السلام عليكم حبايبي,واااااي من اليوم كتبت موضوع كامل وانمسح وااااي والله ياني صداع مت من القهر:eh_s(16):> يالله ماعليه تستاهلون برد اكتبه مره ثانيه
,بما اني والحمدلله طلعت من الاربعين ان شالله تطلعون من الشر, بس مارحت دايركت الصالون لان موسم امراض وعيالي حيـــــــــل كانوا تعابه او واحد ورى الثاني يطيحون فنطرتهم لين طابوا وخفوا شوي ورحت, وان شالله بسوي عشا محفوف بين الاهل بعد ماألقى الوقت المناسب ويطيبون عيالي تماما واللحين بقولكم شنو كان برنامجي وشنو سويت:
دقيت على صالوني وحجزت موعد حق عرض برنامج النفاس اللي عندهم ورحت على الموعد وكان البرنامج يتضمن التالي:
1-حمام في اي بي سبشل,اللي اهو عباره عن حمام مغربي مع 3 خلطات وكريمات للتنعيم والترطيب والتعطيروخلطة تبيض.
2-بديكير ومنيكير سبيشل.
3-جلسة ترديد ومساج لمدة ساعه.
4-شيره وحف.
وطبعا" شغلهم كان رووووعه وحسيت عقب البرنامج بشعور عجيب ماينوصف الصراحه أهو راحه أهو ثقه أهو خفه الصراحه شي عجيـــــــــــب و رااااااااااااااااائع,طبعا" شسورت شعري وقصيت الاطراف بس هذا مو من ضمن البرنامج,حسيت اني عروس لا بعرسي ماحسيت بهالشعور الصراحه.
كان عندهم كاسات هوا بس مادري بغيت اسويه وترددت خفت لاني ولامره مجربته,فاللي مجربه ياليت تفيدنا,وبعد ودي اصبغ شعري,وبخاطري صبغت أروى مذيعه الام بي سي بس بنت خالتي تقول لا تسمر وتبهت اللون ويبيلها مكياج24ساعه مع ان بشرتي أفتح من بشرة اروى وحيل بخاطري الصبغه,واقترحت علي بنت خالتي اني اصبغه باذنجاني مع خصل مخفيه داخل الشعر تكون عنابيه مادري احترت؟!!!
ودايما" اسمع البنات يسولفون عن وحده تيي البيت وتصبغ ويمدحونها حيل,فياليت اللي مجربتها تقولنا تجربتها.
ماشالله لاحول ولاقوه الا بالله ,الحمدلله عالنعمه وطالعين من الشر حبايبي و
مشكورين على مشاركاتكم الحلوه
مشكورين على مشاعركم النبيله
مشكورين على متابعتكم الطيبه
شكرا مشرفتنا على هالمسابقات الشيقه والممتعه اللي تشجعنا على التواصل مع بعض واعطاء وكسب المعرفه والنصائح المفيده
لبعضنا,سامحوني على القصور خواتي,اترككم بود واحترام,ومع الف سلامه واي استفسار انا حاضره عزيزاتي.
اختكم الغاليـ:eh_s(17):ـــه
