مسافرات امريكا2008 صوركم.. سوالفكم...مواقفكم...مشترواتكم... شاركوني

[rawona]

واهني برحلة السفاري ..





صور لبعض الحيوانات اللي شفناهم بالسفاري ..














يتبع...
​

 

[rawona]

وهذي الشيرة "الشجرة" اللي تشتهر فيها الحديقة واللي منحوت عليها اشكال الحيوانات ..





شوفوا اهني الخفاش شكبره ..





وهذا النمر ..





وهذي صوره من الباريد..





يالله باكمل انشالله بعد مشاركاتكم وتعليقاتكم ... :eh_s(8):

​

 

[Pink GirL]

خوش موضوع

ناطرين صور اكثر

والحمدلله على سلامة اللي رادين من امريكا

 

[كويتية أصيله]

الحمد لله على سلامتج rawona شخبارج كنا انحاتيج شكلها خوش سفره...

أشلونج ملكة سبأ شخبارج؟؟ وين صورج ما شفنا شي

 

[اوركيدا]

راونا .. تصدقين هالسنه مارحنا انيميل كينق دام .. ذكرياتنا وياها فالرحله اللي قبل كانت أليمه من الرطوبه والحر لكن اللحين يوم شفت صورج تحسفت .. او كان خاطري فالافيريست!

لكن يالله ان شاءلله المرات اليايه ..
الخفاش يخرع! ماعرفت راسه من كرياسه! ماحبهم احسهم نفس البومه اييبون النحس استغفر الله
وعن لندن لاتحاتين مو بس لندن حتى من امريكا بخش لج صور حصريه ولا يهمج بس خل استقر باجر طالعين من اورلاندو! فيني غصه او اكتئاب! :'(

 

[rawona]

خوش موضوع

ناطرين صور اكثر

والحمدلله على سلامة اللي رادين من امريكا

هلا حبيبتي .. مشكوره على مرورج وتابعيني للحين عندي صور وايد وتشوق ​

 

[rawona]

الحمد لله على سلامتج rawona شخبارج كنا انحاتيج شكلها خوش سفره...

أشلونج ملكة سبأ شخبارج؟؟ وين صورج ما شفنا شي

الله يسلمج حبيبتي ..

لهيت والله مع اليهال والعفسة وماكان عندي انترنت بس يالله ماعليه الحين كل شي استقر .. ونطروني انشالله باحط صور وايد وناطره البنات بعد يحطون صورهم ..

:eh_s(8):​

 

[rawona]

اوركيدا ماعليه .. انشالله المرات اليايه

وعلشانج هذي صورة ايفيريست اللعبة واااااااااااااو عجيبه وعلى قولتهم "اوسم" اتينن هذي الصوره للعبة خاصة لبنات المنتدى ..





وبعد ماخلصنا من الحديقة تغدينا بالمطعم اللي فيها اسمه rain forest وايد احبه وكان موجود منه بالولاية اللي كنت ادرس فيها واكله نايس ..





وطلعنا تالي من الحديقة .. وبالطريج حاشتنا هالمطره العجيبه ..










ووقفنا عند الصيدلية نشتري جم شغلة والا نشوف الاخ "قوس قزح"..






وبجذيه خلصنا الحديقة الاولى من حدايق ديزني اللي اهي الانمل كينغ دوم ..

ملاحظة: الحديقة رحنالها على يومين ..


الحديقة اليايه اهي magic kingdom وناطرة من اللي سافروا يحطون صورهم بعد لا تبطون علي :tek:

​

 

[malekatsabaa]

الحمد لله على سلامتج rawona شخبارج كنا انحاتيج شكلها خوش سفره...

