معاناتي آنا و.. ولد خالتي..

[أصعب أحساس]

الحب فوق كل شي

بتعيشين ع الحلوووه والمره دام الحب موجووووود

أحسن بكرا ماتا خذين واحد عنده فلووس بيتكثر سفراته وطلعاته ويمكن يقصر عليج

هذا حتى لو قصر تعذرينه


صدقيني احلى مافي الزواج انه يكووون عن حب

والله يوفقك

 

[الهندية]

وتقول معاشه 200 دينار ونص المعاش يدفعه ايجار بيت اهله

يعني بتزوجين واحد معاشه 100 وايجار بيتهم 100 وانتي جامعية وكلها كم يوم وتشتغلين

يافرحتهم فيج صج افتحت لهم ابواب السعادة

مبروووك عليهم انتي

بذمتج هذا رد اي ابواب سعادة حبيبتي افتحتها عليهم شنو فاتحة كنز علاء الدين

والله اعرف بدون عايشين احسن من ناس كويتيين وعندهم خير والله ما يخلي زوجتة اتحط فلس بالبيت

وانا قلت عندي بنت عمتي كويتية ماخذه بدون ما خلاها حتي اتوظف ولا خلاها اتسوق سيارة وحتي الأعانة اللي حطوها

للكويتيات اعتقد ايسموونها البطاله يمكن 300 دينار علي ما اعتقد مارضي ايقول حرام لأني انا موجود واصرف عليج

منتي محتاجتها وهذا الكلام سمعته منها هي

حبيبتي والله علي ما اقول شهيد كانت معاي بالكلية وحدة كويتية ماخذه كويتي قالت يليتني ماخذه بدون قلتلها ليش قالت علشان

زوجي كله سفرات وخرابيط وحده ماخذه بدون ومستانسة معاه وتمنيت اني ماخذه واحد مثلها لأن البدون قليل ما يسافر

 

[رتو الكيوت]

من صجج بتركضين ورا الحب وتخلين مصلحتج ؟

لا ياقلبي اخذيها مني لو تزوجينه بتصير تعيسسه حيييل حييل حيييل

انتي تحبينه وموجالسه تشوفين عيوبه بس باجر لا صار واقع بحياتج بتكرهين هالشي خلاااااااااص ويمكن تطلقين بعد

الحب شي والواقع شي حبي بس لاتزوجينه اذا مو مناسب !

محد جابرج تمرمطين عمرج تحبينه ؟ هم زوجج الي اهو نصيبج بتحبيينه

الحين الي معاشاتهم تسع سبع اميه مطفرين شلون هذا ؟؟؟؟؟؟

الله يرزقه ويرزقج حبيبتي بسس فكري بعقلج وتراج مراااهقه لا صاررر عمرج 22 بيتغير تفكيرج للامووور وعن تجربه

الحب تشوتينه شوته معتبره تصيرين تفكرين بحياتج بمصلحتج واهلج فقط لا غير !

 

[يمة يادلبي]

أمج معاها حق
مثل مافهمت اني وحدة متعودة عالعز والدلال
واهوا مسكين على قد حاله
راح تقدرين تتأقلمين بهالعيشة ؟
وخلي هذا اعيالج راح يتبهلدون عددددل ليش تجنين عليهم
وترا الحبببب مو كل شي باجر لا صارلكم سنة او سنتين بتملين وبتتحسفين قد شعر راسج شلون خذتييييه

 

[wujud]

حياتي مو مهم الجنسيه وله مهم الفلوس المهم الحساس والحب
ليش التفكير بالجنسيه و الفلوس
ضامنته زين ؟؟ علشان جنسيه وفلوس
المهم الحب اهو الي يخليكم تفكرون وصيرون احسن
الفلوس مو داااايمه وربي مودايمه الفلوس
اليوم عندج باجر ماعندج
اهم شي الريال زين وربي اهم شي بس
ماتفيد الجنسيه وله الفلوس
ورسول والله ماقالو زوجو بناتكم حق ريال جنسيته جذي وفلوسه جذي
اهم شي الدين والاخلاق ترضون دينه واخلاقه
عنده جنسيه وفلوس وماعنده دين وخلاق اشلون يعني؟؟؟
والي كاتبه لج ربي بصير حبووبه

 

[مـيـراس]

انتي جامعية وبتقدرين تساعدينه وتكونون حياتكم مع بعض واكيد الرزق على الله ومو على بني البشر وما تدرين يمكن بالمستقبل يكون نفسه ويمن عليه ربج

