ليش هالاستهزاء بمشاعري
ليش لما اقوله مشتاقتلك بكل برود يقول لا والله؟
ليش حياتي جذي باردة
ليش دايما انا بروحي
ليش انا ثقيله على قلبك يابو عيالي
ماكنت جذي
ليش خنتني وكسرت قلبي وعدتني انك ماتعيدها وشكلك ماوفيت مو معقوله هذي حياة طبيعية اللي انا عايشتها معاك معقوله ما في احد ماخذك مني ومغيرك علي



؟
؟
؟
؟

مادري والله تعبت
دموعي ما توقف والحسرة بقلبي
والخوف ملازمني
شسوي يا ربي عيني​

 

[الصواني]

رد : معاناتي

للرفع

 

[سكرة هانم]

رد : معاناتي

الله يعينج

كلامج ذكرني بدكتور ابراهيم الخليفي

دكتوري بالجامعه خذيت عنده ماده ... واي كلامه اينن يقول كله منج

تعلمي شلون تحبين نفسج تعرفين نفسج


دقيقه ادور مدونته واييب الرابط برب

 

[باريس الخبر]

ياحياتي انتي مافي بيت من دون مشاكل عشان كذا انت لازم تغيرين اسلوبك مع زوجك
غيري بنفسك اجذبيه لك ولا تقعدين تقهرين بروحك وتتحسرين خلك قويه عيشي حياتك دلعي نفسك استمتعي انتي وعيالك
خواتك صديقاتك لا تحصرين نفسك بدائره معينه طوري نفسك وعشان تعرفين طبع زوجك وتتقربين اكثر اشتري كتاب عسليات زوجيه مره حلووووو يساعدك تعرفين شخصيه زوجك شمالي او جنوبي وتتعاملين معاها

والله يوفقك يارب ويسعدك واكثري الدعاء والاستغفار

 

[دنيتى زوجي M]

صواني لو طالعه بدعوه بدال اب اللى بكل موضوع وايد احسن الله يهداج

حبيبتي صاحبة الموضوع الله يفرجها عليج ويهدي ريلج ويسخره لج حبيبتي

والله انا اقول جربي تحقرينه واطنشينه وتهتمين بنفسج وشوفي يمكن يتغير يحس والله مادري شقولج

بس الله يعينج حبيبتي

 

[عاشقة السفر]

أنا أقول شلي يحدني على حياة جذي انا متزوجه عشان أستانس وأنحب وأتعامل معامله طيبه إذا جذي حالي خليني قاعده في بيت ابوي أحسن .. أنا أدري الكل بيزعل مني لكن تطلقي أحسن عيشي عمرج .
وعن الحلال والحرام كلميه قوليله الي بقلبج (( وأدري بالأخير ماكو نتيجه))

 

[مهرة البيد]

رد : معاناتي

عزيزتي

الحل بأيدج

لا تخلين هالزوج محور حياتج كلها

خليه جزء من هالحياة

حبي نفسج اكثر

واهتمي بنفسج لنفسج مو لزوجج

ونصيحه طالما لاصقه فيه مارح يشوفج

ابتعدي شوي

اشغلي نفسج بعيالج وبيتج

قومي بواجبج تجاهه على اكمل وجه

بس لا تنتظرين منه الثناء وكلمات التقدير

لا تخلين هالاحاسيس السلبيه تسيطر عليج

عززي ثقتج بنفسج

اشغلي نفسج بهوايه انتي تحبينها

غيري بنمط حياتج

غيري ستايلج

بطلي الكلمات اللي ما يحبها اي زوج

وينك

تأخرت

شنو تسوي

ماولهت

ادري تحبينه بس ديري بالج تخنقينه بهالحب

واهم شي الاستغفار


وعسى الله يرده لج احسن من اول​

 

[digital]

