مساعدتكم حبيباتي زوجي والعباية

[بنوتة الخبر]

"يَا أَيّهَا النَّبِيّ قُلْ لِأَزْوَاجِك وَبَنَاتك وَنِسَاء الْمُؤْمِنِينَ يُدْنِينَ عَلَيْهِنَّ مِنْ جَلَابِيبهنَّ"


والله يهدي الجميع

 

[روزباريس]

لاطاعه لمخلوق في معصية الخالق اختي انتي اختاري رضا ربك ع رضا زوجك وانتي اقنعيه وجيبيله ادله من الكتاب والسنه وع على فكره الحجاب عباده وليس عاده وقولي لزوجك كل راع ومسول عن راعيته وقولي له لو فكيت العبايه انت تاخذ الذنب ياناس القيامه راح تقوم واحنا في غفله وذنوب ومعاصي وعلى فكره العبايه ستر لان المراءة عوره والعبايه تستراحسن من انك تبيني مفاتنك للاجانب الي هم غير محارمك نسال الهدايه لزوجك وانتي في زمن يخوف

 

[ديما ديما]

قوليله ألبس لك وأكشخ لك في البيت وفي كل مكآن ..
لكن زينتي وجمآلي وجسمي مابي أحد يشوفه غيرك ..
وبعدين آلوحده تقدر تتكشخ حتى وهي لآبسه العبآيه
أهم شي النظآفه وآلترتيب ..

دآمك لبستي العبايه حرآم تتركينهآ ..

لآ طآعة لمخلوق في معصية آلخآلق ..
تبين رضآ زوجك ع حسآب غضب ربك !!!



آلله يسخر زوجك لكِ ويهديه ..

كلام صح 100%:eh_s(15):

 

[Le chat]

ماسالتيه ليش هالتغيير؟

 

[ليه الجفآ]

قوليله ألبس لك وأكشخ لك في البيت وفي كل مكآن ..
لكن زينتي وجمآلي وجسمي مابي أحد يشوفه غيرك ..
وبعدين آلوحده تقدر تتكشخ حتى وهي لآبسه العبآيه
أهم شي النظآفه وآلترتيب ..

دآمك لبستي العبايه حرآم تتركينهآ ..

لآ طآعة لمخلوق في معصية آلخآلق ..
تبين رضآ زوجك ع حسآب غضب ربك !!!



آلله يسخر زوجك لكِ ويهديه ..

كلامج جدا جميل وانا معاج ..



بس غريبه تغيير تفكيره وقناعته ..!!!!!!!!!!!!!



..​

 

[عسل مرت قيمر]

انا مع دلوعة ابوها برايها

 

[Senora]

بالدوام بدل .... بالزوارات وبيت الاهل بدل .... اشبقى بس طلعتج مع زوجج ... اقصد من ناحية الناس مافي احد اعتقد ثبت انج ملتزمة بالعباة فما فرقت اذا طلعتي معاه تلبسين بدل ... ا

 

[سكوتي بذوقي]

الله يعنيك ويهدي زوجك

 

[تبوك الورد]

اجلسي معاه وفهميه وانشالله يفهم وجه نظرك

 

[ELFAD3Ah]

اذا انتي لبسج محتشم وذرب عادي شل مشكله

 

[RO0O7Y KUWAITYA]

الله يهدي زوجج

 

[أم حورية]

اول شي بالنسبة حق الاخت سينورا اظن صاحبة الموضوع تقصد انها تلبس بدلة فوقها عباية حق الزوارات والدوام لان من كلامها واضح انها ملتزمة بالعباية

ثانيا منو قال ان العباية من التقاليد ؟؟

اكثر لبس محتشم اهو العباية وماظن الرسول كان يوصي بشي اقل من جذي محتشم

حتى لو كان اللبس شبيه بالعباية تطور لي العباية

عموما اختي شروط اللبس المحتشم يكون واسع ومايشف والوانه ما تلفت يعني يمكن اللبس الطوييل والغامج والواسع يفي بالغرض بس مافي استر من العباية

وصدقيني دام قالج فصخيها راح يتدرج شوي شوي لان اهو غرضه يكشخ فيج

حاولي تقنعينه ان اللي يسويه مو من صالح عيالج ولا من صالحكم

وحاولي انج تكشخييله بالبيت غير عن البدل العادية اللي تلبسينها بالطلعة

لان الفضائيات ولبس البنات بالشارع بهدل شبابنا

*

 

[auoma]

