مسافرات امريكا2008 صوركم.. سوالفكم...مواقفكم...مشترواتكم... شاركوني

[nawnaw]

هلا روانا
صج سفرتي كانت حدها ونيسه لان هذي اول مره مانسافر بطيران دداخلي الا باليايا والروحه بس ... فيعني مستقرين شوي..
الا المره اللي فاتت تنقلت بالداخلي وايد فطقت جبدي ..تخيلي رحت شيكاغو بطياره من ميامي ومن شيكاغو رحت دي سي بطياره فلاعت جبدي
والاردي منها سفره من جم سنه ..عاد مصخناها يالطياير ؟فاعقبهبا قلت حق ريلي توبه مانبي طياير..والحمدالله هالمره ماكو طيران داخلي
اما عن مشترياتي صراحه امريكا اشياءها عمليه مو حق عيد ..العيد خذيت حق بنتي من الكويت قبل سفرتي ..فا مشترياتي كل كان عملي ...تريننغات حقي وحق ينتي كودت من jucy جميع الالوان والموديلات ومن بولو
اما عن الصور فصراحه كل صور عائليه ما اقدر احطهم ..
ودمتم

 

[nawnaw]

واولادي خذيت لهم من abricrombie and polo
وان شاء الله السفره اليايه ودي اروح مكان جديد ماشفته مثل نورث كارولينا او كولورادو ..يعني مكان جديدد
وبهذا اكون تقريبا شطبت علي ولايات امريكا المهمه طبعا
ببنات انصحكم بسياتل تري وايد وايد وايد حلوه واوريغون ضروري تشوفونهم
ولايه لويوزيانا تلوع الجبد ماانصحكم كلش

 

[وين^العهود]

الحمدلله على السلامه حبيبتي

وعليكم بالعافيه وان شاءالله تعيدونها

وبصراحه انا من زمان ناطره تقريرج عن سفرتج

ماشاءالله تقاريرج وايد حلوه وتشوق

وناطره صور اورلاندوو واكثر شي صور ديزني ومشترياتج

كنت بروح لها هالسنه بس تكنسلت السفره

وان شاءالله ربي يكتب لنا ونروح السنه اليايه

 

[شيهانه]

خووش موضوع مشكووورة انا هل السنة سافرت امريكا واول مره صج بس حدي كيفت عليها صارت ديرتي المفضله ناسها ودوديين بشكل مو طبيعي ..

على تصغير الصور روحي حق ال paint الي مع الاكسسوريز عرفتيه ؟؟؟ بعدين سوي اوبن حق الصورة الي تبينها ولا فتحتي الصورة في خيارات فوق واحد منهم Image وروحي حق سطر stretch \skew راح يطلع لك خانات فيها 100 سويها 30 او 40 للعرض والطول اول خانتين بس الي مكتوبين 0 لا تغيرينهم وحطي ok وبس اتصغر الصور ..

 

[malekatsabaa]

وينكم ما بينتوا؟؟؟

هلا والله

سيري ونحن ورائك...
انا موجوده بس كنت ضايعه بالطوشه شوي

موضوعج حده يونس...مثل عادتج مواضيعج كلها مفيده!!:eh_s(15):

بالنسبه حق رحلتنا راح اسولفلكم على مراحل لان فيها مواقف وعفسيه!!

