مشكلة اخوي وزوجته

[حبيبه بدر]

أحب لأخيك ماتحب لنفسك < البنت ماعندها مطبخ بروحها يمكن تستحي تنزل وتطبخ خل اخوج يحط فلوس العس اللي تبين تحطينه براسه ويسوي لها مطبخ ويفتك

وبعدين او وحده وتقولين قبل اخر الشهر مطفر اشلون ثنتين وهم اثانيه بتيب اعيال وايصير تنافس بالطلبات

انتي رايج بصراحه وبدون زعل مو منطقي ويسبب مشاكل بدل لا يصلح الحال

وبدل لا تقنعينه يتزوج انصحي زوجته تدير بالها عليه اكثر وتراعي ضغط دوامه

 

[بنت أمي]

مهما يكون مالازم تقولين تزوج عليها.....
وعلى فكرة يمكن أخوج لما يصارحج مو ناطر منج حل بس يمكن أهوا يبي يفظفظ وبس إنتي سمعيه بس لا تعطين حلول جذي لأنج راح تهدمين بيته و عياله .....

 

[الدنيا ربيع]

تقولين له تزوج علها؟؟؟ ليش؟ شنو الجريمة الي رتكبتها بحقه او حقكم؟ بروحج قلتي انها متدينه و ما تحب المشاكل
بس الظاهر من كلامج انج عكسها تماما
هذي وهي زينه مع اهلج و جذي بتخربين حياتها شحال لو شينة شنو بتسوين؟ بس خاطري اعرف

 

[أم عبوودي11]

ميخالف بنات شوي شوي عالبنت يمكن غلطت موعيب نقولها الغلط من الصح اختي شورج هذا بيثقل على اخوج زياده اذا اهوا مشتكي من الحال بس خل يلمح لها انه بيتزوج يمكن تتلحلح شوي وفي حريم تفكيرهم افلسه علشان لايتزوج والله الريال لو حط في باله يتسلف ويتزوج
خرعوها بس قطو نقزات عن اللي جذي تفلس الريل على بالها بتحافظ عليه...
والمطبخ عمره ماكات عذر انا مرت خالي اكثر من عشر سنين بدون مطبخ كانت تنزل تسوي خفايف وساعات يطلبون من مطعم ومرة دخلت عليها والا مسويه كورنر صغيرون بالصاله وعليه جوله شحليله بعينين وفرن

فشوري على اخوج يسوي هالكورنر مافي عذر بعد وخليه يقولها بسويه علشان مشتهي اكل من ايدين زوجتي حبيبتي الحلوة لو شاي تسوينه يهبل او بيضه والله يهدي سرهم انشالله ولاتشورين عليه هالشور حرام الشريجه تحر لو بالقبر

 

[شيخة الحلوة]

احب لاخيك ما تحب لنفسك


مو حلوة تقولين حق اخوج هالراي

كلش ولا تفتحين عينه
على موضوع
مو حاطه في باله


احب لاخيك كا تحب لنفسك


هديه
وقوليله
ميخالف
يمسك شوية
يمنعها

مايعطيها فلوس
عندي
اهون من انه يتزوج عليها
حرام عليج

قوليله
انتا بايدك
تتحكم بمصروفك

وترتبه

خليه يقسم مصروفه عدل
يعني اغراض الجمعية
اغراض البيت
مصروف العيال
مصروف الخدامة
قعدي معاه وكتبي بورقه
المصاريف

ولا انج
تشورين عليه انه يتزوج
حراااااااااااااااااااااام عليج
مثل ما انتي ماترضين عن نفسج
ان زوجج يتزوج عليج
لا ترضينها حق مرت اخوج

 

[كنوز78]

لا حبيبتي اللي سويتيه غلط.... اذا بتدخلين تدخلي بخير ... فطني مرت اخوج على الشغلات اللي مضايقه اخوج و بطريقه حلوه مو تروحين و تشورين هالشور ترا البنت ما اجرمت!... و بعدين حاولوا تحلون سالفة المطبخ ترا البنت معذورة و سالفه يتزوج عليها شيليها من بالج حرام باجر يكبرون عيال اخوج و يتحسبون الله عليج!!!!

