معاناتي آنا و.. ولد خالتي..

[كيكه توفي]

امج كلامها صح

 

[Good Enough]

شوفي اهو كلامج صح ان الواحد ما يشوف الفلوس و جذي .

بس هم كلام امج فيه شي من الصحه .. يعني باجر وراج عيال و دراسه و عيد و مناسبات و الدنيا صايره نار اللهم ياكافي

كلشي يبي فلوس ., يمكن الحين تتحملينه بس بعدين لاحسيتي بالضيجه يمكن تملينه و تتغيرين عليه

حرام فكري بعقلج قبل قلبج عشان ما تكسرين فيه و استخيري

 

[مس لوتس]

امج صح

 

[|~KoOKatY~|]

قال تعالى :وأنكحوا الايامي منكم والصالحين من عبادكم وامائكم ان يكونوا فقراء يغنهم الله من فضله والله واسع عليم (النور/32)

سمعي كلام ربج وتوكلي على الله .... ربج بلحظه يغير كل شي ... يمكن تاخذين الكويتي وربي يخسف فيه بعيده عن الله ؟؟ شفايدة الجنسيه باجر ؟؟
هذا رايييي واللي تشوفينه فيه مصلحتج ومقتنعه فيه سويه .. وربي يوفقج امين يارب اهم شي راحة البال

 

[الهندية]

بحكم اني سعوديه مافهم بسالفة البدون بس الي اعرفه انهم مو ماخذين حقوقهم
كامله ومتعذبين مو مثل الكويتين <<<وسالفة يسافر وياخذ جنسيه عجبتني
انا اقولك خذيه لان مثل ماقلتي الفلوس مو كل شي
وبعض الرجال عندهم فلوس وشهاده وجنسيه وشوفي لعبهم وسفراتهم وتقصرهم على حريمهم ......الخ
استخيري والله يوفقك

معاها عجبني ردها

اذا كان ايحبج اهم شي لاحظي اغلب المشاكل السفر والخيانة والزوجة هي اللي تصرف ومعاش الزوج لسفراته وناسته

وانا بنت عمتي كويتية وزوجها بدون عيالها يدرسون لأن امهم كويتية والكبار بالجامعة

تاحذين واحد ما يحبج ولا انت اتحبينه ما راح تسعدينه وتصير حياتج جحيم بعدها شيفيد الفلوس واذا صار عندج اعيال

ايتبهدلون بين مشاكل امهم وابوهم ويمكن ايصير طلاق وهني راح اتشتت العيلة ويضيعون العيال

 

[ام زاكي]

انا بقول بس كلمه

قال الرسول صلى الله عليه واله

خذوهم فقراء يغتيكم الله

مو كل شي الماده

 

[ام زاكي]

انا بقول بس كلمه

قال الرسول صلى الله عليه واله

خذوهم فقراء يغنيكم الله

مو كل شي الماده

 

[الهندية]

!quote]حتى لو كويتي خذا بدون وبيجنسها ما يقدر ! بس اذا جنسية ثانيه يقدر يجنسها][/quote


لا حبيبتي الكويتي يقدر ايجنس البدون هذول عيال عمتي كويتيين خذو بنات عمهم بدون وجنسووهم واعرف ولد عمي بعد خذا بدون من جماعة امه بدون

هم تجنست

 

[غلا ستايل]

انا مع امج صدقيني الحب غييييييييييييير والزواج غير

 

[G A L A W I]

خليها عالايام...
والله العظيم واحفظي هالكلمه عدل..


..{{الايام محت حب اكبر من حبكم }}..:eh_s(11):

مثل ما قلتلج خليها عالايام وهي تمحيها..
امج معاها حق..
اصبري واصبري واصبري...
وكل شي بيتغير...
وماتدرين وين ربج كاتب الخير...

الله يوفقج ويسعدج

 

[جميله وجذابه]

بعد عمري الله لايحرمني منكمــ
تفاعلكمــ فرحني واااايد
وخلاني احس اني مو بروحي وفي ناس ينصحوني
جفت كل الردود في اللي موافقني وفي اللي معارضني..
ادري معارضيني عشان اللي بيصير بعدين بس منو يدري يمكن الله بيسهل الامور ويوفقه ويرزقه ويتعدل وضعه المادي..

واللهــ كريمــ ان شالله..