سافرنا عاليونايتد
المفروض الطياره تطلع الساعه 11:45 مساءً ولكن للاسف تأخرت تقريبا 40 دقيقه..واحنا كنا حاجزين 5 كراسي يم بعض عالسياحيه..بغينا نسوي ابغريد في المطار..ما حصلنا كراسي يم بعضوالموظف نصحنا ان دام معانا يهال انكون يم بعض احسن ..الرحله بالروحه كانت طويييييله والكل نام (الا انا)..المهم وصلنا واشنطن تقريبا الساعه 7 الصبح ..دخلنا المطار وعلى ما خلصنا الجوازات والتدقيق..بس الحمدلله ما فتشونا لاني كنت موديه ممنوعات..لوول(مرتديلا واندومي وجبن كرافت) عاد .. طافتنا طيارتنا الداخليه جان يحجزون لنا على الطياره الي بعدها بساعه قلنا عاااادي لما بدينا نتكود عالبوابه عشان البوردنق جان يقولون فيها تاخير ساااااعه:eh_s(16): وماصدقنا بالاخر انا صعدنا الطياره..والرحله ساعتين الا شوي ناموا فيهم اليهال(وانا لأ) وصلنا اورلاندو وحده الظهر ركبنا باص يودي حق شركة تاجير السيارات الي احنا حاجزين فيها (هيرتز)وقعدنا على ما غيروا السياره الي حاجزينها لانها كانت صغيره خذينا شفر مثل الجيب مادري شسمها..ما صورتها

هذي السياره كانو رازينها عند باب الشركه.
عاد عيالي حسبالهم هذي سيارتنا..لوووول

الصوره صغيره لي الحين ماعرف اعدلها


ورحنا الفندق!!!

 

[rawona]

ناو ناو ... انا احب افتر بامريكا مثل ما قلتي بس اذا معاج يهااال ماراح يستانسون باي مكان لازم تودينهم اماكن فيها وناسه والا انا وايد احب السفر والتنقل وتقريبا مفتره اغلب دول اوروبا وشرق اسيا بس كل ما انوي اخذ اعيالي لدولة اوروبية اكنسل واحول على امريكا ..


انا ناوية المره اليايه اغير اشوي ودي اروح لاس فيغاس وميامي وابي كروز وبامر على اورلاندو بعد .. واذا اكبروا اليهال اشوي اوديهم كاليفورنيا وشيكاغو و سياتل ونيويورك ..


وعلى المشتريات انا بعد ماحصلت شي لعيالي حلو واااو للعيد بس شريتلهم شغلات من جمبري وجين اند جاك ونيمن ماركوس واوليلي تنفع للعيد ..

وانا خذيتلي جنطة من Lv جيمي شو اعجبنتي جنطة عندهم شكلها غريب بس عاديه سعرها ب 3870 دولار من غير التاكس قلت على شنو؟؟ سألت هذا جلد شنو؟؟ جان يقولي الشايب "ليزارد" جان اقول قعدي بمكانج لوووول


وخذيت من غوتشي ومايكل كورس ولقطت من الاوت لت من بيربيري وديور وتريننغز من جوسي كوتور وبي بي

وطبعا تكرمون جواتي لووول بابسط فيها الجنطة انترست جواتي واجناط ... وخذيت اجناط عملية من بي بي و بي سي بي جي سي كي ودي كي ان واي .. واممممممممم ووايد شغلات ناسيتهم


وفيكتوريا سيكريتس طبعا ..


​

 

[rawona]

وين العهود ... شيهانة مشكورين وايد على المرور وحياكم الله ويانا ..


ملكة سفرتج ذكرتني بسفرتي العام وايد تأذيت من التأخير وان اطوفنا الرحلة .. عموما الحمدلله وانشالله اليايات احسن ..


اللي ما يخليني أأجر من هيرتز في اورلاندو ان لازم تروحين له اباص وانا معاي جناط وعفسه بس لما كنت بروحي مع ريلي أجرنا منهم وكانت سيارتنا كشف ​

 

[rawona]

بناااااااااااااااااااااااااات اليوم باحطلكم صوري الخاصة بالرحلة ..

ملاحظة: انا كنت رايحة من غير كاميرا وشريت كاميرا من اهناك فالصور اليايه من كاميرة تلفوني فاعذروني اذا مو واضحة...


البداية في مطار الكويت





واهني البحث عن البوابه ..






والوصول الى البوابة ..





متابعة خط سير الرحلة بالطائره ..






