مسابقة :نفاسي فلّه شمعه منوّره

[alaseela]

انا متابعه معاكم ....
ولادتي برمضان ان شاء الله .....

هذا اول حمل لي و توني مسويه ربط و الله يثبت اللي ببطني واللي ببطن جميع المسلمات ...

الله يسهل علي وعلى جميع المسلمات والله يقومنا بالسلامه يارب ....

 

[alaseela]

انا متابعه معاكم ....
ولادتي برمضان ان شاء الله .....

هذا اول حمل لي و توني مسويه ربط و الله يثبت اللي ببطني واللي ببطن جميع المسلمات ...

الله يسهل علي وعلى جميع المسلمات والله يقومنا بالسلامه يارب ....

 

[عذوق]

فكرره حلووه

بس حسافه تو الناس علي شهر 6 ولادتي ب اذن الله

خلوها كل شهر المسابقه يعني نفاس شهر 4 و بعدها 5 وجذي

مجرد اقتراح

 

[ام طلال]

نبي صور

 

[كويتيه مذهله 87]

مساابقه حلو نستفيد منها حق الحمله اليايه
ويعطيج العافيه مشرفتنا خووش مساابقات والله تنزلينهاا
وخووش هدايا ماقصروا تاجرااتنا عسااهم ع القوه

 

[الــــغاليـــه]

بسم الله الرحمن الرحيم​

اليوم بحطلكم جزء من الصور,اول شي ببدأ بصور غرفتي اللي تنفست فيها وبعض الاكلات اللي صورتها وفي اكلات ماصورتها لانها معروفه مثل المرقوق والقبوط والسلطات..الخ.
وبما انا باقيلي على النفاس تقريبا اسبوعين بس ان شالله التصوير بيكون مستمر...​

اول شي الباب....
تفضلوا حياكم

​

وهذا الورد عشانكم وعشان منتدانا الغالي​

​

وهذا البرواز اللي فيه صور البيبيه اول ماتدخلون على الشوفنيره​

​

وهذا عند السرير>>>شريت السليبر حيل عجبني مع الفرو صاروا طقم​

​

وهذا جزء من الفراش​

​

مادري بسألج مشرفتنا طال عمرج بتستمر المسابقه ولا لأ؟!!:eh_s(1):
:ggdw: عشان ماشوف مشاركات ولا تفاعلات>>>لوgول :krkrkr: حلوه تفاعلات هذي:rerrerek: ولا انا بروحي بنزل موضوع وشكلي بروحي اللي بفوووز:krkrkr::krkrkr::krkrkr:​

 

[ام طلال]

والله يالغاليه شكلج بروحج ع العموم كملي

 

[عين السيح]

انا نفاس توني لي اسبوع
الله يطلعني ويطلعكم من كل شر
بس مافهمت بشنو مسابقه

 

[Roty]

الغاليه شفتج مشاركه شيشتيني انافسج

ام طلال شلون نشارك ولا ماكو مشتركات

بس علموني شلون انزل صور ابي موقع تحميل ووين اروح بالمنتدا عشان انزلهم اهني *

 

[Roty]

امبي وشلون اكتب عالصور

بيييه اسالتي وايد

ودي افوز ابي هدايا احب الهدايا باقيلي ٣ اسابيع نفاس

 

[دياري قلب زوجي]

بســــــــم اللـــه الرحمـــن الرحيم

السلام عليكم شلونكم كويتيات ؟

انا مو نفاس مادري اذا يصير اشارك والا لا بس بكتب جدولي وان شاء الله الكل يستفيد
وهذا الجدول استخدمته بنفاسي العام وان شاء الله نفاسي الجاي اطبقه بس انا ضايفه شغلات
طافت علي اول
............................................................
التجهيز


اولا : تجهيز ملابسي اخذهم من اتيكيت
وملابس البيبي من بروي سنتر بوينت ومذركير
وشغل السكر وطقم المطارات كان من الوالده الله يخليها لي
والكفر وسرير البيبي تفصال عند بيبي سنتر
والحلو التقديم ما خذته من لاكشيت والخباز بالكيلو
غير الستاندات هديه من خواتي بس على لون شغلي


