مشكلتي مع اخت زوجي مالها حل

[برستيجه مشاعر]

السلام عليكم

بنات انا بدخل على طول بالموضوع بصراحه زهقت ومليت ومافيني اصبر اكثر
اخت زوجي الله يسلمكم متهاوشه مع زوجها وجايه عندنا وانا فوق بيتي وتحت بس اللي تحت عنده اخت ماتزوجت وقاعده والبيت بيت زوجي باسمه مو اسم ابوه بس هو مربي الصغيره وانا راضيه فيها الحمدلله
بس مارضيت بالكبيره كل ماتهاوشت مع زوجها جت عندنا واذا جت تحوس البيت هي وبناتها ولاينظفون الا بعد يومين ثلاثه معقوله بيتي يقعد وصخ لها لوقت الحمدلله والشكر
ومن تزوجت هاذي 3 مره تتهاوش وتجي ايش اسوي مليت وزوجي عنده اخوان ثانيين ليش ماتروح عندهم وتهاوشت انا مع زوجي بسببها اللى متى على هالحال واليوم راحت المحكمه ترفع قضيه عليه وحولوها للصلح
وعندها اربع بنات وبصراحه الواحد يالله يتحمل احد بهالزمن عشان يتحمل عيال الناس وزوجي مل من الوصاخه ومن مهاوشتها كل شوي وجايه
حتى هو معاي بس مو موضح هالشي يدري اني على حق تعبت
وطلباتها اللي ماتخلص مننا
وانا خايفه تطلق ن اذا تطلقت انا بعد بينخرب بيتي بسببها لان ماراح ارضى بهالشي
ومتضايقه بسببها بوجودها

تكفون شورو علي ايش اسوي
لدرجت التلميح ماقدر اللمح عشان زوجي يعني اقولها تطلقتي وين بتروحين ودي اقول عطوني ارائكم

لاتقولون اصبري ومدري ايش لان خلااااااااااااص حامت كبدي منها ومن زوجي لانه معاونها وساكت
وجزاكم الله خيررررررررررررررررررر

 

[اوراق جنجفه]

صراحه مادرى شقولج بس بنفس الوقت ترى مانحاشت وطلبت الطلاق الا من الظيم
انا اقول اذا البيت كبير خصصو لها غرفتين وصاله وحمام ومطبخ تحظيرى وخلى حوستها لها
اما اذا البيت صغير الله يكون بعون زوجج اما انها تجيب لها خدامه تنظف حوستهم او انكم تجيبون ثانيه لها هى
والله المستعان ويصلح بينها وبين زوجها قولى امين
لان فعلا مالومج منو يقدر يعيش بوسخ

 

[حسبنآ الله]

حبيبتي ترى الأخت مالها الا اخوها يعني وين تروح تضل في الشارع .؟!
حطي نفسج مكانها و يمكن هي ماترتاح الا عندكم
ولولا الحاجه كان ماجاتكم اتحمليها واذا على الوسخ خلو الخدامه تنظف واذا ماعندكم خدامه سووي جدول
انه كل يوم على وحده تنظف بـ جذي راح تحس وماراح يوسخو كثير
يعني اتحمليها مهما يكون حرام تضل في الشارع مع بناتها
الله يوفقج ..

 

[teen girl]

نفس رأيهم
حططي نفسج مكانها
حاولي تلاقين حلول غير انها تطلع من البيت

 

[برستيجه مشاعر]

انا معاكم بس تحملتها كثير وبكرا بترجع وتتهاوش وتجي لعبه حنا عندها
مليت مليت صرااااااحه
والبيت يالله اتحمل اخواته اللي ماتزوجو عشان اتحمل اللي متزوجه وعندها بنات
عشان كذا كبدي حايمه واللي تقول اخوها تروح عنده ميخالف زياره على عينيوراسي اما سكن هواش لا مابي انا
وليش ماتروح عند حريم اخوانها الثانيات والا اخوانها
الا ان معطينها العين وتدري وش بيجي منهم يعني ابسو ي مثلهم انا
ابحطها بموقف صارم بس ماراح انا اقولها ابقول لزوجي

 

[بقلبي انت]