ركوب الطائرة الداخلية "تيد"





يتبع...
​

 

[nice smile]

عليكم بالعافيه

انا مارحت امريكا ....

كان لنا نيه نروح هالسنه مع ريلي بس مالقينا احد يروح معانا ..

جان نغير وجهتنا الى اوربا ..


بس احس امريكا عالم ثاني ان شاءالله الله يكتب لي واروح اشوفها

 

[CuTiE PiE]

رونا لووووووووووووووووول انا زيك كلما قررنا نسافر مكان على طول اقول اورلاندو احسها انسب مكان للى عندو اطفال تخيلى رونا انا حتى فى شهر العسل رحت اورلاندو لووووووووووووول من جد ديزنى عجيبه تحسين المكان مو حقيقه كنك فى الاحلاااااااااااااااااام...انا رحت شيكاغو بس ماعجبتنى مادرى ليه .....

 

[malekatsabaa]

هلا روونا

فعلا تاذينا بس والله من اللهفه طوفنا عادي ومن كثر ما ناسهم فرندلي وخدومين ما تتضايقين اذا صار لج اي ظرف طارئ!!

والله يسمع منج وتكون لنا يايات وايد يااااااااارب.لاني صج ما شبعت ابي اقعد فيها شهر ونص عشان استانس بالمنتجع بعد واسوي ريلاكسيشن واستجم مو كله ركضه ..والمنتجع فيه انشطه حق اليهال حلوه بس ما يمدي..
وابي اشوف ميامي وامر ديتونا حتى لو مرور الكرام..لوول

وبامر على اورلاندو بعد

لوووول ...
ماتقدرين ..لازم اتمرينها..والله ما تنلامين

هيرتز صج اذيتها شيلة الجناط بالباص بس شغله حدها عاديه وحتى اهم يساعدونج!!!

وسامحوني الصوره الاوليه كانت وايد كبيره بس الي وهقني اني نزلتها بالغلط ولما ييت اعدلها المنتدى ما قام يفتح عندي:s

بالنسبه للمشتريات للأسف مارحت الا فلوريدا مول ..
كلش الوقت كان ضيج واليهال ما يحبون السوق فما رحت الا السوقه الي قريبه علينا الي اهي
بريميوم اوتلت وليك بوينا فيستا فاكتوري ..ورحت برايم اوتلت بعد بس مره.
ومشترياتي
جناط
من بربري ومن دي كي ان واي ومن كوتش خذيت لي ثنتين وخذيت صوغه حق خواتي وايد اسعاره حلوه ومن جي سي بني خذيت لي وحده عمليه ومن بي بي ومن جوسي كوتر.وكان ودي اخذ شي من اغنر بس ما حصل..لاني مادريت وينه!!

جاكيتات قصيره تنفع مع تنانير خذيت من بنانا ريببلك وجيس وكالفن كلين وثيوري وما اذكر كنت امشي اخذ جاكيتات
خذيتلي بعد من نيمن ماركس شال للشتا.وخرطبت شويه بلايزوجينزات من هني وهناك.

اما لعيالي لقيت اشيا حلوه للبنات في كارترز وهارتسترينغس بس كله شتوي يمكن اخليهم لعيد الاضحى اذا برد الجو عندنا
اما لعيد الفطر خذيت هم منه اشياء عمليه حق بنتي ولدي ويمكن ازيدها بالكويت ومن جيمبوري بعد خذيت
وولدي العود خذيتله من غاب.
عموما بنتي يبتلها وايد اشياء كل ما ارجع من السوق الا اكون شاريتلها.
متحسفه اني مارحت الملينيا .. ورديت مو مخلصه فلوسي

صارتلي سالفه مع الجاكيت الي اخذته من كالفن
لما رديت الكويت اكتشفت ان العلامه الي يحطونها بالملابس وما تطلع الا بجهاز المحل

مو شايلينها!!!!