...........................................................
الادويه:ggdw:

ثانيا: الادويه انا استخدمهم من ثاني يوم عادي
1-زعتر
2-الاكثار من التمروشرب قشر القهوه
3-الحلبه والتمر
((الحلبه والتمر يدر الحليب للطفل والشمر طارد للغازات))
4-تعجنين التمر مع رشاد ودهن حر (اي كميه)
5-المنقوعه ::مــره ومحلب وعلج مر وعنزروت تخلطينهم وكل يوم تحطين ملعقه وحده بكوب ماي

..........................................................
الاكل (((( الاهم كله حذااري من الجـــــــــــــوع))):ggdw:

الصبح:ريوق مكون من حليب مع حلبه -لهوم -بيض مسلوق -
زعتر وزيت <<< مو ضروري بس انا ما استغنى عنه:krkrkr:
وخبز نفاس اللي يسونه على الصاج فيه له كذا طريقه بالنت
وبعد ساعتين تاكلين عصيده

قبل الغدا تشربين كوب من المنقوعه
الغدا:مرقوق -قبوط -دجاج محشي وكيفك اللي بخاطرج تاكلينه وسلطات والاهم تبوله
عشان ما تملين من الاكل

وقت العصاري تشربين اعشاب او قشر القهوه وفواكه وخضار وعصيده مره ثانيه

العشـــــا: مطازيز - شوربه
وانا صراحه كل يوم وحده من اهلي وحبايبي يسولي عشا عشان ما امل واكره الاكل

خلصنااا من الاكل

......................................................................................................

الاهتمام بالمنطقه الحساسه والخياط


1- من اول يوم لحد اخر يوم لازم تحطين كريم (ميبــوو) بقطنه وكل ما غسلتي ردي وحطيه
>> هذا الللي ما استغنى عنه مهم

2- الخوجوا اللي لونه احمر تحطينه على الاولويز شوي وتلبسينها عادي

3- بعد15 يوم استخدم غسول المره وغسول البابونج مره هذا ومره ذاك

4- بعد طلعتك من الاربعين ب5 ايام استخدم تحاميل البوثيل

................................................................................

خلطات البشره والشعــــر

1- كل يوم الصبح احط ماسك الروب مع الشوفان واخليه لين يجف واغسل وجهي
وارش ماي ورد

2-وقت مايكون احد بيجي عندج احد خلطات تبيض عل جسمي
وانا اخذ من منتداي الغالي اذا احتجت

3- قبل لا انا احط زيت اللوز على كل جسمي ووجهي

4- خلطه البيبي فيس من التاجره الله يرزقها يارب ((miss b.k))

استخدمه يوم بعد يوم قبل لا انام بساعتين

5-الاهتمام بامنطقه الحساسه من نظافه عشان ما تسمر وياج
وخلطة من المنتدى وجربتها

تظهر نتائجها بعد اسبوعين من الاستخدام يوميا مرة او مرتين ويستمر لمدة اكثر من سنة اول اقل حسب اهتمامك ونوع بشرتك.

الطريقة:
1- كوب ماء ورد
2- نصف كوب او ثلاث ملاعق زيت زيتون
3- معلقة ملح او سكر
4- قليل من الماء
5- نصف كوب من بودرة تالك للاطفال

اذيبي السكر او الملح في الماء حتى يختفي تماما واحرصي على ان تكون الكمية قليلة ثم بعد ذلك ضيفيها على باقي المكونات واخلطيهم جيدااا جدا
ضعي الخلطة على النار فترة قصيرة جدا حتى تكون دافئة فقط او مائلة للسخونة قليلا
ثم ضعيها على السواد في المناطق الحساسة وافركي جيدا برفق ودون الم



ملحوظة :
يمكنك وضعها في منطقة مابين الفخذين اي المنطقة الحساسة او حتى تحت الثدي وهي لا تسبب اي اذى ويمكنك استخداماها حتى لو كنت حاملا او ترضعي