اهوا يحبني ويبيني مو لأنه طمعان فيني
للعلم بنات خالتي كويتيات بعد بس اهوا مايبي غيري
وفي بنتـ بعد ميته فيه بس مخلي الكل عشاني
والله احبهـ..
اهوا ماكمل دراسته عشان كان يشتغل
اخوانه الكبار مهاجرين ومحصلين جنسية من دوله اجنبيه واهوا كان بيهاجر من فتره بس بعدين هوّن
قال ماقدر اهاجر واخليج ابي اتزوجج وآخذج معاي..

وآنا مستعده اعيش معاهــ حياه بسيطه دام بيقدرني ويحترمني ويحبني
ادعولي بنااااات الله يخليكم ان الله يكتب اللي فيه الخير
ويتمم علي فرحتي ويجمعني فيه بالحلال

فديتكمــ واللهــ احبكمــ..
لاتخلوني

انا لاحظت انج مصممه وما باذنج ماي و اذا انتي جذي مادري ليش سألتينا

تبين تهاجرين معاه؟

جربتي تتغربين عن ديرتج و تبتعدين عن امج واهلج؟

اذا ما جربتي آنا مجربه الغربه لسنه وحده مع زوجي لان زوجي عنده شغل و حسيت بالعذاب ما صدقت ارجع الكويت و ارجع حق امي و اليوم الي رجعت فيه ما ابالغ اني قبلها ابجم يوم وانا ابجي ابجي و طول ما الطيارة طايره وانا ابجي ماني مصدقه اني برجع لديرتي و برجع لأمي و عايلتي و مو بس انا جذي دشي قسم المغتربات وشوفي مشاعرهم صج شي صعب و على فكره انا كنت مغتربه مع زوجي و ما علي قاصر ومو مرتاحه عيل اشلون اذا ما عندنا و عايشه حده حده وامقصره على نفسي!


اختي كبري عقلج و تفكيرج و صلي استخاره و طيعي امج علشان الله يوفقج انا ما اعرفج ومتضايقه علشانج الله يعين امج هالمسكينه شنو احساسها الحين واهي اتشوف بنتها بتضيع من ايدها و بتضيع مستقبلها و حياتها بيدها صج صج الله يعينها و يهديج يارب

 

[fnoora]

اول شي بقولج كل شي قسمه ونصيب

وثاني شي انا ابصراحه مع كلام امج

ما ادري ليش البنات يفرضون انج تاخذين كويتي مايحبج ولا اتحبينه وسفرات ومغازل اكيد اهلج ماراح يزوجونج الا بعد مايسألون عن الريال واخلاقه صدقيني الحياه الزوجيه مو حب وبس مثل ماقالت وحده من البنات مع العشره راح اتشوفين عيوبه اللي ماشفتيها قبل الزواج
وساعتها راح تنصدمين

الحياه مو سهله لهدرجه انتي حيل امبسطتها

صدقيني هذي فتره مراهقه ويتعدي باجر اذا الله ارزقج وتزوجتي وخليتي كل تفكيرج لزوجج ومافكرتي فيه
راح تنسينه وتتعلقين في زوجج واتعرفين شنو الحب
وراح تضحكين على نفسج

الحب مو كلام بالتلفونات والا نظرات
باجر تشوفيين خواتج وعيالهم وتتحسرين على نفسج وعيالج
حبيبتي لا تقولين انا جامعيه ومعاشي قوي
شنو يعني ابتصرفين عليه وعلى اهله

وبالاخر كل واحد يشوف نفسه ومقدرته

وكل شي قسمه ونصيب

على قوله جميله وجذابه تغربت سنه واهم ماشاءالله ماعليهم قاصر وتضايقت

شلون انتي

انا وحده ما اقدر على فراق اهلي
اتصدقين انهم سافرو اربع ايام اربع ايام بس
والله مرو علي بالحسره
وماصدقت متى يردون


حكمي عقلج قبل قلبج

واخر شي اقولج عطي نفسج فرصه لين اتخلصين دراستج عالاقل

والله يكتبلج اللي فيه الخير ان شاءالله

 

[[[ عيون جابر ]]]

انا اقول فكري بعقلج بعد
الزواج مو بس انتي واهو بعدين بيصير في يهال ولو صار يهال صج بتحرمين عيالج من وايد شغلات لو خذيتي واحد بدون

 

[}{نرجسيهـ}{]

يآآآروحي انتي


حسيت بكل كلمه تقولينها حسيتها طآلعه من قلب


آلله يجمعكم بالحلآل يارب يآآكريم ..

