مشكلتي مشكلة طرحتها من قبل ساعدوني

[hanham]

ما قصرتوا خواتي والله يخليكم وما يحرمني منكم ومن نصايحكم ودعاؤكم لي بس الله يخليكم لا تنسوني من الدعاء بظهر الغيب ينصرني ويستر علي ويشفي ابوي ويفرج عني كل همومي ويردني البنت السعيدة اللي تتمرغ بأحضان اهلها وموكله كل امورها لله

 

[الكويتـ80ـية]

امين ..

ما قلتيلنا شصار مع رفيجتج الحنااانه ؟؟

 

[hanham]

الحمدلله قدرت نوعا ما اتغلب على طبعي وان شاء الله هذي البداية والنهاية بحيل الله ياية وبديت أتصدد عن مكالماتها شوية شوية وانا والله العظيم مو قصدي اني أكرهها لكن اسلوبها مو قادرة استحمله اكثر من جذيه وانا حبيتها من كل قلبي بس ما كنت ادري ان الأمور راح تمشي بهالصورة المؤلمة والمجهدة حقي وانا لو تبطل طبايعها وتصير اخت وعزيزة وغالية لكن بالحدود الطبيعية مو جذيه

 

[سيدة الكويت]

اصلا واضح الشذوذ فيها ..............استغفر الله

حرام اختى تلهيج عن طاعتج وعبادتج , فكرى بربج وآخرتج ترى ما راح تنفعج يوم الحساب والدنيا ما انتهت فى صديقات ابرك منها

هذى امبين قاعده تقرب عشان تستدرج حق أشياء أكبر اعوذ بالله منها

 

[قهوة عربية]

الحمد لله أنج قدرتي تنفذين الخطوة الأولى ..وهي فكرة الإقتناع بالإبتعاد عنها ....لأن البعد عنها غنيمة

وإن شاء الله يسخر لج صديقات أحسن وأنفع منها آمييين

ويفرج همج ويحل جميع مشاكلج ...وتكسبين نفسج وعايلتج وتردين لربج آميييين

وحبيبتي يوم كتبت انج كشتي ..كنت أتغشمر معاج ....قلت خل أقول هالكلمة جود تشوفينهاوتردين ...لإن بصراحة كنا نحاتيج ...وانتي طولتي وااايد على مارديتي علينا

يعني عبالنا صار فيج شي أو ماتقدرين تشبكين بس بعدين كنت أشوف لج مشاركات ثانية فقلت خل أنبهج لموضوعج ....يلله لاتاخذين بخاطرج مني ....كلنا خوات

الله يسعدج ويوفقج آمييين

 

[كعيب الضبي]

كلكم راعي وكلكم مسؤول عن رعيته
حبيبتي وش بتنفعك هالبنت لاضيعتي فلوسج وصلاتج وولدج ودوامج
مايجوز الي تسوينه غلط ليه تجيبي لنفسك شبهات
زعلانه وخليها تزعل اذا انتي مو مسويه شي غلط

 

[فاطمة82]

الغلطه من البدايه
كان لازم تكونين حازمه
اذا مو بالكلام بالفعل
يعني ابسط شي
وبدون احراج تطفين تلفونج وتنامين نومه عميقه
بس صج لزقه
واللي تبي تساعد عاد ما تذل يعني انا اساعد يلا ردي معروفج بشي
وانتي قاعده تظلين نفسج وولدج فالافضل انه تحاولين تقللين من الساعات اللي تكلمج فيها
وتعذريلها بشغل بنوم براحه وايد اعذار واهي صحيحه ماراح تجذبين عليها انتي تبي تزعل خل تزعل بس بترد تكلمج دام على قولتها اختج يعني معجبه فيج

 

[hanham]

خواتي كلكم مشكورين وماقصرتوا

واختي قهوة عربية ماله داعي تتعذرين ومثل ما قلتي احنا خوات ومشكورة وايد على الدعوة الحلوة الله يتقبل منك ومنب ومن كل الخوات اللهم آمين ولا تنسوني من دعاؤكم المستمر لي بظهر الغيب

 

[ام _خلودي]

حبيبتى مادرى انا شاكة بالبنت موطبيعية يمكن يكون فيها نوع من شذوذ لانا شنو الى ماتنام الى لما تسمعينه حجى حلو وشنو لازم تمرينى تبوسين وتلمنى صدقينى هذا مو طبيعية وخرى عنهاا ((ابعد عن الشر وغنى لة ))والى مايستحى لاتستحين منة

 

[مرقوقه]

شوفي اذا اهيا دافعه عنج شي وانتي مورادته لها رديه وبلا المكالمات هاذي اللي كاسره ظهرج والخرابيط اللي قاعده تصيرليج ترى اهم شي سمعتج + ولدج + اهلج اووووكي
اذا اطالبج بشي عطيها وتشكري منها وعلى اللي سوته وبس حقري كل مكالماتها اللي تييج بليل واذا كنتي مشغوله قوليلها انا مشغوله واذا زعلت تطق راسها بالطوووووووووف
واعتقد انتي لج راي وتدرين ان اللي قاعده تسوينه غلط وانتي قاعده تعطينها مجال تتمادى معاج
وحياج الله

 

[manarah]

لحظه لحظه مدامها مملوجه تخلي ريلها يسمعها حجي حلو قبل لا تنام بالله انتي شكو وليش هالوضع ؟؟ اقول ترى ابسط شي تسكرين تلفونج بالليل وتصلين وتجابلين ربج ابرك وبعدين تنامين نومه سنعه ولا عليج من احد بالله شالمعروف اللي بيذلج لهالدرجه .. بصراحه مستغربه ان في احد ساذج ( اسمحيلي بهالكلمه) لهالدرجه هذي .. سكري بابها مررررررره وحده ... تنرفزت منها .. والله يبعدج انشالله عن كل سوء وتنحل كل مشاكلج بإذنه الواحد الأحد