جان اييب المطرقه واطيح فيها .. لين اطلعت يلا ارتاحت نفسيتي..
بس كنت على وشك انتف الجاكيت ..لووول

 

[اوركيدا]

راونا حبيبتي عليج بالعافيه .. وان شاءلله تقطعينهم بالعافيه ..
صاجه التنقل يبيله يهال شوي كبار .. لصغار يتعبونج ويتعبون مايسوى ..
انا اللحين اخر الايام اشوف الاوت لت انترس .. ثياب شريناهم من نورد ستورم او ميسيز لقينيهم في ماشلز بربع السعر ..
اليوم رحنا فلوريدا مول خاااااااااااااااالي وعيني فيها الصيحه .. خلاص نودع واهلي كلهم يبون يشوفون مناطق غير المرات اليايه فخايفه مالي رده اورلاندو مره ثانيه بس ان شاءلله لا ..

ملكة عليج بالعافيه حبيبتي .. وصج اورلاندو يبيلها شهر او نص .. احنا رحلتنا صارت اسبوعين برى تقريبا او 3 اسابيع في اورلاندو وبعد في اماكن وايد كنا ناويين نروح لها مارحنالها ..

عليج بالعافيه مشترياتج والحمدلله انكم وصلتو والله ستر ماضاعت شناطكم انا اللحين ميته من الخوف كل يوم اشوف بالمنتديات مواضيع انه الناس ضاعت شناطهم .. قاعده اصف اغراضي واقرى عليهم ههههههههههههه

انا الله يسلمكم السنه مرت خالي الله يقطع بليسها ان شاءلله وصتنا على كريمات من Bath&Body Works ب1000 دولار تصوروا ! .. واهيا مو من النوع اللي نقدر نقول لها لا لأنها صج ماتقصر وكل سنه يسافرون ويانا والسنه ماقدروا فكانت كاسره خاطرنا .. قلت بس اوصل بشتريلها او بقطهم في ارامكس .. او اتفقت وياها على جذي ..

المهم شريت وييت اسأل .. الا يقولون لي مايصير تطرشين على ارامكس سوائل! .. انا ادري بس ماعرف شاللي عماني ..وقعدت ادور او ماحصلت ولا شركه .. فوزعت الكريمات اللحين فشناطنا او الله يستر! .. تقرطسهم بس عشان مايتكتتون على ثيابنا كسر ظهرنا .. فنصيحه اذا تحبون احد لاتوصونه على كريمات! ههههههههههه والله تغربلنا

مشرواتي الله يسلمكم وايد خذيت لي من Bath and Body works
خذيت طقم رازجي اليديد ريحته تينن او خذيت التين وايد احبه او خيار مع بطيخ صج ريحته فرش! ..
خذيت بعد من السكراب مالهم اليديد او خذيت كريم اليدد فضيع! .. شريت لي كريمات من Dove لانه تركيبتهم غير عن التركيبه اللي يبيعونها عندنا وهالشي واضح من الاستعمال صج فرق!

ملكه ياريتج سألتيني شناط Agner في Macy's محذفين في كل مكان .. او ينباعون ببلاش في Marcheals انا شريت وحده كانت بـ107 دولار وايد كبيره .. خذيتها بـ29 من اهناك تخيلي!

شريت Agner 2 صوايغ او خذيت لي بوك Coach مادري ليش يوم فتح عندنا انبطت جبدي! فماخذيت واللحين يوم خلصت فلوسي تحسفت لانه عندنا اللي بالدولار اهني بالدينار اهناك!

