السلام عليكم ورحمة الله وبركاته
خواتي انا طرحت مشكلتي هني من قبل وما راح اعيد منها وايد وبدخل بصلب الموضوع
انا قلت لكم ان الظروف والمشاكل اللي مريت وما زلت امر فيها اضطرتني اني اتعرف على وحده لها خبرة في مجال المحاكم والتنفيذ القضائي المهم ان هالبنت ماخذة كل وقتي ومو عارفه شسوي اهي والشهادة لله ما تقصر ابد معاي وتحب تخدمني بكل شي في المحاكم وغير المحاكم حتى تدفع عني الفلوس في الاجراءات القضائية وبالعافية تقبل تاخذ فلوسها يعني رايتها بيضا بالسوالف والحمدلله قاعدة اعطيها فلوسها لكن المشكلة اني بطبعي ما احب التملك وما احب احد يسيطر على حياتي لأي سبب من الأسباب قاصد او مو قاصد وهي الله يهداها احس انها قاعدة تضيع كل الخير اللي تسويه معايا بتصرفاتها الغريبه
ومصيبتي اني مو من النوع اللي يقط الكلمة بالويه وحياوية زيادة على اللزوم وما احب احرج الناس واضطر في المقابل لاحتمال ما لا يحتمل بس عشان ما اضايق اللي جدامي ودايما اقول لنفسي يمكن هاللي جدامي بيقص الحق من نفسه ويستحي ويحس من نفسه بس للأسف هالشي مو قاعد يحصل وهذا سبب كل مشاكلي المهم ان هالبنت مثل ما قلت من قبل بدت تتصل فيني فجأة بوقت متأخر يعني 11 ونص وطالع وتقعد تتكلم وتعيد وتزيد لل2 واحيانا اكثر وتدري ان عندي ولد صغير وينام عندي يعني المفورض انها تسكر الخط من نفسها موة متقعد تتكلم لمن الولد يقعد واذا قعد تقولي نوميه واتصليه فيني اذا هو يقعد بال 2 بالليل وبقعد انوم فيه لأن طار النوم من عيونه فراح ياخذ وقت عيل متى برجع اتصل ومتى بنام وانا عندي دوام الصبح وهي تدري بطبيعة شغلي انه يحتاج لدقة وانتباه والعين علي وفيه ناس يدققون على شغلي يعني ما ينفع اروح وانا شبه نايمة واسويلهم الشغل سوق ماصلي واقطه عليهم
طبعا في الأول لما بدت تتصل بلليل كنت اقول بيني وبين نفسي يمكن تتغشمر وماتعيدها باكر القاها تعيدها وارجع اقول لنفسي لا اكيد بتاخذ فترتها وتبطل هالعادة القاها مستمرة لا والاتصالات زادت وصارت اطول بعد واقعد طول المكاملة اتثاوب واخربط بالكلام من النوم وهي ماكو مستمرة وتقولي حتى اذا تثاوبتي بتم اتكلم وماني مسكرة الخط لين أحس بالنوم يعني اهي تحس بالنوم اوكي لكن انا لأ لا زم انطرها ؟؟!! عمركم شفتوا مثل هالمنطق؟؟زتقولي انا كل رفيجاتي اذا بغوا ينامون يدقون علي يستأذنون قبل لا ينامون عشان ما اتصل فيهم واقعدهم من نومهم فكنت اضحك لبالي تتغشمر وفي مرة قاعدين نضحك ونتغشمر فقلتلها الطبيعي ان الواحد ما يستأذن لبغى ينام والطبيعي ان الواحد يتصل بالشخص اذا لقاه قاعد اكيد بيرد عليه واذا كان نايم ماراح يرد طبعا هذا هو الطبيعي لكن ان يستأذن قبل لا ينام ماعمري شفت هالشي وكان كلامي على ضحك وهي الللي بطلت السيرة اساسا المهم اهي زعلت و وقامت تتكلم معاي بنفس خايسة وقالتلي واضح ان هالشي مضايقك طبعا انا يوم شفتها تتكلم جذيه قلتها احنا قاعدين نتغشمر وانا ماعندي مشكلة باتصالاتلاك طبعا لازم ا قولها جذيه عشان ما اجرحها وغير جذيه اهي اللي لازم تحس من نفسها لأن هذا شي واضح وصريح ما يبيله تفكير وذكاء وهي بعد مو ناقصة ولا ذكاء ولا شي .