مسابقة الصيف الكبرى ▓███► ترقبونا رشيقات ▓███►تم الاقفال وترقبوا النتيجة بعد ايام

[كتكوته فسفوريه]

بنات انا مخبصه بالرجيم واعتقد نزلت 3 كيلوات وجنه ردو اليوم بقيس وزني وبقول لكم

من ملل العطله طايحتله بلع

 

[كتكوته فسفوريه]

نزلت من اول العطله مو الحين هههههههههه

 

[GAP]

فارسه... الله يديم افراحكم يا رب وتروحين وتردين بالسلامه

دان ... ايي انا مشتركه بس بوجبه الغدا خوش عرض.. الطبق الرئيسي مع الحلو والسلطه ب3... يعني بالاسبوع 15 ... انا اشتركت هالاسبوع وجني بجدد احسن من التخربط

كتكوته... ان شاء الله مو رادتهم كلهم .. والتزمي وبطلي تخربط... حرام تضيعين هالتعب

غندوره وينج؟؟... غاطه هالفتره.... وشلون الفراشه من زمان ما شاركت معانا؟؟

قهوه وينج؟؟

باجي البنات شلونكم وشخباركم؟؟؟


انا اليوم قاعده من النوم ميته من اليوع الله يستر وما اخربط.... تريقت نص موزه وقلاص ماي وبعدي شوي بشرب اعشاب عن التخربط




توته... تروحين وتردين بالسلامه يا عزيزتي

 

[الغنادير]

صبحكم الله بالخير

هلا قاب حبيبتي معاي اكتئاب سن اليأس خخخخخخخخ

شخباركم بنات وشلوون نظامكم

ومبرووووك لكل اللي نزلوا:eh_s(9):

والفال حق الباقي :eh_s(13): اللي مانزلوا ​

 

[لوكريسيا]

هلا هلا هلا بناااااااااااااااااااااااااااااااااااااات .. مبروك حق البنات اللي نزلوا و هارد لك حق البنات اللي مثلي زايدين

يعطيج العافية الرسامة بس ترا انا زايدة 1,100 مو ناقصة

 

[GAP]

يا هلا وغلا بغندوره... شلونج.. ياي لو انا منج جان رحت الطبيب وفكيت عمري بدال هالاكتئاب اسم الله عليج... والله يبارك فيج الفال لج ولعيالج وعيال الفريج خخخ>>>> فصلت الحمدالله والشكر كله من هالشاي اللي يشربوني منه عقب المساج ههههههه

 

[الغنادير]

لوكريسيا

هلا وغلا شخبارج وشمسويه

GAP

اليوم موعدي العصر وبعد الاربعاء عندي موعد والله يستر ​

 

[GAP]

يالله الحمدالله .. جذي على الاقل ترتاحين
وما عليج الا العافيه

 

[@ الرسامة @]

مشكورين حبايبي وهذا واجبي


عموما انا عدلت نتيجة بعض البنات وصلحت جم نتيجة بعد

لوكريسيا عدلت نتيجتج

الحمدلله انا بادية انزل الوزن اللي اكتسبته وباذن الله اصمد لي نهاية هالاسبوع

 

[GAP]

الحمدالله وان شاء الله الوزن يصير في نزول مستمر ويشبص عند الوزن المثالي

 

[MY_HART]

للحين متماسكه وما انهرت ====عندها عمليه هههههه







وسأوافيكم بالتفاصيل غدا انشالله

 

[dan]

اهلا بنات شخباركم

جاب وين صور غداج >>> شكلج الاكل حلو ما عطاج فرصه تصورينه بالعاااااااافيه

وسعرهم وايد حلو ممكن اسمهم و رقمهم

توته تروحين و تردين بالسلامه حبيبتي و السفر دايما مشي انشالله تقطين جم كيلو وتردين رشيقه

my-hart حياج الله حبيبتي و بشرينا بنتايجج كل يمعه

كتكوته شخبار الوظيفه ؟؟ رجعي ارادتج و انشالله بتنزلين كل الي صعدتيه

 

[GAP]

هلا قلبي الصور صورتهم بس مو راضي يشتغل البلوتوث مو قادره ادزه باجر بحاول مره اخرى

وااااي سكتي اليوم خربطت تخربط ماله اول ولا تالي كلشي يطري على البال حليب وموز>>> معني ما احبه بس شربت قلاص اكبر من راسي و متاي وككاو وشوربه اندومي اللي بالطاسه ...استغفر الله ..قهر والله ..ما ادري لي متى اطلع حرتي بالاكل متى الله يرزقني بلسان ادافع فيه عن نفسي.. واللي يقهر بزود اليوم لا مساج ولا رياضه يعني خمبقه على الاصووول
استغفر الله ربي ..استغفر الله

 

[سمسميه]

اشلونكم بنات؟:eh_s(8):
الرسامه
عساج على القوه مشكوره على المتابعه:eh_s(17):
غندوره
بشري اشصار عليج؟
لوكريسيا
اخاف موعد دورج؟علشان زيادة الوزن؟
جاب
وين صور الغدا؟؟؟

بنات توني يايه من موعدي مع الدكتور اخر مره رحت له 23-6 يعني لي اليوم شهر بالضبط ناقصه كيلو واحد بس!

