مشكلتي مشكلة طرحتها من قبل ساعدوني

[*كويتيه يونيك*]

حبيبتي...تبين الصراحه...
كلن عقله براسه ويعرف خلاصه...
غيري خطج وقوليلها لي هني وكافي فكري بولدج فتعده تظلمينه حرررراااااام عليج,,,
هالنوعيه ماينفع الذوق والصبر ...
الحل بيدج

 

[nora_84]

الي ما يستحي منك لا تستحي منه
وبعدين والله الواحد يستحي يدقدق عالاوادم ويطول عليهم فشله الظاهر هذي ماتعلمت الاصول
وفيها نقص ولا شنو سوالف المصاخه شنو وين قاعدين استغفرالله
اللهم لا شماته
قطيهها ابويها قوليها الزم ما علي اهلي وولدي محد بينفعني غيرهم يا انج اتسنعين وتثقلين وتصيرين مره يا لا تدقين ولا ابي اشوف رقمع عندي هالاشكال مايستحى منهم ولا تسويلها حساب

 

[الكويتـ80ـية]

وقااااااااااااااااااااااااااحه ثم وقاااااااحه ثم وقااااااااحه ...........شنو هالبنت ؟ هي فاضيه ؟؟ما عندها حيااة فتبي تملاها بسوالف معاج ... و أنت خوووش ضحيه ...

و سوالف الحضن و البوس قوية واايد ...ديري بالج...

أنتي طلبتي نصيحه و البنات ما قصروا ( الكل نصح تبعدين عنها) .. لأنه و العياد بالله مريضه نفسيا ....

كسرتي خاطري لأنج كاتبه وااايد حكي و هالشي معناه انج صج محتره منها و ماتبين تكملين علاقة الصداقة معاها .. الله يكوون بعونج و تفتكين منها

 

[شكليطه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


بصراحه اختي احس ان السالفه فيها إن


يعني حبيبتي معقوله شخصيتج ضعيفه لي هالدرجه؟
والا انتي اساسا عاجبج الوضع؟؟؟

وليش اهلج ما يحتجون على هالوضع اللي انتي فيه؟

وبعدين يعني شنو المعروف او الجميل او المساعدة اللي سوتها لج لي درجه توصل فيها الى هالمستوى.؟؟


تخيلي معاي انتي قاعدة تضحين ب منو عشان منو

• اولا ربج......وتقصيرج بالعبادات وانتي اعترفتي بهالشي
• ثانيا اهلج
• ثالثا سمعتج
• رابعا ولدج
• خامسا راحتج وصحتج
• سادسا شغلج
• سابعا خصوصيتج
• ثامنا شخصيتج وكيانج

والقاااااااائمة تقول


مقابل:

• صديقه قدمت لي معروف

هذا منطق حبيبتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


انتي حلليها بمخ وفكري زين

اذا هالانسانه مايهمها كلام الناس وانتي تبوسينها وتحضنينها بالسياره والا عند باب بيتهم
تبينها تهتم لأمرج؟؟؟؟

وبعدين شنو هالصداقه الغريبه...........24 ساعه بالتلفون ما تخلص السوالف....حتى واهي تطالع المسلسل انتي معاها عالخط........شنو هالعيشه؟

وبعد حتى النوم تتحكم فيه؟؟؟ وبوس وتلمم وحضن؟ هذا برايج وضع طبيعي؟


انتي قوليلي ليش تخافين من مدت بوزها ونفسها الخايسه وزعلها لكن ما تخافين من الكلام اللي يوصل حق اهلج عن تصرفاتج؟

ليش تدارين مشاعرها وما تحسبين حساب حق اهلج ومحيطج؟

واساسا اهي لاعبه فيج لعب..........تزعل عليج على اتفه الاسباب وتقعدين بالساعات تراضينها
وانتي مو من حقج تزعلين؟؟؟؟؟؟؟؟؟؟؟؟



وخلي كلللللللللللللللللللللللللللللللل هذا وركزي على الاهم

ربج سبحانه وتعالى

ما تحسين بالذنب انج قاعده تضحين بواجبج تجاه ربج عشان والله صديقتج لا تزعل؟


هذا كلام؟


عمووووووووووماااا انا ما راح اطول وايد بالكلام..........وماراح ابين زيادة شنو الصح وشنو الغلط
لان خواتي ما قصروا........قالوا عين العقل

