مشكلتي مع اخت زوجي مالها حل

[طرطيعه]

\\
تحملي واصبري ووسعي صدرك واذا ع الوصاخه قولي لها ان هالشي يضايقك اعتبريها اختك
انتي لو تهاوشتي مع زوجك ماعندك الابيت اخوانك لو كانو اهلك متوفين..



​

 

[ديمــــــــــه]

تكفييييييييييييييين لا لاتقولين هالكلام حتى بينك وبين نفسك والله العظيم تؤجرين على تحملك لها وصبرك عليها

بتشوفينها بنفسك وبعيالك صدقيني

بعد عمرن طويل صار لبنتك نفس الموقف ومرة اخوها سوت اللي انتي جالسه تسوينه مع اخته الحين بذمتك وش بيكون احساسك ؟

ادري احيانن الواحد يتحمل شي فوق طاقته بس هذي اخته ؟ عاره ؟

يمكن انتي تفكرين كذا لانك معصبه منها ومتضايقه تعوذي من ابليس وقولي يارب انا بتحملها لوجهك الكريم لاتضيع اجري

وشوفي شلون بتحسين براحه ويمكن صبرك عليها لوجه الله بيفرج عليك هم ثاني

الله يشرح صدرك يالغاليه

 

[مقمش لولو]

حبوبه ليش تدخلين ريلج بهالمواضيع

البيت بيتج يعنى اهى تعيش على قوانينج اللى انتو ماشيين عليها

بينى لها اذا وصخت اهى وعيالها اهم اللى ينظفون عقبهم لايتحركون من مكانهم الا منظفين وراهم

اقول وفرى حق ريلج الراحه لاتلحقينها باجر الريال مايبي اعذار يبي راحته وبس

 

[Dreams Of a girL]

لا حول ولا قوة الا بالله

الله يهديكم ويرجعها لزوجها ويتفاهمون

بصراحه الحين الدنيا صارت تخوف محد يتحمل احد

وانا عاذرتج لانها ماتنظف ورا بناتها يعني محد مسؤل عن احد

بس اصبري اشوي يمكن ترد او تطلق

واذا تطلقت خلاص قوليلهاا يعني بتقعد معاكم

مو قاعده يوم او يومين عشان تتحملين

وقتها تكلمي

 

[" ام حمود "]

لا لا لا غلطاااااااانه انتيء ..
حرام عليج البنت ماعندها احد غيرر اخوها اهيه ماتروح حق اخوانها بس ترتاح حق اخوها اللي اهوه زوجج لا تقولين لها شيء ولا تضايقينها كفايه اللي فيها استحمليها وخليج انتي زينه بالعكس تكبرين حييل بعين ريلج لما يشووفج تتعاملين معاها جذي وحطي نفسج مكانها مالج غيرر اخوووج تروحين له والله
حبيبتيء خليها عندج والفرج من عندالله كل مشكله لها حل ..

 

[بوغاتي88]

الله يهديهم بعض الحريم لي تزوجوا خلاص يستملكون الريل / ياقلبي خلج طبيعيه معاها واستحمليها مهما كان هذي اخت زوجج ليش متضايقة ليش يوصخون البيت عادي قوليلها بطريق غير مباشر اشرايج ننسنع البيت ونرتبه مافيها شي وبالنهايه مثل ماقالو البنات كسبيها بصفج

 

[اطياب طيبه.أم عبدالله]

بصراحه هذا بيتج يعني مملكتج انتي وانتي اللى تحطين القوانين

خل يتفاهم وياها اخوها ويقول لها ما نداني الوصخ والتنظيف عندنا يومي احنا ما نعيش جذي

والله بصراحه الله يكون بعوووونج والله لا يطيح بنت ناس بهالموقف ابدااااااااااا

 

[خجل Ksa]

بتكلم معك بصراحه بس لا تزعلين انتي تقولين بيتك فوق وهم تحت !!

