محتاجه لكم حيل محد بيحس فيني بس امكن تهونون علي افكر اخطب لريلي

[غداً القاك]

شغل البيت والطلابات لها حل ان شاء الله سواء جيبي شركة تنظيف ولا خدامة نص دوام
الاكل من اللي يبيعون من البيوت ولا حواضر ولا اشتركوا اثنينكم بشركات التغذية مالت دايت سنتر وغيره بس انت بدون تنحيف طبعا اكل صحي وبس

ترى كلها كم شهر وتنقضي بأذن الله , عشان كم شهر تخربين حياتج كلها و انت تحملين وتتعبين وهو يتعب معاج عادي ولدكم اثنينكم وبالعكس هالوقت يقربكم من بعض اكثر واكثر وبتقوى علاقتكم لا تخربينها

اذا على صفقاته مع رفيجة ياشيخة احمدي ربج طلع معدنه وقت الشدايد و لا رفيجه اكيد زوجج علمه عن حالتج و دامه ماعذرة وقت الشدة وش فايدته

قولي الحمد الله و الله يثبت مافيه بطنج ويرزقج اياه سليما تام الخلقه و يرزقكم بره

معها كفت ووفت
والحياه يصير فيها مشاكل ونمر بظروف صعبه بس لازم نتحمل ونصبر
الله يقومك بالسلامه يارب :eh_s(7):

 

[جعلي فدوه لبوي]

اقول اهو شريك حياتك بشده مو بس برخا وكل الي يسويه عادي بحالتج وانشالله شده وبتزول وتعوضينه باجر يتزوج ويصد عنج ولايدري عن هوا دارج ولاتقولين هلحجي قدامه وتكبرين الفكره براسه خاصه انج مالج غيره واهلج عايفينج

 

[مجنونه هواهـ]

مشكورين حبايبي على ردودكم والله انها زالت علي وايد من زمان محد واسني مثلكم

 

[بطوووطة$بيضة]

انا في شي يبط جبدي بالمتزوجات كله يسوون روحهم المضحيات واهيا لازم اتضحي وريلها قاعدلي جنه سي السيد....اشفيها اذا ريلج قام فيج عيب ولا حرام ولابس ماخذج وناسه ولعب وين على قولتج الحب يالله خل يتحمل شنو اتزوجينه وحدة ثانيه يعني طالعه فيها وكاسر خاطرج ياسلام ...والله حريتيني هذي اول مشكله ابحياتكم وابهالطريقه بتحلينها ؟؟؟؟؟؟

 

[mrs.abk]

حبوبة هي 3 شهور وبتنتهي القصة .. لا تعكرين حياتج بسبب هالاحساس بالذنب

 

[Tom ♥ Jerry]

.


حبيبتي لا تقولين له كل شي تزوج و تزوج !
ترا صدقيني باجر صج يسويها اذا اليوم يقول لا انتي حبيبتي
باجر يخليج و يهدج و يتزوج عليج !

خصوصا انه اهله ضدج بعد يعني يمكن يقول حق امه
و شوفي التشجيع الي رآح اييله عآد .،

_______________


ترا هاذي كلها هرمونات الحمل مأثره عليج لا أكثر ولا اقل :/
يعني صدقيني لو مو حآمل و لو نفسيتج حلوة
جآن مآ فكرتي تقولين حق ريلج هالكلآم !


/


انا مآ فهمت شنو مشكله حملج بالضبط !
يعني انتي بكل الحمل يصير فيج جذي و لا بس هالحمله !
اذا بس هالحمله انا اقول امشي على راي الاطباء
لانه ان ما مشيتي على رايهم هالشي رآح ياثر عليج مو بس على البيبي

حبيبتي اقولج تجربتي الشخصيه !