رد: رد : معاناتي

عزيزتي ​

الحل بأيدج​

لا تخلين هالزوج محور حياتج كلها​

خليه جزء من هالحياة​

حبي نفسج اكثر​

واهتمي بنفسج لنفسج مو لزوجج​

ونصيحه طالما لاصقه فيه مارح يشوفج​

ابتعدي شوي ​

اشغلي نفسج بعيالج وبيتج ​

قومي بواجبج تجاهه على اكمل وجه​

بس لا تنتظرين منه الثناء وكلمات التقدير​

لا تخلين هالاحاسيس السلبيه تسيطر عليج​

عززي ثقتج بنفسج​

اشغلي نفسج بهوايه انتي تحبينها​

غيري بنمط حياتج​

غيري ستايلج​

بطلي الكلمات اللي ما يحبها اي زوج​

وينك​

تأخرت​

شنو تسوي​

ماولهت​

ادري تحبينه بس ديري بالج تخنقينه بهالحب​

واهم شي الاستغفار ​

وعسى الله يرده لج احسن من اول​

:rerrerek: كلام حلووو وادعي دايما الله يهديه ويحنن قلبه عليكم

 

[@ نجمة العطااا @]

اقولج على حل وتسوينه ؟؟؟
اقربي من الله اكثر واكثر وادعي لزوجج دايما ثم حبي نفسج سوي لنفسج لوك جديد روحي سوي لج مساج وروحي صالون وغيري ستايلج وجددي اهتماماتج هوايتج ونسي نفسج وعيالج نفس الشي دخليهم نادي نمي هواياتهم خليهم ينشغلون بالمفيد
وغيري بيتج وغرفتج يعني انشغلي بنفسج وبس مع الوقت اهو بيبدأ يتقرب لج ويستغرب انشغالك عنه لكن ما اقول اهمليه لا اهتمي فيه لكن مو اكثر من نفسج يالغلااا وترى الرجال يحبون اللي يتغلا عليهم لكن اللي ترمي نفسها عليهم يدوسونها يسوون فيها يعننا شخصية مرغوبة!!!
الله يهديكم لبعض يارب

 

[غارقة بأحزانها]

رد : معاناتي

مشكورين بنات على الردود
وبالنسبه للحلول اللي تفضلتو فيها
انا مجربتها كلها
وانا حلوة وصغيرة مو غرور بس عشان اوضح
ومهتمه بنفسي
وكثر ما اقدر مخليته على راحته
والطلعات والروحات ما اطلبها وايد
بس مثل ما قالت وحدة من الخوات ان انا ليش متزوجة ابي احس بالحب والحنان
ابي احس بانوثتي معاه
انا اصبر واطنش واحاول ابعده عن دائرة اهتمامي وما افكر فيه
والهي نفسي بعيالي وبعض الهوايات
بس بالنهاية انا انسانه ولي مشاعر
ولاني رومنسيه محتاجته يمي
وشي ثاني بعد
مسأله ان اهو دايما مو بالبيت بالاضافة الى البرود اللي بحياتنا دايما يدخلني بدائرة الشك
وهذا شي متعب
خصوصا ان سبق وكلم وحدة وانا حيل انهرت وانكسرت وما ادري اذا فيه غيرها او ليلحين اهو يكلمها
والله يابنات احلام وكوابيس وافكار متعبه
والطلاق فكرت فيه بس صعب لاني احبه
وادري اني راح اتحسف لو اتخذت هالقرار
ناره ولا نار بعده​

 

[كويتية نايس]

رد : معاناتي

خلاااص مداااام اهوه لاهي بنفسه هم انتي الهي بنفسج او غيري نيوولكج سوي تغيير ساافري انتي وعياالج وخلييه يشتاااقلج
او سويله سبرااايز بالبيت ودي العيال بيت اهلج واول مااايرد سوييله عشاا محترم وكشخي ولبسي وكوني مسويه قصة شعر او صبغي شعرج
ونشاااء الله يجيب نتيجة

 

[غارقة بأحزانها]

رد : رد: معاناتي

اقولج على حل وتسوينه ؟؟؟
اقربي من الله اكثر واكثر وادعي لزوجج دايما ثم حبي نفسج سوي لنفسج لوك جديد روحي سوي لج مساج وروحي صالون وغيري ستايلج وجددي اهتماماتج هوايتج ونسي نفسج وعيالج نفس الشي دخليهم نادي نمي هواياتهم خليهم ينشغلون بالمفيد
وغيري بيتج وغرفتج يعني انشغلي بنفسج وبس مع الوقت اهو بيبدأ يتقرب لج ويستغرب انشغالك عنه لكن ما اقول اهمليه لا اهتمي فيه لكن مو اكثر من نفسج يالغلااا وترى الرجال يحبون اللي يتغلا عليهم لكن اللي ترمي نفسها عليهم يدوسونها يسوون فيها يعننا شخصية مرغوبة!!!
الله يهديكم لبعض يارب

