مسافرات دبي 2010 ..تعالوا نفيد ونستفيد

[ياسمينا]

وانا معاكم ان شاءالله اول 7 نروح انا وزوجي و عيالي
والجدول بحدده لما تردون وتقولون لي شنو الحلو والزين وجذي منكم نستفيد بس اهم شي مدينه مدهش لعيالي وانا خخخخخخخخخخ

 

[miss_solitaire]

هاااي مسافرات دبي

وينكم ؟؟؟؟

 

[• قلبه نصيبي •]

هلا مس موجودييين ياقلبييي ..!

 

[Ms. luxury]

هلا فيكم بنات اشلووووونكم ؟
أنا رجعت من دبي يوم الأحد وماقدرت أدخل إلا اليوم طبعا من طبت الطيارة على طول حطينا جناطنا بالبيت وطرنا عالمستشفى الأميري لأن بنتي تعبت ودخلناها المستشفى تنومت واليوم رخصوها الحمد لله
طبعا راح أقول لكم عن سفرتنا (رحنا دبي مول مشينا فيه وخذينا لنا يومين بكل يوم رحنا مدينة ألعاب والباقي تسوقنا فيه) : يعني أول يوم رحنا (كيدزانيا)اللي عيالي صج صج داخوا من الشغل فيها تخيلوا من الظهر ليما الليل واحنا داخل قرية كيدزانيا تهبببببل احنا الكبار استانسنا عليها وولدي الكبير توظف بقسم الشرطة وطلعوا خذوا لهم جولة وبالنهاية عطوهم معاشاتهم عقبها راح صار طيار وبعدين بالمطافي والفلوس اللي حصلها قام يلعب فيها بالسيارات
وولدي الثاني توظف بالمطافي والشرطة بعد وصار طيار وبنتي اشتغلت بوزارة الكهربا والماء وصارت رسامة و و و ....الخ وطبعا كلهم خذوا معاشات وبالنهاية رحنا تعشينا ورجعنا الفندق
واليوم اللي بعده رجعنا على دبي مول وكملنا تسوق فيه ودخلنا عالم السيجا بنات يهبل اينن حتى أنا وزوجي لعبنا مع اليهال ألعابهم حلوةى ونااااااجحة كلها وخصوصا التقحيص بالجيتي ياولد
ورحنا ستار جيت اللي واحدة ببداية هالموضوع حاطة عنه رابط وكان هذا باليوم قبل الاخير وخذينا فيه تقريبا يوم كامل رووووعه يونس خصوصا السينما ال 5d
وتغدينا بمطاعم وايد حلوة ..أنصحكم بكرم بيروت لبناني لذييييييييييييييييذ بمول دبي ومطعم اونو بستي سنتر دبي ومطعم جازيبو هندي بمركز بن سوقات قريب من مدينة مدهش
وقريبا راح أنزل لكم تقريري المفصل لرحلتنا ان شاء الله

 

[• قلبه نصيبي •]

حمدالله ع سسلامه مسس !

وباقي البنات اللي راحوا خل يكتبون شششنو صار بالسسفر وين راحو خل نستفيييد منكم !

 

[Lemon Juice]

بنات بسألكم عن التكاسي بدبي اشلون أسعارهم ؟

جم يبيلنا ميزانيه لهم حق أربع أيام إذا باليوم طلعتين ومكانين .. من الصبح لي الظهر هذي روحه و رده

ومن العصر لي الليل هذي هم بعد روحه و رده يعني 4 مرات باليوم نحتاج نأجر تكسي

قالوا لي تكاسيهم يطولون ويتأخرون وما تحصلينهم بسهوله

و وحده ثانيه قالتلي سهالات وموجودين بأي حزه

وشلون طريقة القطار ؟

 

[قماشه]

التكاسي سهلات كل مكان طوابير غير عن اول
والحين عندهم مسئول يوقفهم غصب لج
وصارو شركات مو مثلنا جوال
وفي بعد سواقات اندونيسيات بس انا ما احبهم

 

[قماشه]

مس لاكجري الحمدالله على السلامة
اشلون الجو اهناك وماتشوف شر بنتج
انا خوفي من الرطوبه هناك ومع الربو اخاف اتعب

 

[نووووونا]