انا تزوجت و توني عروس ما صار 3 اشهر الا و انا حآمل الكل طار من الفرحه
بس للآسف الجنين مآت في بطني من الشهر الـ سابع !
و هالشي اثر على نفسيتي ليوم هاذا تصيبني كأبه و حزن بقلبي و جنه شي كبير
نفس الحطبه بـ قلبي كل مآ آتذكر بنتي الي مآتت !
بس شسوي بعد حكمه ربج ، عسى ان تكرهو شيئا و هو خيرا لكم !
قالي شيخ / حكمه من رب العآلمين مآتدرين يمكن تولدين هالبنت يصير فيها اعاقه اسمله علينا وعليج
او تأذيج بـ نيتج صبري و آن الله مع الصابرين !

و فعلا صبرت و مرت 5 اشهر و حملت مره ثانيه و الحين عندي آحلى شهوده
الله يخليها لي و يحفظها يارب من كل شر !!
يعني الي الله كآتبه لج عيشيه حتى لو كآرهه انج تعيشين بهالوضع !
بس مآتدرين شنو الحكمه من رب العآلمين :***


و بالنسبه حق علاقتج بـ ريلج ، بعد مآ تسوين بلي يوصونج فيه الاطباء
و تقومين بالسلامه خلاص انسي كل الي مريتي فيه
و فتحي مع ريلج صفحه يديده !
آدري صعب > لاني عشت هالتجربه مستحيل انسا ظناي الي رآحت !
بس اهيه الحياه جذي صعبه شوي .!
عيشيها ولا تدفنين نفسج فيها ياقلبي !!

 

[Tom ♥ Jerry]

.



-ينقل للحياه الزوجيه-

 

[مجنونه هواهـ]

مشكوره حبيبتي ولي شرف كبير

 

[2ℓ5ĵǿℓђ]

يااارب تقومين بالسلامه ،
و دام الجنين فيه خطر عليج إستخيري و نزليه ..
ثانيا ... فكرة تزويج ريلج من أخرى خاطئه ،
قاعده تزرعين بعقل ريلج أفكار يمكن مافكر فيها ولا يت على باله ،
ما عليه ريحي نفسج ، و أهلج حاولي تتصالحين وياهم بأي طريقه
رغم إنه هالإشاعه أحسها كبيره و هي فجوة الخلاف ..


ربي يسر أمورج و يطمن بـالج
و يرزقج باللي تتمنينه يـاارب

انآ معهآ ..

الله يقومك بسسلامة وان شاء الله تشوفينه بحضنك يااارب

 

[A_M_A]

ليش آنتي متشآئمة

شوفي حبيبتي خآلتي آخت آمي كآنت من آول شهر لي آخر شهر وآهي على آلسرير

مآتتحرك ونزيف معآهآ من آلشهر آلآول لي آلشهر آلتآسع

وجآبت آحلى ولد من عيآلهـآ قمر مآشآءآلله

وكآهو آلحين بآلجآمعة يدرس آلله يحفظه

وآلله وآلله وآلله لو آلله يبي آن آلي في بطنج يطلع على آلدنيآ رآآح يطلع غصبن عليج وعلى دكتورتج

ولو تنآقزين مني لي بآجر بس لو ربي مآيبيه يطلع رآح يطيح حتى لو آنج مآتحركتي

ترى كلنـآ جذي تعبنـآ حيييل وآلنفسيه آكس

لو مآفي وحدة تتعب بآلحمل ... عيل ليش آلرسول صلى آلله عليه وسلم قآل آلجنة تحت آقدآم آلآمهـآت

لآن آلآم تتحمل 3 كيلو في بطنهـآ لمدة 9 شهور تنآم معآه وتشيله وتمشي فيه ترى تعب تعب تعب

آنآ مآقدرت آكمل درآستي وآلسبب حملي في نآس آجسـآمهم ضعييفه عشآن جذي مآتتحمليين آلتعب