يعني الشالفة مو محتاجة اني أسال احد انت عندك مانع اني أسبك ولا لأ؟؟ ماله داعي اسأل طبعا لأن هذي امور مسلم فيها مافيها روح وتعال وسالفة مكالمات تالي الليل همن نفس الشي اني اتصل بوحدة عندها ياهل وشبه مطلقة واقعد اتصل فيها تالي الليل هذي همن غير مقبولة وماله داعي اٍسأل اذا ترضين ادق عليج وأسهرج واخليج ما تعرفين تنامين عند ولدج ولا ما ترضين؟؟؟!!! هذا مو حجي المهم كنت اتقبل اتصالاتها على بو انها بتمل وما ابي اصدها مثل ما قلت لأن للأسف امي ربتنا على ان احنا ندافع عن نفسنا ولا ناخذ موقف ولا نحط حدود للي نتعامل معاه اذا شفنا انه قاعد يضرنا ويدوس علينا
المهم مع الوقت خذتها عادة تتصل تالي الليل وحتى لما اقولها مصدعة وراسي بينبط همن تظل وياي على الخط وكل ثانية ها شلون راسج الحين؟؟؟ياربي الواحد لصار راسه يعوره يبي هدوء ما يشتهي يشوف عياله حتى هذي تقعد وياي على الخط يعني قعدتها هذي بتفك الصداع يعني ولا بتشفيني بالعكس بتزود عوار راسي لأن طول الوقت ماسكة التلفون ساعة ونص ساعتين ثلاث عادي ما شاء الله ماكو فايدة يعني والله حتى الموبايل مضر بسبب الأشعة وقالوا ان يسبب الصداع مع كثرة استخدامه وهذي ماكو فايدة جني أكلم نفسي!!! وفي مرة تعبت وايد وغطت عيني امبكر بالليل وما قعدت الا ثاني يوم الصبح وما تتخيلون البوز اللي مدته والنفس الخايسة اللي تكلمت معاي فيها وانا والله والله والله ما ارضى احد يعاملني بهالأسلوب ولا اقبله حتى من اخواني وخواتي بس انا اللي كاسر ظهري وكاسر عيني جمايلها علي ووقفتها معاي في المحاكم هذا اللي مخليني ابلع اللي تسويه
وكذا مرة بينت لها ان اللي قاعدة تسويه معاي غلط ومايصير جذيه وقلتلها اذا انتي صج تحبيني مثل ما تقولين وتعزيني ومثل اختي المفروض ما تسويين جذيه وانا وايد قاعدة ابلع منج سوالف ومو قاعدة اتعيوب عليج ولا اتزعل منك كل شوية مو لأنها ما تزعل ولا لأني انا ما ازعل لا بالعكس انا بعد ازعل ومن حقي ازعل بس لما اتعامل مع انسان احبه واعزه اغير من طبعي وما اقعد انكد عليه كل شوية ومو قاعدة اتزعل منج على كل شي مثل ما انتي تسوين .تدرون شترد علي وتقولي؟؟ تقولي ولا هذا طبعي ازعل بسرعه وما ارضى بسرعه وانتي طبعك من تزعلين مني كيفك ماحد قالك لا تزعلين مني كل واحد وله طبعه؟؟هذي شتقولون لها واللي يعافيكم؟؟؟!!!
