مشكلة اخوي وزوجته

[برميتا]

هههه بصراحة نصيحتج تضحك
يتزوج عليها انتقاماً منها وإلا لي تزوج بتنحل مشاكلهم؟
أولاً مدام موحاطلها مطبخ مو من حقه يتطلب طبخيلي هالأكله وسويلي هالطبق
ترى مهما يكون الوحده ما تاخذ راحتها بيت الحمولة
مو سهلة كل شوي لابسة لفتها ومتدرعة ونازلة تطبخ

من انها ماتصرف ولا فلس على البيت .. بس مرات تتكرم وتشتري ملابس لعيالها

حبوبتي المرا مو ملزومة تصرف على البيت والعيال
هذا واجب الزوج وكرم منها إذا حطت دينار واحد في البيت أو حق العيال
وهذا مو كلامي هذا شرع الله يقول جذي

وغير هالحجي يا تتدخلين بينهم بالمعروف والحسنى يا تكفين شرج عنهم وتوفرين نصايحج المادري شلون قايلة

 

[الرباب]

الكلمة الطيبة حسنة

بالإصلاح تتعدل الامور ، والصراحة المرة مو غلطانة ..

الله يعدل بينهم

 

[Spoildish]

لييش جذي تقولين حق اخوج بعد الكل يعاني من سالفه المعاش وبعدين سالفه الطباخ تخييلي اهيا كليوم قاعده تطبخ في مطبخكم ماراح تقولون شقتنا مصاريف وله خلصت الاغراض اهيا كافية خيرها و شرها والريال اهوا الي عليه يصرف عالبيت و على العيال يعني هذي مسؤوليته اهوا و اهيا عليه انه تساعده وماتدرين انتي يمكن في معاشها اقساط وله قرض لاتظلمينها واذا السالفه مظايقتج هالكثر ليش ماتكلمينها بالهدوء عن وضع اخوج وانه نفسيته تعبانه و تقلل المصاريف الغير ظرورية او تخلي هالمصارف عليها اهيا

 

[madam_cake]

هههه بصراحة نصيحتج تضحك
يتزوج عليها انتقاماً منها وإلا لي تزوج بتنحل مشاكلهم؟
أولاً مدام موحاطلها مطبخ مو من حقه يتطلب طبخيلي هالأكله وسويلي هالطبق
ترى مهما يكون الوحده ما تاخذ راحتها بيت الحمولة
مو سهلة كل شوي لابسة لفتها ومتدرعة ونازلة تطبخ


حبوبتي المرا مو ملزومة تصرف على البيت والعيال
هذا واجب الزوج وكرم منها إذا حطت دينار واحد في البيت أو حق العيال
وهذا مو كلامي هذا شرع الله يقول جذي

وغير هالحجي يا تتدخلين بينهم بالمعروف والحسنى يا تكفين شرج عنهم وتوفرين نصايحج المادري شلون قايلة

كلامج صح 100%

 

[Anwaar]

أبييييييييييييييي

حدج قوية !!

على أي أساس تنصحينة بهالشور !!!

صراحة مادري شقول حدج حدج قثيتيني ترظين حماتج تقول هالحجي عنج !!

انتي صج صج ما جربتي مرت الاخو الي أطلع العين

ترا كما تدين تدان !!!

 

[من بعيد]

مرحبااا عندي مشكلة صايره لاخوي وزوجته ... وابي اسمع ارآئكم فيها


اخوي متزوج من خمس سنين وعنده ولدين .. وساكن مع امي وخواتي بنفس البيت

وزوجته ماعندها مطبخ مستقل .. يعني مطبخهم مشترك واذا قال لها

سوي غداء ولا عشاء ترفض بحجه ان ماعندها مطبخ ومرات تقول انا مو خدامه عشان اطبخ !!!


والشي الثاني ان زوجته مع انها موظفه .. تحاول تخليه يفلس قبل نهايه كل شهر وتكثر طلبات عيالها

من انها ماتصرف ولا فلس على البيت .. بس مرات تتكرم وتشتري ملابس لعيالها

بس للامانه زوجة اخوي متدينه وماهي هذره ولا تحب تتهاوش مع امي او خواتي


هذا غير انها ماتراعي حالة اخوي النفسيه وضغوطات الدوام والبيت


الزبده انا نصحت اخوي يتزوج عليها مره ثانيه وامي رفضت وتقول لي مالج شغل بأخوج ومرته

