رد: مستجدات علوم إداريه .. حياكم
انا كنت مستجده العام الي طاف
و الحين صرت كشششخه مو مستجده
يلا أي استفسارات أنا حاااضرة و من عيووووني
بنت رميثية ..
ساقطة انجليزي و ناجحه رياضيات ...
الله يسلمج الكلية فيها 3 مواد انجليزي .... اذا كنتي ناجحة بالانجليزي قدرات ... يعفونج من وحده ... يبقالج 2 ...
بس بما انج ما نجحتي ... فرح تاخذين ال3 مواد .. بس مو شرط كلهم ورا بعض أو في سنه معينه ....
بس لازم تاخذين أول مادة .. الي اهي انجليزي 106 .... اول سنه .. رح تاخذينها و مسموحلج معاها مادة وحده فقط لا غير .. يعني رح تداومين على مادتين بس الكورس الياي ان شاء الله ..
و مواد الرياضيات 2 .... بما انج ناجحه يعفونج من وحده .... تاخذين رياضيات 110 .. في أي كورس تبينه
بس أنصحج حاولي تاخذينها الكورس الثاني .. لأنها تفتحلج مواد وايد ....
وووووووووووووووو ... اذا تبون أي مساعده أنا حاضرة و الي تبي تيي الكلية و تبيني أساعدها تشوف الكلية و الكلاسات و تبي تسأل عن دكاتره معينين تقووولي
اي صج بناااااااااااااااااااااااااااااااااااااااااااات على طاري الدكاتره
بما انه معظمكم المفروض رح يسجل انجليزي .... حاولو حاولووووووو كثر ما تقدرون تنحاشون من مدرسه انجلش بالادارية اسمها سوزان دانيلز ... حاولو ..
اذا ما لقيتو الا عندها بعد ما بيدكم شي ..
اهي زينة بس .... طبايعها وايد أمريكية تبي كل شي على كيفها .. و تطلعلج طلعات عجيبه غريبه !
و نصيحة من اختكم الكبيرة ...
استغلوا فتره الصيف في انكم تقوون انجليزيتكم شوي .. لأنه الكلية رح تكون كلها بالانجليزي ان شاء الله
حاولو تتعودون على المحادثه بالانجليزي ... حاولو تمشون ايدكم بالانجليزي عشان لا تعلقون بالامتحانات ...
و نصيحة حق البنات .... الثانوية شي .. و الجامعه شي ثاااااااااااني .. الجامعه تبي جد و اجتهاد ... تبي عقل متفتح . ما تبي بنت آخر همها الدراسة ... شدي حيلج هذي آخر مرحلة و تفتكين ... و بهالمرحلة رح تصيرين الي انتي بتصيرين عليه طول حياتج
يا تصيرين شي ناجح
يا تصيرين شي فاشل
لا تحقرون أبدا من امكانياتكم او امكانيات الي حواليكم
و ترى هاااا .. الادارية معروفة بالبهرجه الزايدة و التفلسف الزايد من بعض البنات الي فيها الله يصلحلهم الحال
لا تحاولون تقلدونهم .. ولا تخلون هالشي يأثر على نفسيتكم ... خلوكم واثقين من أنفسكم و واثقين انكم بشهادتكم و بتفوقكم رح تصيرون أحسن من الكل و محد يقدر يطالعكم بأي نظرة
رح تشوفون عاااااااااااااااااالم يدييييييييييييييييييييييييد عجيب غريب ... حاولوا تندمجون و تثبتون نفسكم و لا تمنعون نفسكم من المشاركة في الانشطة و الوناسه و الفعاليات الي تصير ....
( كليتنا مشهورة وايد بفعالياتها و حفلاتها ووناستها !!! )
ان شاء الله رح تستانسون ..
و مثل ما قلتلكم والله والله والله بنات أمــــــــــانه أمــــــــــــانه الي تبي أي شييييييييييي تراسلني عالخاص و ما يكون خاطرها الا طيب
انا اختكم هنادي ...
( ترى ما أشتغل بقائمة ولا أبي دعايه ولا أبي شي .. والله بس مساعده لأني كنت ضايعه وحايسه و مكتئبة بأول سنه
)