والله يا خواتي يتني زيادة بمعاشي ولا فرحت فيها كلها تروح على المكالمات ومرة حتى سافرت وقعدت تتزعل وتتعيوب كل شوية وانا طبعا لازم اراضيها واتصل كل شوية وقمت ودفعت كل المكافآة اللي نزلت حقي تقريبا 400 دينار مو حرام؟؟مو انا وولدي أولى بهالفلوس ولا انا القاهم في الشارع؟؟؟يبا مو مهم هالفلوس بالطقاق مو حرام الوقت اللي قاعد يضيع بالتلفون كل هذا من وقت عبادتي وقعدتي مع ولدي واهلي وشغلي معقولة كل هذا مو فاهمة انها قاعدة تاخذ وقتي كله؟؟؟ مو معقول مو فاهمة !!وهي عارفه طبعي اني ما أرد أحد ولا احب أفشل احد ودايما انتظر الطرف الثاني يقص الحق من نفسه بس ماكو فايدة
انا احبها وما انكر هالشي واعزها وحسبة اختي بس انا ما اشيل هم اختي وهم زعلها مثلها. اهي تبي كل ما تتصل ارد عليها علطول وهي ادق عليها مرة ترد ومرة لا وانا ياويلي اذا ما رديت وبسرعة بعد تزعل وتتكلم بنفس خايسة يعني مرة كنت بالحمام أعزكم الله وكانت قاعدة تتصل فطبعا ما رديت الا لما طلعت من الحمام قامت زعلت والنفس حدها شينة اقولها يابت الحلال كنت بالحمام يعني شنو ذنبي تقولي مالج ذنب بس انا همن بزعل وزعلانة يا بنت الحلال غيري بدلي ابد واقعد ساعة وربع تقريبا بس أراضي فيها مو حرام شنو مالي والي مالي اهل والي ياهل مالي رب اصلي له يعني ولا شنو؟؟؟وتقولي مشكلتيج انتي ما تزعلين اذا انا ما رديت عليج وتفترضين حسن النية بس انا مالي شغل وهذا طبعي وانا اعض على شفايفي واقول حسبي الله على اللي كان السبب واتعوذ من ابليس وطبعا هي عارفه شاللي كاسر عيني وانا لو اقلب عليها الحين بتقول عني نذلة وخذيت منها حاجته وبعدين عطيتها طاف وانا ما احب احد يقول عني جذيه ولا عندي قوة قلبها اللي تخليني ارد على قسوتها بقسوة مماثلة وتدري وتقولي ادري ما عندج قلب لهالسوالف؟؟؟يعني انا عشان قلبي ضعيف ومايحب القسوة وما يحب رد الاساءة بالاساءة أنطق على راسي جذيه؟؟؟؟؟ والله حرام انا ما عندي مانع تكون لي اخت وصديقة لكن مو جذيه كل شوية زعل وكل شوية احراج والمصيبة كل اموري عندها يعني تخيلوا اكون طالعه مع ولدي ولما اخلص تتصل هذا اذا ماكانت على الخط وياي اصلا لدرجة انها تدودهني وما اعرف شاخذ من المحل لأن فيه احد يتكلم بأذني وهي تدري اني ما اعرف اسوي اكثر من شغله بنفس الوقت وانه اتسبه بسرعه لكن ماكوا فايدة والله العظيم ياما اماكن دخلتها وطلعت منها من غير ما اخذ اللي ابيه من التلوفن اللي انا ماسكته جني وحدة مغازلجية والله ما الوم اللي يشوفني يقول عني هالكلمة وادري كلام الناس كثر حوالي وانا للي كنت دايما أعيب على اللي تمشي وتنام على الموبايل صرت منهم للأسف والناس ما تدري شالسالفة
اطلع مع ولدي واذا خلصت تقولي وين رايحة فأقولها رايحة البيت بعد وين رايحة؟؟تقولي لا والله على بالي بتمرين تسمين علي وتعطيني حضن وبوسة وبعدين تروحين بيتكم فطبعا تحرجني فشنو المتوقع اني اقولها طبعا اقولها حاضر بس جذيه خلاص امر عليج تقوم طبعا تقولي بنفس لا مشكورة بدام ما يت منك ومن كيفك خلاص ؟؟هذي واللي يعافيكم شقولها واقعد طول الطريج لما ارجع البيت بس اراضي فيها لما ينشلع قلبي لدرجة اني كرهت اطلع سبة هالسالفة شنو ماكو شي بس اقعد رايحة ياية جذية جني مينونة لأني مو قادرة اركز واصلا انا نساية من غير شي