ويلبت لكم منه معلومه مهمه خصوصا لج يا لوكريسيا
قهوة ديانا سلفيت تساعد على زيادة الوزن
واحنا طايحين فيها على ابو تسد الشهيه:eh_s(14):

وباقيلي للوصول للهدف الاول 7 كيلو (حتى الهدف الاول ما وصلته!)

 

[الغنادير]

مساكم الله بالخير

راحت علي نوومه عقب الدوام وقعدت متأخره وراح علي الموعد خخخخخخخخخخ

بس اشوه ان موعدي يوم الاربعاء الضحى :eh_s(14):​

 

[ماريمار]

بنات شخباركم

غندوره فيه اشاعه يقولون انج حامل هههههههههههههههههههههههه اتشغمر ها بشري مانزلت؟؟؟

قهوه عربيه شلون النادي والمساج وبنتججججججج اللي وياج بالنادي واللي بالمنصوريه بالسباحه شمسويه بالرجيم؟

جااااب بدعتييييييييي انتيييييييييي سكتي انا ماشفتيني شسويت امس بالمرينا بدعت الله يسامحني والله

سمسميه وااااااااااي على نكج اينن اموت بالسمسميه وميخالف شدي حيلج وتركي عنج القهوه وشربي عصاير طبيعيه او فاكهه او سلطه احسن لج

باجي البنات وينهم ككاوه سايحه وونه وكويتيه اصيله وباجي البنات؟؟ فاقدتكم وينكم عسا ماشر ان شاء الله

 

[ماريمار]

انا اممممممممممممممممس يدعت والله كنت خوش وحده بس مادري شفيني

تصوروا ريوقي كان حلوم صاج وعصير برتقال فررررررررررررش

غداي 2 هومبرغر دياي مشوي + سلطه فيها خيار وفلفل اخضر فقط ويا ليمون بدون زيت او ملح

وبعدها سويت مساج التخسيس وغداي كان الساعه 3 وربع

ولمه الساعه 7ونص انا شبعانه وكنت ناويه انام مبجر


جان اروح ويا امي وخواتي المريناااااااااااااااااااا

طلبت من هذا المطعم مال الباستا مادري شسمه كلبت باستا اللي ويا كريما ومشروم ودياي واختي من فتوش عيش ودياي شي فيه فلفل وشي بدون فلفل وريد فانتا=شاني

امبيييييييييييييييه بدعت بالاكل تالي تمخطرت واتمشا لمه باسكن روبنز واخذ كره وحده واحنا طالعين ولا هذا محل البرد اليديد اللي من لندن اللي لونه بنفسجي بحط لكم صورته بوريكم شلون مبدعه بهذي الفلبينيه اللي تبيع

واي خذي برد على نوتيلاااااااااااا تصوروا برد وعلى نوتيلا اينن وذايب وحطته لي ببسكوت مو بقوطي وكليت البسكوت كله لو حاطته بقوطي شكلي باكل القوطي الحمدلله والشكر استخفيت وبدعت

تصوروا اول مره احط راسي على الفراش واحاسب روحي من ناحية الاكل

كله اقول علي بالعافيه وباجر اعوض بس هالمره قلت امبيه يعني انا اشد حيلي وامشي وقاطه فلوسي ع المساج واخر شي اخربط ليش؟؟؟

شفيهم اللي يلتزمون شنو احسن مني فيه؟؟ عندي قدره تحمل بس ليش اخربط مالقيت له سبب

وتحياتي لكم

دام اني خربطت وباجر موعدي ويا ميري

قلت لازم ريوقي اناناس عشان يمشي بطني:\ وغداي 2 هومبرغر +سلطه او شوربه دياي+ سلطه وبنام مبججججججججججججر ومابي اطلع

ها شرايكم بقصة حياتي

عسا مافي بدليه مالي خلق اجيك

 

[الغنادير]

صبحج الله بالخير

ماريمار :eh_s(13):
مادري شفيني يوم الاربعاء موعدي الله يستر ​

 

[ماريمار]

صبحج الله بالنور والسرور

الغنادير لا تحلتين مافي الا كل خير يارب

ولاتحاتين

 

[GAP]

صباح الخير

الغدا مصورته والله بس ما ادري شفيه احاول ادزه بالبلوتوث حق لابتوبي وما يندز
اليوم يبت موبايل اختي اجكجك فيه


اليوم لازم اخفف علشان البدايع اللي امس اكلتها تخف... لا وبعد ما سكتره باخر اليل قعدت اكل عيش ومرق... يعني لو اهد علي ار بي جي مو ابرك لي

الله كريم والحمدالله على كل حال

غندوره .. يالله ان شاء الله ما نسمع منج الا الاخبار الطيبه
سمسومه... حسافه .. ما عليه .. الحين عرفتي غيري نظامج وان شاء الله تنزلين كل الوزن الحايره فيه
ماريمار... لوووووووووووووول يعني مو بروحي المخبصه... وانا اقرا مشاركتج ابوله بريجي ... وين مكانه هذا مال بو لندن بطمش عليه بس >>> اي ما ادري اقص على منو ههههه
انا وياج بنسمي روحنا الجروب المبدع هههههه