مسكيــنة ماتدري عن زوجهــا :(

[Om 3zo0oz_2011]

من ناحيتي
حيوان مايستاهل
هو والطوفه واحد مدام مومستفدينه منه شي خل تتطلق

 

[رحيل المرافيء]

رد : مسكيــنة ماتدري عن زوجهــا

والله انتوو يالحريم عقوولكم مركبة شمال
جان هدته من اول بس عشان تزوج عليها تبي تهده الزواج من حقه ترى رضت ولامارضت
ولو يخونها جان هم سكتت بس لانه تزوج عليها ماتبيه
الرجل له حق يتزوج 4

 

[رحيل المرافيء]

رد : مسكيــنة ماتدري عن زوجهــا

لاتقولين لها ولاشي
هي ساكتة وخانعة وراضية كيفها
ليش تخربون المرة وتشيشونها
والريال ترى مو مجبوور يقول لمرته انه بيتزوج انتوو اتيبون كلام من عندكم هذا حقه يستأذن بحقه!!!!!
بعدين ليش الهجووم على الزوجة الثانية هو خطبها وهي شرطت حقها تشرط الشرط اللي تبيه
مو توكم تقوولون خل تتطلق منه مو كفووو ماعرفنا لكم
ان طلقها مو عاجب وان تزوج عليها مو عاجب مدري شتبوون
واول وتالي بتدري

وترى مايجووز المرة تطلب الطلاق لانه زوجها تزوج عليها مايعتبر سبب هذاا

 

[pure-poison]

رد : مسكيــنة ماتدري عن زوجهــا

والله مادري شقولج
الله يعينها ويصبر قلبها

 

[ديانا سبنسر]

بالله في احد يخطب ويملج ومرته ماتدري الكويت صغيرة وكل شي ينتشر بسرعة وليش تقولون عنها مسكينة مالت عليه من زينه بخيل ويلوع الجبد بكرة تشرشحه بالمحاكم وتربي بنتها احسن تربية ويمكن الله يرزقها بواحد احسن منه وهو كفوويها شينة الحلايا يبخل عليها ويعزربها الحين يعشمها ببيوت ودنيا ولاصارت عنده وراها البخل على اصوله بوطبيع مايجوز عن طبعه

 

[جوري85]

انا اقول لا تعلمونها لانها مسمومه مسمومه المره امبيه حده صعبه الموقف
انا اقول لاتعلمونها لان يمكن اهوا يقول لها والله العالم واول وتالي راح تدري ماتدرون
يمكن هذا طراق لها علشان تصحى من نومتها وقلبها يقسوى وتعرف شلون تعرف تتعامل مع الناس القاسيه

انا صديقتي مرت بتجربه قاسيه والله كان بعونها ساعدتها علشان تعيش حياتها اللي وراها

الله يكون بعونها وعلى قولت المثل الطراق اللي مايموتني يقويني

انصحج اختي انج تشيلين ايدج من الموضوووع نهااائيا
بما انج قلتي حق اختها الكبيره وقالت لج لاتقولين
خلاص مالج شغل فيهم مردها بتدري


ربج ارحم بعباده وان شاءالله الله راح يكون بعونها

 

[ونات عتيبيه]

خلوه يتهنى بالدنيا عشان يلاقي عذابه بالاخره وخليها تتعذب بالدنيا عشان تلقى راحتها بالاخره

 

[غالية زمانها]

سسسسسسسسسسسسسالفه تقهرررررر .. بس انا اقول بنت عمج
من الاساس ليش تصرف ؟؟؟ واهو شنو مهمته بالبيت ؟؟؟
ديكور ولا منظر !!!
وووووووووووووووواي احتررررررررريت من السالفه
اذا اتمون عليج علميهاا ..

 

[0oR0R0 honeyo0]

حراااااااام قوليلها يمكن اذا زوجها درى ان الاولى درت بيهون عن الثانيه اكيد مايبي يخسر ام عياله ولو مايبيها جان ماحلف جذب انه ماخطب هذيج المرّه

حراااااااام لا تخلينها غشيمه يمكن تكونين سبب انه الزواج الثاني يتوووقف لا تنطرونه لمن يملج بعدين تعلمونها والله حرام لا وبعد العرس ورى العيد يعني بعد شهر ونص شنو هالظلم بعد كل تضحياتها يسوي فيها جذي الحقيييييييير

اذا مو قادره تقولين لها عطيني رقمها وانا اقولها واللللللللللله كسرت خاطري

انتي بسكوتج راح تظلمينها وصدقيني طول عمرج بتحسين بتأنيب الضمييييييييير وقولي ماقالت بنت فينا

اذا تبين تطلعين نفسج من السالفه دزيلها مسج من رقم غريب وعلميها والله كسرت خاطري ا

معاها 100% :68_asmilies-com:

 

[فكره!]