والله تعبت لدرجة اني قمت ادعي ربي يريحني من هالسالفة ويدزلها اللي يوعيها ان اللي قاعدة تسويه هذا غلط غلط غلط قبل كنت اطلع من دواني اقضي شغيلاتي وارجع بسرعة البيت ولا اطلع بالليل اقضي شغلي ولا اطلع الصبح امبكر ايام الاجازات الحين ماكو من اطلع تتصل علي بس واتدوده وما اعرف شبدي الا اذا وقتها اهي تكون مشغولة او عندها شي ذيك الساعة ايه تلهى عني لكن طول ماهي فاضية تيتلمني بالتلفون يعني تيخيلوا كذا مرة اقولها اني قبل كنت مواظبة على الصلاة والأذكار وحتى قيام الليل وان شاء الله برجع للقيام تقولي واهي تضحك وشلون انا عيل اكلم منو بالليل اقولها مو مشكلة بعد ما تنامين اقوم اصلي تقولي لا المفروض ننعس في نفس الوقت وبعدين ترد تقولي ايه مو مشكلة صلي القيام انزين انا شلون بصلي القيام واهي قاعدة تسهرني ولما اقعد القى نفسي نايمة على التلفون من التعب مع اني قايله لها ان الدكتور محذرني من السهر والتعب وانا عشان اصلي القيام لازم اريح وانم مبجر شوية عشان اقدر اقعد قبل الفجر بشوية مثل قبل وهي تدري بهالشي لكن بالطريقة اللي هي مشيتها علي شلون بنام وارتاح وارجع اقوم اصلي؟؟؟
تخيلوا تتصل علي عقب ما تتغدى وتقولي يلا عاد انا بنام نيميني طبعا شلون تبي تنام يا اما بحزاية يا اما اقعد اقولها احبك ويا بعد عمري وحبيبتي وقلبي لما تخدر وتنام وفي مرة من المرات خدرت ونامت وتأكدت انها نامت اني مناديتها كذا مرة وماردت علي فسكرت الخط وقلت زين الحق اصلي المغرب لأن كان جريب العشا يأذن وما مرت دقيقة الا واتصلت ونزرتني ليش سكرتي الخط قلتلها انتي نمتي يعني مو معقولة انطر على الخط لما تقعدين ووراي صلاة بعد وما شفت ولدي طبعا زعلت والنفس حدها شينة يعني ما ادري شسوي بعمري؟؟؟ وتقولي انا ما نمت قلتها عيل ليش ماتردين علي والنسم مالج واضح نسم شخص نايم يعني
والله ما ادري شسوي بعمري قمت ما اشتهي شي كلش وتعقدت قمت ما اسكر التلفون حتى لما اتاكد انها نايمة اخليه لما تطوف ساعتين ثلاث الا الفاتوة ساكة السبعين في 10 أيام بس سبت الهذرة الزايدة وسبت هالسالفة ولصارت هي تبي تسكر الخط مافي أي مشكلة
ماعندي وقت اصلي عدل كله عيلة لأنها تقولي خلصي وكلميني واذا تأخرت تتزعل وغير جذيه ما اعرف اصلي براحتي اذا حسيت ان في شي وراي