وانتي بنفسج ماحطيتي هالموضوع الا انج حاسه ان الوضع (موووووو طبيعي) وفيه شي غلط

بس ديري بالج لا يكون شي كبير ويغضب الله

المهم حبيت اعطيج نصيحه

اذا تبين تتخلصين من هالوضع.........رتبي امورج مع اهلج اذا تقدرين تروحين العمره

بس خلصي شغلج كللللللللللللللللله بدون لا تدري ولا يكون عندها خبر

وانتي بالمطار او عالحدود وعقب ماتخلصين كل اجراءاتج دزيلها مسج انج بتروحين العمره........او حتى ماله داعي تبلغينها


وسكري التلفون بالمرررررررررررررررررررررررررررررررررررررررررررررررررررررررررررررررررررررررره

وادعي ربج هناك انه يتوب عليج ويهديج ويفكج من هالاشكال

واذا رديتي......ردي بقوة شخصيه........حتى لو تعتب عليج حقريها وخليج عند كلمتج

وقولي انا مشغوله.......وحقريها

ويستحسن لو تغيرين الخط

 

[saro0ona]

خففي علاقتج فيها حيل حيل ...
و انا الصراحة بادي اييني شك فيــها ...
شسالفة نوميني و حضنيني و احبج و ابي بوسه ..؟؟؟؟؟؟
اسمحيلي بس السالفة غريبة شوي ..
تعوذي من ابليس و كـشـــتـــي فيها !
و مالج شغل فيها الي يبي يطلع عنج حجي بيطلع حتى لو كانت رفيجتج حيل حيل حيل ...
و خلاص يعني ما سوت عليج ساعدتج ؟؟
لما ادق مو كل مرة تردين عليها ... و لما تردين .. حاجيـها بنفس ...
صدقـيـنـي ما راح ينفع وياها الا اذا انتي بديتي تعاملينها مثل ما اهي تعاملج !
و الله يعينج !

 

[أم بنات]

أولا سالفتج غريبه ويعني مايبيلها تاخذين راي أحد والحل بإيدج وبالعقل وقفيها عند حدها وقطعي علاقتج فيها وبيني لأهلج السالفه عشان يصير عندهم خبر أنا مستغربه ليش ناطره وليش خايفه من زعلها زعل بويعل والله يعينج

 

[الريادة]

ليش ادارينها و متحملتها ؟؟ شنو ريلج و لا أمج و لا أبوج !!
اللي قاعدة تسوي فيج مو طبيعي , ليش تحاتينها و تخافين على زعلها؟؟ من تكون؟
" الباب اللي ييك منه ريح سده و استريح "
و أولا و أخيرا علييج بالدعاء بتفريج همج

 

[أم الهيل]

والله يوم انا كنت بالثانويه عندي رفيجه وكانت نفس الطريقه واهيا تاكل وانا علي الخط واهيا تشوف التلفزيون لما خلاص اقولها انا بروح مايصير تاكلين وتكلميني عاد لما افهمت.... الله يعينج، بس الشي بأيدج انتي كلميها ولا تخافين.

 

[أم بنات]

أنا رايي من راي زينه
بس انتي ارمله ولا مطلقه؟
والقصه حدها غريبه
لانه قبل قلتي ارمله وعندج بنت

فعلا أنا توني قريت موضوعج القديم وقلتي عندج بنت وأرمله وألحين البنت إنقلبت ولد وخايفه يخيرونه بينج وبين أبوه شفيه الأبو رد حيا مره ثانيه ياسبحان الله حددي لنا إختي والمشكله الموضوع شطووووووله وفوق هذا متناقض مع موضوعج القديم

 

[عذوب4]

الراضي كما الفاعل

في البداية اهنيج على الاسلوب الراقي اللي قدمتيه وهذا يصلح يكون مسلسل ويطولته بدرية احمد - بصراحة ما كملت الفصة لغاية النهاية لانها تدور غلاقة غير سليمة لعقول مبهمة وانتي راضية وعاجبج اللي قاعد يصير بس كتبتي من باب الاطلاع براي الجمهور وشكلج من القصة .:dddds::dddds::dddds:

