مربى فراولة هوم ميد حده سهل

[رفرف]

سلام بنات

اليوم من الفراغة سويت مربى فراولة ....
بس مانزلت الصورة لأن صورته مثل الجاهز ولونه عنابي غامج فما طلعت الصورة عدلة ...

المهم ...
المقادير سهلة الوطريقة اسهل والطعم لذيذ طبعا ....

المقادير :
كيلو فراولة (انا استخدمت فراولة مثلجة)
كيلو سكر عادي
قفشتين عصير ليمون


الطريقة :
تحطون الفراولة على نار متوسطة وتحوسووونه لين تعوركم جتوفكم يعني لين تحسونه ذاب 60% وقام يتقطع ويصير خيوط ...
تضيفون الشكر فوقه وهم تحوسوووونه لين يغلي ويثقل وترى يبيله وقت ولي قرب يخلص اتضيفون عصير الليمون ...
وتصبونه بالغرشة اللي تبونها بس صبوه شوي شوي بالقفشة علشان ماتنكسر الغرشة بيكون حاااار ...
وعليكم بألف عافية ....
انا سويته اليوم وكليت منه عالعشا انا وبنتي لذيذ ....

 

[under shadow]

مشاركة: مربى فراولة هوم ميد حده سهل

الله شكله بيكون حلو

بس لواخليه يبرد وبعدين اصبه بالغرشه مو احسن

 

[رفرف]

مشاركة: مربى فراولة هوم ميد حده سهل

لوليتا ...

اخاف ايبس من فوق ويصير مو حلو ... تغطينه وهو حار احسن

 

[under shadow]

مشاركة: مربى فراولة هوم ميد حده سهل

خلاص شورج وهدايه الله

مشكوووووووووووووره ياعمري

 

[زيـنـه]

مشاركة: مربى فراولة هوم ميد حده سهل

بس اللي اعرفه لما تغلي الفراوله لازم نشيل الرغوه عشان يطلع المربى صافي .. و بعدين نحط الليمون لما خلاص ما نشوف الرغوه .. و الليمون عشان يتماسك المربى .. وهذه عن تجربتي ..و استعمل فراوله فريش لما يكون موسمها .

 

[مطفوقه^ملقوفه]

مشاركة: مربى فراولة هوم ميد حده سهل

تسلم ايدج حبيبتي
قالتلي الخميس نفوش أنج مسويه مربى فراوله ماذقتها حسافه
طرشيلي أطرشلج ورق عنب

 

[^^دموع الكويت^^]

مشاركة: مربى فراولة هوم ميد حده سهل

 

[رفرف]

مشاركة: مربى فراولة هوم ميد حده سهل

حياكم الله بنات ...

زينه كلامج صح ومشكورة على التذكير انا ماشلت الرغوة وطلع شوي يابس بس الطعم حلو يهبل عاد لما سألت بنت خالتي اللي معطتني الطريقة قالت لازم اتشيلينها اول ...

 

[xxx]

مشاركة: مربى فراولة هوم ميد حده سهل

تسلم ايدج رفرف

 

[نفيشه]

مشاركة: مربى فراولة هوم ميد حده سهل

اي صج اينن ترى خطيرررررر

 

[جارة القمر]

مشاركة: مربى فراولة هوم ميد حده سهل

رفرف

ماشاء الله عليج

تسلم الأيادي

وتبارك الله

 

[رفرف]

مشاركة: مربى فراولة هوم ميد حده سهل

حياكم الله بنات

نفيشه عليكم بالعافية انتي واليهال

 

[BlUe SkY GuRl]

مشاركة: مربى فراولة هوم ميد حده سهل

تسلم ايدينج مشككككككككككككككككككوره

 

[jolie_q8]

تسلم ايدج ... ادر يالموضوع قديم

بس ابي الطريقه بالتفصيل

يعني تحطين ماي ؟ والا لأ

انقذيني

 

[ام مارية]

تسلم ايدج رفرف مشكووووره
الله يعطيج العاااافيه

 

[رفرف]

جولي لا ماتضيفين ماي ...
اهوه الفراولة لي ذاب بيزل مايه

 

[اميرة السلام]

مشكورة على الطريقة الحلو

ويعطيج العافية

 

[حنـــــان]

 

[مادهورى]

بنات ينفع اسوى مربى بدون سكر؟؟؟
يا ليت تفيدونى

 

[ضحكة الدنيا]

تسلم ايدج حبيبتى رفرف ويعطيج العافيه