ولا عندي وقت اقعد مع اهلي ولا مع ولدي يعني ينحرم من ابوه لأنه ما يستاهل يكون أب وينحرم من امه لأنها تنام على التلفون هذا يصير يا ناس؟؟يعني باكر لخيوا الولد تبي امك ولا ابوك مو معيدة يقول ابوي مو زين بس همن ما ابي امي لأنها هاملتني وعلطول تتكلم بالتلفون ويمكن يشك فيني اني اغازل بعد لنها علطول تبيني ابوسها بالتلفون علطول تبيني احضنها ومن هالحجي تخيلوا اوصلها عند بيتها واكون طالعة انا من بيتنا من الصبح للدوام ةبعدين اسمتها مرة وحدة وامر عليها نطلع نتغدا وتشوف اذا تبي شي نييبه بالمرة يعني غايبة انا عن البيت 12 ساعة ومو كافيها تعقد بعدتتكلم ساعة ونص او ساعتين تحت باب بيتهم وتقعد بعدين تبوسني وتحضن فيني وانا طبعا لا زم ارد عليها والا تعتبرني ما احبها وما استاهل ومن هالحجي واصلا منظرنا بيكون زبالة وتحرجني وما ادري سشوي؟؟؟
لا تردون الله يخليكم بكمل لكم
خواتي انا طرحت مشكلتي هني من قبل وما راح اعيد منها وايد وبدخل بصلب الموضوع
انا قلت لكم ان الظروف والمشاكل اللي مريت وما زلت امر فيها اضطرتني اني اتعرف على وحده لها خبرة في مجال المحاكم والتنفيذ القضائي المهم ان هالبنت ماخذة كل وقتي ومو عارفه شسوي اهي والشهادة لله ما تقصر ابد معاي وتحب تخدمني بكل شي في المحاكم وغير المحاكم حتى تدفع عني الفلوس في الاجراءات القضائية وبالعافية تقبل تاخذ فلوسها يعني رايتها بيضا بالسوالف والحمدلله قاعدة اعطيها فلوسها لكن المشكلة اني بطبعي ما احب التملك وما احب احد يسيطر على حياتي لأي سبب من الأسباب قاصد او مو قاصد وهي الله يهداها احس انها قاعدة تضيع كل الخير اللي تسويه معايا بتصرفاتها الغريبه
ومصيبتي اني مو من النوع اللي يقط الكلمة بالويه وحياوية زيادة على اللزوم وما احب احرج الناس واضطر في المقابل لاحتمال ما لا يحتمل بس عشان ما اضايق اللي جدامي ودايما اقول لنفسي يمكن هاللي جدامي بيقص الحق من نفسه ويستحي ويحس من نفسه بس للأسف هالشي مو قاعد يحصل وهذا سبب كل مشاكلي المهم ان هالبنت مثل ما قلت من قبل بدت تتصل فيني فجأة بوقت متأخر يعني 11 ونص وطالع وتقعد تتكلم وتعيد وتزيد لل2 واحيانا اكثر وتدري ان عندي ولد صغير وينام عندي يعني المفورض انها تسكر الخط من نفسها موة متقعد تتكلم لمن الولد يقعد واذا قعد تقولي نوميه واتصليه فيني اذا هو يقعد بال 2 بالليل وبقعد انوم فيه لأن طار النوم من عيونه فراح ياخذ وقت عيل متى برجع اتصل ومتى بنام وانا عندي دوام الصبح وهي تدري بطبيعة شغلي انه يحتاج لدقة وانتباه والعين علي وفيه ناس يدققون على شغلي يعني ما ينفع اروح وانا شبه نايمة واسويلهم الشغل سوق ماصلي واقطه عليهم
طبعا في الأول لما بدت تتصل بلليل كنت اقول بيني وبين نفسي يمكن تتغشمر وماتعيدها باكر القاها تعيدها وارجع اقول لنفسي لا اكيد بتاخذ فترتها وتبطل هالعادة القاها مستمرة لا والاتصالات زادت وصارت اطول بعد واقعد طول المكاملة اتثاوب واخربط بالكلام من النوم وهي ماكو مستمرة وتقولي حتى اذا تثاوبتي بتم اتكلم وماني مسكرة الخط لين أحس بالنوم يعني اهي تحس بالنوم اوكي لكن انا لأ لا زم انطرها ؟؟!! عمركم شفتوا مثل هالمنطق؟؟