بس انا مع الله سبحانه واقول لج استخيري وانا اختج ترا مالج الا الاستخارة وربج يبي يكتب لج اللي فيه الخير

 

[كاميليا1]

بالله وش البدون ماهم كويتين وش يعودون الله يسعدكم ردووووووووووووووووووووووووووووووووبليز دائما اقراء في المنتدى بدون من هم؟

 

[الهندية]

بالله وش البدون ماهم كويتين وش يعودون الله يسعدكم ردووووووووووووووووووووووووووووووووبليز دائما اقراء في المنتدى بدون من هم؟

اختي عمرج شفتي اخ كويتي وجنسية اولي والله العظيم واخوه ابن امه وابوه بدون هذا زوج عمتي

ولا جيرانا كويتي واخوه الثاني كويتي والوسطي بدون وهم اخوان هم من ام واب هذا حال بدون الكويت

بنفس العائله اتلاقين الكويتي والبدون اشلون ما اعرف ولا احلي شي هندي مجنس او مصري وكتبوهم بالجريدة فلا تستغربين

 

[هيبة فتاه]

لو تكبرين الخط ) لاني مو شايفة غير كلمة ( احبة ) وماما ** شنو بنات الديرة حولوا هنود

 

[miss mama]

انا ما اقول انا مع امج ولا مع اي احد ....(( حتى لووو كانت على حق بكل الي قالته ))).......... اانا اقول استخيري وما خاب من استخار..يمكن هالبدون بين يوم وليلة يتغير حالة ويصير بحال احسن؟

 

[كبرياء أمراه]

أختي من كلامج حسيتج عاااااطفيه >>>> نفس الاخت:eh_s(22):

امج رافضه لشيين..
الماده وهالشي ما يصير تفكر فيه لانه الرزق بيد الله واخلاق الريال هيا اللي تعيشه

ولانه بدون..
والنقطه لازم انتي تفكرين فيها..
يعني حتى عيالج بدون جنسيه
واذا ع الهجره تهقين ولد خالتج يهد اهله ويهاجر...

والله الريال ما يعيبه جيبه ولا مركزه ولااا.....
بس سالفه الجنسيه ما تمسج بروحج حتى عيالج في المستقبل6

 

[GueSS.q8]

لو تكبرين الخط ) لاني مو شايفة غير كلمة ( احبة ) وماما ** شنو بنات الديرة حولوا هنود [/color][/b][/QUOTE]
ياعمري انتي
اسمله ع عيونج
عشان كلمة ماما بنات الديره صاروا هنود؟؟>>والله مادري
فديتج آنا متعوده اقول ماما وبابا شسوي مو بيدي



كل البناتــ اللي شرفوني بردودهم
تسلمون والله يحفظكمــ
بس ابي طريقه اقنع فيها ماما ومااخليها تشيل بخاطرها ولا تفكر اني بسوي شي اهيا رافضته

مسألة المستقبل واللي بيصير فيه هالشي بيد الله
ومثل ماقالوا وايد من البنات يمكن بلحظه تتغير الامور وتنقلب الموازين
وعندي ريال احبه ويحبني ويصوني واهوا ع قد حاله احسن مليون مره من ريالي عباله الدنيا ماتمشي الا بفلوسه
وللعلم اهوا صج رافض اني اسوق سياره وحتى الشغل يقول آنا مابيج تشتغلين بس آنا اللي مصرّه اشتغل لأني ابي يحس اني يمه وبساعده ومابخليه..


فديتكمــ بناتــ
لاتحرموني من نصايحكمــ

 

[بولندية]

خالتج شلووون عايشه؟
مرتاحه ولا مو مرتاحه؟؟

شوفي بسالفه الجنسية والله ماتدرين فجأة ولا صاير كويتي نفس لما وزير الداخليه عطى الجنسية حق كل من هب و دب

و سالفه الشهاده اهو مو مقياس انج ما راح تكونين مرتاحه معاه علشان شهادته متوسطه بس لو بتقسينها الحين الزمن فيه كل شي غالي راح تعتمدون على معاشج اكثر شي


بس رايي صلي الاستخارة و استغفري ربج وايد لان نجاح الزواج مو مقياس الجنسيه ولا المعاش صح انهم بوقتنا الحالي ضروريين بس التوفيق و الـــتيسير من رب العالمين و بالتوفيق و بشرينا عنج