ولاحظت على كثرة الصفحات اللي استخدمتيها بالنت ما فكرتي تردين على اي وحدة من بنات المنتدى باي تعليق رغم ان الكثير عطوج افادات مختلفة:bbbiu::bbbiu:


وانا اعلن امام بنات المنتدى عندي استعداد اساعدج زوديني برقمها على الخاص والهيها عنج بطريقة مارح تكون فاضية حف اتصالج


وأقسم بالله العظبم ن اسمج وقصتك ما راح اجيب طاريها



ولا اشرايكم يا بنات_03BA::gathering:

 

[أغصان]

انا ارملة صغيرة وبعد ما مات زوجي مريت بمشاكل مالها حد مع اهل زوجي وصلت للمحاكم

وهي تدري ان وراي دوام الصبح وعندي بنت صغيرة تقعد أحيانا بالليل

هذي مقتبسات من موضوعك القديم ؟؟؟؟؟؟؟

ياليت توضحين اختي

وبالنسبه لمشكلتج مثل ماقالوا لك البنات الله يعطيهم العافيه اتركي البنت وحتى لو تزعل
بالعكس ضرتج اكثر مانفعتج وغيري رقمج .. شنو بيصير يعني ؟؟؟؟ بتنتحر ؟؟؟

الله يكون بعونج

 

[مها احمد]

الاحسن انك تقطعي علاقتك بها فورا---------فلن تجني من علاقتك بها الا المشاكل والبعد عن ربك وعن ابنك

 

[قهوة عربية]

عندي حل ثاني لج !!

ليش ماتدورين لها ريل وتزوجينها وجذي تنشغل عنج وانتي تفتكين منها وتكون لها حياة خاصة وبيت وزوج وأولاد وتلهي

بحياتها الجديدة ومايكون عندها وقت فراغ حتى تمشط شعرها وتريحينها وترتاحين






على فكرة بنات ..............ويييييييييييين صاحبة الموضوع .....؟؟؟

حطت موضوعها وكشتت وماردت !!!

 

[صديقة د. شريفه]

ألحين انتي طرحتي المشكله وما قلتيلنا اشسويتي؟؟؟ طمنينا عليج ؟؟؟؟؟ اشصار ؟ خذيتي ابنصايحنا اللي كلنا اتفقنا عليها ؟؟ ولا ظليتي على اللي انتي فيه ؟؟؟؟

 

[hanham]

السلام عليكم ورحمة الله وبركاته

اولا مشكورين وايد على اهتمامكم بالمشكلة ويزاكم الله خير على محاولتكم مساعدتي وان شاء الله بيكون هذا بميزان اعمالكم اللهم آمين انا قريت كل الردود وكنت اقدر ارد عليها لأن كان عندي مشكلة بالجهاز فاحيانا كنت اشوف بعض الردود وبعضها الآخر ما كت اقدر اشوفها لكن اليوم قريتها كلها مرة وحدة ويزاكم الله خير مرة ثانية وبدعليكم الله يفرج عنكم ويدزلككم اللي ينوركم مثل ما سادعدتوني بأفكاركم وعطيتوني دفعة قوية وحافز قوي عشان اوقف المهزلة اللي انا اصلا ماني راضية عليها بس كان الحيا مانعني او كنت اظن ان الحيا لكن اكتشفت ان هذا الشيطان هو اللي منعني من اتخاذ موقف حاسم ومع ان كلام البعض منكم كان قاسي شوية لكن ادري من اهمتامكم بالمشكلة وحرصكم على مصلحتي

