مسكيــنة ماتدري عن زوجهــا :(

[ابلة لولوة]

حسبي الله ونعم الوكيل

الله ياخذه هالهيس الاربد .

 

[زقرتيه]

اقولج شي لو انتي متاكده ان مللج

نصيحتي لله قولييلهيي لا تيلها صدمه يابعد قلبيي ياليي ماتدرين

دزيبلها من رقم غريب او قولي حق وحده من اهلها

لان لو اهو يبيها نسكت و يصفلون لكن تقولين ان تتشرط و طلقها لا يبا قوليلهاا لا تنجلط

 

[MaYon82]

الله يصبرها ويقوي قلبها علا مابلاها .. أنا رايي إنج تقوليلها وكافي الاستغفال اللي إهي عايشه فيه ..
وحسبي الله عليه هذا جزاها بدال مايشيلها على راسه ويحمد ربه عالنعمه اللي عايش فيها .. صججج مالهم أمااان !!!

 

[** باربي **]

الله يشل ابدنه انشالله قبل لا يتزوج عليها ولا اييب على هالمسكينه مرة
لانه مو ريال لو ريال كان يقولها مو خشيشي الردي ناكر المعروف والعشرة
وربي انه الكلاب اوفى من الرياييل وانشالله حوبتها ما تعداهم وما تم هالزواجه
وضروري تقولين لها قبل لا يتزوج حرام عليج حطي نفسج بمكانها
يمكن لي درت اهلها يتداركون الموضوع
حسبي الله عليهم قد ما صارت الجنه طيبه لعبوا عليها قايله انا من زمان مو كفو النذاله ابهالزمن تعز الوحده

 

[بنت عطا]

الله يعينها ويصبر قلبها

وحسبي الله عليه اهو خواته اللي مايخافون الله في هالمسكينه

 

[@البتووول@]

والله سالفة الأيه أو الحديث اللي تقولين عنه أنا بعد سامعه عنه وما ألومج لي خفتي

دام إختها درت خلاص وماعليج خواته اللي مستانسين باليديده باجر بطلع لهم نجوم القايله وإهو بعد ربي بيخسف فيه عدل لأن ربي مايرضى بالظلم وبالمختصر هذيل عايله نذاله وإهي بالمختصر ماتصلح بينهم أبد

ربي يعوضها خير مصيرها بتدري وإهي ساهمت على هالشي بنسبة80% وإهم صدقيني بينقمون من بعض الزوجه اليديده والخوات والريل كلهم بياخذون حقها من بعضهم ومدام تعرفينهم بتوصلج علومهم ومصايبهم

 

[الفدنه]

لو احط نفسي مكانها ابي اعرف
بس ماادري يمكن على قولت البنات الله يفرجها من عنده ومايتم الزواج
حسبي الله ونعم الوكيل

 

[najdeya]

صج كسرت خاطري

مسكينه هذي ربي يحبها و مبين على وجهها و طيبه

انا ما احب اتسرع و احكم على موقف قبل لا اسمع من الطرفين

لان الرايل ما فكر يتزوج غيرها الا في خلل بالموضوع

يا انه مغصوب عليها من الاول او مو مرتاح وياها



انا لو ماكنها ودي احد يبلغني ما اكون مثل الاطرش بالزفه

بس اذا الخبر مو اكيد ما لا داعي تخلونها تحاتي و تسببون لها مشاكل


عسى ربي يعوضها بايام حلوه تسعدها و يفرحها ببنتها و ياجرها و يصبرها

 

[رواسي الشوق]

لا حول ولا قوة الا بالله

 

[lovely jojo]

يابنات الخبر اكيد وانا اعرف ناس كانوا حاضرين وقت الملجة وسمعوا كل شي ..
وانا وحدة اخاف من الحوبة اخاف يخلون الموضوع الاساسي ويحطون علي انا افهموني

 

[ليمونه حلوه]

بنت فينا ياحياتي اهو ملج وخلص يعني تزوج بس الدخول بعد العيد

حسبي الله عليه

وليش للحين محد قال لها .. مو حرام عليهم يستغفلوونها ويجهزون للعرس واهى نايمة بالعسل .. متى ناوين يقولون لها .. بوم العرس !!! حسبى الله علية وعلى اهلة ..

 

[lovely jojo]

اتخيلي يعني خواته بيقعدون يحجزون صالة وطقاقة وبيفصلون بدل للعرس واهي قاعده بالبيت اتخدمهم ولا تدري عن شي

 

[الجــادل]

رد : مسكيــنة ماتدري عن زوجهــا

بصراحه علمتيها ما علمتيها ما تفرق الرجال تزوج وخلص

ومثل ما هي ارخصت نفسها ارخصها

لو عازه روحها ومخليته يقوم بواجبه

غصبن عليه جان مو هذا حالها

اللي سوته ما اسميه طيب اسميه خباااااال

وبصراحه يرفعون ضغطي الحريم اللي جذي لانهم سلبيات

وخبزن خبزتيه يالرفله اكليه

 

[ليمونه حلوه]

اختها شلوون ساكتة !!! .. امرها عجيب .. ما احترت على هالمسكينة انا انغثيت وانا ما اعرفها ..

