مستجدات و مستمرات علوم إداريه .. حياكم

[Little_Queen]

رد: مستجدات علوم إداريه .. حياكم

مالها عدد سنوات .. على الكورسات ..


الاغلبية يخلصون ب 4 ونص .. أو خمسه


و في ناس يضغطون على روحهم حيل و يخلصون ب 4 ! بس انا ما أنصح بالمرة انه الواحد يضغط على روحه كل كورس يرصله 5 و لا 6 مواد و ياخذ بالصيفي 3 مواد و تلوع جبده



مافيها شي لو قعدتو 4 و نص ولا 5 ترى ..... ماكو جوائز يعني حق الي يتخرج مبجر .... خلصو على راحتكم ... و تخرجو انشالله عقب 6 سنين ! بس بمعدل سنع .. عشان لي بغيتي تتوظفين تحطين ريل على ريل و تنقين المكان الي تبينه !

فلا تستعيلون يا بنات .. و الحمدلله الجامعة تعطيكم كل شهر مكافأة ليما تتخرجون .. فماله داعي تستعيلون على بو تبون تشتغلون و المعاش ... خلصي على راحتج و حافظي على معدلج




اي و بعد بغيت أقول شغله بخصوص التخصص

وايد بنات عبالهم انه اكو سنه معينه حق التخصص .. و انه لازم تكون يايبه نسبه معينه حق تخصص معين


النظام عندنا بالادارية غير جذي

اخذي مواد شوي شوي ... و الشي الي تبين تتخصصينه .. اخذي مواده .. يعني اذا مثلا حابه تتخصصين Mis مثلا مثلا

الي اهو نظم معلومات ادارية ..

اول شي لازم تخلصين مادة اسمها " تططبيقات حاسب آلي " هذي كل الكلية ياخذونها

بعدين تاخذين مادة اسمها " نظم معلومات " هم بعد كل الكلية تاخذها


هني و عقب ما خلصتي هالمادتين ... تقدرين تاخذين المواد التخصصية ... كيفج محد رح يقولج لأ ليش خذيتي هذيل ...

بما انج بديتي تاخذين مواد تخصص عيل انتي تبين تتخصصين بهالشي ...


عاد بعدييييين .. سنه ثالثه .. سنه رابعه ..... تروحين التوجيه و الارشاد يكتبونلج مثل ورقه ... انه انتي متخصصه في هالشي ( و انتي أصلا تكونين ماخذه مواده و يمكن حتى مخلصة مواد التخصص ) ...


عرفتو ؟؟؟ فهمتو شي مني ولا انا خرابيط وايد ؟؟؟

 

[saro0ona]

رد: مستجدات علوم إداريه .. حياكم

يالــــــلــــــــــــــــــــــــــــــــــه
ترزقني اياهــــــــــــــــــــــــــــــا

 

[flowerlife]

رد: مستجدات علوم إداريه .. حياكم

Little_Queen

كفيتي ووفيتي يا قلبي اكيييييد فهمنا :ggdw:

ساروونه

ان شاءالله يا رب يقبلونح اذا حاطتها رغبه اولى

 

[Little_Queen]

رد: مستجدات علوم إداريه .. حياكم

احنا كليه ما نرد أحد .. ما عرفت أحد قدم على ادارية و ما انقبل !!!

ياااااربي ترزق كل وحده مرادها يارب و تنولها الي في بالها و تدلها على طريج الخير لها ياااااااااااارب

 

[wardia]

رد: مستجدات علوم إداريه .. حياكم

مشكوووره ليتل كوين !!! وفيتي وكفيتي
زين !! اشلوونج مع مقرر تمهيدي 98!!

 

[•´мs.B A S H O R A`•]

رد: مستجدات علوم إداريه .. حياكم

اوكي حبيبتي هنادي قوليلي شنو اسم المقرر الرياضيات الي لازم اخذه (يعني صج معفيني من واحد مع اني ناجحة بالرياضيات 55 يعني عالحفة )؟؟

:")

 

[Little_Queen]

رد: مستجدات علوم إداريه .. حياكم

تمهيدي 98 .... هذا رياضيات عدل ؟؟


اشلوني معاه من أي ناحية ؟؟

مادري بصراحة ما خذيته بس يقولون سهل ...


بنت رميثية .. بما انج ناجحه عالحفة .. اعتقد اي .. معفينج من واحد .. الي اهو 98 الي قاعده تسأل عنه وردية ...

أعتقد ذلك ... تاخذين 110 على طول ... بس خل اتاكدلج أكثر باجر اوكي ؟؟؟


معقولة بنات بس احنا الي بالادارية بهالمنتدى ؟؟؟

 

[wardia]

رد: مستجدات علوم إداريه .. حياكم

هلا هنادي !!
زين نبي نعرف الأساتذه أحسن شي منو؟ في مقرر 98

والله مادري ؟

 

[Little_Queen]

رد: مستجدات علوم إداريه .. حياكم

شووووفي وردية ...