 

[yassoo]

حرام عليج حطي نفسج مكانها
وبعدين اهو ملزوم يصرف عليها وعلى اعيالها
من رايي انج ماتدخلين بينهم وانا اشوف تصرف مرت اخوج مافي شي غلط
لازم يتحمل مسؤوليه
واعتقد لو انتي مكانها ماراح ترضين ان حماتج تقول حق ريلج تزوج عليها حرام انتي المفروض تصلحن مو تخربين

 

[غنج اهلها]

صدقيني زوج وزوجتة اتركيهم يتفاهمون خصوصا مشاكلهم بسيطة دفع ومادفع وطبخ

مفروض اخوج يعلمها تسمع كلامة وتسوي اللي يبي من قوة شخصيتة وبحزمة بهالشغلات مو

تقترحين عليهم يتزوج لان مااذتكم ولانكدت علية فلى ذكرتية اشياء ثانوية بالحياة بينهم وبالتفاهم

راح تنحل ان شاء الله

الزواج الثاني مافية الامصاريف دبل وتعب ونكد لاتخربين بيت اخوج وحاولى

تصلحين هالاشياء البسيطة بطريقتج

والله يهديهم

 

[MaZyOoOoNa]

@@
الله يهداااج بالله هذا راي ؟؟؟؟
يعني الحين موقادر على مصاريفها بيقدر على الثانيه ؟؟؟ انتي نفس المثل الي يقوول يه يكحلها عماها الصراحه لا رايج كلش كلش مو راي الصح ..الصح ان يكون حازم معاها اوكي اخوي على عيني وراسي ما ارضاله التعب بس الشي الي ماترضينه لج لا ترضينه لغيرج اهيا ما سوت جذي الا والسبب اخوج ساكت عنها لا يسكت يكلمها بكل صراحه ولله يافلانه خفي ترا طلباتج زايده وانا ماني قاعد على بنك

 

[دلع روز]

شنو هالنصيحه قبل تنصحين اخوج حطي نفسج مكانها وبتعرفين شلوووووووون تعطين النصيحه
انا مااشوف مرت اخوج غلطت بشي الغلط منج انتي لاتخربين حياة اثنين ترا ربي مايرضى بالظلم وكل شي بينتكس عليج بعدين

 

[ريم الصبايا]

ماشاء الله عليج
على طول تبينه يتزوج
ليه انتي ترضينها على نفسج
او على وحده من خواتج

اكيد هو راضي باللي تسويه زوجته
مايصير تتدخلين بينهم

 

[د.شريفة]

حرام عليج بس قالت ماتبي تسوي عشاء تنصحينه يتزوج عليها
واذا باجر ربج بلاج بزوج مزواج بدال الوحده يحط ثلاث على راسج خافي ربج

 

[امون حبيبة الكل]

من صجج انتي

شسمويه اهي
عشان قالتله ابي فلوس اي بعد شنو كلنا رياجيلنا ناخذ منهم لبيتهم ولعيالهم حبيبتي المره مومكلوفه احنا الحريم شايلين نفسنا ومصرفنا

بس العيال والبيت وطلباته عالرجال من عمر الدنيا

اذا تكرمنا وشرينا لعيالنا من معاشنا وساعدنا بالبيت هذا طيب منا بس موغصب ولا فرض علينا لانه الرجال اهووو رب الاسره اهو المكلووووف في اهله ومصرفهم الحكومه تصرفله لعياله براتبه اهو مو براتب مرته


والمطبخ مالومها موكل شوي نازله تطبخ واهي موظفه تعبانه يعني خل يحطلها مطبخ عندها وماتقصر

انتي من صجج

اصلا انا مااشوف مرت اخوج غلطانه بولاشي

الغلطان اخوج مو اهي لانها اهي ماسوت غلط حالها حال كل الحريم

واذا اهو مستاء من تصرفها وطلباتها خل يمسك مرته ويتفاهمون بينهم بدال لايتشكى عليها والمره مثل ماقلتي متدينه زينه محترمه امج وخواتج

شسوتلج عشان تحرينها حرام عليج

والله امرج غريب اسحيلي جنج تبين تظرينها بدون سبب ومالج حجه

 

[نــعــوومــه]

......................ماشالله عليكم بنات وفيتوا وكفيتوا.........ماعندي شي ازيده على كلامكم .................