خذيت شنطه LV على قولة اختي السمبوسه تسميها .. او خذيت Charm منزلين يديد وااايد حلو .. وسعره زين 300 يصير ويا التاكس

خذيت لي جنطة واكسسوارات Juicey .. بدلة العيد خذيت ثنتين بس مادري اي وحده بلبسها يوم العيد وحده فستان قصير من Macy's وردي او في ورود من فوق وايد حلو وسعره كان 100 دولار او خذيت بلوزه من Nordstrom وماعرف اي وحده بلبس .. خذيت شنطه Chanel او عطر على قولتهم ماينباع الا فالبوتيك مالهم! .. بس مادري اذا قصدهم كل بوتيك! .. شوفوه فالكويت ريحته تينن احنا فالبحرين ماعندنا Chanel او خذت شنطه حمره بربري من الاوت لت

في Prime One اوت لت خذيت من Saks Fifth Avenue جواتي او نظارات ببلاش .. Gucci او Versace وحده بـ70 والثانيه ب100 دولار ..

من مارشل خذيت شنطة لاب توب Lacoste ب70 دولار .. او الصوايغ مالت ديزني بين Wallmart او ديزني ستور .. ولاحظت انه البضايع فالحدايق مو دايم تكون نفسها بالماركت بليس فالداون تاون! وصج الاوت لت بعد ميرت من اشيا ديزني ببلاش! .. اذا مداني لي رجعت البحرين بصور لكم .. لكن كل يوم كانو ينزلون شي غير ..

هذي اللي تذكرته اللحين ..
السياره خذيناها ثاني يوم اول يوم نروح الفندق نريح او ثاني يوم ناخذ السياره لانه باخر سفره وايد تعبنا او طولانا ويا البطاقات والتأمين فجذي كان اريح او تكسي ودانا لي المطار .

 

[malekatsabaa]

اوركيدا عليج بالعافيه..

على طاري سوالف الجسم..
انا طحت على فيكتوريا سيكرت ..مسوين سيل قوي ..فكودت اشكثر حق سنين جدام ..

ونسيت اقولكم ان الكوبونات الي قلتولنا عنها انتي وروونا حيييل فادتني..
ريلي استانس عليها..

 

[rawona]

عليكم بالعافيه

انا مارحت امريكا ....

كان لنا نيه نروح هالسنه مع ريلي بس مالقينا احد يروح معانا ..

جان نغير وجهتنا الى اوربا ..


بس احس امريكا عالم ثاني ان شاءالله الله يكتب لي واروح اشوفها

هلا حبوبه ..

انشالله تنكتب لكم روحة اهناااك امريكا صج ونيسه وحلوه وناسهم فريندلي ومحد له شغل باحد ... عزموا السنة الياية وانشالله تنكتب لكم روحة حتى لو بروحكم ترى عادي وناسه بعد :eh_s(8):​

 

[rawona]

رونا لووووووووووووووووول انا زيك كلما قررنا نسافر مكان على طول اقول اورلاندو احسها انسب مكان للى عندو اطفال تخيلى رونا انا حتى فى شهر العسل رحت اورلاندو لووووووووووووول من جد ديزنى عجيبه تحسين المكان مو حقيقه كنك فى الاحلاااااااااااااااااام...انا رحت شيكاغو بس ماعجبتنى مادرى ليه .....

لا بالعكس شيكاغو وايد حلوه احبها حيل واحلى فنادق ومطاعم وسوق فيها بس ما تصلح حق يهااال ايملوووون فيها بس حلو الواحد يمرهااا ...

ديزني ماعليها كلام والحلو فيها كل مره غير عن الثانية انا كا روحة اكتشف فيها شي يديد واشوف اشياء يديده واتحسر على حالنا ليش ما نصير مثلهم بالنظام والابتكاار والتجديد والمعاملة الوااااااااااااو صراحة والنزول لعقل الطفل والكلام وياه وتشجيعه على الحلم والاصرار على تحقيق احلامه وطموحاته .. ااااااااااااااااه خليني ساكته بس والدليل عندنا المدينة الترفيهية "لا تعليــــــــــــــــــــــــــــــــق" :tomato2:​

 

[rawona]

جان اييب المطرقه واطيح فيها .. لين اطلعت يلا ارتاحت نفسيتي..
بس كنت على وشك انتف الجاكيت ..لووول

لووووول عادي صارت جم مره ...

