مشاكل مرت اخوي

[123tootaa_q8]

احسن حل لاتخدمونها حتن الخدامة لاتخدمها وسلامتكم

 

[بنوته ستايل]

انا صارلي ٤شهور نفس مرت اخوج..

المطبخ ماادخله وغداي وعشاي وريوقي يجوني شقتي واذا بغيت انزل اتعشا تحت مومشكله..

حتئ برمضان موكل يوم انزل..

وثاني شي اللبس لازم اخوج يبلغ اخوانه ان اذا يبون يدشون يعطون خبر عشان تتغطا..انا لما انزل تحت اللبس البس الي يعجبني ومرات انزل اسهر معا حمواتي بالبجامه عاااااادي واذا حماي جا اتغطا باي شي عندي ع مايمر..

واذا ع الخدم انا مرات اسأل الخدم منو في تحت موووووتجسس بس عشان ابي انزل وابي اعرف منو فيه ..

والنوم محد يتدخل بنوووومي انام بالوقت الي يعجبني واقعد بالوقت الي يعجبني <<اذا بتدخلون بالنوم بعد هذي مصيبه..


واهتمامها بزوجها مولازم تبين لكم انها تهتم بزوجها لان شي خاص فيهم..
انا اهتم بزوجي بس بدون لا ابين لاحد لان هالشي اسويه له هو مو اسويه لاهله..
وفي بعض رياجيل مايبينون اذا مستانسين معا حريمهم ولالا يمكن مرتاح معاها بس مولازم طول الوقت يضحك ولا لازم يجي يقولكم ..

انتي مبين من اسلوبج موبالعتها وغيرانه منها ف نصيحه دعي الخلق للخالق والهي بعمرج ومالج شغل باحد زوجها له عيون ويشوف اذا شاف فيها شي بيقولها ..
والبنت توها ماصارلها ٤شهور مامداكم تعرفون طيبها من رداها ..

ومبين بعد ان البنت تبي تتقرب منكم بس انتو ماتبونها والدليل انها تسأل عنكم موجودين ولاطالعين واذا طالعين تبي تروح معاكم ..معناته تبي تتقرب منكم..


اتقي الله فيهااااااا لاباجر الله يسلط عليج حماه ولا خاله توريج نجوم الظهر..
تقربي منها وحاولي تعتبرينها اختج وانا متأكده اذا عرفتيها من قريب راح تحبينها..لان كل تصرفاتها تدل ع انها ع نياتها..

 

[اشلون يعني &]

الاخبار طبعا بتطلع مدامها ساكنه
كل المتزوجات الي ساكنان عند الحموله أخبارهم عند اهلك
يعني مو شيء غريب استنكروا
ثانيا مين يطبخ وينفخ الحيين

 

[modern]

اعتقد ان تصرفاتا قلة خبرة مو اكثر و لازم تعطوها فرصة و اتصرفو معاها كانها اختكم

 

[مشتطـه]

يمه منكم اهي صج غلطت انها دققت على مرت اخوها


بس ترى حتى مرت اخوها تحررررررررررر القلب وتبط الجبد


شفيكم قعدتو تدافعون على مرت الاخو

 

[(حكاية قلب )]

انا ماشوف سوت شي غلط خليها توها عروس جديده باجر ببعودون عليها

 

[popa]

شكلج انتي العوبه وشكلج انتي تبين تخربين بيتها
مالج شغل بحياتها كيفها خليها تكشخ عروس ولا انتي محتره من حياتها
ترى بعدين الله بيسلط عليج وحده مثلج ومثل شرج وتخرب بينج وبين زوجج هذه اذا قعدتي عند ريال دقيقه
ولاتقولين ولدنا ونحبه ومن هالحجي لو تحبينه وتعزينه جان حبيتي مرته وعلى فكره العروس ماتدش مطبخ ولا تحرك ريشه بس تكشخ وتتمكيج وتتعطر وانتي فلفلي بمكانج وقعدي حشي فيها وطعنيها بشرفها وشيشي اخوج عليها واخذي اثام وحوبات وشوفي شلون الله ماراح يوفقج بحياتج
انا لو مكان مرته سيده اطلع ومتى مابغيتي اخوج دقي عليه اي وقت يزورج