قسم الرياضيات ... معيار المفاضلة بين الدكاتره فيه شي واحد فقط


الشرح !

لأنه الدرجات مو بيده

و الامتحان و أسئلته مو بيده

ولا يقدرون يعطون كيرفات

ولا يقدرون ينجحون أو يسقطون بكيفهم


فأنا رح أقولج الي شرحهم وايد زين .. لأنه باجي الاشياء ما تفرق بالمرة لأنه كل شي بإيد رئيس القسم ( يعني نفس أيام الثانوية هيهيهيههييهيهيييي )

د.علي صالح ... رووووووووووووووووووعه

د. علي جواد شمخه ........ عجييييييييييييييييب عن تجربة !! فظيع هالانسان

د.محمد قدري غراف ...... مــعروف و سمعـــته ماشالله بره و داخل الكلية .. انسان عبقري رياضيات و يفهم عددددددددل

د.حسني حمدي ..... ما جربته بس من كلام البنات عليه ماشاء الله فاهم و يفهم و وايد قريب من الطلبة

و بنات التمهيدي وايد يمدحون د.محمد المهري ... وااااااااااااااااايد مو شوية يمدحونه

 

[wardia]

رد: مستجدات علوم إداريه .. حياكم

زين اذا سجلت الحين !! انا انقي الأستاذ ولا شنو !!

 

[Little_Queen]

رد: مستجدات علوم إداريه .. حياكم

الموظفة بتعطيج ورقه فيها المواد .. و تقولج اختاري ( مادتين حق الي عندهم انجليزي 106 تمهيدي ) و ( 4 مواد حق غير جذي )


بتقوليلها أبي المادة هذي ... بتطقطق عالكمبيوتر و تقولج .. هذي اكو منها الساعه كذا و الساعه كذا و الساعه كذا ..

شوفي أنسب وقت لج .. و سأليها منو الدكتور ؟ بتقولج فلان الفلاني ... و ساعات اهما نفسهم الموظفات يقولولج هذا زين و هذا مو زين ( ولا تخافين مو انها تبي تستعيلج و تفتك منج .. ينصحون صج ترى .. )

عجبج الدكتور اخذي .. ما عجبج شوفي وقت ثاني ..

او اذا انتي حاطه دكتور معين في بالج قوليلها .. ماكو د. فلان ؟؟؟

بس .. تقعدين تنقين الجدول مالج و اهي ترتبلج ياه عالكمبيوتر .. و اذا صار عندج تضارب بامتحانات الفاينل تقولج .. تقولج ترى المادة هذي فاينلها مع المادة هذي .. عادي ولا تشوفين شي ثاني ؟؟؟

بس اذا رح تنقون مادتين ... ما رح يصير امتحانين بيوم واحد .. لا تخافون


بس انا اتكلم عن عملية التسجيل عموما

هذي بس رح تصيرلكم أول كورس


عقبها .. انتو بنفسكم تسجلون بالكمبيوتر من بيتكم أو من كمبيوترات الكلية ...

و ذلك بهالطريقة

www.portal.kuniv.edu

جان زين تحتفظون بالسايت الي كتبته لكم فوق ... من هني لي تسجيلكم حق الكورس الثاني ..

اذا دشيتو الموقع بتشوفون خانتين

رقم جامعي
و رقم سري

من تدشين الجامعه رح يعطونج رقم جامعي .. رح يكون مكون بهالطريقة

مثلا

208115321

208 .. ترمز للسنه .. 2008 ..

11 ... هذا رقم كليتنا ...

5321 .. هذا رقمج انتي من الكشف


و الباسوورد رح يعطونكم ياها لما تداومون ان شاء الله .. كل بنت يكون عندها باسوورد ..

و عن طريق عالموقع تسجلون موادكم حق كل الكورسات ليما تتخرجون ان شاء الله

 

[wardia]

رد: مستجدات علوم إداريه .. حياكم

أي الحمدالله !! انا خفت اني مايخلونا انقس
بس طبعاً لازم أكوووون شاايفه الأساتذه يعني زينين او لأ !! عشان ماعرف اتقي ابسرعه ابسرعه !! آنا اهم شي انه يفهم بس !!
يعطيج العافيه حبووبه
تذكريم يوم سإلتج قلتتلج العلوم إداريه جم مدة دراستها 4 أو 5 !! في نااس اتقوول انها لما حصلت على الاعترااف الأكاديمي صارت 5 يعني شنو عدد الوحدات الدراسيه راح اتزيد ولا شنو !!