حبيبتي وكلي آمررج لربج آلي مآتنآم عيينه وقولي آنت آعلم بحآلي سآعدني وريحني

شوفي كل يوم حطي آيدج على بطنج وآقري آلمعوذآت ورقي نفسج ورقي آلي في بطنج

وصدقيني رآح تعدي وتنفررج آنتي تعبتي لآنج حآمل ومآتقدرين تتحركين ؟؟؟

شلون آلي فيهم سرطآن ؟؟ تحمدي ربج غيررج يدور آلحمآل

وترى آلنفسية تلعب دوور بآلحآمل آنتي مآعلييج آلآ من زوجج

آطلعي معآه آسهروآ على فيلم جديد وحلو

روحي مطعم غيري جوو حبيبتي عشآن تتغير نفسيتج

زين ليش مآتجيبين خدآمة تغسلج وتطبخ لج وتسآعدج

وعلى سآلفة آهلج وآهله مآعلييج قطي ورى ظهررج

وربج يفرجهـآ يآبنت آلحلآل

قولي


آلحمــــدلله على كـل حآل

..

 

[نشيج الروح]

الظروف والحمال يلعبون بالنفسية ولا تخطبين له وولا شي بس قولي له يصبر عليج لان الحامل تكون جذي وإن شاء الله تردين نفس اول وأحسن
وكثري دعاء واستغفار

 

[قمر الحفر]

الله يكون معاج حبيبتي ترا مافي بيت خالي من المشاكل الكل مزعوج بس امسكي القران سوره البقره كل يوم كل يوم وشوفي حياتج شلون الله يفرجهااااااااااااا ياقلبي اللهم اعيذ ما في رحمي بكلماتك التامه من كل شيطان وهامه ومن كل عين لامه
اللهم اسالك ان تحفظه وتجعله معافى كامل الخلقه دون زياده او نقصان
اللهم حسن خلقه وخلقه وسهل حمله ومخرجه واجعله قرة عين لي ولوالده واجعله من عبادك الصالحين
امين يا رب العالمين
مع المسح على البطن يوميا صباحا ومساءا

 

[قمر الحفر]

هذا دعاء لحفظ الجنين اللهم اعيذ ما في رحمي بكلماتك التامه من كل شيطان وهامه ومن كل عين لامه
اللهم اسالك ان تحفظه وتجعله معافى كامل الخلقه دون زياده او نقصان
اللهم حسن خلقه وخلقه وسهل حمله ومخرجه واجعله قرة عين لي ولوالده واجعله من عبادك الصالحين
امين يا رب العالمين
مع المسح على البطن يوميا صباحا ومساءا

 

[إم بــــرٍآك]

حبيبتي مآفيهآ شي اذا ريلج ساعدج كلنآ جذي كل وحده تتعب ريلهآ يساعدهآ مآفيها شي الله يعينكم بس
واذا على اهلج ان شاء الله مع الايام بتهدي الامور وانتي عليج بالاستغفار لان يفرج الهموم ولوزوجتي ريلج بتتصلح الامور ؟
بالعكس الا بتتعقد اكثر وانتي بتطلعين من المولد بلا حمص خلج جذي ارحم لج وله ولاتغربلينه مع حرمه ثآنيه وتزيدين مشاكلكم وهونيها وتهون ان شاء الله

 

[بنوته كيكه]

صلي عالنبي وتعوذي من ابليس هاذا وسواس وهم بسبة الظغوط انتي مو عارفه شتسوين
اولشي توكلي على الله وثقي ان اي شي ربج يكتبله لج هو خيره ..
سواء ظل اللي فبطنج او سقط ماراح تكون نهاية العالم لاتحاتين ولاتوسوسين وايد ادري مو بيدج بس الواحد مايوقف حياته على مرحله راح تعدي
الحين انتي بالشهر الرابع وباجيلج 5 شهور .. مافيها شي لو تعب ريلج 5 شهور وعقب بتعوضينه عن كل هاللحظات ..
مو معقوله اي وحده تحمل وتتعب تقوم تخطب حق زوجها .. اهم مو عيالج بروحج ..!!
اهو بعد يبيج تحملين ويبي عيال وهالشي تمرين فيه شي عادي يصير حق اي وحده تحمل وتتعب بالحمال
بالعكس مدامه مهتم فيج ومدلعج اتدلعي وشبعي دلع شفيها يعني ..؟؟
مدام الريال يحبج خليه يشيلج ويدلعج انتي اولى من غيرج كافي انج شايله عياله فبطنج وتنزفين ليل نهار وصحتج متدهور تستاهلين الدلع وتستاهلين يسويج يادهينه بالعكس استانسي بهالشي ولما تولدين وتقومين بالسلامه باذن الله لازم اتعوضين ريلج وتردينله الجميل ومثل ماشالج اتحطينه على راسج وماتقصرين فيه
وشيلي فكرت انه يتزوج من راسج كلهم 5 شهور .. يتعب فيهم وعقب بتولدين وبترد حياتكم طبيعيه من صجج بتخربين حياتج كلها وتحطين على راسج شريجه طول العمر عشان 5 شهور راح يعدون باذن الله والايام تركظ وفوق هاذا انتي حامل وشايلتله الظنى فبطنج ..

