مشكلة اخوي وزوجته

[سيدة الذوق]

الزبده انا نصحت اخوي يتزوج عليها مره ثانيه وامي رفضت وتقول لي مالج شغل بأخوج ومرته

واخوي حييييييييييل متضايق من زوجته وحاااااز بخاطري لانه كتوووم ومايصارح الا انا


ابي راااااااااااااايكم

وانتي شكو ترضين حماتج تزوج زوجج عليج وسبب انج مو مريحه اخوها خافي ربج يامره اذا امج قالتلج مالج شغل

ياربي ياهالحموات يدخلون عصهم بشي مايخصهم الله يكافينا شركم :dddds:

 

[كويتيه78]

شكو تتدخلين بينهم وحطي نفسج مكانها واذا اخوج سواها وتزوج ذنبها برقبتج وراح تدور عليج الدنيا وريلج يتزوج عليج خافي ربج​

 

[Ba$ko0oTa]

حرام عليج والله يعني بتحلين المشكله تقوومين تخربينها بزاايده

 

[pama girl]

مثل ماقالتلج الوالده مالج شغل فيهم

مرته الله يهديها ويصلحها و المفروض اخوج اهو الي يحل مشاكله


لا تتدخلين بينهم وتسوين فتنه اذا شرتي عليه ان يتزوج عليها

لا باجر احد يوز ريلج عشان يتزوج عليج...


الله يهديج

 

[đeɱɛɼɑ™]

مسكيينة مرت اخووج الله يعيينها عليييج بس !!

لا واللي يقهر اكثر جان زين مرت اخوج مسوية شي جاايد ..
بس عشان ما تبي تطبخ ( و عندها سبب مقنع بعد ) و تاخذ من ريلها فلوس حقها وحق عيالها ( وهالشي من حقها شرعا ! )
قلتي خلاص تزوج عليها !!!!

هذي جزاتها الفقيرة المسيجينة مرة مصلية ومتدينة وهاادية وكافية خيرها شرها !!

صراحة يبيلج انتي مرت اخووو نسرررررررررة عشان تعرفين الفرق !

وسوري عالصراحة بس شي يققهرررر !

 

[داريني]

ماكو مشكله تسوا تقولين حق اخوج تزوج عليها شدعوووووه اخوج يعني مسمسم مع احترامي
اهيه معاها حق الطباخ حلاته بمطبخج بروحج علشان تاخذين راحتج وماحد يتدخل معاها باي شي
واهيه مو لازم تطبخ لانه ماكو قانون او بالشرع يلزم على مرا تطبخ حق ريلها
اخوج لو يبيها تطبخ جان سوا لها مطبخ من قبل وفك عمره
والصرف مو ملزومه تصرف ولا تحط ولا فلس الا اذا كان من طيبها

وبعدين غلط تفتحين عيون اخوج على سالفه تزوج عليها
انتي ترضين حق نفسج؟؟

 

[الفراولـه]

داايما خوات الزوج يغارون من زوجه اخوهم مادري ليش لا وبعد تنصحينه يتزوج عليها؟؟!!! يعني حطي روحج مكانها بترضين ؟؟؟!!!شكلج تحبين السوالف الوش
الصررراحه حرام عليج
تركي عنج زوجه اخوج وماعليج من مشاكلهم واذا تبين تسوين خير كلمي زوجه اخوج
الله يهدييييييييج

 

[mrs.q8]

حبيبتي أدري أن قلبج على أخوج..لكن الحل اللي اقترحتيه عليه حل خاطئ كللللش..
انا ما عندي مطبخ وزوجي يحن علي طبخي طبخي لكن انا ما احب لأن أستحي بصراحة كل شوي طاقتها شلالة وطابخة جنه مطبخي ..
وتفاهمت مع زوجي والحمدلله قدر هالشي..
وانتي اللي عليج تسوينه اذا انتي سكوتج مو مرتاحة منه قولي حق اخوج اذا مو عاجبته هالتصرفات يقعد معاها ويتفاهم معاها ويقولها بين النقاش كلام حلو وترا الكلمة الطيبة غيرت ناس وايد..

 

[ترووفه]

من صجج !!!!!!!!!!!!!!

تشورين على اخوج يتزوج على مرته

لييييش

تبين تخربين بيته


وبعدين اهي تاخذ من زوجها فلوس والا منج يوم انج محتره !!!!!!!!!!!!!!

