مشاكل مرت اخوي

[لؤلؤه قطر]

عادي خلي امج اتكلمها وتنصحها واشكره بويها قولولها اللقافه موزينه ماله داعي اتسالين الخدم تبين شي تعالي تكلمي هالطبع الخايس تركيه عنج واذا طباخه اللي تطبخ ماله داعي ادش المطبخ لكن اذا انتي وله امج لا لازم اتساعدكم

وانا ليه كتبت موضوعي لاني من قلب تعبنا من الكلام معها ومافي اي نتيجه

اي والله ندخل المطبخ انا وامي وخواتي وهي جالسه مثل الاميره نجيب لها الاكل وكل شي ولا كانها تشوف اصلا مطنشه
ومشكوره علي ردج

 

[لؤلؤه قطر]

اذا اخوج راضي كيفه باجر تقلب السالفه بكبرها عليكم طلعاتكم مب لازم تروح
وقولي للخدم لا تنقلون الكلام لنا والا لها
وملابسها قولي لامج تقول لاخوج مايصير جذي تلبس والبيت فيه اخوانك وابوك
تبي تلبس عندها شقتها تحت تحاول تلبس شيء ساتر
وعن الطباخ يمكن تحس البيت مب له من جذي ماتدخل بشيء انتم قولو لها فلانه تعالي نسوي جاي
شوي شوي بتعود

مشكوره علي ردج
والله اخوي مايدري شسالفه مايدري من اللي راح ومن اللي جاء ومن اللي طبخ ومن اللي قعد مشغول اربع وعشرين ساعه
اي عاد شلون نفهم وحده ماتفهم
قلنا لها مليون مره مافي
وهي الصلا معنا بالبيت بس مثل ماتقولين مسوين كان لها ملحق خاص ولا هي داخل البيت اصلا
وعن الملابس احنا ماقلنا لاخوي كلمناها هي بطريقه غير مباشره بس مطنشه

 

[لؤلؤه قطر]

انا قعدت اقرى بشوف انها مسويه مشكله لقيت حرام ماسوت شي !!!

اذا تحبين اخوج لاتدخلين في حياته

ودعي الخلق للخالق

يعني انتو ماتبونها تطلع

خلاص عيل انتو الي حكمتو انه يكون تحت سيطرتكم وتحت رعايتكم

لو كنتوا مخلينها في سكن مستقر اكيد راح تاخذ راحتها وراح تشوف طلبات زوجها

تتوقعين اهي راضيه عن وضعها جذيه ؟؟

اقولج مليوووون بالميه اهي متضايقه

ومن كلامج انها تتكشخ اكيد تبي تتكشج وعروووس طبعا

واكيد تبي تاخذ راحتها بالبس يعني اذا ماتكشخت الحين متى تتكشخ

واخوانج انتوا الي مخلينها بينكم يعني الحين مو بس اهي تتضايق حتى خليتوا

اخوانكم يتضايقون ف دام تبونها وسطكم خلي اخوانج يققلون قعدتهم في البيت

كل هذ وماسوت شي الله يهداج
اصلا هي عندها ملحق خاص فيها داخل البيت
ومع هذا ماتسوي شي ابدا الرجال اذا عنده اكل كلها واذا مافي شي جاب من المطعم ماكان عنده زوجه ليه مو المفروض تقوم بواجب زوجها لو شي بسيط
اصلا احنا اللي نسوي لاخوي كل شي وهي حظرتها طول اليوم راقده ماتدري عنه
وليه متظايقه دام عندها كل شي شمعني والله البنات اللي احسن منها قايمات بواجبهم من ناحيه الزوج واهل الزوج وشايلات الحموله شيل لاحس ولاخبر
وسالفه التكشخ ماقلنا شي تتكشخ بغرفتها موتتكشخ عند الشباب
وسالفه التكشخ ماقلنا شي

 

[لؤلؤه قطر]

بسرااااحه مكبره المووضوع

اول شي ٤ شهور مو كافي عشان تحكمين عليها

ثاني شي مدررري ليه حييييييييل متضايقه من كشختها ، لييه؟!