عاد والله المليينيا من احلى المجمعااات في اورلاندو انا وايد احبه واحب اتمشى فيه .. وبالنسبة لجناااط اغنقر انا حصلتهم في macy's بس ما كانت تشكيلتهم ذاااك الزود بس لقطلتلي وحده يتيمة احلى وحده بينهم وخذيتها صوغة حق امي ..

واذا على الصوره ترى عادي اتصير يالله ناطرين صور ثانية الموضوع مو لي بروحي لووول :eh_s(8):​

 

[rawona]

راونا حبيبتي عليج بالعافيه .. وان شاءلله تقطعينهم بالعافيه ..
صاجه التنقل يبيله يهال شوي كبار .. لصغار يتعبونج ويتعبون مايسوى ..
انا اللحين اخر الايام اشوف الاوت لت انترس .. ثياب شريناهم من نورد ستورم او ميسيز لقينيهم في ماشلز بربع السعر ..
اليوم رحنا فلوريدا مول خاااااااااااااااالي وعيني فيها الصيحه .. خلاص نودع واهلي كلهم يبون يشوفون مناطق غير المرات اليايه فخايفه مالي رده اورلاندو مره ثانيه بس ان شاءلله لا ..

ملكة عليج بالعافيه حبيبتي .. وصج اورلاندو يبيلها شهر او نص .. احنا رحلتنا صارت اسبوعين برى تقريبا او 3 اسابيع في اورلاندو وبعد في اماكن وايد كنا ناويين نروح لها مارحنالها ..

عليج بالعافيه مشترياتج والحمدلله انكم وصلتو والله ستر ماضاعت شناطكم انا اللحين ميته من الخوف كل يوم اشوف بالمنتديات مواضيع انه الناس ضاعت شناطهم .. قاعده اصف اغراضي واقرى عليهم ههههههههههههه

انا الله يسلمكم السنه مرت خالي الله يقطع بليسها ان شاءلله وصتنا على كريمات من Bath&Body Works ب1000 دولار تصوروا ! .. واهيا مو من النوع اللي نقدر نقول لها لا لأنها صج ماتقصر وكل سنه يسافرون ويانا والسنه ماقدروا فكانت كاسره خاطرنا .. قلت بس اوصل بشتريلها او بقطهم في ارامكس .. او اتفقت وياها على جذي ..

المهم شريت وييت اسأل .. الا يقولون لي مايصير تطرشين على ارامكس سوائل! .. انا ادري بس ماعرف شاللي عماني ..وقعدت ادور او ماحصلت ولا شركه .. فوزعت الكريمات اللحين فشناطنا او الله يستر! .. تقرطسهم بس عشان مايتكتتون على ثيابنا كسر ظهرنا .. فنصيحه اذا تحبون احد لاتوصونه على كريمات! ههههههههههه والله تغربلنا

مشرواتي الله يسلمكم وايد خذيت لي من Bath and Body works
خذيت طقم رازجي اليديد ريحته تينن او خذيت التين وايد احبه او خيار مع بطيخ صج ريحته فرش! ..
خذيت بعد من السكراب مالهم اليديد او خذيت كريم اليدد فضيع! .. شريت لي كريمات من Dove لانه تركيبتهم غير عن التركيبه اللي يبيعونها عندنا وهالشي واضح من الاستعمال صج فرق!

ملكه ياريتج سألتيني شناط Agner في Macy's محذفين في كل مكان .. او ينباعون ببلاش في Marcheals انا شريت وحده كانت بـ107 دولار وايد كبيره .. خذيتها بـ29 من اهناك تخيلي!

شريت Agner 2 صوايغ او خذيت لي بوك Coach مادري ليش يوم فتح عندنا انبطت جبدي! فماخذيت واللحين يوم خلصت فلوسي تحسفت لانه عندنا اللي بالدولار اهني بالدينار اهناك!

