لا اله الا الله ولا حول ولاقوة الا بالله ,,,, الله يعين ويعاون.... الله يصبرج في مصيبتج ويآجرج فيها العفو حبيبيتي موضوعج وايد كبير واحنا كأمهات وايد نحاتي هالموضوع وانا بالذات وايد وايد خايفه من هالموضوع في المدارس لدرجة اني موديتهم مدارس خاصه ما أقولج انه المدارس الخاصه مافيها امبلا فيها د بس يعتمد علي المدرسة و الاداره وانا اتوقع انه لضبط اكثر شوي من المدارس الحكوميه ،،، المهم انا اقولج انه موضوع ولدج كبير وصعب عليج كأم انج تتقبلين بس لاحظي انه ولدج قالج شنو صار معاه وهذي حلوه وانه معطيج ثقته وانتي ان شاء الله قدها ،، تخيلي حزتها انه سكت وتكتم وماقالج كان كبر وتكبر معاه وممكن يتعقد والحمد الله علي كل حال
اختي احنا بس لو نلاحظ اشوي وننتبه علي عمر الأطفال اللي متحرشين راح نشوف انهم يهال ولما يسوون هالشي من باب الفضول ,بس لا اقل ولا اكثر بس هم ما ينسكت عليه وراح يكون الحل بسيط ووووالاعلام الحين داش بيوتنا بقوة ومخرب عقلية اليهال وكله تفكيرهم حب وزواج الله يكفينا الشر
فانا بس اللي حابه اقوله نحسن الظن في الناس علي كثر ما نقدر ،،، عورت قلبي بعض الردووود اللي علي طول اتهمت الاهل انهم ماربووو واللي قالتلج وديه المغفر واللي تقولج لا تسكتين وكبري الموضوع واللي تقولج خلي الادارة تنقلهم وووو
تري انا بس قريت الصفحه الاولي وانصدمت وماقدرت اكمل وخاصة لما شفت انه 8 صفحات ماشاء الله ولما فتحت الصفحه الثامنه بس علشان اعرف نهاية الموضوع تألمت علي الوالدين وعلي الام المريضه عسى الله يشافيها اذا حيه واذا ماتت الله يرحمها ويغفر لها
وخاصة انه صاحبت الموضوع لما اطرحت علينا الموضوع كانت محتاجه احد يهديها وياخذ بايدها وانه احد ينصح نصيحه توجهها مو تضيعها وتضيع عيال الناس معاها
المفروض اننا احنا نكون خوات وعلي يد وحده ولما نساعد بعض نساعد بعض علي الخير مو نشيشها علي الغلط المفروض نحط الف عذر للطفل كونه طفل 6 او 7 سنوات من عمره وسوي هالشي المفروض علي طول نعرف انه في شي بحايته مو سوي ،،،، لو الحدث هذا صار وصدر من معلم الصف او حارس او اي ريال عاقل بالغ نتوقع اننا نعدمه بعد لانه ريال كبير
واسفه علي الاطواله والسموحه واتمنا انه محد يفهمني غلط