الشعر:
1- كل يومين استخدم زيت لشعري اي نوع انتي متعوده عليه
2- قبل الشاور بساعتين اخلط عصير نص ليمونه وروب وماينيز
واحطه على شعري
3- حنا اذا كنتي تستخدمينها مره بالاسبوع

.......................................................................................
اخيرا تجهيزي لطلعت الاربعين
اشتري كفر جديد واغير نظام غرفتي والتسريحه والالوان
واجهز ملابس جديد ودراريع وعبي وملافع وجناط وصنادل
وعطور وبخور واكسواريز وكل شئ ناقصني
قمصان نوم وشغلات اغراء والاهم تكون جديده عليج مو مجربتها
اروح الصالون اسوي حمام مغربي وبدكير ومنيكير وصبغ وقص شعر
وكل شئ بخاطري لاني اكون طالعه من 40 يوم لا كشخه ولا مكياج
ونفسيه وعووو لازم التغير لج انتي عشان نفسيتج تتغير

وبنفس اليوم كانو اهل زوجي مسوين لي استقبال فرحت حنان دشتي سويت ميك اب
وشعري رحت لبست وكشخت وتعطرت وتبخرت صرت نيو عروس

طبعا نسيت البيبي
انا جهزت له كل شئ جديد غير لبسه النفاس
وكان توه هبة البشت طلبته من تاجره بالسعوديه
كان مو موجود بالكويت

وبس سلامتكم
ان شاءالله يكون نظامي فادتكم :yaaaaaarb:

 

[دياري قلب زوجي]

بنات بليز ابي دعواتكم لزوجي الله يبعد عنه عيال الحرام

لاني جد والله تعبت عالمشاركه

 

[شوارفسكيه حمره]

خلاص انا بشارك معاكم


انا الحين باليوم 14 بالنفاس
سوري ما لحقت اصور بس انشاءالله من باجر ببدى تصوير
اول 14 يوم
الصبح : اللهوم ويا قلاص ماي دافي
الريوق : حليب ويا حلبه + كورن فليكس او 5 تمرات بالسمسم
الضحى اذا يعت كنت اكل بسكوت دايجزتف او حبه فاكهه واكثر شي كنت اكله العنب
وكنت اشرب مغات بصورلكم اياه انشاءالله يدتي يايبتلي اياه من مصر

الغدى : كنت اكل ديايه مسلووقه ويا خضار سوتيه اوو كنت اطلب من صابواي صمون اسمر ويا ترياكي وخضراوات
وكنت واشرب شوربه خضار لي الحين تقريبا يوميا اشربها
وعقب الغدا اكل حبتي برقن بلانت (فيتامين )


بين العشىىى والغدى حسووو بس مو وايد لانه يمتن

العشىى : بيضتييين او شويه قبوط ومرااات ريلي اييبلي بليل وياااه واهو راد من الدوام سلطه سيزر من ماك
قبل النووم لهوووم ويا مااااي


طبعا المضاد الحيوي اموكسيل كنت اخذه كل 8 ساعات
ومضاد البكتيريا والفطريات كل 8 ساعات

وعلى الجرح احط مطهر جروح بيتادين وفوقه كريم


اليوم
الصبح لهووم ويا ماي دافي
كورن فليكس ويا حليب

الضحى قلاص ماي دافي ويا 5 تمرات

والغداا : كفته بالفرن ويا فجل وشوربه خضار وروب

المغرب انشاءالله باكل تفااحه لاني حدي مشتهيه تفاح وباكل مغات وبصورلكم اياه اليوم انشاءالله

العشىىى : بقول حق ريلي اييبلي سلطه من مااك
وبليل قبل لا اناام انشاءالله باخذ لهووم ويا ماي

وانشاءالله اليوم امي راح تشتريلي بخور الولاده مادري شسمه عشان اتبخر فيه
وكل يوم قاعده اربط بطني ويبت صابونه اسمها (سوفت) تضعف وتشد الجسم
بطني شد الحمدالله
وعندي مطاره فيها زنجبيل ودارسين ويانسون على حسب كل يووم اشرب يا مره يا مرتين يا ثلاث على حسب المزاج لانه طعمه مو حلوو