واخوي حييييييييييل متضايق من زوجته وحاااااز بخاطري لانه كتوووم ومايصارح الا انا


ابي راااااااااااااايكم

أختي ما قدرت أطلع بدون ما أرد

وودي أرد على نقطة نقطة ،

1- سالفة سوي غدا أو عشا ، هي فعلاً مو ملزومة تسوي له غدا أو عشا ، وهذا الشي يصير بالتفاهم بين الزوجين
يعني بالشرع الطبخ مو من واجبات الزوجة ، وروحي ابحثي وتأكدي من هالمعلومة ، لأني بحثثثثثثثت فيها حيل
وأصلا حسب العرف ووضعها ببيت أهلها ، يعني لو كانت ببيت أهلها عندها خادم يطبخ لها ، فيجب على الزوج ان يوفرلها خادم يطبخ لها ، أو انه يجيب أكل ما يحتاج انه ينطبخ
ابحثي عن هالكلام وشوفي الشرع شيقولج من هالناحية ، وأنا مستعدة أجيب لج الأدلة
هي مو ملزومة تطبخ لأحد ، وفعلاً هي مو خادمة ولااااااا هي ملزومة تطبخ لأي أحد ، بس كل شي يصير بالتفاهم والتراضي
وأصلا زوجج ما وفرلها مطبخ تطبخ فيه ، تبينها تطبخ ببيت العايلة ؟
لها حق ترفض تطبخ ونص
ولو رفضت محد راح يموت جوع ، الحمدلله خير ونعمة

2- الشي الثاني ، هي مو ملزومة أبببببببداً بعياله ، أصلا هو اللي ملزوم يعطيها حتى مصروفها ، وفلوسها من حقها هي وبس
يعني محد له حق يشره على معاشها ويقول ليش ما تصرف : )
ويقولون نبي عيال : ) ، بعدين يشرهون على معاشات حريمهم ، ومو قاعدة تقط الفلوس بالزبالة أو تفتح فيهم مشاريع وشركات ومحلات ، الفلوس بتاخذها منه وبتصرفها على عياله !!

3- ومسألة انها تراعي ضغوطات البيت والدوام ، ترى حتى هي عندها بيت ودوام ، وللعلم ! مسؤولياتها أكثر من مسؤولياته ، يعني حتى هو ملزوم يراعي ضغوطاتها ونفسيتها ومشاعرها وكل شي
وهذا الشي مستحيييييييييل انتي اتدخلين فيه ، هذا شي بينهم ، انتي مهما كان ماراح تفهمين شنو الوضع

يقولج لو جاج أحد يشكي لج ان فلان فقأ عينه ، لا اتسرعين ، يمكن فلان فقئت عيناه !!!

وانتي أصلا بتميلين لأخوج عشانه يصيرلج انتي ، وماراح تحكمين وتصيرين محايدة ، مهما كان بتشوفين اخوج مسكين ويكسر الخاطر وو

وأخوج أكبر غلطان بهالموضوع ، انه يقولج انتي كل هالكلام ، انتي اللي بتسبين له مشاكل وبتخربين عليه حياته

ما أقول إلا ، الله لا يسامح اللي يتسببون بالمشاكل ، خاصة المشاكل اللي مالها داعي

وادعي انج ما تكونين منهم ، وصلحي غلطتج ، وراجعي نفسج ، وحطي نفسج بنفس الموقف

ترى الله يجازي

وعمر الزواج الثاني ما كان حل ، لو زوجتيه ، وحتى لو لسبب مقنععععععع حييييييييييييل ، ( طبعاً اكيد مو سببج ) ، صدقيني عقب جم سنة راح يدعي على الللي دخل الفكرة براسه ، ولو مسك لسانه وما دعى ، عياله بيدعون على اللي كان سبب بالزواج الثاني ، ( عيال الأولى والثانية )



راجعي حساباتج ، وسامحيني لو زوّدتها عليج بالكلام ، بس هذا من صالحج ومن صالح أخوج وبيته

 

[&شوارفسكيه&]

بصراحه الله يعين مرت اخوج عليج شكلج منتي هينه
بس اقولج حبيبتي حطي مكانج مكانها ترضين حماتج تزوج زوجج عليج
وبعدين اهي مو ملزومه في دفع البيت والعيال زين منها اذا سوت جذيه والرجال قوامون على النساء
يعني اهوه اللي مفروض يصرف وانتي باين عليج نيتج مو زينه الله يعطيج على قد نيتج وكما تدرين تدان ترى الدنيا دواااااااااره
وخافي ربج في بنت الناس تخربين بيتها

 

[شندوخه]