صح كلامج حبيبتي بس المشكله ان اهو حاكرني الشغلات اللي قلتيها اغلبها ممنوعة يبيني اجابل اليهال 24 ساعة وبالنسبة للنوادي بعدهم صغار 3 و2 سنوات
اما النيو لوك انا اسويه لنفسي اذا بغيت بس سمعي التعليقات البايخة عقب
اما البيت والغرفة فانا ممنوعة اني اغيرهم لان عذره ان راح ننتقل ببيت جديد ومايبي يشتري شي جديد
واقولج بعد شي يقهر يقول ان حتى بالبيت الجديد ماراح يغير واذا انا ابي التغيير لازم انا اللي ادفع
وهالشي مخوفني ليش اهو جذي معقوله المرة اهي اللي تأثث البيت بعد
انا بعرف اهو ليش تزوج مايبي يتحمل زوجة ولايبي يصرف ولا يبي يتحمل مسؤوليه اطفال ؟؟؟؟؟

 

[دنياالوله]

رد: رد : معاناتي

عزيزتي

الحل بأيدج

لا تخلين هالزوج محور حياتج كلها

خليه جزء من هالحياة

حبي نفسج اكثر

واهتمي بنفسج لنفسج مو لزوجج

ونصيحه طالما لاصقه فيه مارح يشوفج

ابتعدي شوي


صح لسانج

اشغلي نفسج بعيالج وبيتج

قومي بواجبج تجاهه على اكمل وجه

بس لا تنتظرين منه الثناء وكلمات التقدير

لا تخلين هالاحاسيس السلبيه تسيطر عليج

عززي ثقتج بنفسج

اشغلي نفسج بهوايه انتي تحبينها

غيري بنمط حياتج

غيري ستايلج

بطلي الكلمات اللي ما يحبها اي زوج

وينك

تأخرت

شنو تسوي

ماولهت

ادري تحبينه بس ديري بالج تخنقينه بهالحب

واهم شي الاستغفار


وعسى الله يرده لج احسن من اول​

صح لساااااااااااااااااااااااااااااااااااااانج

 

[غارقة بأحزانها]

رد : معاناتي

خلاااص مداااام اهوه لاهي بنفسه هم انتي الهي بنفسج او غيري نيوولكج سوي تغيير ساافري انتي وعياالج وخلييه يشتاااقلج
او سويله سبرااايز بالبيت ودي العيال بيت اهلج واول مااايرد سوييله عشاا محترم وكشخي ولبسي وكوني مسويه قصة شعر او صبغي شعرج
ونشاااء الله يجيب نتيجة

ماكو فايدة حبيبتي لايهمه شكلي اضعف امتن ولا شعري ولا اي شي اذا سويت نيو لوك يعلق تعليقات سخيفة اذا صبغته يقول ليش الصبغ يحرق الشعر
واذا شبييت شموع يقول طفيهم لاتحرقينا
ومرة شريت الكفر اللي مكتوب عليه احبك وفيه لمبات اضاءة يقول سكريه لاتكهربينا
والالعاب الزوجيه اذا حطيتها يقول شيلي هالخرابيط

 

[سكرة هانم]

رد : معاناتي

http://www.facebook.com/pages/aldktwr-abrahym-alkhlyfy/261118317680

http://www.drkhulaifi.com/

هذي مدونته وموقع الفيس بوك مواضيعه وايد حلوه دشي تصفحي

اذكر مره عطانا موقف ..

شقتين ... دخل الريال 1 ومرته بطلعت الباب سلمت عليه وباسته
دخل الريال 2 مرته افتحت الباب وباسته

المراه 1 فصخته هدومه وتكرمين جوتيه ويابت بجامته

المراه 2 هم ساعدته يفصخ ملابسه وفصخته جوتيه ويابت البجامه

****************************************

المراه 1 ريلها يمووووووووت فيها ومدللها ولا يقولها لا

المراه 2 ريلها مطنشها عصبي مو مجابل البيت مايدري عنها ولا عن عيالها !!