بعدين من حقها تطلب من زوجها ويصرف عليها وهذا حق من حقوقها بس طبعا من اخليه مفلس

وبعدين انتي تقولين احيانا تتكرم وتشتري ملابس لعيالها؟؟؟؟؟؟؟؟


يبه بكيفها تشتري لعيالها والا ماتشتري الله يعز الكويت تمشي لكل طفل 50دينار

وهالخمسين تكون ضمن معاااش ابوهم واهو مكفوول فيهم وهي حره تشتري لهم والا لااااااااااااااااااااااااااا


ونصيحه لاتتدخلين بين ريال ومرته

ترى من اسباب مشاكل الزوجين تدخل الاخرين فيهم

 

[pinkia1]

واي يمه منج صج نحيسه !!! يعني المشاكل اللي بينهم حيل بسيطه والغلطان بالموضوع اخوج الصراحه المره مسكينه ما عليها شي

مبين من اقتراحج لاخوج انج محتره منها وماتحبينها وتبين تفرقين بينهم بأي طريقة

 

[* الجليلة *]

أختي ما قدرت أطلع بدون ما أرد

وودي أرد على نقطة نقطة ،

1- سالفة سوي غدا أو عشا ، هي فعلاً مو ملزومة تسوي له غدا أو عشا ، وهذا الشي يصير بالتفاهم بين الزوجين
يعني بالشرع الطبخ مو من واجبات الزوجة ، وروحي ابحثي وتأكدي من هالمعلومة ، لأني بحثثثثثثثت فيها حيل
وأصلا حسب العرف ووضعها ببيت أهلها ، يعني لو كانت ببيت أهلها عندها خادم يطبخ لها ، فيجب على الزوج ان يوفرلها خادم يطبخ لها ، أو انه يجيب أكل ما يحتاج انه ينطبخ
ابحثي عن هالكلام وشوفي الشرع شيقولج من هالناحية ، وأنا مستعدة أجيب لج الأدلة
هي مو ملزومة تطبخ لأحد ، وفعلاً هي مو خادمة ولااااااا هي ملزومة تطبخ لأي أحد ، بس كل شي يصير بالتفاهم والتراضي
وأصلا زوجج ما وفرلها مطبخ تطبخ فيه ، تبينها تطبخ ببيت العايلة ؟
لها حق ترفض تطبخ ونص
ولو رفضت محد راح يموت جوع ، الحمدلله خير ونعمة

2- الشي الثاني ، هي مو ملزومة أبببببببداً بعياله ، أصلا هو اللي ملزوم يعطيها حتى مصروفها ، وفلوسها من حقها هي وبس
يعني محد له حق يشره على معاشها ويقول ليش ما تصرف : )
ويقولون نبي عيال : ) ، بعدين يشرهون على معاشات حريمهم ، ومو قاعدة تقط الفلوس بالزبالة أو تفتح فيهم مشاريع وشركات ومحلات ، الفلوس بتاخذها منه وبتصرفها على عياله !!

3- ومسألة انها تراعي ضغوطات البيت والدوام ، ترى حتى هي عندها بيت ودوام ، وللعلم ! مسؤولياتها أكثر من مسؤولياته ، يعني حتى هو ملزوم يراعي ضغوطاتها ونفسيتها ومشاعرها وكل شي
وهذا الشي مستحيييييييييل انتي اتدخلين فيه ، هذا شي بينهم ، انتي مهما كان ماراح تفهمين شنو الوضع

يقولج لو جاج أحد يشكي لج ان فلان فقأ عينه ، لا اتسرعين ، يمكن فلان فقئت عيناه !!!

وانتي أصلا بتميلين لأخوج عشانه يصيرلج انتي ، وماراح تحكمين وتصيرين محايدة ، مهما كان بتشوفين اخوج مسكين ويكسر الخاطر وو

وأخوج أكبر غلطان بهالموضوع ، انه يقولج انتي كل هالكلام ، انتي اللي بتسبين له مشاكل وبتخربين عليه حياته

ما أقول إلا ، الله لا يسامح اللي يتسببون بالمشاكل ، خاصة المشاكل اللي مالها داعي

وادعي انج ما تكونين منهم ، وصلحي غلطتج ، وراجعي نفسج ، وحطي نفسج بنفس الموقف

ترى الله يجازي

وعمر الزواج الثاني ما كان حل ، لو زوجتيه ، وحتى لو لسبب مقنععععععع حييييييييييييل ، ( طبعاً اكيد مو سببج ) ، صدقيني عقب جم سنة راح يدعي على الللي دخل الفكرة براسه ، ولو مسك لسانه وما دعى ، عياله بيدعون على اللي كان سبب بالزواج الثاني ، ( عيال الأولى والثانية )



راجعي حساباتج ، وسامحيني لو زوّدتها عليج بالكلام ، بس هذا من صالحج ومن صالح أخوج وبيته

صاجة اختي نفس رايي

 

[eman79]

مسكيينة مرت اخووج الله يعيينها عليييج بس !!

لا واللي يقهر اكثر جان زين مرت اخوج مسوية شي جاايد ..
بس عشان ما تبي تطبخ ( و عندها سبب مقنع بعد ) و تاخذ من ريلها فلوس حقها وحق عيالها ( وهالشي من حقها شرعا ! )
قلتي خلاص تزوج عليها !!!!

هذي جزاتها الفقيرة المسيجينة مرة مصلية ومتدينة وهاادية وكافية خيرها شرها !!

صراحة يبيلج انتي مرت اخووو نسرررررررررة عشان تعرفين الفرق !

وسوري عالصراحة بس شي يققهرررر !