 

[dalal]

لا حول ولا قوة الا بالله ...

حب لأخيك ماتحب لنفسك ..!! اكو وحده عاقله تقول حق اخوها يتزوج على مرته !! اسمحيلي اختي !!!

ترضينها على نفسج؟؟؟ اهو ومرته ينيازوون كيفه يتصرف وياها ... وبعدين لو ان شالله ماتصرف ولا فلس معاشها اهي مو ملزومه

الريال الي يصرف على البيت وعلى عياله ولو اهي من نفسها بتكرم يزاها الله الف خير من طيبها ... بس هاذا مايعني اذا ماصرفت

انها مقصره .. والريال بكيفه يخليها تصرف اتنتفه ما تنتفه لو اهوو مظغوط ومو قادر يتفاهم وياها وهالامور خاصه بينهم ...

مادري انا اشوف طلعي نفسج من الموضوع يا تدخلين بخير وتطخخين اخوج انه تقوليله "عادي ياخوي المطبخ مشترك ويمكن معاها حق ماتاخذ راحتها التمس لها العذر..

انا لو مطبخي مشترك اتعييز اطبخ الصراحه ... يعني ماشوف الموضوع في شي ... دام اخوج الله يهداه مو عاجبه يكلمها يشوفله حل

بس انه يتزوج عليها !!!!!!!!!!!!!!! انتي بتهدمين حيات اخوج ماراح تساعدينه والله ...

والمره مسكينه بنفسج قلتي مره مصليه مسميه محترمتكم ومو مأذيتكم هاذه يزاها ؟؟؟؟ ترى الطباخ والاكل مو كل شي!!

ماتقيمين الوحده اذا تطبخ ولا ماتطبخ ... واخوج ريال اشكبره اهوو يتخذ قراراته ويتفاهمون ..!!

والله شي عجيب........ عورني قلبي على مرت اخووج الله يعينها ...

"وتذكري انه كما تدين تدان"

 

[RoSe PeRFuM]

لو اخوج مايبيها جان منزمان تزوج عليها ولا طلقها ماينطر احد يقوله تزوج على مرتك أو طلقها !

حرام عليج اتشورين عليها هالشور ,, ترى الدنيا دواره

 

[منورة الكويتية]

لهدرجه خراب البيوت سهل عليج!!
بصراحة اتفق مع امج كلش مالج شغل اصلا
شدخلج بين الريال ومرته
يصطفووون لو مو عاجبه جان اهو الي يالج من زمان وقالج زوجيني
وترى انتي ماتعرفين اشياء وايد تصير بينهم فلا تحكمين ع الظاهر
الله يهديييج ترى الدنيا دواره
باجر ماتوعين الا حمواتج مزوجين ريلج ولاتقولين انا السنعه وانا الي مخليه ريلي دهينه لاتنكتين
كل شيئ يصير بزمنا
وكما تدييييييييييين تدان

 

[blue diamond]

ما اقول إلا الله يعين مرت اخوج عليج

 

[RoSe PeRFuM]

إي وترى المرة موملزومه انها تطبخ وتنظف .. أهم شي من الناحية الشرعية انها تحترم ريلها واطيعه في الطلعة والدشة وتعطيه حقه في الفراش..هذا الشرع إلي يقوله..بدام امج قالت انا مالي شغل بأخوج ومرته محد له حق يدخل من بعد راي امج!!
اختي حبيبتي استغفري عن الراي الي طرحتيه عشان الله لايبليج بعدين، وترى لاتحسفين انج قلتيلنا بالعكس عشان تتعلمين حق الحين وبعدين...

 

[A7la-SmiLe]

هذا موحل انتي جذي بتهدمين بدال ما تبنين
اخوج بس ماقالج سوي وحطي !! تبين مصلحته بس موجذي
ودام البنت زينه معاكم وتخاف الله ليــــــــش بتظايقوونها ؟ واهيا من حقهاا مطبخ مستقل بروحهاا
هالشي اهما ال يتفاهمون فيه
نصيـحــــــــــــــــــــــــــــــــــــــــــــــه
عاملي الناس مثل ماتحبين انهم يعاملوونج , الدنيا دواره
الله يهديهم ان شاءالله ​