خذيت شنطه LV على قولة اختي السمبوسه تسميها .. او خذيت Charm منزلين يديد وااايد حلو .. وسعره زين 300 يصير ويا التاكس

خذيت لي جنطة واكسسوارات Juicey .. بدلة العيد خذيت ثنتين بس مادري اي وحده بلبسها يوم العيد وحده فستان قصير من Macy's وردي او في ورود من فوق وايد حلو وسعره كان 100 دولار او خذيت بلوزه من Nordstrom وماعرف اي وحده بلبس .. خذيت شنطه Chanel او عطر على قولتهم ماينباع الا فالبوتيك مالهم! .. بس مادري اذا قصدهم كل بوتيك! .. شوفوه فالكويت ريحته تينن احنا فالبحرين ماعندنا Chanel او خذت شنطه حمره بربري من الاوت لت

في Prime One اوت لت خذيت من Saks Fifth Avenue جواتي او نظارات ببلاش .. Gucci او Versace وحده بـ70 والثانيه ب100 دولار ..

من مارشل خذيت شنطة لاب توب Lacoste ب70 دولار .. او الصوايغ مالت ديزني بين Wallmart او ديزني ستور .. ولاحظت انه البضايع فالحدايق مو دايم تكون نفسها بالماركت بليس فالداون تاون! وصج الاوت لت بعد ميرت من اشيا ديزني ببلاش! .. اذا مداني لي رجعت البحرين بصور لكم .. لكن كل يوم كانو ينزلون شي غير ..

هذي اللي تذكرته اللحين ..
السياره خذيناها ثاني يوم اول يوم نروح الفندق نريح او ثاني يوم ناخذ السياره لانه باخر سفره وايد تعبنا او طولانا ويا البطاقات والتأمين فجذي كان اريح او تكسي ودانا لي المطار .

عليج بالعافية اوركيدا .. وتتهنين فيها و bath & body works عجيب ريلي يحب منهم شغله على مانجا ومادري شنو بعد وخذيت منهم بعد شغلات للفوت سبا وهم كودت من فيكتوريا بس وايد مثل ما قالت ملكة .. لا كودت اللي يكفيني سنه " واقول حق ريلي ماني مكثره علشان لي ييت السنه اليايه انشالله اخذ منهم" لووووووووووووووووووووول حد الثقة وريلي يطالعني من فوق لي تحت ويهز ايده هيهيهي


يالله انشالله تردون بالسلامة ولا تنسين تسلميلي على لندن صج توني راده منها شهر واحد بس ولهت عليها وصوري اهناااك صور خاصة وحصريا بس لموضوعي لووول ​

 

[rawona]

ونسيت اقولكم ان الكوبونات الي قلتولنا عنها انتي وروونا حيييل فادتني..
ريلي استانس عليها..

ملكة ضحكي علي لوووول ..


انا اللي كنت مشتطة واطبع بهالكوبونات واسجل بالسايت واخزن ما استخدمت ولاكوبون لوووووووووووووووول كل ما اروح السوق اخذهم وياي واشري اشري ولما ايي احاسب انساهم لووول واطلع وما استفدت منهم كلش اللهم من خصومات ميسي مالت السياح لووول ..


يالله انشالله المرات اليايه ​

 

[rawona]

بنات هذي بعض الصور من رحلتي ..


هذا الشارع اللي فيه الريزورت اللي سكنا فيه ..





وهذا مدخل الريزورت ..






وهذي صور للشقة ..














وبعد اشوي باحطلكم صور من اول يوم لنا بديزني :eh_s(8):
​

 

[rawona]

بالطريق الى ديزني ...






الحديقة الاولى كانت animal kingdom وهذي صور منها ..





من عروض the lion king وايد حلو استانسنا فيه اكثر من اليهال














وهذي بوكاهانتس بالعرض مالها..






يتبع ...
​