زتقولي انا كل رفيجاتي اذا بغوا ينامون يدقون علي يستأذنون قبل لا ينامون عشان ما اتصل فيهم واقعدهم من نومهم فكنت اضحك لبالي تتغشمر وفي مرة قاعدين نضحك ونتغشمر فقلتلها الطبيعي ان الواحد ما يستأذن لبغى ينام والطبيعي ان الواحد يتصل بالشخص اذا لقاه قاعد اكيد بيرد عليه واذا كان نايم ماراح يرد طبعا هذا هو الطبيعي لكن ان يستأذن قبل لا ينام ماعمري شفت هالشي وكان كلامي على ضحك وهي الللي بطلت السيرة اساسا المهم اهي زعلت و وقامت تتكلم معاي بنفس خايسة وقالتلي واضح ان هالشي مضايقك طبعا انا يوم شفتها تتكلم جذيه قلتها احنا قاعدين نتغشمر وانا ماعندي مشكلة باتصالاتلاك طبعا لازم ا قولها جذيه عشان ما اجرحها وغير جذيه اهي اللي لازم تحس من نفسها لأن هذا شي واضح وصريح ما يبيله تفكير وذكاء وهي بعد مو ناقصة ولا ذكاء ولا شي .يعني الشالفة مو محتاجة اني أسال احد انت عندك مانع اني أسبك ولا لأ؟؟ ماله داعي اسأل طبعا لأن هذي امور مسلم فيها مافيها روح وتعال وسالفة مكالمات تالي الليل همن نفس الشي اني اتصل بوحدة عندها ياهل وشبه مطلقة واقعد اتصل فيها تالي الليل هذي همن غير مقبولة وماله داعي اٍسأل اذا ترضين ادق عليج وأسهرج واخليج ما تعرفين تنامين عند ولدج ولا ما ترضين؟؟؟!!! هذا مو حجي المهم كنت اتقبل اتصالاتها على بو انها بتمل وما ابي اصدها مثل ما قلت لأن للأسف امي ربتنا على ان احنا ندافع عن نفسنا ولا ناخذ موقف ولا نحط حدود للي نتعامل معاه اذا شفنا انه قاعد يضرنا ويدوس علينا
المهم مع الوقت خذتها عادة تتصل تالي الليل وحتى لما اقولها مصدعة وراسي بينبط همن تظل وياي على الخط وكل ثانية ها شلون راسج الحين؟؟؟ياربي الواحد لصار راسه يعوره يبي هدوء ما يشتهي يشوف عياله حتى هذي تقعد وياي على الخط يعني قعدتها هذي بتفك الصداع يعني ولا بتشفيني بالعكس بتزود عوار راسي لأن طول الوقت ماسكة التلفون ساعة ونص ساعتين ثلاث عادي ما شاء الله ماكو فايدة يعني والله حتى الموبايل مضر بسبب الأشعة وقالوا ان يسبب الصداع مع كثرة استخدامه وهذي ماكو فايدة جني أكلم نفسي!!! وفي مرة تعبت وايد وغطت عيني امبكر بالليل وما قعدت الا ثاني يوم الصبح وما تتخيلون البوز اللي مدته والنفس الخايسة اللي تكلمت معاي فيها وانا والله والله والله ما ارضى احد يعاملني بهالأسلوب ولا اقبله حتى من اخواني وخواتي بس انا اللي كاسر ظهري وكاسر عيني جمايلها علي ووقفتها معاي في المحاكم هذا اللي مخليني ابلع اللي تسويه
وكذا مرة بينت لها ان اللي قاعدة تسويه معاي غلط ومايصير جذيه وقلتلها اذا انتي صج تحبيني مثل ما تقولين وتعزيني ومثل اختي المفروض ما تسويين جذيه وانا وايد قاعدة ابلع منج سوالف ومو قاعدة اتعيوب عليج ولا اتزعل منك كل شوية مو لأنها ما تزعل ولا لأني انا ما ازعل لا بالعكس انا بعد ازعل ومن حقي ازعل بس لما اتعامل مع انسان احبه واعزه اغير من طبعي وما اقعد انكد عليه كل شوية ومو قاعدة اتزعل منج على كل شي مثل ما انتي تسوين .تدرون شترد علي وتقولي؟؟ تقولي ولا هذا طبعي ازعل بسرعه وما ارضى بسرعه وانتي طبعك من تزعلين مني كيفك ماحد قالك لا تزعلين مني كل واحد وله طبعه؟؟هذي شتقولون لها واللي يعافيكم؟؟؟!!!