وزوجها لو فية ذرة رجوولة جان واجهها وقالها ..

وماخلا الناس تتحجى فيها واهى يغافلين لكم الله .. عسى حوبتها ماتعداهم

 

[دعواتكم]

رد : مسكيــنة ماتدري عن زوجهــا

وااااااااااااااااااااااااااااي ارتفع ضغطي

طاح حضه قولوا اميييييييييييييين

بنات اللي يقولون ساهمت بهالشي لالالالا اهي بنت اصل وفصل ومارضت اتهد ريلها عشان كل شي عليها وصبرت وتحملت

لكن اتقي شر من احسنت اليه

مغازلجي وجذاب وموريال ولا فوق كل هذا صابره على بلاوييهم


ربج يحبها

وراح تتزوج

واهو بيعرف الفرق بين الحريم من اليديده

وحسبي الله ونعم الوكييييييييييل

الله يهد حيييييله الله لايبارج فيه وااااااااااااااااااااااااااااااي ارتفع ضغطي

 

[دانة الخير]

اذا الاولى شارطه يطلقها انا اقول علميها على الاقل تروح لاهلها من نفسها مو هو طاردها

 

[lovely jojo]

يابنات اهي مو خبلة بالعكس اهي انسانة جامعيه ومثقفة وشخصيتها قوية وهذا اللي مجننه انها مرة لها اسلوب ..
بس كل ماكانت تزعل كان ابوها يردها ويسويلها اللي تبيه بس عشان ما تنفصل ..

 

[wesh jaah]

رد : رد: مسكيــنة ماتدري عن زوجهــا

حراااااااام قوليلها يمكن اذا زوجها درى ان الاولى درت بيهون عن الثانيه اكيد مايبي يخسر ام عياله ولو مايبيها جان ماحلف جذب انه ماخطب هذيج المرّه

حراااااااام لا تخلينها غشيمه يمكن تكونين سبب انه الزواج الثاني يتوووقف لا تنطرونه لمن يملج بعدين تعلمونها والله حرام لا وبعد العرس ورى العيد يعني بعد شهر ونص شنو هالظلم بعد كل تضحياتها يسوي فيها جذي الحقيييييييير

اذا مو قادره تقولين لها عطيني رقمها وانا اقولها واللللللللللله كسرت خاطري

انتي بسكوتج راح تظلمينها وصدقيني طول عمرج بتحسين بتأنيب الضمييييييييير وقولي ماقالت بنت فينا

اذا تبين تطلعين نفسج من السالفه دزيلها مسج من رقم غريب وعلميها والله كسرت خاطري ا

انا معاها لازم اتقوليلها لا وبعد ملج وخلص ؟؟؟

اذا صج اتحبينها اتقولين لها ان كل هذا اجر عند الله وانه الله قدر لها هل شي والصراحه يعني ريال شذي اب هل صفات مافيه ذره رجوووووله

وقلت لج اذا اتحبينها قولي لها بلهداوه وانه مااااااااايساهلها

والله يكون اب عونها وصدقيني حقها ماراح يضيع دام الله سبحانه موجود و بس خل اتقول واتكثر من

حسبي الله ونعم الوكيل

لا و ياي رمضان باذن ربي حوبتها مااتضيع

 

[؛؛حلاوه؛؛]

رد : مسكيــنة ماتدري عن زوجهــا

انا رفيجتي توه تزوجت على مره يعني اهي الثانيه توها ماصار لها اسبوع قعد عندها 4 ايام والحين رد لمرته الاولى صارله يومين ويقول بقعد اسبوع

حرام رفيجتي كاسره خاطري عروس وهدها بعد 4 ايام حتى زوجته الاولى ماتنلام منقهره على زوجها الله يريح قلبها يارب ويريح قلب رفيجتي وان شاء الله يعدل بينهم

 

[lovely jojo]

رد: رد : رد: مسكيــنة ماتدري عن زوجهــا

انا معاها لازم اتقوليلها لا وبعد ملج وخلص ؟؟؟

اذا صج اتحبينها اتقولين لها ان كل هذا اجر عند الله وانه الله قدر لها هل شي والصراحه يعني ريال شذي اب هل صفات مافيه ذره رجوووووله

وقلت لج اذا اتحبينها قولي لها بلهداوه وانه مااااااااايساهلها

والله يكون اب عونها وصدقيني حقها ماراح يضيع دام الله سبحانه موجود و بس خل اتقول واتكثر من

حسبي الله ونعم الوكيل

لا و ياي رمضان باذن ربي حوبتها مااتضيع

اذا من ناحية احبها والله انها عزيزة علي وزعلت انا وامي واختي لما عرفنا السالفة وعشان جذي قلنا لاختها بس اختها

ماتبي اتعلمها :eh_s(2): والله سالفة معقدة ..