مصيبة لولدي....تعالوا شوفوا لي حل يبرد قلبي عسى الله يبرد قلبكم

[شغـــف]

لاحول ولا قوة الا باللهـ





حتى عيال الابتدائي هذي سوالفهم

انا توه ولدي عمره سنتين ونص واخاف عليه من هالسوالف

والله صج هالوقت الواحد مايقدر يتحكم بتربية العيال

الله يعينا والله يحفظ لنا عيالنا من كل شــر


(( طمنينا شصار عليج ))

 

[الماء والغدير]

لاتسكتين روحي للمدرسة وأستدعي ولي أمرهم عشان يحس ولدج بالامان وما يكرة المدرسة

 

[ام ناصر 2009]

رد : مصيبة لولدي....تعالوا شوفوا لي حل يبرد قلبي عسى الله يبرد قلبكم

شصار معاج

 

[اجمل احساس ..!]

رد : مصيبة لولدي....تعالوا شوفوا لي حل يبرد قلبي عسى الله يبرد قلبكم

فوفو طمنينا شصااااااار

الله يعينج ويعينا على تربيه عيالنا

 

[eman84]

اوووف اووووف هالموضوووع حده قوي و ان شاء الله قدرتوا تاخذون حق ولدكم من هالخايسين
ابيه حدي تنرفزت

انا واايد اوسوس من هالامووور وامي كانت تدرس قبل صبيان تقوووول بلاوي نشوووف بالحمامات والصفووف و الساحات اللي يفصخ هذا واللي يلبس هذا تقووول ناااس ماعندها اخلاق وترى بالابتدائي

واحد الحالات استدعوا ولية أمره علشان يعرفون اذا كان يعاني من شي بالبيت والا تيي الام ببرود اعصاب و تقول انا ولدي مايسوي هالسوالف وولدي متربي ؟؟@@ انزين وهالشكاوي كلها ؟؟؟ لالالا يتبلون عليه ؟؟؟ انزين اهو بالبيت شنو يسوي وين يروح ووين يرد ؟ تعرفين من يرافج ؟ يمكن احد كبير ؟؟؟ جان ترد عليهم لا ما يطلع مكان ولدي بس مجابل الستالايت بالديوانية من يرد من الدوام لي الليل ؟!؟ @@ انزين شنو يطالع ؟ يمكن اكو اشياء وقنوات مو مشفره ؟؟ والله عاد مادري مايصير ادش الديوانية بالله احد دخل ؟؟ وانا مربية ولدي عدل .. الله لا يبلانا بس


تكفوووووون شوفو التربية و الاستهتار تلقوونه مقزرها افلام وقنوات اللي خبركم ومتعلم وياي الاخ بيطبق على اعيال الاوادم

عسى الله يحفظ اعيالنا واعيالكم يااااارب من هالوحوووووش و يبعد اعيال الحرام عن دروبهم

 

[فديت ولدي]

الله يخلية لك
ويبرد ع قلبك.......

 

[@البتووول@]

رد : مصيبة لولدي....تعالوا شوفوا لي حل يبرد قلبي عسى الله يبرد قلبكم

لاحول ولاقوة إلا بالله ربي يستر على عيالنا ويحفظهم

 

[فوفو22]

رد : مصيبة لولدي....تعالوا شوفوا لي حل يبرد قلبي عسى الله يبرد قلبكم

ماشاء الله على المديره

متعاونه حيل

اتخذت الاجراءات وهو نقلهم

وقالت ترى تصرفهم غشمره ثقيله

ولو تشوفين الصبيان ترى يهال


وفعلا يوم شفتهم اشكالهم براءه وطفوله والظاهر سوو هالشي من باب الشطانه

اما حصة الدين فكانت توها بادية وبدخلة الابله صار هذا كله

فوفو

 

[Lady_q8]

زين سوت فيهم عشان ياخذونها عبره حتى لو اهم بريئيين العيب يتم عيب
وعشان لايكررونها مع احد المره اليايه لان اولها دلع و اخرها ولع

 

[بنت الوفا]

رد : مصيبة لولدي....تعالوا شوفوا لي حل يبرد قلبي عسى الله يبرد قلبكم

فوفو

توني بكتب موضوع

ولدي ب 3 ابتدئي رفيجه يقول تعال بنلعب قال ولدي يمه يسوي حركاته وصخه

يطلع عيبه وينزل بنطلونه ويحول يترصص في صراحه انصدمت منه ياربي شنو هذا جهال وجذيه وباجر شنو بيصر زوجي قال لولدي لاتلعب معه وانا قلت لازم تروح وتكلم المدرسه ورح وكلم الاخصايه مدري شنو اسوي ا
خاايفه علي ولدي شيسسسوي؟؟؟؟