ياختي لازم تتحملين هذي مهما كان اخت زوجج واذا اهي دايما تجيكم هذا لانها تحس براحه عندكم
والظاهر انتي اسلوبج حلو وطيبه معاها عشان جذي تجيكم ويمكن مالقت اللسان الحلو والاسلوب المحترم من حريم اخوانها
الباقين لاتضايقين واذا على النظافه قوليلها جيبي خدامه تنظف ورا عيالج وحياج الله عندي بس باسلوب حلو قولي
مااحب البيت وصخ واخوج بعد يحبه نظيف وريحته حلوه وبعدين ياختي وسعي صدرج البيت لج بكبره ومافيها شي اذا
جت وسكنت عندكم طولي بالج واذكري الله تري السالفه ماتسوي تسوين لها مشكله كبيره وكل شوي مكلمه زوجج بهالسالفه
لا تسوين مشاكل بين الاخوان كبري عقلج شوي

 

[αмάι]

حطي نفسك بمكانها
مثلا لو تهاوشتي معى زوجك ورحتى لخوك وزوجته تسوي حركاتك ويش شعورك بالله
اقول لا تفرقين البنت من اخوها وامالها الا اخوها سوى رضيتي ولا لا
واحمدي ربك انك نايمه ماكلها ومرتاحه بيتك خلي البنت بحالها
ومفروض تواسينها وتوقفين جنبها وتنصينها ترجع لبيتها مو تكرهين اخوها فيها

 

[غلااا الرووح]

ياوخيتى بيتونا قبورنا مهى بيوت الدنيا

ومااتوقع وحده تهدم حياتها الامن ظيم لاحقها

لاتصيرين ياوخيتى انتى والزمن عليها

خصصى لها قسم باليت وخلصنا

احتسبى الاجر صدقينى انتى اللى تكسبين

 

[صادقة بكلمتي]

ممدري والله الله يهديها وترد حق ريلها ابرك الطلاق صعب مدري شفيهم قامو يستسهلونه الحريم

 

[ام زهقانه]

انصحيها ترد بيتها

 

[روح مغليها]

استغفر الله
ترى اخوهااا قبل لتيسير ريلج
حراام عليج
لوو مأذيتج بالسحر او شي قوي قلنا مايخالف
بس ماكو شي يستااهل هذا كله

 

[tbola]

ممم صح هذي اخته وملزوم فيهااا وماعليه نصيحها ترجع حق بيتها وزوجهااا واذا الله كتب انها تتطلق علميها على قوانين البيت وعالنظافه

 

[وافرر]

حاولى تتحملى

 

[Tom ♥ Jerry]

,

آعطيج اياها من الآخر :

مو من صآلحج تتهاوشين وياها أو مع زوجج عشانهآ
أولا رآح تطيحين من عين ريلج و عينهآ
ثانيا بتصير مشاكل مآلها أول و تاالي
ثالثا انتي الي طآلعه اصلا واهيه الي دآخله
هاذا بيت اخوووها قبل لا يكون بيتج يا قلبي .،

يعني انا اقووول بلا مشاكل و لويه و قصري الشر .،
قدمي على خدآمه و خليها تعاونج على شغل البيت و استحملي
و كسبيها بـ صفج آحسن ممآ تكون ضدج :rerrerek:

 

[مودي كويتي]

اقول تدرين انها هي اللي داخله وانتي اللي طالعه

 

[غلآ نوآف]

,

آعطيج اياها من الآخر :

مو من صآلحج تتهاوشين وياها أو مع زوجج عشانهآ
أولا رآح تطيحين من عين ريلج و عينهآ
ثانيا بتصير مشاكل مآلها أول و تاالي
ثالثا انتي الي طآلعه اصلا واهيه الي دآخله
هاذا بيت اخوووها قبل لا يكون بيتج يا قلبي .،

يعني انا اقووول بلا مشاكل و لويه و قصري الشر .،
قدمي على خدآمه و خليها تعاونج على شغل البيت و استحملي
و كسبيها بـ صفج آحسن ممآ تكون ضدج :rerrerek:

كفت ووفت

 

[miss mama]

الله يعينج. بعد هذي اخته وين تروووحين اذا ماكان لها الاخ سند. ولا تقولين في غيره. كلهم مكلوووفين فيها بنفس المستوااا مدامها اختارت زوجج تحمليها وحاولي تكسبينها عشان تتقبل منج النصيحة. ترا السالفه موو حرب. لا تكبرين الامووور بالمعاااند وكيد النسا. الشيطان شاطر. تحملي وادعي انه الله بفرجها عليكم.