هلا فيكم بنات اشلووووونكم ؟
أنا رجعت من دبي يوم الأحد وماقدرت أدخل إلا اليوم طبعا من طبت الطيارة على طول حطينا جناطنا بالبيت وطرنا عالمستشفى الأميري لأن بنتي تعبت ودخلناها المستشفى تنومت واليوم رخصوها الحمد لله
طبعا راح أقول لكم عن سفرتنا (رحنا دبي مول مشينا فيه وخذينا لنا يومين بكل يوم رحنا مدينة ألعاب والباقي تسوقنا فيه) : يعني أول يوم رحنا (كيدزانيا)اللي عيالي صج صج داخوا من الشغل فيها تخيلوا من الظهر ليما الليل واحنا داخل قرية كيدزانيا تهبببببل احنا الكبار استانسنا عليها وولدي الكبير توظف بقسم الشرطة وطلعوا خذوا لهم جولة وبالنهاية عطوهم معاشاتهم عقبها راح صار طيار وبعدين بالمطافي والفلوس اللي حصلها قام يلعب فيها بالسيارات
وولدي الثاني توظف بالمطافي والشرطة بعد وصار طيار وبنتي اشتغلت بوزارة الكهربا والماء وصارت رسامة و و و ....الخ وطبعا كلهم خذوا معاشات وبالنهاية رحنا تعشينا ورجعنا الفندق
واليوم اللي بعده رجعنا على دبي مول وكملنا تسوق فيه ودخلنا عالم السيجا بنات يهبل اينن حتى أنا وزوجي لعبنا مع اليهال ألعابهم حلوةى ونااااااجحة كلها وخصوصا التقحيص بالجيتي ياولد
ورحنا ستار جيت اللي واحدة ببداية هالموضوع حاطة عنه رابط وكان هذا باليوم قبل الاخير وخذينا فيه تقريبا يوم كامل رووووعه يونس خصوصا السينما ال 5d
وتغدينا بمطاعم وايد حلوة ..أنصحكم بكرم بيروت لبناني لذييييييييييييييييذ بمول دبي ومطعم اونو بستي سنتر دبي ومطعم جازيبو هندي بمركز بن سوقات قريب من مدينة مدهش
وقريبا راح أنزل لكم تقريري المفصل لرحلتنا ان شاء الله

سلامات حبيبتى ما تشوفون شر

بنات بسألكم عن التكاسي بدبي اشلون أسعارهم ؟

جم يبيلنا ميزانيه لهم حق أربع أيام إذا باليوم طلعتين ومكانين .. من الصبح لي الظهر هذي روحه و رده

ومن العصر لي الليل هذي هم بعد روحه و رده يعني 4 مرات باليوم نحتاج نأجر تكسي

قالوا لي تكاسيهم يطولون ويتأخرون وما تحصلينهم بسهوله

و وحده ثانيه قالتلي سهالات وموجودين بأي حزه

وشلون طريقة القطار ؟

هلا ليمون جوس التاكسى متقيدين بالعداد وموجودين بكل مكان بكثره المهم تطلعين من باب لهم بكل مول فى لوحات

تبين وين مكانهم وجربى المترو وايد حلو وسهل بس تركبين من اقرب محطه لكم وتحجزين روحه ورده فى الذهبيه انصحج فيها ب20 اذا اول مره كراسيها حلوه ومنفصله وتكيف

ويوصلج لعده محطات منها دبى مول-امارات مول- بن بطوطه- مركز النخيل - مارينا - المركز المالى - ووايد مو حافظتهم طبعا الذهبيه هى الاغلى ممكن تاخذين العاديه اتوقع ب8 رايح راجع

المهم تروحون بوقت ما يكون طلعت موظفين عشان الزحمه بس تجربه حلوه

وفى رقم للتاكسى 8009090 اعتقد عيالى حفظوه من كثر ما هوا مكتوب بالتاكسى وحسب المسافه

موفقين

 

[Lemon Juice]

قماشه

نوونا

تسلمون خواتي ما تقصرون لا خلا ولا عدم

طمنتوني عسى الله يطمن قلوبكم

بس عندي استفسار عن القطار .. الحين لا يينا نطلع من الفندق طبعاً نركب تكسي والتكسي يودينا لي أقرب محطة قطار والا اشلون ؟

وتذاكر القطار من وين نشتريها وشلون طريقتها كلش ما عندي فكره عنه

 

[Ms. luxury]

نصيحة ترا التكاسي نهييييبة ..أول ماتنزلون من الطيارة وانتوا بالمطار راح تلقون مكاتب تأجير السيارات مع الحجز بالفنادق ..ممر على يمينج ويسارج تأجير سيارات اخذوا من مكاتب عادية مواللي يصير اسمها عالمي يعني مثلا شركة فلان الفلاني لتأجير السيارات احنا أجرنا سيارة من الفندق طلعت علينا باليوم مع ضرايب جسر سالك ب 10 دنانير باليوم نروح فيها المكان اللي نبيه
وحصلنا بالمطار كامري ب120 درهم
تاكسي المطار وصلنا لين فندق رمال روتانا يبعد عن المطار 5 دقايق ب5 دنانير يابنات
وبعدين عدادهم يحسب عالوقت يعني ختى لو التاكسي واقف بسبب الزحمة تشوفين عداد الدراهم قاعد يرتفع ..
أحسن شي أجروا سيارة تصير تحت ايدكم واللي سألوا عن الجو كان الجو هناك روووووووووووعة ماجنه بالامارات ...بالليل القعدة برا تهبل احنا تمشينا بالفستيفال مول برا عند مجرى الماي الصناعي (طبعا كان نااااشف مادري وين الماي اللي يقولون عنه) كان هدوء ومافيه ناس وايد والجو اينن بنات برااااد حلو
بس يوم واحد اللي حاشتنا فيه رطوبة العصر وبالليل راحت