وانا مدينة لكم بتوضيح : انا فعلا كتبت من قبل اني ارملة وعندي بنت لكن كتبت جذيه من باب التمويه بس عشان محد يعرفني ودايما رفيجاتي يقولون لما تكتبين في اي منتدى مشكلة شخصيية لا تحطين بيانات شخصية صحيحة وحاولي تحطين معلومات خطأ مع الحرص على ذكر لب الموضوع بشكل كامل وضصحيح عشان التمويه ومحد يعرفك بالفعل اتبعت كلامهم لكن حسيت ان هذا غلط وان اللي بيعرفني اكيد بيعرفني من الشغلات الثانية اللي انا كاتبتها فقررت ان اطرح المشكلة من اول وبمعلومات كلها صح حتى المعلومات اللي ما تضر ةولا تفيد بالمشكلة بحد ذاتها حطيتها صح وغير جذيه انا فورت حدي ومن حرقة قلبي حطيت كل اللي يعني مو مثل ما لمحوا بعض البنات الله يهداهم اني قاعدة اسوي مسلسل وكل همي اشوف التفاعل مع القصة ومن هالحجي الغريب الله يسامحهم

ولا انا مثل ما وحدة قالت اني كتبت الموضوع وكشت يعني الصبر زين وان الله مع الصابرين خواتي وأظن ان انا احوج الناس لمشورتكم والنصيحة ومو من صالحي اكتب الموضوع وأهده من غير رد الا لو كان في شي منعني ولا انا من النوع اللي يلعب على الناس لمجرد كسب تعاطفهم وانا اصلا ماني ناقصة مشاكل عشان أختلق مشاكل وهمية واشوف الناس شلون الناس بيتفاعلون مع المشكلة

عموما مرة ثانية انا عاجزة عن الشكر لكل وحدة دشت الموضوع سواء نصحيتني او شككت في قصتي وما الوم اللي استغربوا شلون كنت كاتبة ارملة والحين مطلقة بس على الأقل هالبنات طلبوا التوضيح قبل الاتهام لكن في غيرهم وجه اتهامات مبطنة فالله يسامح الجميع واشكر الكل مرة ثانية بغض النظر على ردودهم وان شاء الله يكون هذا في ميزان حسناتهم اللهم آمين

وبالنسبة للأخت اللي قالت زوجيها فهي للأسف مملوج عليها بس ما تزوجت للحين وانا مستغربة شلون ساكت عليها وعلى تلفوناتها اللي ما تخلص

وابي اقولكم اني بديت انفذ نصايحكم وان شاء الله برتاح من هالسالفه بس طلبتكم الدعاء لي بظهر الغيب ان الله يفرج علي ويزيح ع ني الغمة وعن الجميع وان شاء الله راح أبشركم في موضوع ثاني مستقل بالنتايج

 

[DKNY]

الله يزيل همممممك ياااااارب ويفكك من هالمهزله وتتزوج وربي يستر عليها وتنشغل بنفسها وبيتها وزوجهاااا

 

[أم السنع]

كتبت لج رساله على الخاص

اتمنى تردين عليها ...........

اقدر اساعدج بأفكار وااااااااااااااااايد قويه

 

[DKNY]

ان شاء الله تقدر تساعدك ام السنع
والله تأثرت بالسالفه حيل

 

[صديقة د. شريفه]

الحمدلله انج رديتي وطمنتينا ، اي عفيه عليج كفو والله ، الله يفرجها عليج ويزيح هالغمه ، ويسعدج ويهنيج ، وناطرينج اتطمنينا عليج

 

[ام مارية]

الله يفرج همج ويفكج منها يارب لانها انسانه موطبييعيه

اكثري استغفار لان يجعل من كل هم فرج ومن كل ضيق مخرج ويرزقج من حيث لا يحتسب.

وبدال الوقت اللي ضيعتيه معاها كثري من ذكر الله لان لا طاعه لمخلوق في معصية الخالق.

انت في ابتلاء وبايدج تخلصين منها وبكل سهوله لانج ضيعتي اهم شي وهو صلاتج اللي اذا اصلحت صلح حالج

والبنات ماقصروا كلهم عطوج الحلول والحين دورج انت تحدين كل شي توكلي علي الله وقولي يمعين اعني

وادعي هذا الدعاء.

ياولي نعمتي وملاذي عند كربتي اجعل شدتي بردا وسلاما علي كما جعلته النار بردا وسلاما علي ابراهيم.

وردي لقيام الليل لان قيام الليل الله ما يعطيه الا لاحبابه ويارب يجعلنا كلنا من احبابه.

الله يحفظج واستودعناك لله اللذي لا تضيع ودائعه.