 

[انصاريه قمره]

وشكو تنظف اهي ضيفه مو خادمه عندكم المفروض خدامتج تنظف لهااا وبعدين هذا بيت اخووها حبيبتي اللي من لجمهاا ودمهااا انتي غريبه ما تفرقين بين اخوان ومادري بصراحه شلون ريلج ساكت عنج المفروض يقولج اختي الداشه وانتي عاجبج اهلا وسهلا مو عاجبج الباب ياسع جمل وبعدين شنو يالله متحمله خواته الصغار ليكووون عايشين على افاج كيفهم البيت بيت ابوهم قبل لا يصير بيت ريلج والله يسامح ابوه اللي كان المفروض يسجل البيت بأسم البنات مو ريلج

 

[تحت ظلك]

مشكلتج عكسيه<< تخيلي اني اخت زوجج وقريت كلامج وتفكيرج واهدافج انتم ياحريم الأخوان متى تعقلون؟!! انا بفهم شي واحد انتم شفيكم ياناااااااس بتفرقينها عن اخوها وبتقصرين أيده عن نفعها ؟؟ انتي من صجج صااااااحيه؟! حريم أخواني مثلج ومن شاكلتج وتدرين اني ادعي عليهم الليل والنهار , انتم شفيكم صرتو مع الزمن على خوات ازواجكم؟!! انتم صج صج مسلمين ولا لا؟ وين صفات المسلمين؟ ليش من البدايه ماخذيتي زوج ماله خوات ولا اأم ولا ابو؟ عشان ماحد يضرج؟!!! اخت زوجج أن تطلقت وان ماتطلقت أخوها يبقى اخوها سندها, ماتقدرين تفكين اسمه من اسمها, ووالله وتالله لو كملتي مشوارج وحاولتي تفرقين بأي طريقه بينها وبين اخوها أنج بتشوفين عااااقبه ظلللللللللممممممج لها من ربج , ترى ربي يمهل ولا يهمل ويومه يمهل يطوي للظالم طوي حتى ياخذه أخذ عزيز مقتدر, تبون الحياة حلوه لكم بس يالحريم وخوات ازواجكم كل المر بقلوبهم لييش؟شتبون فيهم حاطين حيلكم فيهم؟ ,,,,,,,,,,,,,,,يابنااااااااااااااااااااااااااااااااااااااااااات اخوانكم لو بغيتو تزوجونهم بنصحكم بعد ماعرفت طعم الحياة الكرييييييييه زوجوهم من بنات دين وأخلاق وسيره بيضاء من أول عمرها واحترام شوفوفها أول كيف تتعامل مع الناس تفقدو دينها وأخلاقها بعدين فكرو واستشير و أستخيرو وعلى بركة الله زوجوه, أما جذي وهذي تاليتها مره بتفرق بين اخو واخته وبتطلعها من البيت؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

[هنووفوو]

الي يقولون حطي نفسج بمكانها

يعني البنت ماقالت شي غلط

كل بنت حابه تستقل فبيت بروحها مع زوجها وعيالها

واخت ريلها وبناتها مومخلينها تاخذ راحتها

لان اهي مومحترمه اهل البيت

اذا وصاختها اهي وبناتها ماتنظفهم الا بعد يومين او 3

و تقعد تفتر بالبيت ونست انها ضيفه

حتى لو كان بيت اخوها مايصير تاحذ راحتها وتحترم اهب البيت


بالنسبه لصاحبه المشكله انتي لا تتشكين منهم عند ريلج
خلج ساكته تحملي

واذا الله لايقوله تطلقت

قولي لريلج انج مراح تقدرين تاخذين راحتج اذا عاشوا بالبيت
وكافي اختك المومتزوجه

خالتروح حق واحد من اخوانك