أشلونج ملكة سبأ شخبارج؟؟ وين صورج ما شفنا شي

هلا حبيبتي

الحمدلله احنا بخير ..واااايد استانسنا في اورلاندو واليهال قاعدين يخططون من الحين حق السنه اليايه

>>عندهم امل<<

الفال لكم انشالله
وانشالله الحين تعوضينها في لندن_03BA:

 

[malekatsabaa]

راونا .. تصدقين هالسنه مارحنا انيميل كينق دام .. ذكرياتنا وياها فالرحله اللي قبل كانت أليمه من الرطوبه والحر لكن اللحين يوم شفت صورج تحسفت .. او كان خاطري فالافيريست!
:'(

انا بعد

يومها متنا من الحررررر
واستانست يوم سكرو الحديقه ..وكنا مو مخلصين الا نصها..
واشكثر ريلي حاول انه يودينا مره ثانيه عشان انكملها ما رضيت...ما احب حدايق الحيوان

الحين متحسفه
بس اشوه دشينا العرض مال ليون كينج..اليهال كيفو عليه!!

وهذي صوره الحديقه من بعييد

وهني داخل الحديقه

والحين بحط لكم صور الشقه

هذي الصاله

وهني من الصوب الثاني

هني المطبخ

غرفة النوم الرئيسيه والجاكوزي الي فيها

وهني الغرفه الثانيه

رووناااا

تر فندقنا وفندقكم حيل مثل بعض !!
بس انا ارتحت ان حوالينا كل شي والغرين ومطعم البتزا سيسيز والمطعم العربي كان داخله سوبرماركت فيه سوالف ومعلبات وخبز نفس الي عندنا وقرييب من الاوت لتس.

يتبع....

 

[malekatsabaa]

الحين بحط لكم صور المنتجع من داخل
هذي البحيره الي جدام شقتنا

وفيها بط وطيور ثانيه وسلحفا بعد..وعيالي كل يوم ياخذون توست ويروحون يوكلون البط...

 

[rawona]

ماشالله ملكة الريزورت وايد حلو .. فيه من الريزورت مالنا كنظام .. بس اللي حرني انهم حطوني هالسنة بالمبنى القديم ..

اللي صج عجبني Hilton Grand Vacation Club مو طبيعي دخلته هالسنة وشفته وايد عجبني وقريب من البريميوم وول مارت والبقالة العربية يم الريزورت مالكم انا وايد انصج فيه وانشالله اذا بروح مرة ثانية باسكن فيه انشالله سعره 170 دولار بالليلة يعني سعره حلو بعد ..


مشكوره على الصور ملكة بردتي جبدي وانا انشالله قريب احط صور الماجيك كنغ دوم اذا عندج صور للحديقة حطيهم ​

 

[وين^العهود]

وااااااااو ياحلووو ديزني الصور وايد حلوه

ملكه ماشاء الله خوووش صور

والبحيره عجيبه وتونس

وناطره باجي الصور

يعطيكم العافيه

 

[rawona]

وااااااااو ياحلووو ديزني الصور وايد حلوه

ملكه ماشاء الله خوووش صور

والبحيره عجيبه وتونس

وناطره باجي الصور

يعطيكم العافيه

الله يعافيج وشاكرتلج مرورج ..:tek:​

 

[malekatsabaa]

ماشالله ملكة الريزورت وايد حلو .. فيه من الريزورت مالنا كنظام .. بس اللي حرني انهم حطوني هالسنة بالمبنى القديم ..

اللي صج عجبني Hilton Grand Vacation Club مو طبيعي دخلته هالسنة وشفته وايد عجبني وقريب من البريميوم وول مارت والبقالة العربية يم الريزورت مالكم انا وايد انصج فيه وانشالله اذا بروح مرة ثانية باسكن فيه انشالله سعره 170 دولار بالليلة يعني سعره حلو بعد ..


مشكوره على الصور ملكة بردتي جبدي وانا انشالله قريب احط صور الماجيك كنغ دوم اذا عندج صور للحديقة حطيهم ​

العفو حبيبتي .. بعد عقب كل هالحنه الي حنانياها لين سافرنا لازم اشاركج واساعدج بموضوعج!!
بس سامحيني تر صوري مو وايد لاني كنت حيل لاهيه مع اليهال وكل التصوير علي..بس لقيت بتليفون ولدي جم صوره بعد ينفعون..