تأييد تاااااااااااااام صج سالفتج تقهر و حوبة المرة بتحوشج:eh_s(14):

 

[nadoo]

كل زوج حر مع زجته كيفهم وانتي لا تدخلي بحياة الاخرين

 

[knooz]

انتي من صجج شالكلام هذا يعني انتي تبين تنصحينه هذا كلام اخت تبي تريح اخوهاااا و تقوله تزوج على مرتك ترضين اذا كنتي متزوجه تيي اخت ريلج ة تقول حق زوجج تزوج على مرتك اسمحيلي انتي قاعده تخربين بيت اخوج و لا تعرفين تصلحين الامور اذا هذا كلامج خلاص لا تتدخلين في حياتهم خليج بعيده اهم كيفهم علطول جذي اي مشكله صارت بين الزوجين تنصحونه انه يتزوج ترا الموضوع هذا مو سهل هااااااااااا اسمحيلي انتي ما تعرفين تنصحين عدل وخري عنهم و كلامج مو منطقي كلش لا اتدمرين بيتهم لا بعدين الله يدمر بيتج و يسوي فيج مثل ما سويتي بالمره المسكينه كااااا انا ما اطبخ و لا شي و لا اعرف و لا قاعده بروحي بعد و لا اصرف على شي اصلا الريال اهو ملزوم يدفع على البيت و اليهال اهووووو ملزوم ملزوم الا اذا كان في ظروف للريال المره تساعده اسفه على كل كلمه قلتهاااا بس الصراحه من حرتي بس انتي حرتيني بالكلام الي قلتيه أل تزوج عليها أل حراااااام حرااااام فكري بعيال اخوج و حياتهم اشلون بتصير بعدين اذا تزوج اوكي

 

[استقلال الحلوه]

يتزوج عليهاااا
؟؟؟؟؟؟؟

 

[الناعمة]

حوبتها بتلحقج وتلحق بناتج ان شا الله

يااااااااااااااااااريت كل وحدة ماتتدخل فبيت مرت اخوها ونرتاااااااااااااااااح

 

[irresistible]

انت شكو الريال تعبان باجر يرتاح شنو هالاقتراح اللي مالة اي معني شكو يتزوج عليها انت ترضين ريلج يتزوج عليج بس الظاهر ان براسج موال تجاه مرت اخوج

 

[M!$$.3NoNa]

مادري شقول يعني !!

:eh_s(14):
اقول خافي ربج تهدمين بيت اخووج !! وتشتتين اسره ويهال عشان طباخ ! ومصروف !!
:eh_s(1): الله يعينج على شر نفسج
وحوبتها ماراح اتعداج !!



ياليت تدخل وتشوف الي كاتبته انتي عشان تعرف انتي من اي نوعيه !!
ياحسافة كل ضحكه اضحكتها بويهج ,,
والصراحه تستاهلين الهجوم الي ياج من البنات كلهم
جزاج واقل من جزاج
لاحول ولا قوة الا بالله

 

[حـلا و ذوق]

تسعين لخراب البيوت؟؟

لو هالبنت اختج واأخوج يكون زوجها ؟؟ ترضين حماتها تقول له تزوج عليها ؟؟

مالج شغل انتي بحايتهم هي زوجته وام عياااالة لا تتدخلين مابينهم ؟؟

طبيعي ماتبي تطبخ خصوصا مطبخ مشترك الوحدة ماتاخذ راحتها ..؟؟

وخصوصا انتي تقولين موظفة ؟؟ يعني الصبح دوام ويا الله لا رجعت تبي تريح وبعدين عندها ولدين ؟؟ ماتبين تجابلهم ؟؟؟؟؟؟؟

لا وبعد تقولين مو راعية مشاكل ولا تتهاوش مع اهلج ؟؟

يا بنت الناس خافي الله !!

 

[يارب فرج همي]

ما اقول الى الله يعينها والله يعينك على دعائها عليك والله ان مجربه اخت زوجي متزوجه والله يابنات اني مره زينه معاهم وساكنه عندهم وماعندهم شغاله وانا اطبخ الغداء للبيت كله واغسل الصحون والله ان ام زوجي طردتني من البيت بدون سبب كايد قدام زوجي حتى زوجي انقهر وزعل علي لانه كان شايف اني ما اتعرضهم وقعدت عند اهلي لحد مايفتح بيت ورجعني عند اهله وانا رفضت وراح بيخطب تخيلوا اخته المتزوجه اقنعته بحماتها وراحت اخطبتها له بس الحمد لله رفضوا والله السالفه صارلها سنتين والله الى يومكم اني ادعي عليها عسى ربي يحرق قلبها على زوجها وان يريني فيها عجائب قدرته وفجاءة نقمته وتحول عافيته يا انا صرت اكرها وما اطيقها واحقد عليها من كل قلبي مع انه زوجي ماتزوج علي ورجعنا لبعض بس خلاااااااااااااااص اك رها للأبد ومستحيل أعفو عنها
وانتي صدقيني الله يعينك على دعوة المظلوم وحرام عليك لاتشيلين ذنبها وذنب عيااااااااااااااااااااااااااااااااااااااالها