واذا علئ لبسها بالبيت خلي امج تكلمها تقوولها أنـ في شباب بالبيت ،

وانا اشووف أنـ اخوووج عاجبه وضعه مع زوجته لو مو عاجبه كان تكلم

،

ونصيحتي لج لا تدخلوووون انفسكم بحياتهم

كل شخص حر بحياته ،، !!

​

اكيد بتقولين مكبره الموضوع لانج ماشفتي الشي اللي احنا نشوفه الله يعيننا بسس

 

[لؤلؤه قطر]

حبيبتي حرام عليج
امفتحه عييييينج عليها حييييل
انتي متزوجتها مثلاً ؟!
اخوج اذا ما تكلم لكم
و تشكى !!
شكو انتي مهتمه حييييل فيها
!
بس سالفه اللبس خلي الوالده
تفهمها ان في شباب بالبيت و تتستر
ان شاء الله غييييره مالج دخل فيها

انا مومفتحه الا من اللي اشوفه

 

[لؤلؤه قطر]

وشنو المطلوب منها ؟؟؟ انا لو كنت ساكنة عند اهل زوجي بتصرف نفس التصرفات !!
دام في خدم ليش اشتغل في البيت ؟؟ وحتى لو ما في خدم انا بكون مسؤولة عن غرفتي و حمامي وصالتي وبس ..

بالعكس اللي اشوفه ان انتو الي تتدخلون بحياتها .. تنام لي العصر لي فليل محد له شغل !!
هي و زوجها متفاهمين حتى لو زوجها مو عاجبه يظل الموضوع بينهم ومحد له حق يتدخل ..

مطلوب منها اشايء وايد والا انتي مثلها ههههههههههههههههههههههههههههههههههه
ليه يقال لها زوجه الزواج مسوليه ولاليه تتزوج اذا ماهي قد المسوليه

 

[لؤلؤه قطر]

كل الجنات جي وفي جانت اخس منها اهم شي علاقتكم بولدكم زينة وعيزت وانا اقول لا تسكنون جنات عندكم حطوهم بملحق خارجي عاحسن عشان تكون لهم خصوصية وتبعد المشاكل

عندها ملحق اصلا

 

[لؤلؤه قطر]

بدووون زعل اهي اللي الله يعينها عليج

جذي اعوذ بالله حكمتي عليها فيها و فيها و فيها

تووووها بسم الله 4 شهووور انا تميت سنة من زواجي والله ما انزل لحمولتي الا حزة الغدا الا و اذا رد ريلي من الدوام يعني ما انزل لهم قبل لا يي البيت

شدعوه خليتيها حقودة و غيورة ليش شسوت لكم ما قلتي موقف بين انها حقودة ؟؟ سالفة انها تعطر و الله علشان اخوانج و شدراها المرا ان اخوانج قاعدين ؟؟

اصلا اغلب الجناين تنزل متعطرة و متمكيجة

شدراج انها توصل اخباركم لاهلهاااا ؟؟



الله يهديهج بس

انا ماحكمت عليها حكمت عليها تصرفاتها الا حقوده وغيوره وايد مواقف تبين انها احقد وحده لو بقولها ماتكفي الصفحه
تجينا السوالف لحد بيتنا انتم تغديتوا امس جذي والا انتو رحتوا لمكان الفلانينيه

 

[اميره^_^بحلآها]

حرام عليج ..~ يعني عروس و توها ماصار لها فترهـ عندكم
بصراحهه و بدون زعل الله يعينها عليكم و عليج انتي

 

[مــســك]

الله يعينكم عليهاا .. والحين الفأس طآح بالراس .. قويه تقول انا فاصخه الحيا ؟؟ وما تسمع كلام امج ؟؟


بس غلطتج انج خطبتيها وما تعرفين اخلاقها من الاول .. لان هذا زواااج ..