وزين سويتي جيكتيلج على فندق حق السنه اليايه..والسعر هم وايد حلو..
والله احنا شكلنا ماراح نعيدها قريب ولا جان سكنت وياج ..الله كريم..

انا ناطرتج تحطين صورج عشان اكمل معاج...:tek:

 

[malekatsabaa]

وااااااااو ياحلووو ديزني الصور وايد حلوه

ملكه ماشاء الله خوووش صور

والبحيره عجيبه وتونس

وناطره باجي الصور

يعطيكم العافيه

مشكوره حبيبتي..والله يعافيج

 

[malekatsabaa]

صباح الخير..
انا من رديت من اورلاندو مو قادره اعدل نومتي..
وتلقيني قاعده من فيرالله..

ودام اني قاعده وماعندي شي خل احط لكم هالجم صوره الي عندي عن البيت المقلوب...

هذي الصوره من السياره
طبعا اليهال استخفو...وكل دقيقه يسالوني ..هذا صجي؟؟واشلون انقلب!!

وانا استمتعت وانا اجذب عليهم خاصه بنتي الصغيره..لووول

وهني الصوره عند المدخل.. من داخل البيت!!

طبعا هذا البيت كله سوالف غريبه وعلميه يشبه القسم الي في المركز العلمي مال العلوم المرحه عندنا..
بس على اكبر واكثر وايد..ومن اول ما تدخلون عند الباب تشوفون اشياء غريبه:eh_s(15):
وايد اليهال استانسو حتى كان ودهم يروحونه مره ثانيه بس للاسف ما مدى!!!
ويومها كنت ناسيه كامرتي فما صوت من داخل ..والي تشوفونهم بكامرة ولدي..

وفي عندي صوره يتيمه للبيت العوي
بس ما انصحكم اتروحونله كلش ما يونس مقارنة بالبيت المقلوب..كافي اتشوفون شكله من بره!!!
اهو سوالفه بعنوان صدق او لا تصدق .. بس جنه متحف والي فيه عادي ما يشد اليهال ولا الكبار.

وسلامتكم!!:tek:

 

[rawona]

مشكوره ملكة على الصور اتونس .. انا على كثر روحاتي لاورلاندو ولا مره دخلته كله اشوفه من بره ..

وعلى سالفة الجذب انا بعد ما قصرت لوووول بنتي اتقولي "يمه الناس اللي داخل بعد مقلوبين؟" وانا اقولها ايي لووول عليالها الناس داخل تمشي بالمقلوب

يالله باحاول اكمل باجي الصور :eh_s(8):​

 

[rawona]

هااااي بنوتات ..


اليوم الثاني كان بعد في ديزني Magic Kingdom

واهي الحديقة اللي فيها قصر سندريلا واللي انا اشوفها احلى حدايق ديزني خاصة لليهال وايد وايد يستانسون فيها (الحديقة رحتلها على يومين)



البوابة الرئيسية ..





واهني شلون يخلون كل سيارة تصفط بمكانها بكل ترتيب ونظام..





وعقب مانزلنا ركبنا قطار صغير ودانا للبوابة الداخلية وكان فيها طريقتين للوصول للحديقة يا اما ناخذ العبارة او ناخذ "الترام" او اللي يسمونه اهناك المونريال واحنا علشان نوصل اسرع اخترنا المونريال وهذي بعض الصور ..


اهني واحنا ناطرينه يوصل ..






واهني قبل لا نركب ..






وهذا القصر من داخل ..






يتبع ...
​

 

[rawona]

وهذي بعض عروض dreams come true اللي على مسرح القصر ..













وهذي بعض الالعاب اللي بالحديقة ..

لعبة دمبوا "الفيل الطائر"




وهذي لعبة winne the pooh وايد حبوها اليهال..

المركبة ..





اللعبة من داخل ..










وهذي الساحة مالت بيغلت رفيج بووه فيها العاب لليهال ويم مقر الشخصيات للي حاب يصور مع بووه وربعه ويلعب بهالمكان ..






يتبع..

​