لازم تقولين لها ..اهي بالاول والاخير راح تعرف ..
بس خليها تعرف مبجر ومنج ..احس من انها تنصدم بعدين ..دام الصدمه وحده ..

الله يكون بعونها ان شاء الله ...كسرت خاطري والله
هذا مو كفو وحده تتحمله وتصبر عليه وتقعد عنده ...

 

[عهود الحب]

رد : مسكيــنة ماتدري عن زوجهــا

والله لو بيدي انا بنفسي ادز لها مسج و من تلفوني بعد
بس للأسف ما اعرفها
سبحان الله
الناس للشر يركضون
بس للطيب محد يبادر
ترى اكبر مصيبة عالمرة ان كانت اخر من يعلم

 

[lovely jojo]

بالنسبة للبعض اللي قاعدين يهاجمون هدوا اعصابكم وافهموا الموضوع عدل ..
بنات انا واختي كنا نبي نعلمها بس امي حلفت علينا ان احنا ما نتدخل بالموضوع لأن علاقتنا بزوجها واهله مو زينه وان دروا ان لنا شغل بالموضوع بتصير مشاكل ..
وانا مثل ما قلت بلـــــــــــــــــــــغت اختها الكبيرة ومارضت ان اعلمها قالت طلعو نفسكم من الموضوع شسوي ..
وبالنسبة للأخت اللي تقول ليش منزلة الموضوع بهالقسم اقولها اذا المنتدى صار ملكج تعالي تأمري نزلته للفايدة وعشان الوحدة ما اتأمن لا للرجال ولا لخواته..
واللي ردوا بعقلانية يسلموو ..

 

[lovely jojo]

ياجماعة انا مترددة لا اقولها ليش ؟؟ لأن سامعة في حديث او ايه مو متأكدة بس معناتهم ان حرام ان احد يفرق بين الرجل وزوجته .. وعشان جذي انا خايفة ...
اللي اتعرف اتفيدني بهالنقطة ..

 

[عهود الحب]

رد : مسكيــنة ماتدري عن زوجهــا

ماعاش من يهاجمج
انا حاسة باحساسج
و فاهمة الوضع
كل ما بالأمر ان الموضوع يقهررر والناس تنفعل من الوضع ودها تساعدها

وانا مقدرة ظروفج وادري ما ودج تقولين شي لعدة اسباب
بس صدقيني تاليتها بتعرف و تاليتها بتصير مشكلة
وتاليتها بتصير صكة لما تعرف ان الكل يدري واهي اخر من يعلم
بيصير بقلبها جرح منكم عمييييييق اكثر مما تتصورين

و الله يكتب الخيرة
عالعموم حرة الشريجة سنة سنتين وبعدين شوي شوي المرة تتقبل الوضع
بس الي مطلوب منها انها تصحى على روحها وتوري حواتها العين الحمراا شوي

 

[عهود الحب]

رد : مسكيــنة ماتدري عن زوجهــا

ماراح تفرقين بينهم
ولاشي

الي بيفرق بينهم

ظلمه و ظلم اهله

و الساكت عن الحق شيطان اخرس

علشان تعرفين شتسوين اذا انتي طالبة الاستشارة منا
انا اقولج


حطي نفسج مكانها تخيلي جذي الاية انقلبت وانتي صاحبة الموضوع بعيد الشر
و فكري قولي ياربي

شنو ابي من فلانة وعلانة الي يدرون يسوون لي


لما تحطين روحج محلها بتعرفين شنو المفروض تسوين

 

[lovely jojo]

عهود الحب

والله انج وحدة عاقلة وتكانة وتوزنين الامور وفهمتي شنو اللي فبالي ..

غاثني موقف اختها البارد في وحدة ماتحتر على اختها

 

[روحي تحبه غصب]

لو صج تحبونه وماترضون عليها لازم تعلمونها هذا سالفة زواج


يعني انتي موشايفته يغازل بالسوق وتقولين لاماابي اخرب بيتها


حرام تدري بالصدفه او وحده من بنات عمها ناويه لها نيه شينه وتبي تصدمها بالخبر


حسبي الله ونعم الوكيل

 

[السولعه]

لا حول ولا قوة الا بالله
صراحه هالريال مستغل طيبتها وصبرها
عشان جذيه يسوي اللي فباله
الله يعينها ويوفقها مسكينه

 

[najla86]

الله يصبرها واذا علاقتكم فيها قويه اعتقد لازم تقولون لها لانها لو درت انكم كنتو تدرون وما قلتولها بتزعل

 

[لوازم العائلة]

لازم تعلمونها مايصير اتم غافله
حسبي الله ونعم الوكيل