طيب وش اللي مضايقك دام هي تحت مع اختها اللي ما تزوجت خلاص اقصري الشر وخلك فوق ولا تنزلين اذا

الوضع مضايقك وبعدين هذا اخوهم والاخ عزوه لخواته ومو من صالحك تسوين مشاكل وبعدين لو انتي صج

تحبين زوجك وتقدرينه تحطين اهله فووووووووووووق راسك وتدورين راحة زوجك قبل اهله

تدرين وين راحة زوجك ؟؟؟؟

( اذا شافك مريحه ومحترمه ومقدره اهله وعياله مهما صار هذي راحة )


اقصري الشر وانا اختك وادعي لها بـ الصلاح مع زوجها

 

[أناوالصمـــت]

اربع بنات لهاا وجاايه فيهم

الله لايهينهاا ياتحمل رجلهاا وتعيش مع ظناهااا / ياتترك ظناها لبوهم وتجي برجلهاا

وقولي لهاا تقول لشيخ يأجر رجلها لها بيت قريب منكم لو كانت تبي بناتهاا

والله الواحد يالله يتحمل ظناه وش وجع هالرااس

 

[غرام أنثى]

نصيحه مني حطي نفسك مكانك وعامليها مثل ما انتي

راح تكونين مكانها وحابه انها هي تعاملك ..!

اي تصرف ترضينه على نفسك ..خلاص سويه معاه ..

انا معاك في عدم احترامها انها ساكنه في بيت مو بيتها .!

وبعض خوات الزوج مايحترمون ولايحشمون ..ع بالهم البيت بيتهم ..

فانا من راي لاتكبرين الموضوع وتعطينه اكبر من حجمه ..

كلميها باسلوب لبق ومحترم بخصوص الشئ الي مزعجك

والله يسهل امرك ويفرج عليك ..

 

[ielmazyona]

تحملي حبيبتي وتفاهمي معاها


تخيلي اكو اخو يطرد اخته وخصيصيله غرفه

بس والله مشكله

ان شاء الله تنحل اموركم

 

[الاهله]

صراحه الله يعينج ماالومج

 

[PuPa^^SWeeT]

الله يعييينج حبيبتي


والله قلتيها انتي مالها حل


شكلكم انتو حلوين وياهم من جذي اتفضلكم على اخوانه الثانين



بس مادري عندي فكرة انتي عندج عيال
؟؟؟؟




اذا عندج علمييهم انهم كل يوم يروحون حق بناتها و يقولوولهم خل انساعدكم بالتنظيف واااي امبيييه تعالي فلانة


ورتبي الامور انها بين العيال مو منج انتي


هذا شي


الشي الثاني حتى لو حسيتي انه ريلج وياج و متضايق منها لاتقولين له شي

لأنه لو معاج حق و اهوا معاج حق ترا صججج انج تتضايقين بس بعدين بيشيلها لج بموقف معين اتكونين منقهرة و يقطها عليج



ديري بالج و ادري شكلج انتي معدنج اصيل و طيب


ولا بينج وبينها لأنها لو اهيا حساسة و منقهرة بتطلع الحرة فيج شلج بالقثا

بس اقولج عندكم خدامة ولا لأ

اذا عندكم علميها اتنظف من وراهم اذا ما تقدر قلتلج علمي عيالج يقولون لبناتها



وبسس هذي الفكرة اللي عندي


ولا يحسسونهم انهم وسخيين و عافسين فوق تحت

لا يقولون نبي انرتب الدار وياكم يالله و جذي



جنها لعبة اتصير


انشالله ربي يفتحها علييج و يهدي الاوضاع

 

[ام كوثر2007]

حبيبتي سوي شى حق اخرتج .. والا انتو بس هامتكم الدنيا ..

والبيوووت والنظافه ..


الحين حمدي ربج انه الله رزقج بواحد بار بهله وخواته ..


باجر لا قطتج الدنيا بتلقينه سند لج .. واذا ما فيه خير حق اخته ما فيه خير لج ..


خصصو لها مكان وكسبي اجر فيها ما تدرين باجر يمكن تصيرين بموقفهاا ربج يمهل ولا يهمل


وان دامت لغيرك ما اتصلت اليك والدنيا دوااره سوي شي حق اخرتج عشان باجر تشوفينه بعيالج يبروونج وما تطلع وحده من حريم عيالج تطرد بنتج والله يطلع حوووبه هالمقروده بعيالج ..


اتقوووا الله اشوي بأنفسكم وترا اول وتالي الاخت ما تتعوض بس انتي يقدر ايحط مكانج عشر ..