الله يرحم حالي آنا .. ساكنه مع حمولتي وما اتدخل فيهم ولا اقط وجهي .. معنى حمياتي يطلعون جدام وجهي ولا يقولون لي حياج الله اطلعي معانا .. ولا اروح احرش زوجي .. لان عيب وبكيفهم مايبوني اطلع معاهم هذي حريه شخصيه ..


وخالتي كل ما انزل لها والله احبها واحب راسها .. وكل ما احبها تقولي الله يرفع قدرج وحبتج العافيه .. واهي تموت فيني وتغليني اكثر من حريم عيالها ..


وبنفسها تقول لزوجي كلش ولا مسك ما ارضى عليها .. لان الحمدلله موجبتهم و موجبه زوجي .. كلنا صغار بس على تربيه اهلنا ..

والحمدلله امي وابوي مربينآ على الاصول والاحترام ..


ماعمري اتدخل و آسال وين البنات وين طلعو وليش راحو .. بكيفهم مايشوفون شر .. انزل واذا مالقيت احد .. اصعد فوق بغرفتي ..


او ادق على زوجي اخليه يطلعني مره وحده كاشخه لووووول



وسالفه اللبس .. آنا عند اهلي عادي نلبس لقنزات وقصير .. بس لما تزوجت وشفت حمولتي ما يجوز لهم هاللبس وينقدون وخاصة خالتي مره عجوز كبيره والله مالبست عندها هاللبس رغبة واحترام لخالتي ..


آالبس تايورات او دراريع كشخه ..


الحمولة لازم تحترمينهم وخاصة الخالة .. وسالفه الطبخ انا بس صار لي شهر قالي زوجي ابيج تطبخين غدا لي ولآهلي .. قلت اوكي ..:// وكلهم يمدحون طبآخي الحمدلله ..


وانتم الله يعينكم على مرت آخوج انا بنفسي اشتطيت ..

 

[بكيزة هانم]

الله يصلح الحال

 

[Reelax]

والله مدام جذذي ردها الله يهداها. المفروض ع الاقل تشيل مسؤلية زوجها بس اذا اخووووج ساكت وعاجبه الوضضع خلاص كيييفهم. هو المفروض يحط لها حد اذا غلطت

 

[امـ خــزامـى]

شوفي حبيبتي انت مكبره الموضووع

وللمعلوميه موملزوووووووومه تدخل مطبخكم وتطبخ سواء لكم او لزوجها
الشرع يقول الزوجه من واجباتها انها تخدم زوجها وتؤجر على ذلك بس اذا ماخدمته عادي مو حرام واذا مو عارفه هالشي ابحثي واتاكدي بنفسك
فبحكم انكم متضايقين منها ومن اسلوبها ممكن تتفقون معها ان تكون
مسؤله عن اكلها هي وزجها لان عندها ملحق ومطبخ خاص
وحددوا ايام تنزل لكم
وحطوها باخوانك الشباب انهم متضايقين وبياخذون راحتهم ببييتهم
وعشان بعد هي تاخذ راحتها

هذا اللي قدرت عليه وبصراحه كلكم غلطانين

 

[اللّہ معي ، ♡]

دام الرجال ماشتكى انتوا شتطلوبنها ؟؟؟



هو راضي انتوا ليه معورين راسكم

ولاتقذفين المحصنات الغافلات

 

[مشتطـه]

استغفر الله بنات

انا حيل قمت ادش هالموضوع

انتووو فضيعين

البنت تقولكم
مرت اخوها تقعد وسط اخوانها وتتضحك وتخززززز واهم بنفسهم تشكو منها

وتقولون لا تتهمين شرفها


اي شرف


انا عمي ابو زوجي استحي احاجيه ليلحين


استغفر الله يمه منكم انتو ما تتحاجون


لؤلؤة قطر عطيييهم طااف انا حاسه فييييج

 

[نكهةالبرتقال]

مادري شقول ، بس موشرط سيئة لي هالدرجة

 

[-Bello-]

امبيه الله يعين البنت .. دامها انقطت عندج ..