والله يا خواتي يتني زيادة بمعاشي ولا فرحت فيها كلها تروح على المكالمات ومرة حتى سافرت وقعدت تتزعل وتتعيوب كل شوية وانا طبعا لازم اراضيها واتصل كل شوية وقمت ودفعت كل المكافآة اللي نزلت حقي تقريبا 400 دينار مو حرام؟؟مو انا وولدي أولى بهالفلوس ولا انا القاهم في الشارع؟؟؟يبا مو مهم هالفلوس بالطقاق مو حرام الوقت اللي قاعد يضيع بالتلفون كل هذا من وقت عبادتي وقعدتي مع ولدي واهلي وشغلي معقولة كل هذا مو فاهمة انها قاعدة تاخذ وقتي كله؟؟؟ مو معقول مو فاهمة !!وهي عارفه طبعي اني ما أرد أحد ولا احب أفشل احد ودايما انتظر الطرف الثاني يقص الحق من نفسه بس ماكو فايدة
انا احبها وما انكر هالشي واعزها وحسبة اختي بس انا ما اشيل هم اختي وهم زعلها مثلها. اهي تبي كل ما تتصل ارد عليها علطول وهي ادق عليها مرة ترد ومرة لا وانا ياويلي اذا ما رديت وبسرعة بعد تزعل وتتكلم بنفس خايسة يعني مرة كنت بالحمام أعزكم الله وكانت قاعدة تتصل فطبعا ما رديت الا لما طلعت من الحمام قامت زعلت والنفس حدها شينة اقولها يابت الحلال كنت بالحمام يعني شنو ذنبي تقولي مالج ذنب بس انا همن بزعل وزعلانة يا بنت الحلال غيري بدلي ابد واقعد ساعة وربع تقريبا بس أراضي فيها مو حرام شنو مالي والي مالي اهل والي ياهل مالي رب اصلي له يعني ولا شنو؟؟؟وتقولي مشكلتيج انتي ما تزعلين اذا انا ما رديت عليج وتفترضين حسن النية بس انا مالي شغل وهذا طبعي وانا اعض على شفايفي واقول حسبي الله على اللي كان السبب واتعوذ من ابليس وطبعا هي عارفه شاللي كاسر عيني وانا لو اقلب عليها الحين بتقول عني نذلة وخذيت منها حاجته وبعدين عطيتها طاف وانا ما احب احد يقول عني جذيه ولا عندي قوة قلبها اللي تخليني ارد على قسوتها بقسوة مماثلة وتدري وتقولي ادري ما عندج قلب لهالسوالف؟؟؟يعني انا عشان قلبي ضعيف ومايحب القسوة وما يحب رد الاساءة بالاساءة أنطق على راسي جذيه؟؟؟؟؟ والله حرام انا ما عندي مانع تكون لي اخت وصديقة لكن مو جذيه كل شوية زعل وكل شوية احراج والمصيبة كل اموري عندها يعني تخيلوا اكون طالعه مع ولدي ولما اخلص تتصل هذا اذا ماكانت على الخط وياي اصلا لدرجة انها تدودهني وما اعرف شاخذ من المحل لأن فيه احد يتكلم بأذني وهي تدري اني ما اعرف اسوي اكثر من شغله بنفس الوقت وانه اتسبه بسرعه لكن ماكوا فايدة والله العظيم ياما اماكن دخلتها وطلعت منها من غير ما اخذ اللي ابيه من التلوفن اللي انا ماسكته جني وحدة مغازلجية والله ما الوم اللي يشوفني يقول عني هالكلمة وادري كلام الناس كثر حوالي وانا للي كنت دايما أعيب على اللي تمشي وتنام على الموبايل صرت منهم للأسف والناس ما تدري شالسالفة
اطلع مع ولدي واذا خلصت تقولي وين رايحة فأقولها رايحة البيت بعد وين رايحة؟؟تقولي لا والله على بالي بتمرين تسمين علي وتعطيني حضن وبوسة وبعدين تروحين بيتكم فطبعا تحرجني فشنو المتوقع اني اقولها طبعا اقولها حاضر بس جذيه خلاص امر عليج تقوم طبعا تقولي بنفس لا مشكورة بدام ما يت منك ومن كيفك خلاص ؟؟هذي واللي يعافيكم شقولها واقعد طول الطريج لما ارجع البيت بس اراضي فيها لما ينشلع قلبي لدرجة اني كرهت اطلع سبة هالسالفة شنو ماكو شي بس اقعد رايحة ياية جذية جني مينونة لأني مو قادرة اركز واصلا انا نساية من غير شي