انتي مالج شغل باخوج ولا بمرته ااخوج مو ياهل ويصرف لانه عاجبه
واي تروحين تنصحينه يتزوج انتي ناويه تهدمين اصلا حياه اخوج ماتصلحينها
خافي ربج ترى كما تدين تدااااااااان

 

[أم ^^حمودي]

مالج شغل بينهم
والله خوووووش
ترا انا بعد مااصرف ولا فلس منم معاشي عالبيت
هو ملزوم من الالف الى الياء
هذا واجبة بالشرع والقانون
وترا ماعندي مطبخ ولوشيصيرماانزل اطبخ بمطبخ امه
الله يخليج خلي افكارج السوده حق نفسج
صج احنا بااااااااااااااااااااااا خر الزمن

 

[om_7san]

نصيحتج غريبه عشان ماتصرف ولا تبي تطبخ تبين تزوجينه !!!!!
يعني بزواجه بتحلين الموضوع وبتخلين حياته عسل
خليج بعيده وااايد احسن لهم مو كل نصيحه تفيييد واذا اهوا وااايد متضايق خلي من نفسه يدور الحل
وهانت عليج مرت اخوج عشرة عمر وياها وقاعده عند امج وخواتج ولا تسوي مشاكل وبحالها انج اتيبين عليها شريجه
ترى الدنيا دواره

 

[رنووودة]

لا تسوين جذي وتهدمين حياتهم مادام اهي زينة معاكم بس نبهوها

 

[over love]

أولا أتقى الله وخافى ربج شنو يتزوج عليها ليش اهى شمسويه عشان يتزوج عليها ؟
مافى أى سبب مقنع لأنها موغلطانه !
ماتبى تطبخ كيفها بس يحط لها مطبخ وتطبخ حزتها غصبن عليها المره ماتمون على مطبخ الحموله ترى وأحنا حريم ونعرف هالشي ,,
ثانيا
ماهى ملزومه تصرف حتى بالدين الرجل هو الى ينفق حتى لوفقير والزوجه إذا بتنفق ومقتدره تنفق موفرض بل طيب منها حبيبتى

أتقى الله فى مرت أخوج تقولين دينه مومأذيه لاامج ولاخواتج شتبون بعد منها خليها تعيش مع ريلها بسلام
ونصيحتى لاتتدخلين لأنه رايج خراب بيوت وأسفه على صراحتى

 

[وسن 11]

????????????
الحمد الله والشكر ..خوش نصيحه!!!!!!!!!!!
امفلس وتبين تزوجينه؟؟؟؟؟؟

 

[مغتربة 2006]

وااااااااااااااااااااااي يمه منج
شنو هالحماه صج قشره
بدال ما تصلحين يتزيدين الطيب بللله
الله لا يبلانا
وديري بالج ترا الدنيا دواره
يوم لك ويم عليك

 

[lolo.dody]

لا تعليييييييييييييييييييييييييييييييييييييييق
انغثييييييييييييييت حدي

 

[cuteya22]

تنام عينك و عين المظلوم منتبهة تدعو عليك وعين الله لا تنم
اقول ترى سهام الليل لا تخطي ومدام مغربلين المره ياويلكم من دعوتها\
و ترى الديااان لا ينام\
كلام يخوف صح
بس هذا الصج
ياااااااويلج من الديان ياويلج ويلااااه

 

[غروب@@@]

هههههههههههه انتي لازم يحطونج باحكاو الاعدام هذولي الي ينفذوون الاعدام تصلحيييييين والله لهم اسم ماني ذاكرته الله يهدييج انشالله

 

[كندية]

غلطااانه ترضيين احد يهدم بيتج ...ومااعنده فلووس يتزوج هذاا الحل يعني....هوو مرته انتي شكووو ..جاابلي بيتج احسن لج...ولا تصيرين فوزيه درييع.....

خل يسوي لها مطبخ ...وهم عند اهلج يعني مااراح يمووت يووووع...والصرف اذا مو عااجبه يكلمهااا هو...

بصرااحه الساالفه صج حرتني...الله يعيينهاا بصرااحه اذا هذاا تخطيطج.....

 

[الدلوعه2008]

كلامي مثل كلامهم لا تتدخلين

 

[رياانة العود]

ماشاللله علييييييييييج
انا اقول خليهم بحالهم واطلعي منها انتي
وهم بخير ياما ناس تراقعوا واخرتها ردوا لبعض واذا ترضين ان زوجج يتزوج عليج هذا شي ثاني
يمممممممممممه يالحريم