يمكن اكون جاسيه بالكلام اعذريني بس لازم تنتبهين حق هالنقاااط يا قلبي ..

 

[رحيل المرافيء]

حطي نفسج مكانها وين تروح والدنيا دوارة ترى
القصة مو قصة انك ماتبينها لا انتي تبين تسوين مثل سلفاتك ماسكنوها عندهم تبين تسوين مثلهم
ليش ماتروح عند فلان وليش ماتروح عند علنتان
وانا اقول ليش ماتقعد عندج شالمانع ؟؟؟
كما تدين تدان باجر تصير مشاكل بينج وبين زوجج وتروحين لاخوانج تلاقين نفس المعاملة
شبيكون موقفج
ووصاختها خلي زوجج يكلمها والله يا اختي ياهلا ومرحبا فيج
بس نظفي مكانكم ما ارضى بالوصاخة ببيتي عاجبج يا حياج الله مو عاجبج شوفي لك مكان ثاني
وهي بتفهم وتتعدل

وهذول خواته وملزوم فيهم عيب عليج
المرأة عدوة المرأة تالي تقولون الرياييل مافيهم خير والبلا فيكم
واللي مافيه خير لخواته ماراح يكون فيه خير لمرته وبناته

 

[بنوته كيكه]

فيه شي اسمه خدامه خلي خدمتهال تنظف الوصخ وخلصت السالفه واو قولي لها خلي خدامتج تنظف الوصخ وتنتهي السالفه

 

[رحيل المرافيء]

استغرب من البنات اللي يقولون هذا بيتك وانتي تحطين القوانين
لايبا ترى البيت بيت الريال والريال ملزوم بخواته وامه وعماته وخالاته شفيكم انتو ملزوم بمحارمه
دام لها بيت مستقل ومكان مستقل خلاص
فوق لها وتحت لهم انتهينا
بس انتو الحريم تحبون المشاكل

 

[أحلى البشر]

اللي مافيه خير لاهله مافيه خير لزوجته

ولاتستانسين وايد ان البيت باسم زوجج مو ابوهم ترى زوجج مو دايم لج كلمة انتي طالق تخليج تخسرين كل شي عشان جذي لاتتفلسفين وايد غرفتها وهي حره فيها تنظفها بيوم تنظفها باسبوع شي راجع لها بيت اخوها واهي حرررررره تسوي اللي تبي
وانتي ياشريره مالج شغل بخواته تزوجوا والا تطلقوا خافي ربج الدنيا دواره وحوبتهم ماتتعداج ياكرهي لكل سوسه تشيش الاخو على خواته امراض نفسيه وربي

 

[لياليـ]

استغفرالله

اخوها من لحمها ودمها يمكن اهيه اللي ترتاحله اكثر حطي نفسج مكانها ريلج موريج الظيم و يطقج و يذبحج او عندج كوكش يهال وين بتروحين يمكن الباجي ماتحبهم عندها مشكله معاهم شي ماتدرين او اهي اخته اخته مو مرته ترى اته اهم الدنيا دواره حبيبتي
تبينها قعد عالرصيف اهيه و بناتها مثلا حلوه هذي اكره اخوها فيها و اطلع اعذار كلش كلش قولي لها على قوانين البيت او نسيت اقولج ترى اهيه الاخله وانتي الطالعه لانه اخته قبل لا تكونين مرته
اتقبلي مروري او اسفه اذا جرحتج بالكلام

 

[روعه 99k]

السلام عليكم
أنا قريت كل الردود
اغلبها مع اخت الزوج
بس بصراحه
لو فيهم وحده بس حطت نفسها
مكان صاحبة المشكله
جان فكرت نفس تفكيرها
الزوج اهو الملزوم يأجر لها بيت مو تسطرهم
وتيي تقعد علي قلب مرة اخوها
يكفي متحمل الصغيره
أنا انصحج تحمليها واذا لا قدر الله صار طلاق ذاك الساعه
فكري لا تسبقين الاحداث
وتطلعين بالشينه
ترا الحريم بسرعه ينقص عليهم
بأجر تشتاقله وتنسي وتلم كوكشها وياها
صبري بس صبري