 

[Lemon Juice]

Ms. luxury

احنا لو علينا ودنا نأجر سياره بس ما معانا ريال يسوق

أكبر واحد عمره 17 سنه ما يسوق

الله يسهل

وان شاء الله يظل الجو حلو ما فيه رطوبه طول شهر 7 يا رب

 

[rawona]

~** إعــــلان هــــــامــ **~






الرجاء الالتزام في التجمعات بالمواضيع المتعلقة بالسفر وتبادل المعلومات السياحية فقط!!

وعلى صاحبة التجمع والعضوات عدم التطرق إلى مواضيع شخصية أخرى أو عامة في أي مجال آخر عدا السياحة والسفر، وذلك لمصلحة العضوات العامة والمحافظة على خصوصياتهن..

شاكرة لكم تفهمكم وتعاونكم لمصلحة العضوات والمنتدى ..


كل التقدير


المشرفة


rawona



​

 

[بوسيcat]

انا سفرتي صارت الاسبوع الياي انشالله 9/7 وبنرد 15/7 عالوطنية الساعه 2 الظهر

 

[miss_solitaire]

أنا سفرتي 11 - 7 و الردة 18 -7

اللي راحوا هناك شلون الجو الحين

القرية العالمية مفتوحة ...؟؟؟؟؟؟؟؟؟

 

[نووووونا]

هلا حبيبتى ليمون جوس

بالنسبه للقطار وايد سهل لا تحاتين


تروحون لاقرب محطه من سكنكم وتختارون وين تبون تروحون وممكن تسالون هناك فى كونتر يعلمكم

وين تبون وشنو تختارون وصدرهم وسيع للاساله


القريه العالميه مااعتقد مفتحه تفتح بالشتاء

القريه التراثيه مفتوحه بس ما تسوى تزورونها صراحه وايد تاذينا بالتاكسى لين وصلنا ولين ردينا الفندق

 

[نووووونا]

هلا حبيبتى ليمون جوس

بالنسبه للقطار وايد سهل لا تحاتين


تروحون لاقرب محطه من سكنكم وتختارون وين تبون تروحون وممكن تسالون هناك فى كونتر يعلمكم

وين تبون وشنو تختارون وصدرهم وسيع للاساله وفرندلى


القريه العالميه مااعتقد مفتوحه تفتح بالشتاء بس تاكدى من كلامى

القريه التراثيه مفتوحه بس ما تسوى تزورونها صراحه وايد تاذينا بالتاكسى لين وصلنا ولين ردينا الفندق

صج فيها بيوت تراثيه ووحده تسوى لقيمات وتسوى خبز بالتنور وجذيه بس ما كان فى ناس والجو ما يساعد :eh_s(10):

 

[يا وحشه غيابك]

مرحبااااا

شلونكم بنات انا بروح دبي الاسبوع الياي انشالله

وبقعد 5 ايام وبصراحه هذي اول مرة اروح فيها دبي دار الحي

بغيت منكم تعلموني وين اروح و شنو احلى الاماكن هناك
وشرايكم ابي فندق حلو ورخيص لان احنا عايله 6 اشخاص

فيه ناس امدحولي فندق سيتي سنتر

شرايكم فيه و جم الليله فيه؟؟
و اكون شاكرة لكم

 

[يا وحشه غيابك]

نداااااااااااااااااء الى ليدي دبي

بغيت اسالج احنا بناخذ شقق فندقيه شنو احلى شي من ناحيه النظافه واهم شي يكون فيها وايرلس و مصافط للسيارات متاحه مجانا

بلييييييييييييييييييييز اللي تعرف ترد مايقى شي على السفره

و ابي اهم الاماكن و المطاعم الحلوووة الله يوفق اللي ترد علي

 

[miss_solitaire]

اختي (( يا وحشة غيابك )) شوفي موضوعي

تقرير شامل كامل و متكامل عن دبي

ان شاء الله بفيدج

***************

بالنسبة للشقق الفندقية

اذا تبينه قريب من المطار .... فلورا بارك

ضغطي هنا لمشاهدة تقرير الاخت keeka عنه

*********************

اذا تبينه قريب من دبي مول .... راماد داون تاون دبي ...أو... المروج روتانا

ضغطي هنا لموقع رمادا داون تاون دبي

ضغطي هنا لموقع المروج روتانا

**************************

اذا تبينه قريب من الامارات مول .... تشيلسي تاور

ضغطي هنا لرؤية تقرير عن تشيلسي تاور

*********************

هذيل اللي يعني مشهورين هناك