ليش اتوقعين هذي مرا وهذي موا هذا ريال وهذا ريال


الفرق ان الاولى واثقه من نفسها ويوم فصخته جوتيه عزج الله
ما سوت هالشي واهي ذليله وعشان ترضيه لا سوته لانها اهي تبي
اهي ودها تدلله .. بس ممكن ان باجر ما تسوي هالشي
المراه 1 تلقينها تشتغل او عندها اهتماماتها الخاصه تب تكشخ لنفسها
فتلقين الريل منبهر فيها ويسمع كلامها .. يحس انها مثقفه وماتقول كلمه الا واثقه منها

المراه2 تخاف من بنات بليس
تخاف ريلها ينحاش
ماعندها غير شلون ارضيه وشلون اطبخله وبعد عمري تعبان
خنت حيلي توه ياي من الشغل

فتلقين ريلها دايما يهددها بطلقج يالجيكره انتي ما فيج زود
لان عرف نقطه ضعفها .. وعرف شلون يدخل لها



انشالله هالموقف يوضحلج انا شنو قصدي .. حاولي تطبقينا على حياتج وشوفي شنو الغلط اللي سويتيه

 

[.،:"$الـعـوبــــة$":،.]

رد : معاناتي

حبيبتي ترى الدنيا تمشي وانتي مضيعة حياتك على امل انه يلتفت لك !!
دامه قايم فالبيت وعياله اهم شي ، مايشوف شر ،،
التفتي لنفسك وعيشي حياتك ،
اكشخي واستانسي وشوفي الناس وشوفي الدنيا !!
ماورى هالحالة اللي انتي فيها الا رفعة الضغط والسكري وامراض القلب ! وهو ولاهمه ! حتى بكرة بعد عمرن طويل لو الله ياخذ امانته ، راح يدور العرس ،
والله ماوقف حياتي عشان رجال لو شنو !!!!!!!!!!!!
هذي وجهة نظري وماقلتها لك الا لأني والله العظيم ماهنتي علي ، وانتي حرة ،​

 

[][°•سـζـآيب•°][]

رد : معاناتي

حبيبتي ....

ماالج الا الاستغفار والدعاء
كلام البنات اغلبه صحيح بس مثل ماقلتي
الزوجه تبي اهتمام وحنان
اتقي الله يجعل لك مخرجا

اتوقع زوجك شمالي غربي
هالنمط اصعب شي
كتبي بقوقل وابحثي عن نمط الرجل الشمالي
وشرفي الصفات وشوفي صفات الغربي
اذا شمالي ترا يحب الزوجه الفاهمه القويه ذات شخصيه
قويييه وعارفه حياتها ومنظمتها
واذا غربي يكون مزواجي
فلازم تشوفين العطل وين بنفسج وتداويته
وارقي نفسج

واسال الله التوفيق لج

 

[shahooda123]

الله يعينج والله تري اغلب الرياييل شذى وريلى واحد منهم لاكلام حلو ولاشى ومايعرفون يتعاملون مع المراة لاضايقين روحج ولهى نفسج بشغله علشان نفسيتج ماتتعب والله انا قمت اسوى شذى والله يهديهم انشالله

 

[عشق موالي]

نصيحه لج كثري من الاستغفار بتشوفين حياتج انقلبت فوق تحت وبيصير هو الي يدورج

 

[غارقة بأحزانها]

رد : معاناتي

حبيبتي ترى الدنيا تمشي وانتي مضيعة حياتك على امل انه يلتفت لك !!​

دامه قايم فالبيت وعياله اهم شي ، مايشوف شر ،،
التفتي لنفسك وعيشي حياتك ،
اكشخي واستانسي وشوفي الناس وشوفي الدنيا !!
ماورى هالحالة اللي انتي فيها الا رفعة الضغط والسكري وامراض القلب ! وهو ولاهمه ! حتى بكرة بعد عمرن طويل لو الله ياخذ امانته ، راح يدور العرس ،
والله ماوقف حياتي عشان رجال لو شنو !!!!!!!!!!!!

هذي وجهة نظري وماقلتها لك الا لأني والله العظيم ماهنتي علي ، وانتي حرة ،​

لاحبيبتي اهو مو قايم لاببيت ولا عيال اهو بس شاطر يعطي اوامر وما فيها شي اذا انا ابيه يلتفتلي هذا زوجي وانا احتاجه وشعور المرة انها محتاجه ريال بحياتها مو هين ولا جان ربنا ما شرع الزواج وانا مو هامله نفسي بس مو قاعدة احس بمتعة لان في شي ناقصني وهالشي فعلا مهم مو هامشي