وزني كان قبل الولاده بيوم 86 واليوم قست وزني 73.200
انشاءالله اظل ملتزمه ابي ارد مثل قبل

 

[شوارفسكيه حمره]

اي على الشعر انا باجر انشاءالله بتييلي وحده اسمها معصومه تصبغ بالبيت راح اصبغه اشقر انشاءالله والخميس موعدي مال الكيراتين بسوي كيراتين مركزز

-------------------

الجسم يبت صابونه صينيه تضعف وتشد اسمها (سوفت ) وقاعده ابرط بطني بغتره وعقبها حزام يايبته من سنتر بوينت لونه وردي مو صج

-----------------

وجسمي قاعده ادهنه بزيت لوز مر وليمونه بقشرها (اطقها بالخلاط) ويا زيت ليمون

------------------

والخياط قاعده اغسل بمره وطلبت من ريلي غسول مال الخياط بالصيدليه رفيجتي مدحتلي اياه اذا يابلي اياه اكتبلكم اسمه

------------------
وبسوي برنامج فاس كامل بالصالون انشاءالله اخر ايام بالنفاس ماقدر الحين لاني باليوم 14 امي تقول تو الناس نطري شوي لانه جسمج الحين ما يتحمل الحمام المغربي وهالسوالف لاني لمن ولدت يتني حراااره لانه الماي نزل مني قبل لا انفتح وعطوني طلق صناعي خذيت برد كنت اتنافض وانا اولد بس الحمدالله عدت على خير

 

[Roty]

مشالله عليكم خلاص انا بشجع ماعندي وقت اصور حتا ماعرف انزل صور ولا الله يعافيها امي مابقا شي ماطبخته لي الله يحفظها

 

[الــــغاليـــه]

مشالله عليكم خلاص انا بشجع ماعندي وقت اصور حتا ماعرف انزل صور ولا الله يعافيها امي مابقا شي ماطبخته لي الله يحفظها

هلا وغلا حياتي شخبارج طمنيني عنج ,ترى بدزلج رسايل عالخاص بس مايستقبل لان صندوقج مليان ,احذفي من الرسايل حبوبه وبشريني عن البيبيه شخبارها,يالله ناطرين مشاركاتج:eh_s(7):

 

[ام طلال]

roty
الصور تحملينها من مركز تحميل صور كويتيات
المشاركه لازم بصور بلييز

 

[الــــغاليـــه]

اليوم تكمله لباجي موضوعي نسيت احطلكم صورت سرير العروس>>المزيونه بنتي

وهذي بعض الاكلات

عشا
حمست دجاج مع خضار وحبه سوده وكمون وادويات...الخ

لذيــــــــــــــــــــــــــــذه:rerrerek:

وهذي بعد شوربه دجاج وخضار هم يمي يمي:ggdw:

كلوب ساندوش وطبعا هذول على ايام متفرقه

​

 

[الــــغاليـــه]

ساندويش مسحب دجاج بالفرن صج صج يمي:rerrerek: الطريقه من المنتدى

هذا امس عشاي يميييي
بيض وحمسه بطاط وبزاليا(كيما)وجباتي شغل البيت وطبعا مايبيله الجباتي مع قلاص الجبن >>>تحطيــــــــــــــــــــــم:ggdw:

و زوووووووووم

وهني هجوووووووم:krkrkr:

دجاجه مشويه بالفرن محشيه هم سوالف واعشاب:rerrerek:

وهذي الادويات اللي قالتلي الدكتوره استمر عليها عقب الولاده وللحيني مستمره عليها

وغدا لنا لقاء مع يومياتي والنفاس:eh_s(7):​

 

[shimo]

ماشاء الله تبارك الرحمن

برنامجكم يهبل

بالتوفيق ان شاء الله .وبأذن الله بنزل لكم صور الهدايا وان شاء الله تتشجعوا اكتر واكتر

كملوا بنات متابعينكم