 

[M!Ss Un!VerSe]

!quote]حتى لو كويتي خذا بدون وبيجنسها ما يقدر ! بس اذا جنسية ثانيه يقدر يجنسها][/quote


لا حبيبتي الكويتي يقدر ايجنس البدون هذول عيال عمتي كويتيين خذو بنات عمهم بدون وجنسووهم واعرف ولد عمي بعد خذا بدون من جماعة امه بدون

هم تجنست

مادري أنا قلت هالشي لإن رفيجتي بدون اختها تزوجت كويتي جي من خمس سنين وماخذت جنسية ليلحين؟!

مادري يمكن يختلف حسب البدون نفسه اذا مشكلته بسيطه عشان يتجنس مادري والله..


...


وأقول لصاحبة الموضوع..!
في وايد بنات يقولون باجر بتندمين انا ما اشجعج ولا احذرج انتي ملكة نفسج وصاحبة القرار
بس كنت بقول نقطه إن الإنسان إذا أتخذ قرار بقناعه عمره مراح يتندم إلا إذا تسرع وماكان متأكد..

ومحد يستخير ربه ويتوكل عليه ويندم.. لإن الله بمقدوره يخليج سعيده او تعيسه واهو اللي يخليج ترتاحين بالإستخاره؟!
مو كلام الناس اللي بس يكسر مجاديف بسبب نظرتهم المادية البحتة للأسف.!!

 

[الجفووول]

حبيبتي ... فرضا قلنالج اوكي احنا معاج ونشجعج ...


شي طبيعي مافي زواج الا بعد ماتتخرجين وخصوصا على وضعه الحالي اللي انتي تكلمتي عنه ..

طيب التخرج يبيله سنه ونص او سنتين ماتقدرين تضمنين الشعب الدراسيه تتوفلا اول لا او لا سمح الله تتعطل دراستج لسبب معين

خلال هالوقت كله شنو بتسوين بتملجون وتقعدون جذي سنتين او سنه كل واحد في بيت اهله ..

واذا اهلج قالوا مافي ملجه الا بعد التخرج بترضين !!!!!


لان شي طبيعي ماراح تحاجينه والا واهو يحلج وانتي تحلين له عدل !!


طيب فرضا الله تمم عليج وتزوجتيه وعشتوا قصه حب حلوه وايامكم كلها عسل بعسل وهذا اللي اتمناه لج بصراحه

مصيرج بتحملين وتيبين بيبي وهالبيبي مسؤووليه .. وانتي عارفه وضع الغير محددين الجنسيه شلون صاير بالكويت

ترضين بنتج او وولدج يعيشون عيشه انتي كنتي مسؤوله عن اختيارها !!!


لو مجبوره ماالومج بس الخيار بيدج ياقلبي يعني ذنبهم برقبتج ...

ومثل ماانتي دخلتي الجامعة وحصلتي افضل مستوى معيشة عيالج لهم الحق كذالك طالما انتي مخيرة مو مسيرة ......

وكل ام تتمنى الافضل لعيالها ..

والله والله قبل لا الله يرزقني في بنتي كنت اقول ليش امي ماترضى بالشي الفلاني او ليش اهي حجره معاي وليش دايما ماتخليني اسوي اللي ابيه او اللي احبه ...

لين مالله رزقني وعرفت ان كل ام لها نظره وتعرف مصلحة عيالها حتى لو بيتضايقون ووعرفت ان كل ام تتمنى الالفضل لبنتها

وهالشي امج قاعد تسويه .. حمدي ربج يابنت ان امج واعيه وعارفه وعازتج ... وتبيلج الخير



انا قلت لج كل الاحتمالات اللي يمكن انتي مافكرتي فيها


وانا برايي ان مافي فرق بين الناس الا بتقواهم واعمالهم بس الواقـــع يحكمنا ياقلبي


تقبلي رايي وفكري عدل

 

[Gatwa]

بصراحه انا عكس وجهة نظر امج مع احترامي لها
وجهة نظر باجي العضوات
داام خوش ريال اسلوب وكفو وقايم بأهله ليش ترفضينا الجنسيه شنو راح تعطيييييييييييييييييييييه !!
ياما ناس كويتين متبهذلييين يمكن اهوا احسن من ناس واااااااايد
ودامه يحبج ويبيج وشاريج وانتي تحبينه الله يوفقج يااااااااااارب وقنعي امج البنت لي تبي شي تسويه والله يوفقج يارب
ويكون من نصيبج ويهنيكم ويسعدكم

 

[GueSS.q8]