حبيباتي مشكورين على الردود
بقيت أوضح نقطه انا البس بدله حق دوامي لأني مدرسه وطبعاً أداوم بالعبايه
ولما البس بدل بالزوارات فوق البدله عباية راس
انا لما لبست العبايه انا مقتنعه فيها مالبستها منظر او موضه وعمري ما البس عبايه مخصره
بس احرص على أني اجدد بالعبي واشتري ماركات معروفه وألبس عبي ذربه الكل يسألني عنها
بس اهو بخاطره اطلع معاه مطعم في بدله وطبعاً قالي تلبسين طويل نظام القمصان الطوال الي تحتها بنطلون
بس هذا الموضوع
اما بالنسبه للتغير اهو معروف الريال من يطق ال٣٠ سنه يرجع مراهق انا واثقه فيه مثل ثقتي بنفسي

 

[qswa]

ماقدر اقول الا الله يهديه ؟​

 

[ماني من الناس]

دام ضميرج قاعد يأنبج من الحين من قبل لا تقررين انج بتقطين العبايه او لا


معناته انه ضميرج صاحي وماودج تفصخين العباه

ي حياتي كشختنا وبدلنا واللبس الملون لنا مو للناس

الوحده ودها تمشي وماتلفت النظر قدر الامكان

عشان جذيه تطورت قصه الحشمه بأن يكون لون العباه اسود وواسعه اهم شي ماتفصل الجسم

انتي تعرفين شلون عقليه الرياييل

مره شفت برنامج لداعيه مصري يقول بما معناه احترنا فيكم ي المحجبات تلبسون تنوره يبان منها حجم خصركم تلبسون بنطلون يبان حجم الفخذ تلبسون بدي يبان حجم اليد تلبسون اي شي يبان حجم الصدر والمؤخره

فاكتشف من نظره الرجل ان الحل اهو تلبسينه يلبس ينسدل من فوق لي تحت واسع عشان مايجزأ ولا يفصل واسود مايلفت النظر


انا البس عباه جتف والوحده الزم ماعليها ضميرها مرتاح والكشخه والذرابه مالها علاقه بنوع اللبس لكن باحترام الوحده لنفسها ونظرتها لنفسها
الواحد منا يحاول قدر الامكان يبتعد عن الاشكالات

 

[!! دلوعته !!]

اببببببببببببب

 

[أم حورية]

انزين في فكرة كانت تدور براسي وودي اسويها تقدريت عن طريقها تعوضين ريلج

لبسي وكشخي ولبسي عبايتج وروحو مطعم فيه كباين ولما توصلين قطي عباتج

اعرف وحدة ساعات تكشخ وتلبس بوشية وتحط ميكب ويروحون كباين

والله يوفقكم ويهدي زوجج يارب*

 

[صمت المرافئ]

اول شي بالنسبة حق الاخت سينورا اظن صاحبة الموضوع تقصد انها تلبس بدلة فوقها عباية حق الزوارات والدوام لان من كلامها واضح انها ملتزمة بالعباية

ثانيا منو قال ان العباية من التقاليد ؟؟

اكثر لبس محتشم اهو العباية وماظن الرسول كان يوصي بشي اقل من جذي محتشم

حتى لو كان اللبس شبيه بالعباية تطور لي العباية

عموما اختي شروط اللبس المحتشم يكون واسع ومايشف والوانه ما تلفت يعني يمكن اللبس الطوييل والغامج والواسع يفي بالغرض بس مافي استر من العباية

وصدقيني دام قالج فصخيها راح يتدرج شوي شوي لان اهو غرضه يكشخ فيج

حاولي تقنعينه ان اللي يسويه مو من صالح عيالج ولا من صالحكم

وحاولي انج تكشخييله بالبيت غير عن البدل العادية اللي تلبسينها بالطلعة

لان الفضائيات ولبس البنات بالشارع بهدل شبابنا

*

من فضلج اختي
طلعي لي حديث يأمرنا الرسول فيه بلبس العباة !!! يعني إذا الوحدة مثلا سافرت للبلاد الغربية
واستبدلت العباة باللبس الساتر الواسع
تكون آثمة !!!
لازم عباة سودة والا ارتكبت إثم !!!
طيب ولبس المسلمات غير الخليجيات
هل بعد لازم يلبسون العباة السودة !!!
يعني احنا نتبع الدين وهم لا ؟؟؟
في العهد النبوي وما بعده النساء يلبسون الجلباب والثوب والكساء ...
لبس واسع ساتر ومو شرط أسود
حتى غطاء الراس - الخمار - ما كان لونه أسود
إلا فيما ندر
وابحثي في قوقل راح تلقين كلامي صحيح
وصاحبة الموضوع عفوا
ما قدرت أقرأ هالكلام وما أرد
​

 

[auoma]

اب اب

 

[auoma]

ردودكم حلوه
مثلاً لو طلعت مطعم لابسه بدله حرام
منو تسألي شيخ انا ماعرف