انتي كذا :eh_s(15)::eh_s(15)::eh_s(15):

اختي توج والايام والسنين الجايه تعوضينها له انشاءالله وعسا ربي يرزقج فيه الخير وتشوفين عيالج وبناتج

 

[مـزآج ــــية]

شيلي هالافكار من راسج

فترة و تعدي

 

[كويتيه شقرا]

هاي حبيبتي فكره زواجه شيليه من بالج ومصيرها هالمشكله بتنحل

 

[معزوفة عشق&]

الله يففرج همك و يسر لك امرك

 

[عسووولة زوجها]

ياقلبي انتي الحين مو قادره تشيلين نفسج شلون بتخطبين له ! خلي عنج هالافكار وانا ادري حاسه فيج لاني مريت تقريبا باللي مريتي فيه لما حملت تعبت حييل وماعندي احد يهتم فيني غير زوجي بعد عمري يهتم باكلي ويساعدني بكل شي تعب معاي لغاية ماولدت بالسلامه والحين الحمدلله عايشين حياتنا بسعاده مع قرة عينا البنوته الحلوه ونسينا الايام الصعبه اللي مرت علينا

حبيبتي كلها فتره وتعدي وشي طبيعي نفسيتج تتعب وتفكرين بالانفصال او انه يتزوج عليج او او او تمر عليج افكار سوداء وهذا كله من الحمل وتغير الهرمونات والحاله النفسيه وصدقيني بعد جم شهر بتقرين موضوعج وتضحكين على نفسج تقولين شلون انا فكرت جذي
والله يثبت حملج وتولدين وتقومين بالسلامه وطمنينا عنج

 

[Om_Ksha]

واااي بعد قلبي ,, كل واحد وهمه الله يعين ,,
بس انتي توج بعز شبااااااابج سبحان الله كله بأجره انشالله .. انتي علالالالالالالاطول اقري قرآن وادعي وصلي وتصدقي تقربي لرب العالمين اهووو احن من امج عليج واعلم بالحال وبيده كل الامور ,, وتعوذي من ابليس ومن هالافكار واحسني الظن بالله وحااااااااااولي تتحمليييييييين لا تبينين له ضعفج او لا تتحلطمين وتقوليله انت صبرت وانت وانت ترا الريال يمل !!


انا اول زواجي طحت طيحه وريلي بعد قلبي مااااااااااقصر وياني نفس شعووووووووووورج بالضبط وكنت كلا اقول انا مقصره انا واانا ليما حسيت الريال قام يمل ,, فصرت لو شنو الالم اللي فيني اسكتتتتتتتتتتتت واتحمل ,, وادعي مالي الا الدعاء .. مو بيدي شي !!
والحمدالله الحمدالله العوار اللي فيني طلع حمل وكنت نفسج حاطه ابالي انه بيصير اي شي وانه مايتم لانه كانت حالتي حاله من هبوط وغيره بس الحمدددددددددالله عدت الايام على خير وولدت بالسلامه وانشالله انتي بعد تولدين بالسلالالالالالالالامه بس حاولي تغيرين من نفسيتج مو زين عليج يأثر بالبيبي كل ماضاق خلقج مسكي القرآن وادعي وابجي والله يكون بعووونج .. ورقي نفسج حبيبتي