 

[amani]

أهم شي تقرين عليه الرقيه وهو رايح للمدرسه عقب روحي للناظره لا تسكتين للسالفه ترا إذا ما استنفرتي عليهم ما يسوون لج شي وبعدين هناك بالمدرسه في اخصائيه نفسيه قعدي معاها وشوفي الحل معاها وهي راح تقعد مع ولدج وإن شاء الله بيعدي السالفه

 

[omtefel]

رد : مصيبة لولدي....تعالوا شوفوا لي حل يبرد قلبي عسى الله يبرد قلبكم

نصيحة انقلي الولد لمدرسة ثانية عشان ينسى هذه الذكرى المؤلمة جدا بالنسبة له، وحذريه من المواقف القادمة

 

[<<لمار>>]

لاتسكتين وخليهم ينقلونهم من المدرسة عبرة للكل وكافئ ولدج انة عرف يتصرف رغم صغر سنة الله يحفظة لج

 

[ثريا الكون]

احسن شئ مدارس الخاصه نص اعيالنا بالامريكيه اوالفرنسيه تعليم واشراف وسنع وتربيه​

 

[بدوية بملامح كشميرية 86]

لاحول ولاقوه الا بالله

وربي منصدمه مادري شقووول

 

[%دانة%]

لا حول ولا قوة الا بالله

 

[Habibat Abooha]

المشكله شلوون يهال سبع سنين تعلموا هالقذاره
شنو ييا علبالهم يسوون لولدج جذي
وين اهلهم
لهدرجه مافي مراقبه
الله يعينهم ولا يبلانا
لاتسكتين عن الموضوع خوفج يرجعون ويسوونه ثانيه
خلونا واقعيين
ترا الياهل بهذا السن يبدي يبني شخصيته وانتي عارفه الاشياء هذي تاثر عليه بالشي السلبي
ممكن يرفض وبداخله يووز له اسم لله عليه فيطور هذا الشي عنده الله لايقوله
او انه بيخاف وبينطوي على نفسه
عموما لاتسكتون عن الموضوع انتي وابوه وخلج مع ولدج حرف بحرف خليه يعلمج بكل شي

استغفرالله يهال وجذي ربي حبيبي لايبلانا بعيالنا

 

[wafa82]

صدمة

 

[رجفة وهم]

الصراحه مدري أيش أقول قسم بالله مصدومه ثاني ابتدائي يسوون هالحركات

صج حاجه تخوووووووف لاتسكتين لازم تكلمين امهاتهم وابائهم يشوفون حل مع عيالهم

الله يستر على ولدك ويحفظه زين قالك الحمدلله

 

[ورد فاخر]

اوبيه
حسبي الله ونعم الوكيل
كلنا عندنا عيال ومانرضى بالي سار
حسبي الله ونعم الوكيل
شهالتربيه الخايسه
وين اهلهم
اخ. انقهرت تخيلت ولدي يسير له جي
والله مايبرد قلبي الا اني اروح واشرشح عبدالله وضيف
واضربهم ع يديهم
واخلي ولدي ينزل بناطلينهم جدام اليهال نفس ماسووو له
قلة ادب
امانه لاتسكتين
والاهل لازم يعرفون ويتشرشحون وينخذ عليهم تعهد
وينقلون عيالهم مدارس تليق بتصرفاتهم البربيه الا اخلاقيه
قلة ادب
اًفانقهرت
صف ثاني كبار ويفهمون لازم يتأدبون
ويذوقون الي ذاقه ولدج من الاحراج
ماعليج منهم لاتسكتين
ولا زم ريلج يشرشحهم

قلة ادب في فئه من الناس اخلاقهم تنعكس ع اطفالهم
ويطلعون اليهال اعبر من اهاليهم
انا نفس الشي تقريباً سار لولدي الله يحفظه بس اهو فالروضه
بس ضربوه اليهال وجاني منصدم مكسور خاطره
رحت الروضه
وناديت الصبيان الي ضربوه وخليته يضربهم نفس ماضربوه
وقلت لهم الي فيه خير يمد يده ع ولدي والله لكسره له
ومن يومها ولدي سار قوي الشخصيه
ومايخاف من اليهال
لازم تعلمينه هو ياخذ حقه بيده عشان مايخاف
ويعتمد ع نفسه


والله يخليج لهم ويصلحهم
ويكفينا شر هالنوعيه البربريه البيئه