 

[Little_Queen]

رد: مستجدات علوم إداريه .. حياكم

الكلية من زمان محصلة الاعتراف ... صارلها سنتين او ثلاث يمكن


اي اهم زادو الوحدات بس من زمان مو من الحين

و قلتلج انا يعني الاغلبية يخلصون 4 و نص او 5 .... و الي يموت روووووووووووووووووووووووووحه و كل مره ياخذ صيفي و يضغط على روحه يخلص ب 4 ...

و انا قلتلج رايي في موضوع الضغط على النفس هذا ...

يمكن بصفحة 4 تلاقينه او 3

اهم شي المعددددددددددددددل يا بنااااات سمعووووووووووووو نصيحتي

ترى انا متأخرة عن دفعتي سنه كاملة

المفروض انا الحين أروح ثالثة جامعه

توني انا بروح ثانية

لأني تخرجت كورس اول من الثانوية .. و قعدت بالبيت كورس راحة و استحمام ! اي والله استحمام من عقب كراااف الثانوية 4 سنين و نصصصصصصصصصصصصصصصصصصصص

شعر ماااااااااااكو

بشرة مااااااااااااكو

جسم الله بالخيرات

سهر و دراسة و لوعه جبد !

عاد وناسه كان كورس فااضي سويت كل شي أبيه

اشتغلت
فسفست فلوس
طلعت قزيت ماكو مطعم ما جربته
ماكو سوق ما طبيته
تدربت سياقة و كنت أحوووس ..
سافرت مبججججججججر انا و خالتي ..سافرنا 1-6-2007 .. ردينا 1-7-2007 .. احنا ردينا .. الاوادم توهم يسافرون ..


و ما كنت كسلانه الف حمد و شكر تخرجت بمعدل امتياز الهي لك الحمد ...

بس انا كنت ماخذتها على راحتي و ما ضغطت على روحي ..


و الكلية عدد وحداتها الله يسلمج و يخليج 127 وحده ..

فلا تخافين ما رح يزيدونها لأنها اصلا زادت عن الدفعات القديمة والي تقريبا كلهم تخرجو .. فكل الي بتشوفونهم في الكلية

معاكم في الهوا سوا نفسكم ...

اهما ما زادو ولا صعبو شي ... اهما دخلو مواد يديدة عشان تواكب التطور .. ان شاء الله رح تدشون و تشوفون الكلية و موادها .. ممتعه و حليوة و المواد الصعبة تنننعد عالاصابع طول فترة الدراسة

شنو استعداداتكم حق الجامعة ؟؟

 

[wardia]

رد: مستجدات علوم إداريه .. حياكم

يعطيج العافيه !! حبيبتي ماقصرتي!!

والله يا ليتل كوين حااسه خووف لانه مجمتع الجامعه مجتمع يديد !!
وأحس إني مو متهيأه نفسياًً !! عرفتي

بس من ناحية الاستعدادات والله ماكو شي بالرمضان أجهز رووحي ان شاء الله

 

[Little_Queen]

رد: مستجدات علوم إداريه .. حياكم

لا تخاااااااااااااافين وردية ..


شوفي .. كل ما في الامر

انه الجامعة

مجتمع عوووووووووووووووووووووووووووووووووووووووووووووووووووووووووووووووووووووووووووووووووووووود

اكبر من أي مجتمع عرفتيه في حياتج

اكبر من بيتكم
اكبر من المدرسة
اكبر من رفيجاتج

بيتكم كل الي فيه اهلج
مدرستكم كل الي فيها بنات بعمرج و اغلبهم بيكونون من نفسج منطقتج او المناطق الي حواليج و تقريبا نفس المستوى المادي

الجامعة ...

بتشوفين فيها بنات الجخخخخخخخخخخخخخخخخخخ حيل .. و بتشوفين فيها البنات الفقارا حيييييييييييييييييل

بتشوفين المتدينه ... بتشوفين الفلتااانه بالمرة

بتشوفين المحترمين و بتشوفين الي ما عمرهم في حياتهم تربو

بتشوفين ناس نظاف و ناس وصخين

ناس عندهم ذوق و ناس عديمين احساس


اهم شي يا وردية بالجامعة

انه انتي من داخل يكون عندج ثقه بنفسج انه انتي بأخلاقج و بطموحج ممكن تصيرين أحسن من الكل

لا يغرج فلانه شلابسه .. ولا شماسكة جنطه و لا شتركب سيارة

لا تتضايقين لأنه وحده بالكلاس قليلة أدب و عديمة ذوق ...

تعلمي انج تطنشين

لا تعيبين على أحد ولا تستخفين بأحد ... لانه كل الناس سواسية عند رب العالمين ..