والله تعبت لدرجة اني قمت ادعي ربي يريحني من هالسالفة ويدزلها اللي يوعيها ان اللي قاعدة تسويه هذا غلط غلط غلط قبل كنت اطلع من دواني اقضي شغيلاتي وارجع بسرعة البيت ولا اطلع بالليل اقضي شغلي ولا اطلع الصبح امبكر ايام الاجازات الحين ماكو من اطلع تتصل علي بس واتدوده وما اعرف شبدي الا اذا وقتها اهي تكون مشغولة او عندها شي ذيك الساعة ايه تلهى عني لكن طول ماهي فاضية تيتلمني بالتلفون يعني تيخيلوا كذا مرة اقولها اني قبل كنت مواظبة على الصلاة والأذكار وحتى قيام الليل وان شاء الله برجع للقيام تقولي واهي تضحك وشلون انا عيل اكلم منو بالليل اقولها مو مشكلة بعد ما تنامين اقوم اصلي تقولي لا المفروض ننعس في نفس الوقت وبعدين ترد تقولي ايه مو مشكلة صلي القيام انزين انا شلون بصلي القيام واهي قاعدة تسهرني ولما اقعد القى نفسي نايمة على التلفون من التعب مع اني قايله لها ان الدكتور محذرني من السهر والتعب وانا عشان اصلي القيام لازم اريح وانم مبجر شوية عشان اقدر اقعد قبل الفجر بشوية مثل قبل وهي تدري بهالشي لكن بالطريقة اللي هي مشيتها علي شلون بنام وارتاح وارجع اقوم اصلي؟؟؟
تخيلوا تتصل علي عقب ما تتغدى وتقولي يلا عاد انا بنام نيميني طبعا شلون تبي تنام يا اما بحزاية يا اما اقعد اقولها احبك ويا بعد عمري وحبيبتي وقلبي لما تخدر وتنام وفي مرة من المرات خدرت ونامت وتأكدت انها نامت اني مناديتها كذا مرة وماردت علي فسكرت الخط وقلت زين الحق اصلي المغرب لأن كان جريب العشا يأذن وما مرت دقيقة الا واتصلت ونزرتني ليش سكرتي الخط قلتلها انتي نمتي يعني مو معقولة انطر على الخط لما تقعدين ووراي صلاة بعد وما شفت ولدي طبعا زعلت والنفس حدها شينة يعني ما ادري شسوي بعمري؟؟؟ وتقولي انا ما نمت قلتها عيل ليش ماتردين علي والنسم مالج واضح نسم شخص نايم يعني
والله ما ادري شسوي بعمري قمت ما اشتهي شي كلش وتعقدت قمت ما اسكر التلفون حتى لما اتاكد انها نايمة اخليه لما تطوف ساعتين ثلاث الا الفاتوة ساكة السبعين في 10 أيام بس سبت الهذرة الزايدة وسبت هالسالفة ولصارت هي تبي تسكر الخط مافي أي مشكلة
ماعندي وقت اصلي عدل كله عيلة لأنها تقولي خلصي وكلميني واذا تأخرت تتزعل وغير جذيه ما اعرف اصلي براحتي اذا حسيت ان في شي وراي
ولا عندي وقت اقعد مع اهلي ولا مع ولدي يعني ينحرم من ابوه لأنه ما يستاهل يكون أب وينحرم من امه لأنها تنام على التلفون هذا يصير يا ناس؟؟يعني باكر لخيوا الولد تبي امك ولا ابوك مو معيدة يقول ابوي مو زين بس همن ما ابي امي لأنها هاملتني وعلطول تتكلم بالتلفون ويمكن يشك فيني اني اغازل بعد لنها علطول تبيني ابوسها بالتلفون علطول تبيني احضنها ومن هالحجي تخيلوا اوصلها عند بيتها واكون طالعة انا من بيتنا من الصبح للدوام ةبعدين اسمتها مرة وحدة وامر عليها نطلع نتغدا وتشوف اذا تبي شي نييبه بالمرة يعني غايبة انا عن البيت 12 ساعة ومو كافيها تعقد بعدتتكلم ساعة ونص او ساعتين تحت باب بيتهم وتقعد بعدين تبوسني وتحضن فيني وانا طبعا لا زم ارد عليها والا تعتبرني ما احبها وما استاهل ومن هالحجي واصلا منظرنا بيكون زبالة وتحرجني وما ادري سشوي؟؟؟
لا تردون الله يخليكم بكمل لكم
