مشكلتي مع اخت زوجي مالها حل

[شندوخه]

خافي ربج اخت مالها الا اخوها وين تبينها تروح فندق ولا تقعد بالشوارع

 

[آتعــبني غـلآآك]

خليها تقعد تحت عند اختها وانتي سحبي ايدج من البيت تحت
ووصاختهم عليهم مو جايين صوبج

 

[سميتك الغلا كله]

حبيبتي اهي اخته لو شنو يصير تظل اخته ,اما انتي غيرج واااااااجد ..اكرهه النآس الي جذي باجر لا سمح الله صارلج مع زوجج شي ,
وين بتروحين بتروحين عند اهلج و يمكن واحد يقول عنج هالكلاآم ,
واذا حاسو البيت الله يخلي الخدم ..

 

[الذويقه]

حبيبتي البيت دورين .. فوق لج وتحت لهم وخلاص انتهت السالفه .. وتصبري لين توصل لحل .. تلاقينها احين من حرتها مب مستوعبه المكان نظيف او وصخ .. اذا حياتها مكركبه شلون تبين مكانها مرتب ..

ومر علي هالموقف مع بنت خالة زوجي .. وسكنت عندنا عطيتها المجلس والمطعم بحمامه وعندها 10 يهال الله يحفظهم .. ولهم باب على الحوش وباب عالصاله وباب عالمطبخ .. والبيت كان دور واحد .. وعادي الحمدلله سهالات ..

واحين ساكنه بيت اجار ام زوجي معاي هي تحت واحنا فوق .. والله لايغير علينا ..

واذا ان شاء الله بيستوي بيتي من اللحين حاطه فيه غرفه حق اخت زوجي الاماراتيه اوعيالها وحريمهم واذا بيجون كلهم البيت كله لهم يفداهم ..

الله يهديج لاتصيرين مثل مرة اخوي ماتبي حد معاها في البيت مع ان بيت امي مب بيتها .. ​

 

[أميره الدوسري]

حبيبتي ترى الأخت مالها الا اخوها يعني وين تروح تضل في الشارع .؟!
حطي نفسج مكانها و يمكن هي ماترتاح الا عندكم
ولولا الحاجه كان ماجاتكم اتحمليها واذا على الوسخ خلو الخدامه تنظف واذا ماعندكم خدامه سووي جدول
انه كل يوم على وحده تنظف بـ جذي راح تحس وماراح يوسخو كثير
يعني اتحمليها مهما يكون حرام تضل في الشارع مع بناتها
الله يوفقج ..

معآهآ :eh_s(17):

 

[سارونه الامورة]

حطي نفسك بمكانها
مثلا لو تهاوشتي معى زوجك ورحتى لخوك وزوجته تسوي حركاتك ويش شعورك بالله
اقول لا تفرقين البنت من اخوها وامالها الا اخوها سوى رضيتي ولا لا
واحمدي ربك انك نايمه ماكلها ومرتاحه بيتك خلي البنت بحالها
ومفروض تواسينها وتوقفين جنبها وتنصينها ترجع لبيتها مو تكرهين اخوها فيها

معاااااااااااهاا 100%​

 

[جديده 1]

كلامج على حق .. و لكن لو تبادلتوا الادوار و صرتي انتي اللي متهاوشه مع زوجج و ماعندج الا اخوج اللي يشيلج انتي و بنتاج من الشارع .. يا ترى عادي زوجته تقول مليت من اختك " اللي هي انتي " ؟؟

الناس قبل تضيف الغريب ثلاث ايام .. و انتي مو راضيه تشيلين اخت زوجج !؟ وسعي الصدر لاتصير نفسج ضيقه

 

[om-3azo-83z]

هذي اخته وين بتروح يعني و دام خواتها عندج اكيد بتقعد معاهم..
حاولي تكلمينها انها تنظف لان الكل متضايق من حوستها او تييبلها خدامه بس ترا انتي مو ملزومه تييبنلها خدامه