بتشوفين معاقين و معاقات وايد بالجامعة ... احترميهم و حاولي تساعدينهم

و اقضي وقتج بأشياء مفيدة بالجامعة و اهم شي اهم شي اهم شي تحافظين على كرامتج و سمعتج في الجامعة و تحددين هدفج من الاول ..

و شوفي .. اكو شي يضايق وايد بالجامعة ... اذا ما كان عندج صديقات بنفس الكلية

" تجربة شخصية مؤلمة للغاية " .. انا ماكان عندي ولاااااااااااااااااااااااااااااا وحده من صديقاتي بالكلية .. أبدا أبدا ..

و الي معاي بالكلية من بنات الثانوية من دفعتي .. الي ياما تغشمرنا و ياما ضحكنا و ياما صرنا بمواد ويا بعض .. يوم دشيت الجامعة شفت نفوسهم وايد تغيرت .. و اغتروا وايد .. و ماقامو حتى يبتسمون بويهي رغم اني بنت دفعتهم .. و أكثر من مره انا اروح و أبادر بالسلام .. شلونج يا فلانه .. تقولي .. هلا والله حبيبتي .. ذكريني بإسمج ؟!؟!؟!؟؟!؟!؟!؟؟! " مع اني كنت معروفه بالثانوية مو من نوع البنات الخجولين " كنت اشارك بالاذاعه و بمعارض .. و البنات هذيل كانو عارفين أسمي و عارفيني ... و ياما طلبو مني واجبات .. و خذو دفاتري و نقلو ..

الحين .. ذكريني باسمج


كنت والله اقعد بالسكوير ( رح تشوفونه انشالله ) .. بكرسي جذي مخشوش بروحي .. البس نظارتي و اقعد أبجي محد يشوفني !!!! من كثر الوحده و الاكتئاب .. و اعتفست و مابي أداوم و أبي احول و مابي اقعد بهالكلية الخاااااااايسه مابي مابي

ابي احول اي مكان ثاني مابي


بنات الادارية كله كشخه و هاللبس و هالسيارات العجيبه الغريبه .. و انا بنت عادية من اسره الحمدلله و الشكر مستوانا المادي مكفينا و حلو والله ساتر علينا ..

مااابي .. مااابي اداوم بالادارية مابي ما احبها كل الي فيها شايفين روحهم

على نهاية الكورس بديت اكتشف انه في بنات مثلي و أردى مني بالكلية بعد ... و كلهم بنفس الكلية معاي ..
و مو الكل مغرور و شايف نفسه
و مو الكل عنده أفخم الاشياء و أغلاها

و الحين و لله الحمد عندي صديقات ما أبدلهم و لو بالذهب ... بنات محترمين مستورين ..



فكل شي تتعودين عليه والله يا وردية و بالعكس الحين اصلا قمت احب الكلية لأنه وناااسه .. لابات .. و سوالف و استراحات و بلاي ستيشن

و ركبولنا الكورس الي طاف لعبه بيبي فوت !

 

[End Girl]

رد: مستجدات علوم إداريه .. حياكم

السلام عليكم

انا بنت علوم اداريه بس متابعه من بعد

بصراحه لتل كويت خفت من كلامج الاخير بالذات

صج اكو ناس شايفه روحها؟؟
لايكون اكو بنات قله ادب يضايقون ؟
ترى احس اني ببجي

بروحي وايد قاعد احاتي هالكليه ..

 

[wardia]

رد: مستجدات علوم إداريه .. حياكم

باركلي ليتل كوين !!

سجلت بس موفوري !! وقالولي أنطر 15-8
مبدئياً انقبلت

 

[flowerlife]

رد: مستجدات علوم إداريه .. حياكم

مبروووووووك الف مبروك ورديه :ggdw::ggdw:

و الله فرحت لج واااايد يا قلبي

 

[wardia]

رد: مستجدات علوم إداريه .. حياكم

حياتي فلور لايف تسلميين يعد عمري .. على كلامج الحلوو
زين سين سؤال !! انتي لماعطوج الرقم الجامعي دخلتي فيه !!
آنا بجرب يعني يقوولي لقد أدخلت أكثر من 8 أرقام ؟؟؟؟؟

 

[flowerlife]

رد: مستجدات علوم إداريه .. حياكم

حياتي فلور لايف تسلميين يعد عمري .. على كلامج الحلوو
زين سين سؤال !! انتي لماعطوج الرقم الجامعي دخلتي فيه !!
آنا بجرب يعني يقوولي لقد أدخلت أكثر من 8 أرقام ؟؟؟؟؟

لا ما دخلت لأن اختي قالتلي على نص الكورس الاول يعطونج الباسوورد عشان

تسجلين للكورس الثاني


انتي شلون دخلتي من وين لج باسوورد ؟؟؟؟