 

[انثى عاشقة]

انا مع ناتشوووو
رايها سليم واشوفه انسب حل ​

 

[قلب طفـــله]

شهالمره اللي ماتعرف السنع شكلها مب مستحيه ولا شي ماشاء الله عليها من اولها تكلم الخدم ييبون لها الاكل !! توها عروس المفروض كل يوم متكشخه ومتبخره ونازله ! انتو مالكم شغل فيها خل تقوم بريلها عيب لاهي حامل ولانفاس شنو عيزانه تسويله حتى شاي ! خلي امج تكلمها بهدوء مايصير جذي الزواج مو فرراش
بس !! الزواج مسؤوليات واهتمام ! لازم تهتم باخوج وتخدمه الله يهديها !​

 

[futooosh]

الله يصلح الحال

 

[A.E]

الله يصلحك
واتركي ظن السوء وخليها بحالها

 

[Tom ♥ Jerry]

,


دآم زوجها مآ شكا الحال لا تتحلطمون جدآمه و تركبون السالفه براسه !
اهيه ريال كبير و شايف كل شي جدآمه ما يحتاي كل الي قلتيه ..


سوري يعني انا مو وياها و آدري آنه الي تسويه غلط ! :/
بس هاذا بينها و بين زوجها فقط و محد يتدخل فيه
ما اعتقد ضرتج بشي .. و اذا مو حابتها طنشيها و خلج رسميه وياها وبس !

 

[بيبي قيرل]

انا كتبت موضوع من قبل عن مرت اخوي وقلبوها علي خخخ الله يعينج عالردود .. لكن مرت اخوي العن منها بمليون مره يعني اشوف مرت اخوج وايد محترمه ..

انا بعد الزواج كنت جي استحي وااايد ماحب انزل عشان اخوان زوجي كله في الصاله .. حاولوا تتقربون منها يمكن طبعها يتغير مع الايام ...

 

[عويتقة]

الله يهدي النفوس ويصلح الحال

 

[Bloom]

اذا اخوج ماشكى خليهم على راحتهم

 

[الـــغـــلآ]

هذه مرت اخوي متى ما بغت الاكل دزينا لها و مرات بدون لآ تقول ادز لها اناا بنفسي

و تنزل متعطره و متشكخه و لابسه قصير

و نومتها مقلوبه اكثر من مرت اخوج

و تقعد تحت بالصاله بكشختها و اخواني محد يدخل كلش اذا هي موجوده لانها متكشفه

و اذا رحنا مكان اناا و لآ امي تروح معانا احناا نقولها اصلا

ما ناشبناها و لآ قلنا فيها و فيها !! و لآ اتهمناها بشرفها !! و لآ قلنا حسوده و حقوده !! و لآ قلنا ملقوفه !!

و حتى اناا من تزوجت ما دخلت مطبخهم كلش اذا بغيت اسوي شي سويت من مطبخي و نزلت فيه بِــ̯͡سّ طبعا مو اول 4 شهور !!

حرام عليج ارحمي عمرج ترا الدنيا دواره شكلج ما عندج شغل غيرها حدددج فاضيه

عروس شتبينها تلبس !! دراعه و ملفع من اول شهورها !

ولا تبينها تدخل مطبخكم و تقعد تطبخ معاكم و هي توها 4 شهور ؟؟

اناا اقوول انتي بِــ̯͡سّ فكيهم من شرج و ابعدي عن اخوج و هم پڅيڑ

حتى ٱ‏​نـِْـِْا انام وما اقعد الا 6 المغرب ! محد تدخل كيفي هذا اللي ناقص بعد يجيني احد يقول ليش تنامين الساعه الفلانيه !!

