رد: مستجدات علوم إداريه .. حياكم
لا ..
106 ... مو مسموحلج تاخذين معاه الا مادة وحده بس .... اهو جذي
تاخذين 106 و مادة .. فقططططططططططططط
4 مواد هذا حق باجي الكورسات
لأن 106 عليه أكثر من 3 وحدات ..بس للامانه مادري جم بالظبط ...
بس اككككثر من 3 وحدات .. يمكن 6 وحدات ...
عشان جذي أقولكم شدو حيلكم فيه لأنه يعادل مادتين تقريبا .... اذا مو أكثر ...
106 مسموح معاه مادة واحده فقطططططططططططططططططططططططط
الشعب الله يسلمح مو مختلطة
منع اختلاط بالجامعة كلها
و أكو بعض الشعب مختلطة تكون في أضيق الحدود و غالبا تكون مواد تخصص .. و تكون مثلا المواد الي يحتاجونها الطلبة عشان يتخرجون و ماكو الا دكتور واحد مثلا يعطي المادة ... فيضطرون
بس باجي الشعب لأ ... غير مختلطة
بس الممرات و الساحات بالكلية عادي يعني ..
و بنات لا تستحون من الصبيان .. لأنه هذيل زملائكم و اخوانكم ..
و الكفتيريا غير مختلطة كذلك
الحين الجزء الي تحبونه
الكفتيريا شنو فيها
طبعا كفتيريا الادارية ..... شوي تفشل .. بس تقزورة ..
الكلية عكس الكفتيريا تماما .. الكلية يديدة و كشخه
الكفتيريا قديمة .. و مادري شلون صايرة بس زينة تقزر تقززززر يا بنات ..
الله يسلمكم كفتيريا الادارية فيها مصلى .. وفيها استراحة (يعني صالة فيها غنفات و زولية و تلفزيونات و وناسه حق القعدة و الاسترخاء و ديكوراتها تهبل ) .. استراحة الكفتيريا هذي ايدد استراحة و صج تونس ...
و فيها ستاربكس الله يسلمكم
و فيها نيثنس nathans... هم يديد فاتحينه الكورس الي طاف
و فيها بوفيه .... البوفيه ما أنصح احد يجربه من كفتريا الادارية لأنه بايخ و رح يكرهكم في بوفيهات الجامعة كلهااااا
طبعا كل بنات شويخ يلجأون للكفتيريا الحلللللللللللللللللوة الي اهيا كفتيريا الحقوق و الاجتماعية
كبييييييييييييييييرة
و حلللللللللللللللللوة
و شرحه
هذي الله يسلمكم فيها بوفيه ( لذييييييييييذ + رخييييص + نظيييييف + جنه أكل بيت ) و أنصحكم صراحة اذا يعتو تاكلون منه .. الصاج ماله لذيييذ و الهمبرجر و السلطات .. حتى معكرونية و عيوش يسوون .. و كل شي عندهم حلو ماشالله و حتى الي يشتغلون نفسيتهم حلوة و تعطيج الصحن تفتح نفسج مو مبوزة ...
يعني أولا افيدلكم من الفاست فوود الي ما وراه الا المتن و الصحة الضايعه ..
و فيها برجر كنج
و فيها ستاربكس
و فيهاااااا حبيب الجماهير و نصير الطلبة
.....
باسكن روبنز .... ( أأأأأأخ باسكن بالحر و تخيلي وراج امتحان رياضيات .. ينسيج الهم ! )
و فتحو بعد هذا الكشك مال الذرة و الناتشوز ..