 

[PuPa^^SWeeT]

شووفي ياقلبي



اخوج لاتبلغينه الا اخر شي



اول شي خلي الاخوان يقومون من اول ما تجبل


و الخدم لا يبلغونها ولا شي




و انتو لاتبلغون الخدم بعد اي شي

 

[بولندية]

هذا ثاني رد عليج

و لحد الحين ما اشوف انها سووت شي جاااايد

خافي ربج باجر بتتزوجين و الله بيرزقج بحماة نفسج


و بعدين شخباااري اهل ريل يحطون دوبهم بدوب مرت ولدهم اخوج راضي انتي شعليج كيفه

ليش تخربين بيت اخوج و اهو ما تحجى ترى مو كل جنه مو زينة ساعات تيي المشاكل من الحماة


لحد الحين ماااا شفت شي دام اخوج ما تحجى و مبين مرتاح معااهاا و لنفرض انها مو زينة خلاص خلي علاقتج معاها رسمية
اخوج اللي عايش معاها مو انتي

هذه بتصير ام عيال اخوج يعني بتكون منكم و فيكم بتييب العيال اللي يشيلون اسم اخوج

بتييب له من بعد الله اللي يحفظون نسبكم ليش هالتفكير ترى 4 شهور ولا شي علشان تقولين فيها و فيها

والله ثم والله انا كنت و تقدرين تقولين لازلت نفسها ما ادش المطبخ و ساعات اخذ طبية ما اداوم و انام لي الظهر و ولدي عند حمولتي

بتقولين عندي رفلة ؟؟ لامو رفلة لاني صج عقب الزواج ما القى الوقت اللي ارتاح فيه من جذي اخذ طبية و اريح نفسي بهاليوم

انا ماذكر بعد شنو كتبتي عنها لاني دشيت بروفايلج بشوف ردج علينا

بس اذكر قلتلي انها تسأل الخدم منو عندكم

انا اسأل علشان اعرف اذا اكشخ ولا انزل لهم عادي

الريال لو شايف شي والله ماراح يسكت عنهاااا و بيي يقولكم

حطي ربج جدام عينج و صدقيني بترتاحين و الله يرزقج بالزوج الصالح و يوفقج و يوفق اخوج مع مرته

 

[بولندية]

هذا ثاني رد عليج

و لحد الحين ما اشوف انها سووت شي جاااايد

خافي ربج باجر بتتزوجين و الله بيرزقج بحماة نفسج


و بعدين شخباااري اهل ريل يحطون دوبهم بدوب مرت ولدهم اخوج راضي انتي شعليج كيفه

ليش تخربين بيت اخوج و اهو ما تحجى ترى مو كل جنه مو زينة ساعات تيي المشاكل من الحماة


لحد الحين ماااا شفت شي دام اخوج ما تحجى و مبين مرتاح معااهاا و لنفرض انها مو زينة خلاص خلي علاقتج معاها رسمية
اخوج اللي عايش معاها مو انتي

هذه بتصير ام عيال اخوج يعني بتكون منكم و فيكم بتييب العيال اللي يشيلون اسم اخوج

بتييب له من بعد الله اللي يحفظون نسبكم ليش هالتفكير ترى 4 شهور ولا شي علشان تقولين فيها و فيها

والله ثم والله انا كنت و تقدرين تقولين لازلت نفسها ما ادش المطبخ و ساعات اخذ طبية ما اداوم و انام لي الظهر و ولدي عند حمولتي

بتقولين عندي رفلة ؟؟ لامو رفلة لاني صج عقب الزواج ما القى الوقت اللي ارتاح فيه من جذي اخذ طبية و اريح نفسي بهاليوم

انا ماذكر بعد شنو كتبتي عنها لاني دشيت بروفايلج بشوف ردج علينا

بس اذكر قلتلي انها تسأل الخدم منو عندكم

انا اسأل علشان اعرف اذا اكشخ ولا انزل لهم عادي

الريال لو شايف شي والله ماراح يسكت عنهاااا و بيي يقولكم

حطي ربج جدام عينج و صدقيني بترتاحين و الله يرزقج بالزوج الصالح و يوفقج و يوفق اخوج مع مرته