الله يعين العروس عليكم والله

 

[Omhamood]

برد على كل نقطه

اول شي هذي عروس المفروض تراعونها

بخصوص قعدتها بغرفتها وادق عالخدم ايبون اكلها مثل ماقلتلج عروس وخلوها تستانس ويمكن اهيه طبعها جذي تحب تقعد بغرفتها !!

وعن المكياج ولبس القصير هذا زوجها مسؤول عنها تدرين ابوها ابوها مومسؤول عن لبس بنته اذا تزوجت !! يعني هالشي يخص اخوكم وعن المعاكس حرام ظليمه شينه وتصوير انا اصور مرات الاكل والحلو بيت خالتي لما ازور واطرش حق قروبنا عادي

ونوم هذا شي يخصها بتدخلون حتى بنومتها !! اخوج بيتفاهم معاها

وعن الاخبار البلا من الخدم اللي ينقلولها الاخبار !! حاسبو خدمكم

ماشوف فيها شي جايد بس للحين موعارفه مسؤوليه زواج عدل عدل خلوها اهيه واخوكم يتفاهمون بروحهم

معاها بكل كلمه

 

[لؤلؤه قطر]

اول شي نتعوذ من ابليس
فترة٤ شهور
مو كافية للحكم عليها

لقافتها بالطلعات معاكم يمكن فاهمتها سنع
ان تكون مع الحمولة بكل مكان
والحل
قولو ماله داعي جيتج
او
نفضل ماتروحين
او اي عذر

وسالفة عدم قومتها باخوكم ولبسها الغير محتشم بالبيت
اول شي مااتوقع ع قولتج بتعاكس
استغفر الله
فهني المفروض احد ينصحها الوالدة مثلا
مرات قلة الخبرة والنضج
تخليها تتصرف بهالشكل

وحسب ردها
ممكن تقولون لولدكم اولا
اذا قالت انشالله
بقوم بزوجي وبحتشم بلبس البيت
معناها مو قصدها شي
اما اذا ردت بوقاحة
هني دخلو زوجها

وع نقل اخبار البيت
فهذي ضريبة اللي يسكن بنت الناس عنده
والله نصيحة للكل
بيسكن ولدكم معاكم حياه الله
بس بسكن منفصل بملحق او باب خارجي
وممكن حتى ع هالشي تكلمونها
مثلا انصدمنا بفلانة واصل لها الخبر عن بيتنا
احنا مانحب اخبارنا برة
يمكن تحاسب بنقل السوالف
والله يصلح مابينكم

مشكوره حبيبتي عالرد
المره السنعه تبين من اول اسبوع فما بالج اربع شهور ووشي وهي علي مالا عليه
يعني نقعد سنه ننتظر !!
وسالفه طلعلاتها حاولنا نفهمها ان طلعته معنا مالها داعي بس هي تشيش زوجها علينا يعني مثلا نكون رايحين لموعد مستشفي تروح دق نقول طلعوا للمحمع وخلوني بتقولين شدراج لان اخوي يدق علينا يقول ها وينكم انتو اللحين بيشوف احنا وين ! بتقولين يمكن صدفه دق لالا لانو يسال اساله ماله معني واحنا نعرف طبع ولدنا يبي يتاكد كلام زوجته صح ولا لا
وسالفه التعاكس الا والله هالاشكال هذي توقعي منها كل شي ابدا لاتقولين هذي صغيره وماتعرف مافي احد بهالزمن موعارف شي
اصلا احنا مالاحظنا هالشي لولا اعيالنا هم اللي نبهونا يقولون شفيها هذي لازقه لنا لزقه تطالع لنا وتتضحك وتحاول تلفت انظارهم بشكلها ولبسها او بكلامها وتتكلم مياعه معاهم واذا شافتهم جالسين بي الصاله تموت والا تقعد معاهم طيب عندها غرفه خاصه وعندها غرفتها يعني تقدر تروح لاي مكان شمعني اذا تجمعوا كلهم تجي ووالمصيبه مرات نكون طالعين مافي حد بالبيبت غير الخدم و الشباب بروحهم بالبيت واول مانجي ننصدم فيها نلقاها جالسه بوسطهم تضحك وتنكت المره الشريفه واللي وحده متزوجه ماتسوي هالحركات اما اذا كان زوجها موجود لا نادر ماتمر بالصاله
وسالفه نقل الاخبار امي كلمتها بس مافي فايده
واكتشفنا بعد ان نقل الاخبار طبع اهلها وخواتها جذي

