مسافرات دبي 2010 ..تعالوا نفيد ونستفيد

[حضن امى]

انا ان شاء الله باجر الظهر بروح الاماراتيه
على طيران الجزيره اخذت التذكره 37 دينار ولقيت على الطياره السيلانيه تدرون كم 30 دينار وكل السفريات اتصلت عليهم يقولون لى 40 او45دينار بس اخواتى يبون يروحون الصبح ومافيه حجز على السيلانيه الا العصر
المهم حجزت عند سفريات الطرف الاغر فى حولى ش ابن خلدون اتصلوا على هدى او روحوا لها احسن حجزت فى فندق نجد فى شارع الشيخ زايد ولقيت غرفتين وصاله طلع الليلة 37 دينار وبصراحه نظيف وحلو وبجانب امارات مول مع الفطور يطلع عليج 46 دينار

 

[Ms. luxury]

حضن أمي احنا بعد باجر الظهر على طيران الجزيرة ..شنو جنطتج اللي بتلبسينها ؟...عشان أعرفج..خخخخخخخ أتغشششششمر
يالله عشان نرجع هنيه ونحط تصويرنا وتقاريرنا

 

[• قلبه نصيبي •]

تروحون وتردون بسسسلامه ان شاءالله :$

 

[mooma]

انا بعد والله سفرتي معاج تاريخ 20/6 اللي اهو باجر و ليلحين ما خططت حق ولا شي صراحه زين لقيت موضوعج صراااحه وفرتي علي عناء طويل

 

[miss_solitaire]

هذا جدول سويته حق وحده للأخوات
حيث انها حجزت في فندق الجوهرة
و لمدة 7 ايام

::::: و كان هذا ردي لها ::::::


اختي انتي فندقج يم سيتي سنتر

فاليوم الأول

عند الوصول

الذهاب إلى سيتي سنتر

للتسوق و تناول العشاء

اليوم الثاني

صباحا : التوجه إلى مجمع الوافي سنتر للتسوق
ثم تناول الغداء هناك في مطعم خان مرجان

بعد الغداء العودة للفندق للراحة

العصر التوجه إلى حديقة الخور
حيث تحتوي على عرض الدلافين
و مركز الأطفال
البقاء هناك إلى المغرب

ليلا : التوجه إلى the walk و تناول العشاء هناك بالمطعم الطائر

اليوم الثالث :

التوجه على موعد الغداء إلى سوق فيسفيتال سيتي
تناول الغداء هناك و التسوق و ركوب القارب

عصرا : الخروج من سوق فيسفيتال و
التوجه إلى دراغون مول
و التسوق هناك إلى المغرب

ليلا : الخروج من دراغون مول
والتوجه إلى القرية العالمية و البقاء
هناك حتى الساعة 11 ليلا
و تناول العشاء هناك

اليوم الرابع :

صباحا : التوجه إلى ميركارتو مول للتسوق
و تناول الغداء هناك

بعد الغداء : التوجه إلى دبي مول
للتسوق
و الاكواريوم
وصالة التزلج
و كدزانيا
و أخيرا تناول العشاء على أنغام النافورة الراقصة

ليلا : حديقة زعبيل ( مدينة ملاهي للأطفال )

اليوم الخامس:

صباحا : التوجه إلى امارات مول
لقرية الثلج و التسوق

بعد الظهر الخروج من الامارات مول و التوجه
إلى اتلانتس و تناول الغداء هناك و قضاء الوقت
في الكواريوم و الغوص مع الدلافين

و عند قريب المغرب : الخروج من هناك
و التوجه إلى ابن بطوطة و القضاء هناك إلى الليل

اليوم السادس :

صباحا : قضاء الوقت في حمام السباحة التابع للفندق

الظهر: التوجه تايمز سكوير مول
حيث يوجد هناك المقهى الثلجي
يمكنك تناول الغداء هناك أيضا

العصر : التوجه إلى عالم مدهش و البقاء هناك إلى المفرب

ليلا : التوجه إلى (( باتو دبي )) حيث
جولة عشاء بحرية في سفينه في وسط البحيرة
الأجواء رومانسية وهادية
( إختيار الوجبات من المنيو قليلة ، بس الرحلة لحالها حلوه)
سعر الشخص=300درهم
يفضل الحجز مسبقاً ،هاتف: 3994994 009714
8 مساءً ، تفتح السفينة أبوابها
8.30 مساءً ، تتحرك السفينة
11.00 مساءً ،ترجع السفينة

اليوم السابع :

هو يوم العودة إلى الكويت
فاذا كان السفر عصرا
يمكنك قضاء فترة الصباح في السيتي سنتر