انا لاحظت انج مصممه وما باذنج ماي و اذا انتي جذي مادري ليش سألتينا
فديتج..
اي والله احبه وابيه ومصممه اني آخذه لأني مقتنعه فيه
سألتكم لأني محتاره شسوي مع ماما عشان ترضى وتقتنع
مابي اكسر بخاطرها وادري انها بتوافق اذا تعدل وضعه المادي واهوا وعدني يسوي المستحيل عشاني
تبين تهاجرين معاه؟

جربتي تتغربين عن ديرتج و تبتعدين عن امج واهلج؟
ادري ماراح اتحمل وهالشي صعب حتى اهوا قالي يوم يومين وبتمين تبجين اعرفج ياهل
بس شسوي

اذا ما جربتي آنا مجربه الغربه لسنه وحده مع زوجي لان زوجي عنده شغل و حسيت بالعذاب ما صدقت ارجع الكويت و ارجع حق امي و اليوم الي رجعت فيه ما ابالغ اني قبلها ابجم يوم وانا ابجي ابجي و طول ما الطيارة طايره وانا ابجي ماني مصدقه اني برجع لديرتي و برجع لأمي و عايلتي و مو بس انا جذي دشي قسم المغتربات وشوفي مشاعرهم صج شي صعب و على فكره انا كنت مغتربه مع زوجي و ما علي قاصر ومو مرتاحه عيل اشلون اذا ما عندنا و عايشه حده حده وامقصره على نفسي!


اختي كبري عقلج و تفكيرج و صلي استخاره و طيعي امج علشان الله يوفقج انا ما اعرفج ومتضايقه علشانج الله يعين امج هالمسكينه شنو احساسها الحين واهي اتشوف بنتها بتضيع من ايدها و بتضيع مستقبلها و حياتها بيدها صج صج الله يعينها و يهديج يارب

سويت الاستخاره والله طلعت زينه عشان جذي صممت اكثر اني ارتبط فيهــ
بعد عمري انتي..


كل البنات اللي ردوا علي..
الله يخليكم لي ولايحرمني منكمــ..
في كلام وايد شجعني وكلام وايد بعد خلاني افكر زياده..

واكيد ماراح اسوي الا اللي يرضي امي ويرضيني بعد عشان ادري ماراح اتخلى عنه..

 

[ســتارز]

وتقول معاشه 200 دينار ونص المعاش يدفعه ايجار بيت اهله

يعني بتزوجين واحد معاشه 100 وايجار بيتهم 100 وانتي جامعية وكلها كم يوم وتشتغلين

يافرحتهم فيج صج افتحت لهم ابواب السعادة

مبروووك عليهم انتي

 

[Tutti-Frutti]

دام انـتـي مـقـتـنـعـه فـيـه ومـخـطـطـيـن حـق كـل شـي تـوكـلـي عـلـى الله

شـالـفـايـده تـاخـذيـن كـويـتـي وظـيـفـه وحـالـتـه الـمـاديـه زيـنـه بـس بـدون اخـلاق ولا اسـلـوب

وانـتـي شـكـلـج عـارفـه نـتـيـجـه هـالـزواج

مـعـيـشـتـج راح تـكـون مـتـوسـطـه فـي احـسـن الاحـوال .. والله الـرزاق انـشـالله
عـيـالـج اذا بـالـكـويـت .. مـاراح يـحـصـلـون عـلـى جـنـسـيـه وانـتـي عـارفـه وضـع الـبـدون بـالـكـويـت
لازم تـحـطـيـن هـالـشـي بـ بـالـج عـدل
لا تـخـلـيـن عـيـالـج انـشـالله يـروحـون ضـحـيـه حـق هـالـحـب
أمـنـي مـسـتـقـبـلـهـم ومـعـيـشـتـهـم مـن الـحـيـن
لانـه عـذابـهـم مـن عـذابـج ومـمـكـن تـنـدمـيـن انـج تـزوجـتـي ريـال بـدون

والـشـي الاهـم انـج لازم تـعـيـشـيـن مـع ريـلـج بـالـحـلـوه والـمـره
ومـهـمـا كـانـت الـظـروف لازم مـا تـتـحـلـطـمـيـن .. لانـج اخـتـرتـي هـالـشـي بـيـدج


وبـالاخـيـر اهـنـيـج عـلـى هـالـحـب الـلـي صـار نـادر بـهـالـزمـن
نـادرا مـا نـشـوف نـاس تـحـب بـ اخـلاص ومـسـتـعـده تـضـحـي بـكـل شـي عـشـان حـبـهـا
فـي زمـن صـارت الـنـاس اول شـي تـسـأل عـن الاصـل والـفـصـل ووظـيـفـتـه وحـالـتـه الـمـاديـه وطـولـه وجـسـمـه .. الخ