 

[لؤلؤه قطر]

ما ادري اشوفج حيل متحاملة عليها صراحه

يعني توها عروس طبيعي ما تدخل المطبخ

احنا عندنا ما يدخلون الا بعد 6 اشهر اقل شيء

و سالفة انها تبي تروح معاكم امكن تبي تكون وحدة منكم و تشارككم

عادي شفيها لو راحت معاكم مطعم و لا شيء

و انصحج تنصحيها ممكن تكون طايشة و صغيرة

بس بالاسلوب الحلو و المعاملة الحسنة

و ما انصحج تشيشين اخوج عليها علشان يطلقها و اثق فيج انج ارقى من جذي

بس ممكن انتي تشوفين شيء اخوج مو شايفة يعني اذا اهو يشكي ميخالف تنصحيها

اما اذا مرتاح كيفه هذي حياته

الحين فيه نقاط ممكن تتناقشين معاها مثل اللبس بين اخوانج يكون محتشم
قوليلها يا فلانة ترى احنا عادتنا ما نلبس جذي و اخواني ما يرضون و ينقدون

والله يوفقها و يوفقج

مشكوره عالرد
وسالفه انها توها عروس اي عروس خلاص عاد كملت اربع شهور وشوي بعد عاد اللحين شكلها بتجيب البيبي
والله احنا عندنا البنت تاخذ لها اسبوعين وتدش المطبخ حالها حال اهل زوجها
شمعني احنا نطبخ لها وهي جالسه لاشغل ولامشغله حتي لو تشتغل قلنا معليه
وسالفه الطلعات احنا ماقلنا شي لو طالعين نتنزه لكن احنا عندنا شغل خاص ولامستشفي تقط ويها ويانا يعني شدعوه نجيب لها الكرت ونوريها الدليل علشان تحترم نفسها ان عندنا موعد
وسالفه اللبس قلناها مليون مره بس مافي فايده كلش

 

[لؤلؤه قطر]

قولي نبيها تطلق و خلاص ! حتى بشرفها اتهمتيها ..!

لا ماهي مساله ابيها تطلق لعلمج انا اللي خطبتها لاخوي بس انا ماعرفها معرفه شخصيه سالت عنها ومدحوها لنا
والله البنت اللي ماتحرتم نفسها وتتفسخ وتسوي حركات مايعه عند الشباب وتلاحقهم وين ماراحوا كان ماعندها مكان تجلس فيه شنقول عنها نقول وحده شريفه انا مابي اتهمها هذ زوجه اخوي وابيها تكون احسن وحده بس هي جابت التهمه لنفسها وحده ماتعرف الحياء وين اصلا هي مره قالتها بنفسها انا وحده فاصخه الحياء وقسم بالله نطقت بلسانها كانت جالسه مع اخواني وتتكلم كلام ماينقال الصراحه عن الحريم وانا عاتبتها عقب قلت شلون تتكلمين بهالامور والشباب جالسين ردت علي تقول وييه انتي ماتدرين اني فاصخه الحياء لاتقولين تستعبط لا عن جد تقول هالكلمه ودايما الكلام الشين علي لسانها يعني مثلا ذيك البنت تعاكس وذيك البنت مسكت مع شباب واللي تطلع مع رفيجها يعني مثل هالامور علي لسانها دايماااااااااا