:::::::: أرجو ان تكونوا استفدتوا منه ::::::::

 

[sara999]

قوة بنات شلونكم ؟؟؟؟؟

الله يسلمكم ان احطيتلي برنامج بس شنو طريقتي ؟؟

انا حاطه في بالي اماكن معينه ودونتها يعني انا رايحه عشان اروح واروح واروح وكل ليله بسوي يومي حق باجر يعني هناك انظم


بس عموما انا مو رايحه اتسوق بصراحه انا رايحه استانس بحر واحواض وتشمس والعاب حق وليدي يعني ولدي تعتبر اول سفره له فودي امتعه عدل مابي اتسوق الا اخر ثلاث ايام

ومن االأماكن الي حاطتها في بالي بقولكم عنها ... وشنو قالتلي عنهم صديقتي توها راده وانتو قولولي صج والا بس جذي لأني قتلها مابيج هههه مابي احد معاااي هههه

اتلانتس (( قالتلي لا تطوفين هالمكان روحي وناااسه ))

وايلد وادي (( قالتلي ويع عتيج ومو وناسه وقديم ويعني طيحته من عيني .........بس ودي اروحله شرايكم ؟؟؟ ))

دبي موول (( قالتلي حلو بس فيه ايس رنق عادي .... وفيه اكواريوم عنونو مايسوى تدخلين ...)))!!! صج؟؟؟!!!

امارات مول (( قالتلي روحي مبجر راح تطولين بالسكي ))

قرية مدهش (( شنو ماكانت انا ما اتعنى !!!!)) اي شي !!!

حديقة الخور (( ما احبها ))
:eh_s(13)::eh_s(13)::eh_s(13)::eh_s(13)::eh_s(13):

واي بنات كلهم ودي اروحهم بس كلهم مطيحتهم من عيني واي بنات قولولي وين الحلو ؟؟؟

 

[دقدوقه]

حبيبتي ساره اذا انتي رايحه عشان تونسين ولدج وديه بوابة النجوم مكان يديد حق اليهال انا اهني مسويه تقرير عنه وحاطه سايتهم بعد دخليه واخذي معلومات اكثر
http://www.q8yat.net/showthread.php?t=638441

وعندج بعد مدينة الطفل حييل حلووه هذا سايتهم
http://www.childrencity.ae/CHCITY

وعندج بعد مدينه الاطفال كيدزينيا بدبي مول وهذا سايتهم
http://www.thedubaimall.com/en/entertainment/entertainment-section/kidzania-entertainment.html


هذيل يعتبرون احدث الاماكن لليهال واماكن راقيه بصراحه

 

[• قلبه نصيبي •]

دقدوقه

ياقلبي ماقصرتي :>

 

[غروري ضروري]

انا سفرتي راح تكون بتاريخ 28\6

من بيروح معاااااي..؟؟

 

[سفرجل]

انا ان شاءالله 24 /6

 

[سفرجل]

وعندج بعد مدينه الاطفال كيدزينيا بدبي مول وهذا سايتهم
http://www.thedubaimall.com/en/enter...rtainment.html


منو جرب كيدزينيا واشلون طريقتهم ودي اودي اعيالي

 

[Tender Heart]

هلا حبيبيتي دبي مول حلو وفيه محلات وايد نفس محلات لندن بس الاكواريوم صغير وفيه صاله يلعبون الهوكي مادري اذا صح اسم اللعبه هههههههه يعني مو تزلج عرفتي انا حبيت الامارات مول اكثر

 

[رووتين]

بنات افتحو دبي لاند ولا للحين ؟؟

 

[sara999]

والله ما دري بس جنه اي افتحوها مادري مالهم سايت ؟؟؟

 

[• قلبه نصيبي •]

بنات افتحو دبي لاند ولا للحين ؟؟

اي افتحوها

 

[• قلبه نصيبي •]

والله ما دري بس جنه اي افتحوها مادري مالهم سايت ؟؟؟

هذا السايت يا الغاليييه

http://www.dubailand.ae/

 

[قماشه]

بنااااااااااااااااات اللي راحو دبي اشلون الجو الحين عندهم

رطوبه مثل الكويت ولا اكثر

 

[• قلبه نصيبي •]

بنااااااااااااااااات اللي راحو دبي اشلون الجو الحين عندهم

رطوبه مثل الكويت ولا اكثر

امي راحت دبي قبل جم اسسبوع تقول خيسسسه رطوووبه

 

[قماشه]

وييييييييييييييييييي خيسه حسافة يعني موشي
ما تتحمل يعني

 

[سفرجل]

انا كنسلت السفره
لانه ماتسوى وحر